農米莊 (厚福街)

营业中

休息中

本身我都有食開呢間米線店，但主要係食雞湯米線為主，今日突然心血來潮….見到隔籬枱食酸菜魚米線！好不自然又想轉下＂等了大約8分鐘到碗米線就到，令我估唔到魚片數量居然有好多，個湯底都好濃😳原來魚片配米線又幾好食喎，我見原來以魚片湯為主嘅…. 仲有個芫荽皮蛋魚片湯米線，睇啲相個湯應該都幾正，魚片一樣，好似有咁多…. 啲皮蛋仲大大粒咁，但其實我係鐘意芫荽湯多啲，唔知點解見到隔籬枱食自己有又叫😂唯有下次先試埋個芫荽皮蛋魚片米線，芫荽皮蛋魚片湯，我都好鍾意飲😋

這間米線餐廳令我有d失望。我見Openrice評價不錯，所以去試食。雞肉係ok嘅，唔係cheap，不過有好多骨頭，仲要不停吐，有d麻煩。雞肉完全係凍的，湯都唔算熱。米線一上嘅時候已經係淋。米線完全唔入味，連湯食都好淡口。價格偏高，就咁計食物黎講似$30幾嘅水平。不過員工的服務態度好好。總括而言，我不太推薦呢間店。雖然他們在Openrice上的評價不錯，但我的個人體驗並不太好。希望這篇評論能對其他食客有所幫助。

係網上外賣平台見到呢間有優惠，友人食過都話唔錯，所以就試下佢🙈🙈。叫左個椰子雞湯麵線，椰子味幾香，個雞湯幾好味，我都忍唔住飲左好多啖🤤🤤。啲雞都幾鮮嫩，佢仲要比左啲髀嘅位置😍😍，可惜嘅地方係，佢本身嘅調味唔太入味。啲麵質幾好，麵下面仲有啲菜、豆卜、香菇，都算有啲蔬菜。

酸辣雞湯米線加腩肉 4/5 $60大碗多料，有冬菇、雲耳、腐皮、豆卜、酸菜，連小編我咁大食都食到arm arm好，湯底唔會好酸，靠酸菜既味道提酸，辣油幾香😙。雞件厚實入味，不過老，腩肉煎香過有脆邊既效果☺️。酸菜魚雞湯米線 4/5 $88魚塊厚重，大件抵食，如果湯底係用酸菜魚煲就仲正呀😜😜。燒豬頸肉 4.5/5 $28加多個小食超多塊豬頸肉，起碼10塊大大舊，性價比好抵呀😚。佢又燒得幾好食，加個酸辣汁好開胃。地點:呢間分店係尖沙咀厚福街地舖，附近多餐廳，但午市都相對多啲人幫襯喎。環境:茶餐廳環境，一般。價錢:平均60蚊一碗麵，但係鮮雞足料算可接受。服務:只收現金💰

今次嚟見到有龍蝦和米線都係我嘅至愛，即刻撲鎚叫咗個龍蝦雞湯米線， 龍蝦都算大隻，好多肉又有膏，啲肉好彈牙，唔會煮到好老，正啲雞都係好滑好似海南雞咁，係黃油雞又有雞味 個湯底好濃鬱又唔油膩好好Y整體唔錯又多配料，非常抵食 👍

而家朝早好多餐廳都未開，想食個早餐都唔容易，尖沙咀厚福街一向都多食市，但成條街得呢間小店開左有早餐食。早餐都算多選擇，我叫左個 F餐~ 頂級餐肉煎蛋麵+熱何華田，都只係$32,雖然味道一般，但都算抵食。

叫咗個椰子雞湯米線,椰子味幾香,不過雞香味就唔太重~龍蝦雞湯米線有成隻龍蝦喺入面,賣相超吸引!食落都唔錯,但湯底唔重龍蝦味,雞味比較出~米線份量都幾多,整體都唔錯嘅

今日見放假就約埋啲朋友，睇戲食飯…. 經過厚福街，見到呢間米線店’主打雞湯有椰子雞湯米線，藥膳雞湯米線，黒蒜雞湯米線，我就緊係揀咗芫茜皮蛋魚片湯米線啦，好耐冇飲過呢個湯，我啲朋友就揀咗椰子雞湯米線，同藥膳雞湯米線，椰子雞湯米線，呢個湯比較清甜啲，但又有好濃嘅雞湯味，藥膳雞湯就落到枱好香嘅藥材味，芫茜魚片皮蛋湯，但同我想像中嘅差唔多一樣咁好味😋魚片同皮蛋嘅份量都好多，一定夠飽！下次可以約埋屋企人一齊聚食多次…..😋

行完尖沙咀去咗厚福街搵嘢食～見佢雞湯底平平哋～好似幾吸引幾健康咁喎叫咗一碗自家製雞湯底米線～包一款$6-$8嘅餸～咁就試吓腩肉雞湯米線啦腩肉雞湯米線～有：一條生菜、一開二豆腐卜、一開二腐竹、兩粒冬菇、兩塊黑木耳、兩舊腩肉～腐竹未浸好～雖然有湯浸住中間都係硬嘅～腩肉煎得幾香口～食落又唔覺好肥膩～湯底有濃濃嘅雞味～不過食落好鹹有D嚇人～感覺雞湯底好多味精～食完要狂飲水實在太鹹～賣相又唔係特別好～應該冇下次

去尖沙咀做完嘢岩岩喺午餐時間惗住求其啲食，呢間有唔同湯底就試下叫左懷舊藥膳雞湯米線同尖椒皮蛋雞湯米線一來就見到好多芫荽🫢唔識芫荽嘅朋友，記得叫走芫荽味道上正正常常的一碗藥膳湯雞件唔會好鞋👍🏼👍🏼配菜都算足皮蛋就稍嫌不值😌$24 切返出來得2隻，味道同出面無甚分別睇到其他食評原本都冇咩期望，食左都唔係人地講得咁差午餐來講叫抵食～

我自己本身都算係呢度嘅熟客 有一日晏晝我同個friend睇完戲，我見佢鍾意食米線，就帶佢試下，之前成日食呢度啲咖喱牛腩飯質素都好好🤤，但係近呢一個月越嚟越差🥲 甘今日咪轉下口味食蔥油雞飯 點知吾試都冇乜嘢 一試就一肚火😡 成個飯好似油浸甘 啲蔥油好似雞汁開甘 鹹到根本食唔到😡 我個朋友叫個蕃茄蛋蕃茄蛋米線 啲湯都吾熱 隻蛋啲色就淺到嚇親人😰 都吾知係咪合成蛋？🤔我自己成日喺度食，都真係第一次見到咁嘅情況 ，我個朋友直頭話以後都唔會再過嚟食😩

尖沙咀厚福街地標級米線 呢間喺度開業好多年 旁邊其他店都換左好手 而佢繼續屹立不倒🤣 鍾意食米線嘅我 終於去試試佢哋.呢到主打多款口味雞湯 而且可以飲晒湯底做賣點呢次叫咗⭐️懷舊藥膳雞湯米線$59👌🏻先講講湯底 藥材味適中 唔會太苦 太甘👎🏻湯底調味比較清淡 所以米線唔太入味👌🏻亦都因為佢哋唔重口味 清清淡淡👌🏻的確反而可以飲多兩啖湯但就唔會覺得佢哋好好味 要飲晒嗰種表面有大量芫荽 仲有d紅棗 川弯 雲耳 冬菇🤨但係芫荽太多 食食吓芫荽味重過藥材味 變咗芫荽湯👎🏻米線比較霖 冇牙婆都食到👍🏻雞肉反而值得一讚 幾滑😈雞皮黃油比較肥凍飲加$9 .整體超級普通 試一次就夠😧麻辣雞湯更加普通 😧雞湯唔鮮 😧麻辣都唔夠香想飲雞湯 底想重口味食麻辣 佢都唔係一個好選擇如果高要求嘅朋友 可能會覺得呢間伏🤦🏻‍♀️.#hkfunfoodrecord窮遊香港#hkfunfoodrecord_尖沙咀.#農米莊 (厚福街) (尖沙咀)地址：尖沙咀厚福街2號地舖.⭐️評分：味道：2.5/5環境：3/5服務：2.5/5抵食：2.5/5 ...#飲食 #美食 #優惠 #抵食 #hk #food #foodphotogr

一進去餐廳 完全無人招呼 有兩個樓面男職員 有客進入，完全當睇唔到 仲要自己搵位坐！ 幫我落單個男職員 玩緊電話都算 叫拒落單 落完兩個米線 就即刻走 我心唸 都未落完單 就趕住走 咩態度黎？第二個男職員 好似一臉不屑咁 仲要坐我地附近 大聲咁喧嘩 我唔該你地可唔可以請番正常既侍應？ 真係黎一次唔想再黎 服務態度簡直係三流！ d嘢又唔係話特別好食 食左舊豆卜係酸既 都唔知點樣形容！ 麻煩貴公司應該跟進下 飲食業最根本的服務態度都無 簡直差得無得再差！

📌餐廳主打雞湯米線，有唔同款式嘅雞湯底可以揀，例如：黑蒜雞湯、椰子雞湯、麻辣雞湯、花膠雞湯等。🔺懷舊藥膳雞湯米線 ($59)雞只得4件，好細件之餘仲好鞋😓湯底雖然有杞子、紅棗、蟲草花，但係都好淡，食唔出有藥膳味😅配料有生菜、腐竹、豆卜、冬菇、雲耳，全部都無味，好似白烚咁😦米線煮得太耐，上到枱已經腍哂➡️ Lamlam脷指數 😋 (1/5)➡️ 整體評價: 餐感賣點係湯底都飲得哂嘅米線，但係食過就知真係做唔到。加上服務態度差，已經唔想再幫襯😐➡️ Encore指數 ⭐️ (1/5)

前兩日同班機友，喺尖沙咀打完機，就諗住喺附近搵間餐廳食嘢，入咗厚福街見到有間雞湯米線之前都想食好耐…咁咁啱見到就入去試吓啦，入到來做以為剩係得雞湯米線，原來佢哋都有酸菜魚米線，同埋我最鍾意嘅芫荽🌿皮蛋魚湯，仲可以配米線，我啲朋友就叫咗呢間鋪嘅主打椰子雞湯米線，同埋藥膳雞湯米線食，我就梗係試吓個芫荽皮蛋魚米線啦⋯⋯落咗單大約等10分鐘左右就有得食，碗米線令我最估唔到，魚片份量都唔少成個碗都係，仲要係無骨魚片，個湯嚫埋皮蛋簡直係一絕👍🏼，好似喺屋企飲芫荽皮蛋湯咁！呢個米線下次絕對可以返兜！😋