連文記冰室 (九龍灣)

营业中

休息中

同個fd食 lunch 好地地食完諗住坐一陣就走，點知個侍應過黎話有第二d客等緊叫我地走，我從未試過俾人錦樣叫走法，平時呢間野d侍應最多扮過黎收碟收杯施加下壓力，但今次直接講出聲叫我地走，真是無法接受，放心，本人唔會再幫襯，平時佢地大把位都叫人搭枱我覺得都仲可以忍下，但唔是下下要挑戰人地底線先，佢間餐廳隔離大把選擇，最少有三間鄰近餐廳都比佢地好，唔明點解做到錦。服務果欄評分如果唔是系統一定最小要俾一分我一定俾零分。至於食物質素方面已經有好多人評論過，自有公論，唔再評價

我幾十歲人 真係第一次見－個收銀阿姐咁差態度 已經見過好多人因為個收銀員 唔幫襯其實淨係同佢講拎外賣 唔使大大聲 又黑口黑面叫人出出面 真係好冇禮貌 感覺我係嚟俾佢出氣我唔入去你間鋪 你又點知我要拎外賣就算你真係有咁嘅需要出出面 其實都可以好有禮貌咁講 唔需要呼呼喝喝食物質素不斷下降 我公司好多同事都唔再幫襯 就算你係正我哋公司樓下 我哋都唔想出錢受氣個收銀阿姐可能係老闆娘 但都真係好少老闆娘咁樣趕客法真係大開眼界 希望收銀阿姐繼續態度惡劣 繼續趕客

大佬！外賣雞米線居然成執雞毛，當堂冇晒胃口，有冇咁離譜呀？！幫襯咗幾次，真係唔敢再食。平時用網上外賣平台落單攞得又唔出聲，而家仲要咁污糟，想食死人咩？真係太過份！

啱啱落單唔夠1分鐘就即刻上到有得食，叫咗個咖哩雞扒飯，咖哩冇咖哩味，薯仔洋蔥放好多，食嚟食去都係洋蔥，冇乜汁，雞扒細過手掌，咁就盛惠$53。多人幫襯我理解，但啱啱食完放低餐具就即刻收走碗碟好似想趕人走，服務、味道都好唔掂。

之前係荔枝角都食過連文記，覺得唔錯，知道公司附近有分店，梗係要去試下啦！依家分店比起荔枝角果間更加闊落同光猛👍🏻叫左竹笙雲吞雞米線，一上枱就見到有好多竹笙，正啊😍😍😍雲吞有兩粒，雖然唔係想像中咁大粒，但係味道都唔錯👍🏻至於主角呢，分量都幾多！有雞鎚 雞翼 雞尖，再有兩舊雞🐣 雞肉都唔會好鞋湯底好鮮甜，唔會覺得溝左水或者味精！唔會死鹹，飲曬成碗湯都唔會覺得好口渴👍🏻 六十幾蚊食到咁多料同咁好味嘅湯米線，的確唔錯，會再幫襯！

今日係長沙灣既連文紀叫左佢招牌花膠雞湯飯外賣，一打開好大陣酸臭味，湯入面有大量芫茜，完全成碗湯淨係得芫茜味，飲唔到花膠雞湯既味道，食左兩啖已經食唔落🤮🤮🤮唔會再食仲要賣到成$72，完全唔值。

轉左工到九龍灣做嘢, 之前係荔枝角返工已經多次幫襯, 估吾到嚟到返工附近都有一間😍同事差不多隔日去食, 推介花膠雞及胡椒豬肚雞米線, 原來花膠雞係限定每日數量不多, 去到已經沽清了, 咁就試食佢地厚冬菇雞米線, 冬菇好厚身炆得好入味, 雞比肉身好滑份量好足（女士可能食吾哂）食完又冇口渴感覺👍凍O茶正常略嫌小冰侍應招呼不錯, 效率超快, 由落單到埋單前後講左3, 4次多謝。見到對面枱客人漏低手提電話, 執枱同事見狀立即追到出門口給回客人😀埋單時見好多客叫自取外賣胡椒豬肚雞飯, 下次一定要嚟試吓😋

第一收錢冇耐性；我後面又冇人排隊。叫咗個胡椒豬肚米線 因為叫外賣湯分開上 所以先試咗湯先、個湯好鹹， 堂食一齊上 唔覺、隻雞冇味。胡椒豬肚湯根本就唔係咁 ；後加啲胡椒落去就當豬肚湯，真係唔值尼個價錢 ，真係比垃圾。

瑞士雞髀飯個雞髀有點小，肉質普通，有改善空間，反而瑞士雞翼滷水蛋飯不錯有三隻雞翼而且因為雞翼體積較小，所以鹵🉐️入味。個滷水蛋也不錯，夠入味，因為這個餐份量多，所以食得飽肚。凍檸茶不錯，少冰都夠凍，不過要加$4 太貴，一般茶餐廳也只加$2-$3。這間餐廳的可取之處是侍應唔錯，有禮貌，效率高，一入去便殷勤地招呼。然而，九龍灣那麼多茶餐廳，要吸引人再光顧，必須提高食物的品質，而且價錢亦應該合理。此外，見它的下午茶選擇也相對較少，沒有飯，相信加多些選擇會吸引更多顧客！

第一次泥到連文記，一直聽聞佢既雞湯米線樂正，一定要試下咁！所以就同朋友泥開呢頭試下佢個米線！我就叫左酸菜魚魚腩魚腐米線！好驚喜佢個湯底唔只係酸菜味，仲係好香濃既雞湯湯底！魚腩有3-4片 魚腐都有3-4舊！夠哂足料！配埋紅豆冰夏天真係一流！

竹笙雲吞雞米線❤️嚟左幾次因為係度上堂拎上去食員工有心機逐個介紹唔會嫌煩，D湯冇味精又唔口渴Btw, 有客俾錢跌咗＄，個cashier都追住執返俾客，路不拾遺要讚👍🏻

雖然【連文記】的招牌突出，但是【連文記】位於九龍灣常悦道的盡頭，從德福商場行去都要十多分鐘，因此每次想去食都卻步。今日放早，所以下定決心行去試下！ 【連文記】主打雞湯米線泡飯，不過下午茶餐裡面沒有主打的雞湯米線泡飯……都係放棄，揀了經濟的下午茶餐。 【咖哩牛腩撈公仔麵$39】咖哩牛腩及公仔麵分開上，客人按自己喜好加入咖哩汁在公仔麵上。咖喱不叫得香濃突出，但是牛腩軟腍入味，薯仔入味，只是少了牛筋。公仔麵的麵質軟硬度剛好，配合上咖喱的香味，味道惹味。咖哩質感洁身，咖哩汁掛麵效果佳，口感比較厚身，這是筆者喜歡的咖哩質感。公仔麵配塔不同材料、調味都出色好食。雖然公仔麵不健康，但勝在可以配上不同材料及調味，非常百搭。咖哩牛腩及公仔麵分開上，份量足夠拌勻整碗公仔麵有餘。凍奶茶……只飲到糖漿的甜……

第一次嚟食，幾光猛，有卡位坐，咁啱聽到有店員同d 熟客傾計話聽日就收爐，真係啱啱好試到😳😳自己叫咗碗招牌花膠雞米線 $69 朋友就叫咗碗竹笙雲吞雞米線 $60，自己係胡椒豬肚雞米線同招牌花膠雞米線糾結咗好耐，最後花膠雞贏咗🤪，兩碗米線都包一杯野飲。等咗一陣碗花膠雞米線就到，仲要係成隻雞髀🍗再加多兩舊雞，花膠就有兩舊，一大一細，另外跟d 菜，開頭以為係生菜，夾嚟睇下發現係娃娃菜，個人認為娃娃菜配個雞湯好正。朋友個碗係一隻雞全翼再加兩三舊雞，兩粒雲吞，兩三舊竹笙。兩碗d 雞都夠滑，唔會乾晒，雲吞係蝦肉雲吞，朋友話唔錯。花膠都幾好，都夠厚，唔好紙咁薄。個湯底幾正，忍唔住飲咗幾啖。同埋每張枱都會放一堆碟俾人放骨，呢方面覺得幾細心👍🏻最後講下杯野飲，叫咗熱朱古力，估唔到佢杯朱古力都幾好飲，夠濃，有d 驚喜

今次去咗九龍灣食間連文記冰室，一入到餐廳已經有職員帶位同介紹唔同種類嘅米線！知道天氣凍，特登俾咗兩杯熱水我，好少何有啲咁貼心嘅店員🥺食左花膠🐔米線同胡椒豬肚🐔湯米線，兩碗都有好濃郁嘅湯底，仲有原隻雞髀同雞翼上添，花膠大大隻如果再煮淋啲就好啦

今日第一次去呢個食，職員都好nice 主動介紹我食胡椒豬肚雞米缐，個湯底好味，雞同豬肚份量夠多！整體來講都唔錯！唯獨是lunch time 會比較擠迫，下次再試花膠雞.