連文記冰室 (九龍灣)

营业中

休息中

我叫左個外賣自取胡椒豬肚雞米線，個收銀態度極差，佢叫我「你行開」，我o左嘴🤷‍♂️，簡直係極品，想lunch time 去比人西下面不妨去試下😄下次一定唔會再幫親👍🏾

之前食過荔枝角覺得好食所以今日特登去九龍灣食，今日仲叫咗花膠雞米線，蔥油豬扒米線同埋奶茶再加杯紅豆冰。塊豬扒都幾Juicy,花膠亦都大塊,而且份量多所以都幾抵食!最緊要係佢冇味精而且食完又唔會口渴，另外啲職員同個收銀都好有禮貌服務都好，又會介紹吓食啲咩！值得再encore!😋😋

食物質素一般(*本人對食要求本身不高)；叫咖喱牛腩俾咗咖喱牛肉我。最深刻係一坐低被不斷催促落單、被趕著收拾碗碟、然後講到明話有好多客要我哋走(*吩咐口吻、好不禮貌地)一流的趕客服務👍🏻

今日去九龍灣aeon 諗住睇冷氣之前喺附近搵啲嘢食下 見到開咗呢間新嘅茶仔 啲食評又講到好開心九龍灣終於開咗新店 唔洗淨係去荔枝角先有機會食咁 所以就同朋友黎搵食啦叫咗呢度最出名嘅招牌花膠雞湯飯 同埋 胡椒豬肚雞米線 大家食完之後都真係好失望除咗隻雞髀係好大隻之外 個湯係完全冇味… 就好似普通嘅湯飯加隻雞髀落去咁🤦🏻‍♀️ 塊花膠得個大字 又係乜味都無...個胡椒豬肚雞好啲 因為本身胡椒酸菜都係濃味嘢 但係啲雞真係搞唔掂 成碗嘢得三舊 雖然每舊唔算細 但係斬到啲骨碎哂 係真正無heart果隻碎... 碎到入心呀! 🤦🏽‍♀️ 究竟係點做到... 衰過我斬 跟住啲雞係唔熟嘅 跟住雞翼位啲雞毛多到liu喉嚨... 呢間嘢咩玩法 希望係因為假期 所以廚房放左假先咁啦...

因為公司同事都對連文記有好高評價 所以我哋都去嗌個外賣試下 結果又真係唔差喎 可以encore！我就食咗個農夫蕃茄鮮牛肉米線 啲牛幾好食好入味！ 蕃茄湯底又好好味 好鮮甜 平時唔太鍾意飲湯嘅我最後成個湯都飲晒 好滿足另外2個同事都食咗胡椒豬肚豬米線 評價都唔錯 佢哋覺得雞幾滑 份量好多 又有大大隻雞脾！但仍然唔係食過最好食嘅雞 胡椒豬肚好食 好足料 但略嫌湯底胡椒香太重 雖然平衡到香料同肉味 但有少少蓋過咗米線嘅味道 而米線雖然好貼心剪碎咗 但反而令人食得唔係咁方便

因為公司喺附近 所以連文記都係其中一間經常會去幫襯嘅餐廳食過幾次佢嘅米線 所以今次轉下口味 試下佢啲飯本身我好鍾意食雞脾 於是就叫咗個瑞士雞脾飯 對面同事叫咗碗竹笙鮮什菌米線 好搞笑 上次2點幾去食 話米線冇晒 要轉泡飯 今次就又話冇晒米線 不過就可以轉米粉 但冇事先講明 搞到同事滿心歡喜想食飯 點知嚟咗米線 哈哈！我碗雞脾飯一嚟 差啲以為嚟錯咗 皆因啲雞脾切咗件 等我仲幻想可以食隻雞脾食 搞到有少少失望 雖然咁樣食係方便好多啲雞脾都幾入味 但個份量就唔係話好多 我都係啱啱好夠飽 男仔食就可能差少少啦對面同事就嫌竹笙鮮什菌米線太過清淡 話唔啱佢口味 下次唔會再揀呢個 都係蕃茄湯底好味好多咁話

有朋友大力推介呢間餐廳 話好好食 稱得上平民米之連 所以今日就去試下啦！朋友叫咗胡椒豬肚雞米線 話湯底好入味 食到最後仲飲晒成碗湯 佢仲話自己平時唔多食雞 但都覺得隻雞幾嫩滑 畀咗相當高嘅評價！我唔係好食辣同內臟 所以叫咗竹笙雲吞雞泡飯 湯底清淡得嚟又夠味 本身唔鍾意飲湯嘅我都想飲多幾啖～餸嘅份量都好多 有好多芫茜 雞就有5、6嚿 有大大隻雞脾好開心 最後食到好飽！但除咗雞脾之外其他部位都唔算好嫩滑 而雲吞就得2隻 唔多夠喉 所以希望可以調整一下兩者嘅比例就好啦～

今日黎到宏光道既連文記冰室，本身諗住要等位 好彩唔使10分鐘就有位入👍🏻餐廳午餐由11點已經供應，有推介既蔥油豬扒、咖哩牛腩、雙花米線等等，選擇都幾多，價錢合理.🍛台式肉燥滷蛋飯 $49飯粒比較硬身，肉燥都偏鹹同油，就算撈飯食都仲覺得鹹。唯一抵讚既係飲燥份量有好多，每一啖都食到滿滿肉燥，而且比左成3隻滷蛋，味道正常另外仲加咗7蚊試杯特飲綠椰冰，因為太好味，飲完先醒起未影相，綠豆冰加椰奶超好飲，係炎熱天氣飲返杯都真係透心涼

呢間連文記冰室成日都好多人排隊，唔少朋友都激讚佢地既湯底非常正，推薦一試。不過話時話雖然間野係叫冰室，但出名賣既係雞湯米線都幾搞笑🤣 睇菜牌都好多選擇，左邊係飯餐，右邊係湯粉餐，背面仲有常餐早餐等等🍱 🍲竹笙雲吞雞米線 $60落單後好快脆就上檯，廚房落料好重手，樣樣都有3件以上，有件仲要係成隻雞全翼，不過脱毛得唔夠徹底，間唔中都見到1,2條黑色，幾影響觀感。雲吞都幾大粒，皮薄而滑，但係餡料唔係好夠味。雞湯底味道一流，雞湯鮮味好濃，飲落有滋潤感覺。

連文記冰室 - 應該要嗌番米線😭連文記嘅胡椒豬肚雞米線好出名，但我今日偏偏說嗌咗個麻麻地台式肉燥豬扒飯 $51😭飯盒嘅size偏細，而且豬扒都好薄好細，肉燥味道都ok，不過偏油。味道😋：6/10價錢💰：7/10服務💁🏻‍♂️：7/10環境🪑：7/10

其實一直都收藏左荔枝角連文記諗住去開果頭就會即刻去試奈何荔枝角真係好小會經開 所以一路都未試過呢間今日同朋友去觀塘整小小野 點知俾我離遠望到連文記三個字 我即刻二話不說拉埋朋友入去試當時係下午3:45 左右原來而家疫情關係 呢間鋪係收4:30 想去食既朋友仔記得早小小一坐低已經決定胡椒豬肚湯米線是必點另外再叫了兩款下午茶餐其實都想試花膠雞米線 可惜果日太飽了唯有留下次先試胡椒豬肚雞米線湯底有濃濃既胡椒味但唔會嗆喉 豬肚爽口彈牙酸菜都正 唔會煲到無晒味果隻雞肉尚算嫩滑 唔會鞋口不愧為主打另外兩款茶餐味道正常下次一定要再黎試花膠雞

一直計劃要去荔枝角「連文記」試試濃濃的雞湯米線。但時不與我，不論上班又或工餘，都甚少能夠踏入該區。況且它不做晚市，星期日也全天休息，更沒可能一嚐盧山真面目。原以為連文記與我絕緣，但愛驅每年驗身，經過九龍灣，竟發現低調地開了分店。位於九龍灣工廠區之盡頭，觀塘繞道之入口，非常易找泊車路邊亦方便。由此連續去了兩天，驗車取車時也找上了「連文記」。餐牌簡單利落，但眼睛只著眼於它的兩款招牌湯底：花膠雞湯、胡椒豬肚雞湯。店主極有想法，土生土長香港人多喜歡飲阿媽老火靚湯，也喜歡吃上湯麵，於是將兩者合併，打破一般茶餐廳不重視湯頭的想法，不用味精雞粉豉油湯，改用雞殼精制湯底。兩次入座均大概下午兩點左右，竟然十座九空，只有零星兩枱顧客。荔枝角大名鼎鼎「連文記」，在此九龍灣虎落平原無人識。只得我孤芳自賞，抱琶自樂。突然，侍應冷淡走來說「埋單先，今日提早三時關門」。荔枝角總店沒去過，不曉環境如何。九龍灣新店樓底極高，配上落地大塊玻璃，把室外景色收歸店內，使客人視線錯覺大增空間感。幸好並非向日落向西方向，否則太陽殘照，店主必要浪費金錢購買遮陽窗簾大開冷氣。被安排座在門口位置，不太清楚內邊布局。【胡椒豬肚雞湯米粉】

今天正式開張啦！ 本身葵興我一直食開， 荔枝角有分店，再而到九龍灣第三間分店！ 連文記冰室老闆和他媽媽用心經營的店， 其中食物例如我必吃會有花膠雞米線和胡椒豬肚雞米線啊！

一到午飯時候，經過憶京中心，見到新開張的冰室，當然要試吓。店內環境隔格是長型的，落地玻璃，夠哂光猛，一入見到右面全是卡位，左面座位以四人座位作一張枱。見到餐牌也好多選擇，有飯，有米線，那樣我們就叫了一個怱油炸雞扒和一個怱油炸豬扒。賣相非常吸引，食物味道也好好味，怱油 撈飯好食， 不會太油膩。 豬扒同雞扒都炸得啱啱好，下一次可以再食。叫了二杯奶茶，夠哂味道， 香濃的。不過就是不太環保， 餐具全部一次性的 希望下次可以改善。