連誠大排檔

营业中

休息中

最近聽朋友介紹屯門有間大排檔好好食，位於屯門蝴蝶廣場熟食亭C1號，喺區內都幾出名，間嘢提供地道港式大排檔食物。住喺附近嘅朋友推介，今次約埋朋友一齊嚟體驗下香港大排檔文化嘅獨特魅力。我自己點咗一個餸菜，「黑椒乾炒海鮮烏冬」，個烏冬集香辣、鮮美於一身！！烏冬麵條真係好彈滑，黑椒香氣濃，微辣刺激恰到好處。海鮮都幾多，分別有蜆肉、魷魚等等，真係鮮味十足。豐富口感，食得好滋味！而且醬汁稠度都好適宜，滲透每一條麵條與海鮮，成碟都好好味！香辣鮮香的完美結合，令人一試難忘。下次嚟屯門都會再專登過嚟食，推介！！！

屯門冬菇亭大排檔好耐無同屋企人食平民大排檔啦，呢到除咗碟頭飯之外重可以打邊爐添！晚市粉面飯黑椒乾炒海鮮烏冬 $56鑊氣十足嘅乾炒烏冬，一上菜濃郁嘅黑椒味已經知道好香，整體都炒得好乾身夠晒入味，可以配辣醬令到更加惹味，配料都夠晒多，先不論雜錦海鮮好足夠，加埋埋調味配菜已經令到整個炒烏冬都好豐富。揚州炒飯 $56性價比超級無敵抵食嘅楊州炒飯，基本上大碟到兩人份量都唔誇張，炒到飯底粒粒分明又唔會太油，本身已經夠晒香味加埋香味嘅叉燒粒，真心口感一流。連誠大排檔 (屯門)屯門湖翠路1號地下熟食檔C1號舖

是日晚餐過咗去屯門蝴蝶邨冬菇亭醫肚，餐牌上面都list得幾多鑊氣小炒㗎搞到J心大心細😆唔知揀食邊樣好！親切嘅侍應姐姐就話廚房師傅識炒好多鑊氣炒粉麵出嚟，就算餐牌以外嘅都可以請師傅炒到出來～ 不過J為免麻煩到師傅，諗諗吓最後都決定揀侍應姐姐另外喺餐牌上面推薦話呢度都多人叫嚟食又幾正嘅乾炒牛河！乾炒牛河 $56幾大碟，即叫即炒！夠晒鑊氣！河粉炒得夠晒乾身仲完全無滴油嘅情況出現！正！喜歡！牛肉份量又夠多，而且有咬口，唔係坊間被鬆肉粉醃泡嘅牛肉片！_______________連誠大排檔 (屯門)屯門湖翠路1號地下熟食檔C1號舖_______________

疫情期間， work form home 日日諗食咩都幾煩屋企下午又唔會煮飯食又唔想食面，為有出去買外賣連城呢間茶餐廳所有炒野$38連埋凍飲超級抵唔好以為甘平，就唔好食今日叫左乾炒牛河同楊州炒飯大大份，好足料，仲要好有獲氣真係平靚正好食又抵食

係湖景工作雖然有唔少商場同餐廳嘅選擇，但係有時多選擇都可以係一個煩惱，唔知去邊度食好返咗一個星期後，我發現我都係最鍾意去最近我返工地點嘅冬菇亭食大排檔，因為平！靚！正！呢間連誠唔同一般大排檔，唔會好熱！又唔會好多小動物！所以大熱天時，中午放lunch去食都無問題，有好足嘅冷氣！咁啱我今次去食落大雨都唔怕佢有午餐之選嘅餐牌，每次都有五至六個選擇，令我好開心哈哈。然後份量又好足，我今次叫咗肉餅，大到嚇親我，大過塊面，我食咗四份一已經開始飽仲有鹹蛋係面，肉質好滑，肉汁多，好好味出示學生證仲有得平八蚊，三十幾蚊搞掂，係學生哥恩物啊

蝴蝶冬菇亭都開咗一段時間, 只係試過海皇, 其他兩間未食過. 今日提早食團年飯, 一行五大一小嚟呢度試下. 一嚟到全部滿座, 好在提早打咗電話訂位.支竹斑腩豆腐煲--上枱熱辣辣, 味道都唔錯菜膽雞(半隻)-- 雞肉有點鞋, 味道比較淡黑椒德國豬手--以為佢係焗脆皮果款, 原來係炆林嘅. 黑椒汁夠惹味, 豬手略嫌咸了點 (上菜前會幫手切開)薑汁炒芥蘭--呢個用上芥蘭苗, 入口爽脆, 正!椒鹽鮮魷--炸得夠乾身, 入口鬆脆, 唔錯!生炒骨--酸甜汁味道剛好另加白飯2碗 @8.00 可樂1罐 @10.00埋單$544.00

今日都係去蝴蝶邨探我朋友，去到夜晚嘅時候，大家都肚餓啦，本身朋友話去太x,但係本人就真係麻麻地，問佢有無d地道d嘅地方，佢唸一唸，就同我講去冬菇亭啦！見到佢個餐牌都幾特別，好強調屋邨嘅人情味同地道風味，講真，今時今日嘅大集團時代，係真係幾缺乏e類感覺嘅小店，所以我都要支持小店!見到個餐牌，款式都多，甚至有羊腩煲上市，不過我地都係叫左小菜。我地三個人就叫左三個小菜啦，首先係黑醋荔枝咕嚕肉，基本上係好開胃，佢肉嘅煮法同波羅咕嚕肉無分別，只係配料換左罐頭荔枝，調味用左黑醋，好好味，好開胃，一黎 聞到之後我都每人叫左個白飯。姜汁炒芥蘭，大大碟，而且都好重姜味，坦白講叫得姜汁芥蘭就當然想食出d個姜味啦!而且又夠鑊氣，接受!之後到口水雞半隻，本身未叫果陣心中都懷疑食口水雞會唔會去返d川菜餐館食好d呢！但係上到枱後賣相都非常好，果汁比較出面川菜館唔會輸蝕，而且雞夠滑，唔會太辣，所以最後3碟都清晒!最後值得一提係你會見到Q顧客同員工們關係都非常好，有講有笑，而且員工態度非常好，真係有人情味呀！

叫個豆腐火腩飯一大半火腩豬油糕...無一舊係完整既肉😢😢😢45蚊～淨食豆腐～凍飲加3蚊比起出面九龍食算平既難得星期日叫個外賣佢一向早餐都唔錯 個水吧既奶茶同咖啡都好好 佢既奶茶真係好正！今次個火腩飯 一開盒 真係唔開心望下次會食到好美味既豆腐火腩飯一碟男人既浪漫真係可以留住客人既心

今日重遊舊地，順便同屋企人係大排擋食個晚飯！ 蝴蝶村冬菇亭同以前截然不同，宜家本整到成間餐廳咁款，缺乏了屋村大排檔味道！由於近街市，我地去買左幾款海鮮攞去加工，再叫多幾款小菜白灼蝦，剛剛過完休漁期，蝦好大隻兼彈牙！苦瓜炆倉魚，呢度煮得好好，炆得恰到好處，仲好有魚味！馬拉盞通菜煲，炒得超惹味，即刻要叫個飯襯下！沙薑雞，鮮嫩雞滑，有沙薑味及雞味！椒鹽鮮魷，炸得岩岩好，外面脆脆，本身鮮魷真係好新鮮！雜菌豆腐時疏，清清地，唔太油，味道唔太咸！薑蔥炒花蟹，色香味俱全！清蒸馬友，本身條魚都好靚，蒸得岩岩好，好滑兼好有魚味！小炒王就失色左少少，唔乾身，九菜老左d 整體黎講都煮得好好，街坊味道濃，來料加工費都算平，廚房整得不錯！