影片
以上资料只供参考，请与餐厅确认详情
返到嚟屯門蝴蝶街市，自從經過大肆裝修之後，環境的確好舒適又乾淨，衛生情況大有改善，而且呢個街市最特別嘅地方就係，更設有小型購物車仔供顧客使用，呢點的確相當好！我今日行咗入去蝴蝶街市入面，我去咗進豪燒臘店買咗一盒油雞飯(單雙拼都係$20元)，四寶飯$25元(包括叉燒、燒肉、紅腸同咸蛋)，多飯另加$2元，進豪燒味除咗主打燒味食品之外，仲有滷味食品售賣，而且款式都幾多，我目測所見～有豬脷、豬大腸、豬耳、牛筋、金錢肚及鵝掌翼，下次如果再去先至買嚟試吓備註：本舖嘅衛生環境都幾理想，店內幾位燒味師傅全部都有戴上口罩，而且所有燒味及滷味食品都有透明膠板隔住，可食得安心！
继续阅读