逸東餃子

营业中

休息中

多次幫襯餃子質素好好，每款味道都有自己特式，餡料既質地好，啲肉唔會太碎，個人喜歡椰菜木耳餃，麻香三椒餃，另外咖哩煎餃都非常好味。魚湯方面，有時番茄味多啲，有啲薯仔味多啲，可能係因為唔係落味精雞湯做底，所以每次都會有少少唔同，但食完真係完全唔會有口乾情況，所以都係好滿意既。酸辣湯都係好味，足料，不過就覺得食完會少少口乾。環境都企理乾淨店員方面，男店員非常好，唯女店員有點不知所謂（我睇其他食評原來都覺得女店員麻麻地）

今日去咗食逸東餃子，唔使排隊，小店，但係餃子出色，個蕃茄薯仔魚湯，好好味黑松露煎餃略嫌未夠黑松露味，不過都好味嘅鮑魚汁雞翼夠濃酸辣湯足料夠味，出色。最後追加左個蔥油拌麵，非常出色，蔥油好香，面嘅份量亦都較多，只係$28 ，非常抵食。仲要開佢開張，送咗兩杯豆漿俾我，服務態度很好。

第一次黎呢間餃子店入去之前循例望一望啲食評先，見到啲食評大多都話呢間鋪啲湯餃子好正，煎餃又煎得好脆好正，個湯又好正，總之乜都好正咁啦入黎時間係下午五點幾，但呢個時間都有唔少外賣，入到鋪頭坐低，見到店員不停包外賣雖然都好想試埋個煎餃，但自己一個下午茶食唔到咁多野，今次食住個湯餃先試下個大白菜鮮肉餃子🥟配佢地個招牌蕃茄薯仔魚湯未食餃子前試下個湯先，個湯無乜味唔知係咪唔記得落蕃茄，一啲蕃茄味都無，再加微弱嘅薯仔味，招牌。。。。。。。。。。？！再食埋個餃子，餃子ok嘅，都食得過個湯唔可以用普通黎形容，用『普通』都係誇獎左餃子無食評講得咁神，ok 啦。不過我都有興趣下次試埋佢地個煎餃

個粟米芝士餃好食 每次都係叫蕃茄魚湯加呢個味道煎餃方面 推介黑松露同咖哩味特別推介黑松露 雖然少貴 平均都要10蚊一隻服務方面 店員經常落單會有啲甩漏😂同埋叫外賣等既時間都幾長 所以最好電話叫定先整體都推介👍🏻

地址－大埔東昌街東昌國地下店舖名稱—逸東餃子環境／設施－地方整潔，位置比較少，入店前要行樓梯，殘疾人士要留意特色－餃子專門店人均價格－60評分－9/10逸東餃子進駐大埔都一段時間，但家中小朋友對餃子完全冇興趣，所以未能一直嘗試，今日兩公婆，難得有放假嘅時間，所以就去試一試，起初店舖位置沒有，好在有兩名女士讓座給予我們，今日嗌咗麻香餃子配酸辣湯底，一個白菜水餃配米線，再加左一個小食雞翼，整體唔錯，餃子肥大滿，非常飽肚，員工禮貌充足

係某fb見到有人介紹去試下，講真食物真心唔錯，可惜每次係個女人落單必定落錯或不禮貌對待，而且每次都會等勁耐，完全無服務可言，或者出左名真係唔需要有服務啦。大家真係要去試下

同閨蜜去完大埔影相 返出市中心搵野食佢又搵到好西帶我食 佢表示食過好幾次但我第一次食 佢必定係無介紹錯 口味太似⭐️椰菜木耳鮮肉餃 - 湯餃閨蜜話 最重點係 逸東招牌蕃茄薯仔魚湯喂 真係唔係講笑 飲完唔會覺得口渴個魚味仲要好香 feel到煲得好有heart🤭⭐️黑松露香菇鮮肉餃 - 煎餃未咬啲黑松露味已經傳入我個鼻到一咬落去 簡直不得了 皮薄餡靚 我想一個人食10粒！鍾意食黑松露嘅朋友 一定要點 唔係會後悔㗎～⭐️玫瑰荔枝茉莉茶 & 桂花元肉烏龍茶茶類係自家製 唔錯㗎👍🏻👍🏻

重點：食完唔口渴嘅餃子店!!!!! 皮唔會太厚!! 肉唔會太多!! 非常恰到好處嘅自家餃子！😍👍🏼係呢間 食完會想再番轉頭再食嘅餃子店 啲湯可以飲晒！鮮！酸辣湯都好正 夠酸夠辣！！元朗.. 深水埗.. 我食過 未返到屋企已經口渴到PK😵‍💫本人必食: 煎粟米芝士餃 正！正！正！佢煎到好香口 又夠芝士 又夠粟米！ 不是元朗深水埗*炸*到個餃子吸晒油個D😵‍💫 鮑汁雞翼公仔麵 又係正😋😋 如果想飲嘢 推介 熱情果玄米綠茶🍵不是悶悶嘅綠茶 係有微微清甜清甜味 都係果句: 恰到好處 食過飲過就感受到😂

同朋友plan好去大埔一日遊.玩到6點幾都攰啦又有啲肚餓.落小巴後諗住是但搵啲小店試吓.突然間諗起呢頭附近好似有間幾出名嘅餃子店.平時因為嫌遠所以無去試.一搵就搵到行左6分鐘就到啦😝⚪️椰菜木耳鮮肉魚湯餃⚪️黑松露香菇鮮肉煎餃⚪️玫瑰荔枝茉莉茶⚪️熱情果玄米綠茶叫咗一個招牌魚湯餃子🥟湯底幾鮮甜無咩味精幾好.餃子好大隻好足料調味唔錯.煎餃好香脆.黑松露味好濃.加埋冬菇好好食😋加埋佢哋自製嘅冷泡茶.唔錯!

之前網上見到介紹,今日咁岩喺附近整完野,而且距離下一個活動仲有時間,咁就即興黎食個lunch試下先😊由於我一個人所以好快都有位,不過好彩我都算早,我入座後無耐後面已經超多人等位🫣價錢黎講,雖然未至於好抵食,但係價錢仍算合理!本來仲猶豫緊要叫十隻定係六隻,好彩最後我係叫做六隻再配上通心米線,因為水餃都幾大隻👍🏻如果要10隻一定食唔晒😅🌿咖喱雞洋蔥鮮肉餃 拼 粟米芝士鮮肉餃魚湯底偏向淡色,但飲落都有蕃茄薯仔味,無加味精,不過個人覺得如果魚湯味可以再濃d就更好😝🌿咖喱雞洋蔥鮮肉餃咖喱味好突出,內有洋蔥,餡料食落一d都唔油膩👍🏻🌿粟米芝士鮮肉餃鍾意佢入面有融化左嘅芝士🤤配上甜甜嘅粟米,比起傳統嘅餃子真係一d都唔輸蝕☺️六隻水餃再加面底真係夠晒飽,希望下次可以黎試埋其他款式☺️

雙拼湯餃10隻（椰菜木耳鮮肉餃｜麻香三椒鮮肉餃）配 招牌蕃茄薯仔魚湯 $52餃子大大隻而且每隻都好完整冇散開，皮薄餡多！椰菜木耳鮮肉餃幾鮮甜，口感豐富，幾好！但我覺得麻香三椒鮮肉餃更加出色！除咗呢個配搭比較少見有創意，味道亦都好出色，惹味又唔會太濃味！微微嘅麻香味唔會太霸道，燈籠椒嘅味非常之香同帶微微鮮甜，一啲草青味都冇！成個組合非常夾，平衡得好好！大推！✨湯底方面～係住家味道嘅蕃茄魚湯，蕃茄味唔算好突出，但魚湯非常鮮甜，有微微胡椒味，好好飲！煎餃6隻（芫荽胡椒鮮肉餃）$42繼之前介紹過嘅餃子冰室，我終於再食到同樣出色皮薄餡正嘅煎餃！餃子煎得金黄香脆，皮皮嘅餃子皮包住滿滿嘅芫荽同肉😍 芫荽味非常香濃！秘制鮑汁美食套餐 （鮑汁蜜糖雞中翼｜鮑汁撈公仔麵）$48呢個雞翼好有驚喜！醃得入味得嚟啲肉係超滑！好好食呀！至於撈麵就正正常常冇咩特別～鮑汁拼盆 $52食完雞翼太正，於是加多個拼盆試試佢😆豆腐片超正！吸哂鮑汁嘅味，好好食呀！豬手都幾入味，唔算整得好稔帶少少咬口，唔錯滷蛋入味，唔會太硬冷泡 桂花圓肉烏龍茶 $12清甜解渴，味道唔錯！樽裝設計，飲唔哂可以拎走，非常方便！餐廳唔算大，但坐得舒服，

今次終於返到嚟我哋既主場，係大埔呀! 逸東餃子顧名思義當然食餃子為主，但千祈唔好去咗東涌🤣 餃子有3種，生餃，湯餃同煎餃。佢哋既餃子係自己人手包，唔係買返黎，用料亦都新鮮。所以有時都會買生餃返屋企煮黎食。湯餃既湯底係蕃茄薯仔魚湯底亦都係自己煲，絕對唔係味精湯。煎餃就即叫即煎，新鮮熱辣外皮香脆。個人推薦煎餃可以揀粟米芝士鮮肉餃。另外亦都有黑松露香菇鮮肉餃，雖然價錢貴少少，但有陣陣松露香味，值得一試。餃咗咁耐亦都有期待已久既粢飯。自從豆漿大王執咗之後，大埔已經好耐冇粢飯食🥺 經過多次詢眾要求，逸東餃子都初嘗推出粢飯套餐! 粢飯份量十足，中間既油炸鬼keep到脆口，亦都有榨菜同肉鬆包住。可惜有啲榨菜係條狀未成粒狀。不過咸豆漿亦都要一讚! 滿滿既配料加上濃郁既豆漿，非常滿足。食完個粢飯套餐好飽🤤 如果食粢飯套餐就要留意供應時間。Overall 味道: 4/5 性價比: 4/5 ———————————————————————逸東餃子 (大埔)大埔東昌街6-11號東昌閣地下E號舖星期一至日 11:30 - 21:00#粢飯餃子 #大埔美食 #好食就係好食

今日遲咗食午餐， 2:00開始搵嘢食，所以周圍去搵吓有冇下午茶，經過大埔東昌街見到有間餃子店，個名叫做逸東餃子。這間餃子店開咗已經有一段時間，今日終於去試吓，雖然佢係冇下午茶，都好想試吓，入到去見到有個芫荽胡椒鮮肉餃子，$56.10隻。間舖頭標榜佢哋嘅湯底係蕃茄鮮魚湯，餃子嚟到見到大大隻，芫荽好充足，胡椒味又好出， 10隻大大隻食得都好滿足，價錢相對來講係比較貴少少，但呢個味道係其他舖頭係比較少見，味道相當唔錯。臨走時見到去佢哋原來有黐飯賣，我嗌咗個外賣，返到屋企食，裏頭個油炸鬼竟然仲係脆嘅，材料都好充足，呢間舖頭我會再試。

落住微微雨又有啲肚餓未夠鐘食飯嘅下午，又好耐冇食過餃子，突然間喺大埔馬會對面條馬路有一間，抱著平常心入去試試，起初睇到個餐牌都唔知食乜好，然後我問個樓面靚仔你呢度有乜好食，佢就介紹咗呢個黑松露餃仔畀我，我就抱著冇所謂啦試下呢個心情整咗份，加杯豆漿，等咗一陣熱辣辣嘅餃子就喺我面前出現了，個湯好香好清，的黑松露餃子好足料，呢間嘢點呀我連湯都飲埋，飽曬，正啊，雖然我唔係住呢區，下次經過我一定再嚟，係咁先

—環境係普通嘅餃子小店，裝潢冇咩特別，簡單得嚟都算整潔，店員都幾親切。—$$價錢嚟講老實講相比其他旺角同觀塘食開嘅餃子店相比，就真係有啲貴嘅，58 10隻嘅話～比起甜記、蒲公英、豐信等等都貴，不過⋯⋯﹗喺大埔又真係冇咩餃子店選擇，作為街訪想食餃子我都會考慮，或者買生餃返屋企就抵啲﹗【湯底比甜記更香濃鮮甜】雖然話貴，但佢呢間嘅湯底我自己覺得係比「甜記」更香濃嘅魚味，蕃茄味都好鮮甜，整體個湯我覺得係比甜記更出色，滾得更入味嘅，以我今次食嚟講。我係清咗碗湯見到碗底的，仲想添多碗【餃子】芫茜胡椒鮮肉餃 7隻 $44 / 10售 $56芫茜好香，不過今次食略覺得胡椒味濃咗少少，遮蓋咗芫茜同少少肉味，呢個位有少少影響，不過整體味道同口感都好豐富，加埋個湯底都食。芝士粟米鮮肉餃 7隻 $48 / 10售 $58芝士好重手，食落真係會拉絲而且芝士味係好重好重嗰隻，真係餡料嘅味都會有少少搶咗鮮豬肉嘅味道，不過芝士餡真係比得好足，相比下我自己就會鍾意食芫茜鮮肉餃多啲。💬：湯底好出色，成碗清晒仲想再飲又唔會好咸好口渴，餃子就有少少比配搭餡料搶咗鮮肉味，不過整體都唔錯，而且大埔冇咩餃子店揀，我都有機會再回頭食