逸東餃子

营业中

休息中

大埔返正嘅我放飯又唔知食咩咁岩見到呢間新開嘅餃子店鋪頭感覺好乾淨就去上下啦我哋叫咗一個黑松露餃子7隻$68一嚟到已經聞到黑松露嘅香味！皮質係彈牙的 煮得岩岩好每粒都好飽滿好足料所以7粒都食得飽同埋湯頭都好鮮甜食完再飲湯感覺好滿足！！之後我哋仲叫咗個煎粟米餃試下係相都見到煎得金黃香脆配埋辣椒醬同醋食一流！最後仲叫咗兩個小食個豆卜偏甜 可以再入味啲海哲正正常常 小辣總括而言好抵食呀如果果日想食清淡啲我都會再食返呢間！

逸東餃子 @大埔📍大埔東昌街6-11號東昌閣地下E號舖🥟招牌魚湯黑松露香菇鮮肉餃7隻 $68鐘意佢個魚湯🐟好鮮甜而且唔會好鹹 飲曬成碗都唔頸渴 冇味精湯 有住家味道🤣 雖然呢款價錢比起其他款有d貴 但入面真係有唔少黑松露係入面😍 而且黑松露味好香濃 😋🌽粟米芝士煎鮮肉餃 7隻 $47呢款煎餃保留到肉汁又唔會好油膩🧀芝士呈半溶狀態 有少少流心 但芝士味唔算好出～ 整體尼講湯餃比煎餃出色✨🐔鮑汁蜜糖雞中翼四件 $24雞翼整體都唔錯 都幾入味 食到蜜糖既甜味 係鮑汁唔係好出～👅好味：4.2/5💲價錢：3.8/5🌟性價比：4/5👀環境：3.7/5👥服務：3.8/5

朋友要食餃子，任性地揀左黑松露餃🥟黑松露水餃$88/10隻，算幾貴，不過見到每隻餃子都幾大粒，同埋一啖落去食到黑松露仲多過肉碎，都算物有所值。而且水餃會跟魚湯，雖然細細碗，但係全部都係魚既精華所在，非常濃郁。鍾意香口既或者細食既小鳥胃可以揀煎餃，$68/7。另一個煎餃都幾特別，係香辣榨菜煎餃，$40/7隻。雖然唔係每粒都脹卜卜，不過見其他鋪冇尼隻味，所以都試下。辣辣地幾惹味，但食完唔算特別深刻印象，就係辣辣地既餃子，唔會好油，冇爆汁但又冇特別乾。

大埔印象中好似都無咩專食餃子嘅舖頭，難得新開左一間當然要試下😆除左主打嘅手工湯餃同煎餃，仲有魚湯麵選擇🔆粟米芝士鮮肉餃10隻加紫菜$𝟞𝟞餃子嘅口味都花左心機設計，唔係普通餡料❤️而我一眼就鎖定左粟米芝士🤣隻隻餃子都好飽滿足料，芝士溶唔哂所以真係會咬得到😝試左朋友一隻黑松露香菇鮮肉餃，除左聞落好香，放入口都食得到黑松露味😍全部湯餃都跟蕃茄薯仔魚湯，本身係好期待，但實質湯底並唔濃🥲只隱隱帶有蕃茄薯仔味，希望可以再重味點！十隻餃子都夠飽🙆🏻‍♀️當然佢都有加麵底呢個選擇，加$8價錢都合理，最特別係有紫菜揀😳見到就忍唔住加左🤣個底好多紫菜👍🏼食到我個肚脹左半日🤪🔆鮑汁蜜糖雞中翼$𝟚𝟜店舖都有d小食提供，我地叫左雞翼，d肉幾腍幾入味👍🏼

驚艷到我嘅餃子店超足料 爆餡爆汁又唔鹹 無味精我叫咗芝士粟米、芫荽胡椒、韭菜鮮肉餃子本身驚韭菜胡椒會好鹹好攻鼻點知又幾好食最搞笑係我地最後食唔曬老闆娘話「食埋佢啦 粒粒皆辛苦啊」飲品方面見佢都幾多選擇 汽水等例牌照有 非大眾牌子嘅豆漿都有 我識左嗰無咁常見嘅黑豆豆漿唔係好甜 好解渴 環境方面鋪面唔算大欣賞佢無排排坐 塞多幾張枱冷氣夠勁 環境乾淨整體黎講 餃子好食 飲料多選擇唯獨湯底（應該係魚湯）淡淡地 唔夠濃郁 （不過起碼無味精嘅）

幫襯過好多次，堂食又有，外賣又有，剛開業個蕃茄薯仔魚湯係飲得出有小小蕃茄味，但愈來愈差，餃子係幾好味既，但佢所謂既蕃茄薯仔魚湯就麻麻地，收既價錢唔平，但個湯就連蕃茄味都無仲愈來愈淡，連薯仔都唔知有無加，湯底好明顯不對版，個女人職員唔知係咪老闆既人態度麻麻地，不會再去啦。。。。。本身好中意食餃子，難得大埔開左間餃子舖，但佢咁做生意法對佢愈來愈失望。。。。。。。。。。。。。。。。。。。。。。。。。。。。。。

因為去慈山寺，所以去到大埔墟附近搵嘢食…見到有一個新開嘅- 逸東餃子，入去試吓。落咗地鐵要行10分鐘，都幾曬…附近都有其他食肆，不過唔係大型商場…黑松露豬肉餃 - 黑松露味道好濃，食完兩三個鐘，個口仲有黑松露味。餃子皮薄，比較大隻，但是味道普通 ， 有驚喜的是米線🍜 米線比較粗，中間空心，所以好彈牙$68 - 7隻餃子🥟+ $8 有米線 🍜性價比算貴，如果有素菜餃就好… 應該未必有下次了…

黃店之選今日和朋友又選左呢間食，今次第三次，而朋友住附近就鐘意左呢間食，一個星期都有三次。鐘意來係因為食到家既味道，自家製，最特別就係佢既薯仔魚湯，每次食都會飲埋湯，食唔到味精，唔會口渴。呢間坐得舒服，防疫做得好，量溫度和check你入店。仲有好多野叫，但兩個人食唔到咁多野，下次再試其他。我細食今次選左7隻韮菜鮮肉餃而朋友大食佢一定要加烏冬再加底，佢叫左芫荽胡椒鮮肉餃，有煎餃食無叫，叫湯先可以飲魚湯。正韮菜鮮肉餃：好好味，甜甜地，好香，有疆味。芫荽胡椒鮮肉餃：鐘意重口味就食，好香芫荽味，辣辣哋，同個魚湯好夾。食物質素：贊! 好食服務質素：店員好nice環境：乾淨舒適價錢：適中總體來講可以再食！

母親節去大埔吃晚飯,走時路過這間新開張的小店.因我和太太都喜歡吃餃子,所以外賣20隻(大白菜鮮肉餃與椰菜木耳鮮肉餃各10隻)回家,最基本卻考真功夫.第二晚只用滾水煮熟,但已經好吃到不得了!!我倆算吃過不少店鋪及各款急凍餃子,它可算最好吃!餃子皮薄但沒有煮爛,不會有丁點滯的感覺;餡就更佳,除了極多餡,一咬落就覺很鮮味,應是用了鮮肉,且味道不像其他店的鹹,十分可口,肉與菜的比例亦適中,給廚房一個讚!硬要挑剔的話,就是稍為大隻,每人吃五隻已飽了 很久沒寫食評,但這間餃子店帶來久違了的驚喜,要為它打打氣.下次會專程幫趁,試埋那蕃茄薯仔湯及煎餃.

今日放假同家姐媽媽一齊去大埔探姨媽，行到大埔墟東昌街見到呢間逸東餃子店門面好得意，吸引左我地一於入去試下，叫左黑松露香菇鮮肉餃子🥟、粟米芝士鮮肉餃子🥟同好特別既芫荽鮮肉餃子🥟味道好好味，一般連鎖店餃子無得比，味道超，不得不提靚女士頭婆特別推介叫我記得試真佢既蕃茄薯仔魚湯底,果然鮮味十足清左底😋😋重有幾款小食鮑汁煮豬手、鮑汁蜜糖雞中翼、涼伴小青瓜真係超水準媽媽讚唔停重有自家製花茶清甜解渴值得再去

水餃新店開張緊係要買番啲外賣試吓先啦！黑松露湯餃和椰菜木耳煎餃各10隻，仲要半個鐘之後返到屋企先食，打開包裝都冇諗過d水餃完全冇浸冧，隻隻又大湯底又濃，食落仲仍然好彈口和皮薄餡靚又好味，仲有最重要係無加味精，原汁原味人手每日新鮮手造，由於我囝囝對食好有要求都話呢間餃子店好有師傅級水準，下次路過都一定要外賣返幾十隻放定係屋企雪櫃假期備用。由於今次大家九秒九吃哂d餃子，都忘記拍照留念！下次一定要忍住口打咭先之後開歺😆😍