影片
港铁炮台山站 A 出口, 步行约4分钟
继续阅读
电话号码
28897799
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
食家推介
一講到花蓮就想起 2017年包車由花連玩到台東，沿岸景色又多又靚，仲睇到幾片金針花海，玩得非常之開心。所以，之後不時都會留意下花蓮、台東嘅新聞。雖然短期內就未打算再去花蓮 走走，但今晚就嚟到「遇見花蓮」重尋台灣嘅味道。踏進店內嘅第一個感覺就好醒神，一來地方光猛 、環境整潔，二來裝修都幾骨子，一面落地玻璃窗加埋樓底夠高，自然令空間感更強，有幾邊卡位設計成小個室咁，前後嘅騷擾都可以大減，令客人傾得更舒暢，而店員都態度親切有禮。細細一本餐牌，食物嘅選擇都幾多，其中有地道小食、逢甲蛋餅、雞腿吐司、花蓮小鍋、紅燒手工麵、花雕老雞湯、肉鬆滷肉飯便當、麻辣手工拌麵、台式飲品及台式甜品。自行以二維碼落單又得，搵店員幫手落單都得，但咁多招呼，仲唔收加一，抵讚啦。小食拼盤 $88好多款小食都好吸引，心大心細之時，咁不如叫個拼盤啦，可以一次試到9款小食，樣樣少少啱晒我哋兩個人。小食款式包括（左至右，下至上）豬大腸、地瓜酥、雞卷、台式香腸、鹽酥雞、麻辣鴨血、蛋餃、牛肚，九宮格造型，賣相非常的骰精緻，甚具打卡感。小弟今次就唔嘥時間逐個逐個評，但整體嚟講確喺各有特色，要麻辣有麻辣，要清新有清新，要香口有香口……絕對滿足到口福之樂。藥膳花雕雞卷手工麵 $68曾經食過呢款花雕醉雞卷，覺得好有特色，所以，專登推介俾老友試，加上台灣嘅手工麵一向 有賣點，故此，就揀咗呢一款主食。先試個湯底，濃而不濁，睇見咁多蟲草花同杞子，好有藥膳嘅清香；而雞卷做得出色，捲起嚟夠紮實，咬落啖啖肉，非常之嫩滑，有陣陣酒香，手工麵亦搓得好，咬落有韌勁，整具口感。蜜汁滷排骨滷肉飯便當 $75另一款主食我哋就睇啱呢一個排骨便當，一登場就感覺好有霸氣，兩大件滷排骨非常夠份量，仲配有一碗紫菜貢丸湯、麻辣臭豆腐和麻辣鴨血，個便當真喺好豐富。個湯飲落幾清甜，雖然話喺臭豆腐，其實就聞唔到咩臭味，不過堅辣，由於唔食鴨血，我就無試喇。件排骨做得濃香入味，肉質非常鬆化，正呀餵！啲白飯夠軟熟，撈埋大量滷肉同肉鬆，淨喺食呢碗飯都覺得開心正啦，溏心蛋亦做得啱啱好，個便當真心抵。愛文芒芝士奶蓋 +$16本來就想嗌黑糖珍珠奶茶，不過，小弟一向都鍾情芒果，所以，就試咗呢一款芝士奶蓋。先試試底下嘅芒果凍飲，味道都幾OK，芒果味都夠清甜，而上面嘅芝士奶蓋打得非常之幼滑，再將兩者撈勻，再飲，鹹鹹甜甜嘅味道極之特別。 大甲芋頭芋圓鮮奶 +$16老友就喜歡芋頭，難得呢杯鮮奶用咗大甲芋頭打成蓉，更加喺佢嘅首選，鮮奶奶味幾香濃，底下有大量芋頭蓉，有香又軟滑，仲勻有唔少甚具咬口嘅芋圓，佢話非常之好飲，當佢喺甜品都仲得呀！啲菜式份量足，又好味，原本都打算最後叫個甜品作結，不過，食完呢三樣嘢我哋都已經好飽，甜品就留返有機會先再試！
继续阅读
"遇見花蓮"真的是我們吃了又吃的晚餐食堂😭就是那種他們菜單多樣的社區小餐廳的感覺，不管是跟家人還是朋友聚餐，感覺都非常好🫶🏻主要以台灣菜爲主😋而且價錢合理，份量足夠，之前吃他們的半筋半肉牛肉麵🍜都吃到好撐！所以這次換換其他的品種😄·🌟南投蛋黃肉便當 $72：其實非常像獅子頭🦁清蒸的大肉丸搭配著濃郁的蛋黃🥰非常合我胃口😌份量也是很大，便當都會搭配紫菜牛丸湯和麻辣臭豆腐鴨血🍲不過鴨血確實有點辣的🥵不知道是不是我在香港太久口味變淡了。·🌟蜜汁滷排骨滷肉便當 $75：這款滷排骨滷肉便當以蜜汁調味，是那種有點上海帶有甜中帶鹹的風味😝兩塊很大的排骨肉質是偏瘦的，雖然有的人可能喜歡帶點肥，但是好在他們滷肉入味🥩每一口風味都很足。搭配米飯作晚餐其實已經好飽了，很實惠。·🌟嘉義手工蛋餃 $32：這手工蛋餃外皮脆脆的🥟裡面的餡料超豐富。每一口都吃得到鮮味十足，雖然不是老家的那種很大顆的蛋餃，但是也是別有一番風味☺️·🌟古早起司芋泥肉鬆蛋餅 $46：結合了起司、芋泥和肉鬆🥞口感比較豐富多層，起司的奶香、芋泥的綿密和肉鬆的香脆非常融合，早餐如果能吃上應該非常爽🥹·🌟古早花雕鷄卷 $42：肉質比較鮮嫩多汁，用花雕酒調味後🐔非常清香下飯~·人均：$100+·評分🪄 (滿分5🍑)味道：🍑🍑🍑🍑環境：🍑🍑🍑🍑性價比：🍑🍑🍑🍑🍑服務態度：🍑🍑🍑🍑回頭率：🍑🍑🍑🍑·📍遇見花蓮北角炮台山電氣道183號友邦廣場地下14-15號舖港鐵炮台山站 A 出口, 步行約4分鐘
继续阅读
去開炮台山一帶，被電器道的一間台式料理醒神的招牌吸引到，這餐廳是主打台東花蓮料理，所以決定在這裡食晚餐。👭🍱🥢✨ 沙茶牛肉鍋（$126），這份一人鍋包含了許多不同部分的牛肉，有牛筋、牛肚、牛板腱，其中牛筋和牛肚幾有嚼勁，還有其他款式的丸類和特式類，牛丸、貢丸、福州魚丸、甜不辣和鵪鶉蛋，配料很豐富，各有不同特色。食到一半後，再落粉絲吸收沙茶湯底的精華，夠哂惹味。🍲🍜✨ 愛文芒芝士奶蓋（+$16），凡點任何主食都可以用優惠價錢加配，芝士奶蓋香濃綿滑，芒果汁都幾香甜。愛文芒都是台灣夏季盛產的水果，飲品選擇很多都充滿不同台灣特色。🥛🧀🥭✨ 蜜汁滷排骨滷肉飯便當（$75），便當配了一碗紫菜魚丸湯、麻辣臭豆腐和麻辣鴨血作為小食，小食每樣份量少少，麻辣味醃得好入味，都好好食。主食揀了蜜汁滷排骨，厚身又大塊、外皮炸得好脆，排骨滷上蜜汁，帶有甜甜的滋味。飯配了肉鬆、肉燥和溏心蛋，便當真是豐富又抵食。🍱🌶️✨ 古早仙草三色芋圓（$38），仙草、芋圓加花奶是很好的配搭，作為飯後甜品簡單又好吃。😋🫶🏻✨ 古早芋泥三色芋圓（$45），是基本的仙草芋圓再追加芋泥，芋泥超甜滑，而且好重芋頭的香味，口感似食雪糕球咁細滑。🤩👍🏼
继续阅读
炮台山呢邊有條食街，林林總總同唔同國家嘅美食🍝🥙🥘都可以喺到搵到，今次就試吓台灣菜，嚟到呢間連個名都夠晒台灣嘅「遇見花蓮」🫢，餐廳都幾大，位置都好闊落😁❣️花蓮紅燒半筋半肉手工麵 $79湯底好濃郁，牛筋同牛肉都煮得夠腍😋，美中不足係個麵底煮耐咗，腍身咗少少🤪❣️蒲燒鯛魚腹滷肉飯便當 $75鯛魚腹個蒲燒醬落得太多，甜度有啲涸喉🥸，肉鬆同滷肉份量多，配埋溏心蛋撈飯食一流🤓，跟餐配有紫菜湯同鴨血🙂❣️起司肉鬆捲餅 $42捲餅有超級多嘅肉鬆，配上捲餅食好滿足😄❣️麻辣鴨血 $28鴨血充滿麻辣味，辣度唔算太高，質感尚算滑溜，略嫌份量唔太多🥸❣️古早花雕雞卷（六件）$42雞卷充滿花雕酒味，又唔會太濃烈，雞卷保持到肉質滑溜👍🏻❣️四季春起司奶蓋 跟餐+$12茶底Ok，但個奶蓋就做得麻麻，唔夠厚身而且味道唔濃郁🥸❣️仙草奶茶 跟餐 +$8❣️古早冬瓜茶 $22兩杯飲品就正正常常🤪🏦是次消費總額 $308（人均消費 $103）👅好味度：8（10分滿分）食物質素中上，價錢唔算太貴，而且餐牌上多選擇，可回頭再試吓其他嘢食😄
继续阅读
˗ˏˋ 遇見花蓮 ˎˊ˗餐廳環境乾淨企理 而且店內座位都好多 起碼坐到三/四十人 啱晒中午放飯去試吓🤤一睇餐牌價錢都係正常台灣菜嘅價 但唔知個份量又點呢🫢1. 泡菜豚肉鍋 $126入邊超多材料！包括有娃娃菜、冬菇、金菇、甜不辣、芋頭貢丸、福州魚丸、蛋餃、鵪鶉蛋、豚肉、泡菜、粟米及蕃茄🤤仲有得配粉絲或者白飯✨佢嘅份量夠晒兩個人食又有突🥺2. 蜜汁滷排骨麻辣拌麵 $753. 滷肉A菜 $28 蜜汁滷排骨超大塊🙂↕️咬落去啖啖肉 而且肉質偏瘦 一啲都唔覺得肥膩😋醬汁夠入味 同時炸得酥脆 再配埋佢嘅麻辣拌麵 食完滿足到一個點！🥹另外A菜配上滷肉 依個配搭令到唔鍾意食菜嘅人都會容易啲入口✨4. 芋香珍珠奶茶 $125. 大甲芋頭芋圓鮮奶 $166. 紅豆仙草三色芋圓 $42兩款飲品都係平時台灣餐廳會飲到嘅質素🤣不過全餐飯嘅重點絕對係甜品✨仙草唔係一大塊 而係切成為一條條 每一啖都食到仙草之餘 仲有紅豆嘅甜味 加上芋圓嘅芋香🥹質素比起出邊嘅甜品舖都更加出色✨✎ܚ𝗡𝗼𝗻-𝗿𝗲𝘀𝗽𝗼𝗻𝘀𝗶𝗯𝗹𝗲/ 𝗽𝗿𝗼𝗳𝗲𝘀𝘀𝗶𝗼𝗻𝗮𝗹 𝗺𝗮𝗿𝗸𝗶𝗻𝗴 ᝰ✍︎꙳⋆Recommendation: 8/10 | Environment 8/10 | Services: 9/10 | Tasty: 9/10 | Cp Value: 8/10 ⸝⋆北角炮台山電氣道183號友邦廣場地下14-15號舖
继续阅读