遊食手打烏冬 (已結業)

食左3次, 推介滑蛋豬扖烏冬, d烏冬真係好彈牙, 料算多(其他款冇咁多料), 唔駛加一, 值得一試!!!!!

放工後同bf食飯,╴直都好想試下佢哋嘅手打烏東,喺magazine都見過..手打鳥東果然口感好重,煙煙un un...好好咬口!如果"淋"番少少就好喇!

以依個價錢質素仲差過大快活鳥冬冇口感,d送唔太好味唔新鮮入面還境ok但service 實在太差咁樣已經可以扣曬分啦!

湊巧有次經過，見個賣相都唔錯，而且全日免加一，心諗香港而家都冇乜餐廳會咁做，於是便入去一試。跟男友各要了炸年糕烏冬和咖喱烏冬，另加一客炸咖喱雞軟骨。烏冬好煙韌，咖喱好香，惜冇乜配料，而且越吃越鹹，偷試了男友的年糕，但係煙煙韌韌，不過似煎唔似炸，又冇乜味。最搞笑係炸咖喱軟骨，原來是炸雞軟骨伴咖喱粉，幾特別，但吃完要灌水才行。

This eater, has been advertised in papers and road shows boasting its home-made authenic japanese 'wu dong' esp its black wu dong, the signature dish of the store. The menu doesn't cover a wide variety of choices with only two stood out of the crowd, its signature was at the high end among the two, served as a salad maybe this would be a nice first try for this chilled black 'wudong' with golden pieces topped on it. The chewy noodle made it different from the usual sticky one and i could really

除夕日黎咗呢度食午餐, 點了一個便當($62) 和一個义燒烏冬(送太卷) ($42)先黎义燒烏冬, 味道ok, 湯似出前一丁既芝麻湯(黃色包裝果隻)便當, 有迷你烏冬, 燒雞扒, 魚生(三文魚, 劍魚和吞拿魚各二塊), 六塊飯團, 仲有天婦羅..... 實物比menu相中吸引好多迷你烏冬其實一d都唔迷你, 份量是普通烏冬的三份二燒雞扒, 好大份, 味道唔錯魚生, 好新鮮飯團, 唔係好夠實天婦羅, 有蝦, 蕃薯, 紅羅白, 南瓜, ok二個人擦完呢餐咁豐富又抵食的午餐, 很滿足離開, 下次一定會再幫襯

平時睇開openrice既評語去揀地方食野今次中左計去左遊食等左好耐先有烏冬好硬唔好食又唔滑個waiter唔小心倒左杯水落我到竟然sorry都冇就行開左離曬譜我同朋友都話唔會再去

見到有d食評話好有d話差, 還惦好早之前已經想試咁就去試下啦....點知一試便知龍與鳳...服務唔得,冇招呼,語氣差,十問九唔應,強迫人搭台,要等食物等好耐,唔改善遲早執...烏冬強差人意,大那那成五十幾六十蚊,d質素仲差過超市買果d幾蚊包....手打只不過係卓頭...掛羊頭賣狗肉...配料都唔見得係好好...大大碗...烏冬同送都係得少少兩啖...由其是d蛋賣相好差...睇到下面果位人兄叫"好多寫手"...細心一睇....依間遊食真係叫好多寫手上來....有人話唔好食就跟住會有新a/c得一個評語話好食服務好...總結:唔會再去,五十蚊係屋企可以食十幾廿包烏冬飽食...差差差

侍應態度差,唔明點解d人話熱情囉...烏冬同普通冇分別...

其實對烏冬一向都沒什喜愛..但近期看到尖沙咀有間..所為手打烏冬..今日有又時間就去左試試..去到當座下感覺環境ok..侍應都很熱情..當看見餐牌價錢.ok..款色都很多..我就叫了猪扒烏冬及燒雞亦..烏冬很快便到..當吃了第一口..手打的烏真的不同實在很好吃..到吃雞亦需然是小食但水準很高..到吃完結算看看價錢都唔洗一百元..這個價錢吃到這種水準..真是起值..有時間都會同朋友來吃..

聖誕節路經老尖赫德道,成班人行到腳仔軟又見肚餓,走左入呢間手打烏冬度試下.8個人坐落叫左七個唔同既烏冬同三個小食、五件壽司，我自己就叫左個白咖哩湯烏冬,係個女侍應介紹我食的(幾好笑容~) 呢個白咖哩湯烏冬入面有豬肉、薯仔同甘荀，個咖哩湯好香，烏冬口感亦勁好!讚~女侍應信得過!我朋友叫左個炒烏冬(唔記得個名叫咩賊汁烏冬),我夾左幾啖黎食.好惹味~埋單先知道冇收加一.咁既價錢食到如此高質數既手打烏冬!我即刻比左十幾蚊貼士!!i'll be back!

2個人,等5分鐘,迫我地坐張12人枱,個經理竟然好不滿咁話唔通由得d位空左係度咩.等左成45分鐘先有得食,賣相差,又難食...食左d變壞蛋差d想反胃添...係等期間,不時聽到食緊的人追d野未黎,service同食物都係九流....千其唔好去

同朋友行過呢頭, 見到個招牌寫著"遊食手打烏冬",於是同行既朋友一致決定入去試下佢,入去既時間係4點幾,但係都差唔多坐滿人,環境都算ok,我幾鍾意d音樂(佢地播英文歌)為免人多上菜慢既關係我地好快咁點左菜,過左差唔多5分鐘就有得食喇,我地一行4人叫左一個白咖哩烏冬,一個年糕烏冬,兩個九州蕃茄烏冬同一個黑金烏冬沙律,d烏冬都幾彈牙,而兩個女仔就好鍾意個黑金烏冬沙律,我都覺得唔錯,因個賣相好特別,黑烏冬真係第一次見,食落幾得意(我只係分到幾條黑烏冬>_<),整體上都幾滿意,侍應既態度亦都唔錯,唔會扮傻唔睬人,所以我應該都會再去食!

朋友話呢間野幾好味咪黎試下囉--行到門口,已經見到師傅O係度切緊烏冬,坐低即刻叫左個咖哩牛肉烏冬,咖哩入面有薯仔同牛肉賣相唔錯,吃一口烏冬,煙韌彈牙,又有口感.牛肉味又唔會比香濃既咖哩味掩蓋,配合得剛剛好,值得一試,加埋野飲,埋單只不過五十幾蚊,仲唔收加一,以同樣價錢出面找不到同樣既質素,抵吃!!要吃手打烏冬,這裡是一個唔錯既選擇..

環境都算舒服,但唔夠日本feel,D烏冬好有口感,個地獄湯烏冬都幾野味~值得再試,壽司就不過不失啦,比起同區日本菜價錢都算ok!這餐我都算滿意!