過橋麵檔

营业中

休息中

/🔻環境/ 服務 (3/5). 元朗人氣餐廳💥 疫情下依然要排隊，不過大概10分鐘就可以就坐。佢地嘅卡位有膠板阻隔，位置有少少擠迫，但還可接受👌🏻 上菜速度快，特別欣賞霸王雞嘅賣相📸-🔻食物/ 飲品 (3.5/5)🍽 霸王雞菜飯 HKD57餐廳人氣必點嘅霸王雞菜飯🐓 雖然我叫咗嘅係輕量版，但係份量都唔少，大概係1/4 隻雞🧡 包括咗唔同部位，肉質正常🙌🏻 特別鍾意佢嘅薑蔥絲，要嚟送飯一流👻.🍽 鹽水鵝菜飯 HKD66鵝嘅肉質偏鞋，而且味道偏鹹，比較失色👎🏻 建議可以order 番佢地嘅”雞飯” 類食物比較有保證✔️.🍽 酒醉蛋 HKD10做到流心蛋嘅後果，而且滷蛋滷得入味💛 酒嘅味道同鹹度適中，值得一試🥚.🍽 海鹽柚子話梅七喜 HKD22有驚喜！杯邊塗滿咗海鹽，整個味道鹹鹹甜甜，好配合👍🏻 係一個開胃嘅餐前飲品🍹-🔻總結 (6.5/10). 雖然食物味道中等，質素同價錢成正比☝🏻一間本地小店能夠喺香港經營多年，而且由一間分店開到兩間分店，應該係用心經營嘅表現✨可以一試🥢-🔎 詳細資料. 餐廳 : 過橋麵檔. 地址 : 元朗建德街25號大福中心地下1號舖 / 元朗大坡頭徑2-12號華盛樓地

是日weekend黎到元朗周圍走走 朋友介紹話要試下哩間既雞•嗜辣愛好者緊係揀巴辣雞菜飯啦滿滿辣椒係面 正呀估唔到57蚊碟雞係咁大份㗎😍哩個辣度配埋菜飯食啱啱好呀...朋友唔係好食得辣 佢揀左霸皇雞菜飯勁多蔥 同埋 炸蒜差d想叫多碗菜飯食tim ah..咁開胃🤣

對上一次來食已經五六年前嘅事今次又再黎到竟然都係店中嘅鎮山之寶霸王雞飯同埋因為想試另一種鼓油雞霸王雞飯令我着迷嘅原因係因為佢有好大量嘅炸蒜同埋蔥絲做toppings😛 同霸王雞汁非常之相配啲汁可以撈埋成碗飯食晒🍚🍚而雞嘅本身亦都十分之滑真係好好奇可以點樣做到另外菜飯啦都非常之新鮮，冇擺咗好耐而焗冧啲菜頭仍然都係爽口嘅🥬雖然疫情令到啲枱冇錯得咁密但仍然都係枱枱有人店員嘅服務仍然好好，好有禮貌 ！

身為元朗人點會冇食過過橋麵檔呢，今次終於心血來潮寫返篇食評，推薦名物霸王雞俾大家。呢段日子周圍都淡市，唯獨過橋麵檔坐滿哂人，環顧四周八成人都食緊霸王雞，我地一行兩人就分別嗌左霸王雞同豉油雞，再加個炸魷魚鬚share。先上枱既係炸魷魚鬚，本來仲想等埋個飯先起筷，但佢實在太香喇，忍唔住食左先，炸粉好薄，亦算均勻，魷魚鬚偏淋左少少，不過味道一流，唔會好似喺有d餐廳食到既好咸好重味。好快主角就上枱喇，其實佢個菜飯冇咩味，但當d飯索哂雞既蔥油味就變得好滋味，同埋佢夠哂大碗，多數人都食得飽。雞就一如既往份量好大，肥瘦適中，我罕有地會食埋雞皮，我地兩人一致認同霸王雞好食過豉油雞，唔係豉油雞唔好食，只係相對普通d。重點係墊底既芽菜，又爽又吸味，完全係餸飯殺手，呢個配撘真係好好。

山長水遠嚟到元朗，同事介紹有間麵檔幾好食，於是嚟咗過橋麵檔。後來openrice一下先發現原來元朗有兩間同名嘅餐廳，距離都幾近，唔知兩間有無分別架呢﹖同事話呢度嘅霸王雞出名，但我嫌午餐嚟講略貴。本身諗住叫麵食就算，點知比我地見到呢張午餐優惠。反正自己食量唔大，一於試下點樣細份法。份量對女仔嚟講適中，最有趣係佢將啲飯堆到好似金字塔咁。霸王雞唔算辣，雖然帶碎骨，但幾惹味同嫩。菜飯嘅菜都算新鮮，飯粒軟熟。隨餐附送一杯飲品，就算叫百香果茶都唔洗加錢。至於我同事就叫咗咩餸都有啲啲嘅車仔麵，望落幾大份，同迷你霸王雞差唔多價錢。

之前食過幾次過橋，都感覺ok，但今次服務非常差，叫左個麵食，問侍應是否三餸會送指定飲品，侍應指住牆上海報話係海報上三款，但海報上並冇顯示嗰杯飲品嘅名，好難憑肉眼去斷定嗰杯係咩飲品，於是我問侍應菜單上會唔會有嗰三杯飲品可以知道係咩飲品，我已經有禮貌地問，但係侍應再一次指向牆上海報，不耐煩話‘咪海報嗰三款’。佢咁嘅態度令到我真係好嬲，態度決定一切，我唔會再幫襯！！！P.s. 該女侍應肥肥的，講嘢好大聲的！

看的卫诗雅推介的攻略找过来点的同款炸鱿鱼真是很真材实料，鱿鱼很肥，不会裹的厚厚一层面粉，好味！霸王鸡，鸡肉是很滑，没什么鸡味咯，菜饭也没有很惊艳，但是一个套餐的性价比还是很高的海盐柚子话梅七喜，这杯饮料真的很好喝，很特别，杯子边边洒了很多盐，解渴又解腻咖喱牛腩，多筋，咖喱味不算重会再去吃，总的来说还是很推荐！

呢間過橋麵檔其實一直都有食開不過一直都淨係食佢嘅霸王雞同埋香辣雞咸雞係一直想試但係都冇機會今日男朋友點左一個咖喱牛腩估唔到牛腩都幾出色，有啲似重慶feel唔係咖喱粉開出嚟嗰隻，而我當然係繼續我的霸王雞啦😂

星期四晚一個人黎食,唔洗等位, 要搭檯, 叫左個霸王雞拼菜飯.因為唔食蔥, 想走蔥, 但侍應哥哥話唔得, 咁唔緊要.再叫左一杯orea 碎紅豆冰, 走cream, 侍應話ok.飲品無左cream, 但我發現連oreo 碎都無埋😂😅變左一杯普通嘅紅豆冰.好彩味道唔差, 紅豆夠稔, 味道唔太甜.雞肉夠滑, 配料有炸蒜, 蔥, 辣椒, 好香呀! 唔怪得唔俾我走蔥啦!醬油好香, 同雞嘅味道好夾.菜飯口感適中.最後全程清晒!有機會會再黎食!😋

次次黎親呢度都大排長龍嘅，但係因為佢上菜快所以lunch hour 黎都好快就有位我叫咗豉油雞，媽媽叫咗巴辣雞 一個配米線一個配菜飯 🐓雞嘅份量好多 芽菜薦底 吸晒d汁既味另外我哋再加多左一個細size 滷水拼盤，個拼盤有五樣送（全部都好食 除左我覺得豬頸肉有啲肥膩）跟埋酸菜好惹味 店員好好咁提我地兩個人叫咁多會食唔晒 我哋最後打包左啲滷水拼盤返去 鋪頭唔算好大 枱排得好密 坐得有啲迫 不過好在每張枱下便都會有個勾仔比你勾袋

星期六的下午一個人來到元朗，被之前youtube影片中這間過橋麵檔之霸王雞飯所吸引，所以特意進來覓食。週末午飯時間客人不少，我點了霸王雞飯配菜飯$57，不包飲品。看到店內不少人因抵受不住寒風都選擇配暖騰騰的麵，上枱時麵SIZE的確夠晒壯觀。霸王雞飯配菜飯賣相不錯，有好多炸蒜粒和蔥花在雞肉表面，配上菜飯夠惹味，而我最愛墊在底下索晒汁的芽菜。雞肉也不會老，肉質算嫰滑。不過雞肉略嫌有點肥，減肥人士不宜多吃。這份霸王雞飯份量算多，$57都算抵食。

過橋麵檔最出名係霸王雞飯！😍今日收工比較夜，又想食雞！所以去左呢間最出名食雞既店鋪到食。平日既8點幾都係坐滿客！不過等位都快。多數既人都係食豉油雞或者係霸王雞飯。都有唔少人食佢既米線。一個霸王雞菜飯餐，六十幾蚊！但係碟雞好大碟，芽菜又夠多😍😍😍其實真係算係性價比高！食完碗飯都仲有1/3 碟雞淨😂😂

呢間係兒時細食到大嘅霸王雞最鍾意佢係雞嘅面都超多蔥另外佢仲有一隻巴辣雞，但真係超辣唔食得辣嘅人請勿點，食到頭皮都痕但係佢就有一種吸引力令你食完想食因為佢啲配料真係超俗

探完朋友，住元朗朋友特別推薦呢間，話長龍熱店，但我地好好彩唔洗等位，當然點了名物霸王雞，很不錯，少辣，飯是用菜飯，有誠意，美中不足，我這碟雞的部份是雞背多。不過茶餐廳的價錢，都不能要求太多！

個個都話食雞先真，但係我自己一個人又點食雞啊，今日上完堂嚟咗附近的過橋麵檔，叫得過橋麵檔當然要品嚐他的麵啦，下次先食雞，價錢來講幾抵$55.3餸仲要包嘢飲，另外叫咗杯百香水果茶， 麵條不過不失，都算有口感，不過我下次來吃會想試吓他的雞