那個ㄋㄚˋ ㄍㄜ (翠和里)

营业中

休息中

今晚同媽媽係大埔食飯 近近地去左翠和里今次餐廳位於梁省躬草堂行前一個街口 轉右有兩邊餐廳林立 轉右直行幾步就見到我地今日六點半黎到 都唔使等就直接入座卡位數量比較多 兩人檯比較少 都坐得鬆動餐廳做緊1000ml嘅飲品做緊優惠～$31-42好大杯 味道可以 三杯炒蛤蜊最記得係依道 一上檯好大碟 好香 熱辣辣的差唔多隻隻都有肉 同全開 做餸下酒一流起司蛋餅芝士處於半溶嘅狀態 仲要有少少拉絲餅皮唔厚 份量啱啱好香酥排骨湯麵湯頭比較濃味 但唔重味精 飲到有回甘味加左少少藥材 排骨肉質好軟 唔鞋口 💛餐廳都有好種付款方式 另外飲品買一送一

大埔埔新台式餐廳✨再次嚟到大埔搵食啦，今次都係朋友提議試食一間新嘅台式餐廳，估唔到都有驚喜喎🤩⭐️那個滷香雞球便當 $68嚟到嘅時候份量都相當足夠，炸雞球配上味道甜甜嘅滷水汁，而且配料都相當豐富，有粟米同炒粉絲雜菜🥦感好fresh 😍配合埋一齊食相當滿足！⭐️香酥脆雞雞雞便當 $68值得一提佢依度嘅炸雞真係做得好好，酥香鬆脆！完全符合佢嘅菜式名，件件都好大件，非常抵食👍🏻⭐️三星蔥餡餅 $12食落感覺蔥味唔算好突出，冇乜特別，同埋比較油膩！配合返佢提供嘅醬汁嚟到一齊食會較好😄另外朋友都叫咗杯台式青檸冰茶一試，炎炎夏日消暑必備🥰

早排經過舊居見到開咗新餐廳，原來大角嘴間台式餐廳開咗喺大埔！呢日去咗試～裝修都幾舒服，行懷舊輕奢路線，裝修深色木+深綠色為主。叫咗#香酥脆雞湯麵 套餐$68揀咗 鮮關廟麵（扁） 、阿里山蜜香鳥龍個湯好濃好飲！炸乾蔥好香～麵係我鍾意嘅麵質，扁身、有咬口😆不過個雞炸漿有啲厚身同硬咗少少🤏🏻#嘉義雞肉拌麵 套餐 $68+椒麻辣子， 鮮關廟麵（中）、南投炭焙烏龍雖然加咗椒麻辣子🌶️但我覺得唔係好辣～不過雞肉有啲韌，麵係圓同粗身嘅，類似油麵，都唔錯，但我自己鍾意食扁嗰隻多啲～另外同行朋友揀咗呢個#秘製嘉義雞肉丼飯 $62+櫻花蝦辣椒 、冬瓜炭焙烏龍呢日食完，其實我之後喺灣仔encore咗次，嗰次天氣熱，點咗拌麵😂但其實我最鍾意係個湯同扁身嘅 #鮮關廟麵 ，可以encore😂不過唔會再叫雞，兩款雞都麻麻🫢

我想喺度先聲明，呢間台灣餐廳唔係唔好食，只係冇想像中咁好食，如果佢嘅價錢納入計算嘅話，味道普通兼且性價比唔高，始終76蚊一個set lunch嚟講唔算平。第一次嚟幫襯梗係要試佢個招牌菜：那個滷排骨便當個佢個擺盤都幾靚，排骨(即豬扒)大大件，炸出嚟嘅樣好有台灣feel，下面除咗飯之外，仲有粉絲及粟米粒等配菜。豬扒係厚切連骨嗰種，炸完再落滷水汁所以感覺無咁熱氣，佢嘅滷水汁偏甜面而且無乜香味。不過呢間餐廳可能太多野食都要炸，所以d油真係要換得密d，否則就會好似呢舊豬扒咁有少少油益味。餐飲加9蚊試咗佢嘅檸檬冬瓜愛玉，味道都ok。仲加咗個小食，三星慈蔥餡餅，12蚊有2件，無乜蔥味，反而d 油好澎湃。

🥗高蛋白系列-菠菜雞肉餅配紅米飯及沙拉菜 $68+煎太陽蛋 +$4菠菜肉餅配上甜醬油、柚子醋，十分開胃，適合管理身型人士既健康之選。🍳招牌總匯蛋餅 $38蛋餅內涵夠足料，蛋皮煙韌，醬汁偏甜和濃稠。推介指數：💛🧡💛🧡/5

今日早收工，決定到太和看看有什麼好吃快有一陣子沒來這附近，看到這個門口裝修不錯，食臺灣菜而且有空位子，就決定試試店舖環境氣氛良好，看得出來花了心思在環境及用具上很少看到臺灣菜會裝修得這麼漂亮，墨綠色做主調而且空間感大，播放的音樂又chill，很不錯的氣氛食品方面，就是一般的臺灣菜，滷肉飯蛋餅牛肉麵等等我們點了滷肉便當，豬扒，鹽酥雞，蛋餅坦白說，臺灣菜味道到那裡食都差不多通常只有牛肉麵才有較大分別，但係今次沒有嘗試到但我欣賞這裡的便當會附上很多蔬菜我看其他臺，很多點了臺式飲品下次可以再試完全以食品價值來說，有一點偏貴但我欣賞他處理氣氛做得很好，可以再來。我們食完走的時候，已經很多人排隊了，才發現原來是地區名店但畢竟是住宅區，所以大家通常也是食完就快快走了。不會坐很久

服務： 當天不小心打捨左杯野， 服務員立即上前幫忙仲送番杯野飲。 服務好好， 好細心野食 ： 好味， 特別係鹵肉不太油推介： 鹵肉雙腸飯， 地瓜球， 黑糖波霸牛乳提示： 星期六日 （中午時段） 不用等太耐

如果100滿分,50分格,呢間我會比30分。其中一款係紅燒牛腱湯麵。唔記得影食物一上枱的相。anyways開頭見到有4大嚿都幾厚嘅牛腱,感覺唔錯。點知4嚿當中有2嚿係好韌、難咬，另外正常2嚿就完全好好腍、腍都唔使咬,4嚿牛嘅質素好參差😅😅而且呢碗麵收我$80。麵底揀左正常份量，對於男士黎講好細唔夠飽。我朋友揀咗飯類，個飯上枱嘅時候竟然俾咗食麵用嘅大湯匙，d職員做野好似不在狀態咁😅😅見到比錯餐具正常作為客人就舉手請職員幫手換，當時個場唔多人唔忙又無其他外賣客落單，但3個空閒嘅職員當中，客人舉左手又講左5,6次唔該，先有1個職員見到。喺大埔呢個位置,人流唔多,唔係商場舖,非星期六日時間收呢個價錢,加埋咁差食物質素真係唔ok。係裝修、擺設上有心思,不過都係唔值$80。用QR code落單個系統好多食物都無放相，而且網上系統有部分食物(三杯雞飯)喺hardcopy張menu度無出現過同時網上落單又無相睇，令食客有d卻步揀唔揀好。始終唔係本土港式茶餐廳一講個菜名就知實際係點嘅樣。可能係跟足台南的煮法啦，但對於香港人口味食物的味道黎講，真係太濃。(例如個牛腱麵湯底、豬軟骨飯味道)

見佢咁多人幫親就試下，開咁多分店，用黃店做生意，結果比啲垃圾人地食😡只係將啲野食預熱夾埋一碟就話係台式野，叫左個豬軟骨仲硬過和合石，根本咬唔開，已經去到垃圾既質素，那個侍應仲講下次再幫親，去吃石頭啦😡最好所有那個都執粒，大家樂都好過你😡

初初發現新店，當然去嘗下🤣🤣12:00開門踩點入去，新裝飾得，店員親切得，叫左兩樣野，飯正常，但鷄偏淡味！咁唔緊要，有調味粉咪落下羅，三種味樣様試吓，奇就奇在樣樣都冇味😖⋯⋯個面湯甜而帶苦，不懂欣賞，食完第一啖，竟然有唔想食落去既感覺，少飲品簡，我飲左波霸奶茶-no good😅唔通係台南野，我唔識欣賞🤭

見到「那個」新開，就去買外賣喇！諗住打電話去落定單先，無人聽😅 行到入鋪頭想買外賣，又要自己掃code！掃完仲要等職員得閒過黎幫你收錢；野食先開始整😅😅連埋等野食既時間超過45分鐘～聽到隔離個姨姨講話佢等左一個鐘，但職員當時同佢講15分鐘有🥲 ！滷排骨飯🌟🌟個盒出面癡住飯，盒面又好油，未打開已經扣晒分！滷排骨個味認真麻麻地！勝在有啲粉絲配菜加返啲分鹽酥雞飯🌟🌟🌟個味係唔差既，不過$70得三舊雞件仲要等45分鐘的話，就肯定唔會再有下次！

見大埔又開咗一間台灣菜式嘅， 裝修又好似唔錯， 門口又好似有人排下隊咁樣， 心諗應該唔會太差， 好啦一坐低望下餐牌， 食物選擇都算多， 價錢都係咁上下， 咁就嗌咗一個鹽酥雞扒乾拌麵， 一嚟到碗麵個樣唔錯， 但見雞扒啲顏色唔多精神， 九乘九都係油溫唔啱， 加上時間唔啱， 咁都唔理佢啦應該唔會差得去邊， 食咗啖麵先，口感ok， 跟住食下個主角，一咬落去硬到石頭咁， 再跟住完全冇味， 其實都唔知依家啲師傅有冇食過自己煮出嚟嘅嘢。只可以講超級難食， 跟住侍應話可以加曬檯面啲粉去調味， 我都唔知佢係未瞓醒定求其答。 不過睇返其他分店嘅差評， 原來好多都話係冇味道好難食。最奇怪就佢枱面啲粉又係冇味道。但好心佢哋真係試過曬自己煮出嚟嘅作品先至好賣街。唔好等啲消費者貼錢買難受呢間又係一次過永無下次乾脆快啲執咗佢騰空個位比其他有心人開

都系缘份嚟的，路過唔同坐標的《那個》，始終系街角路遇上，都系有點難以相信，尤奇是那一刻，非常順利入座。有別其他《 那個》，大埔店員是有禮貌的，希望佢不只試業成功，可以進註，令大家有多一個台菜選擇。《那個》的滷排骨系唔會令人失望的，因為佢的份量同味道都令人好滿意，配菜粉絲粟米亦好出色。加配的墨魚條也不錯，自由加粉，那有不歡喜？！基於試業，飲品選擇就比其他分店少。但環顧四周，黑糖台奶茶己是風靡之選，相信我這柸翠花加愛玉就是另類之選。

第一次忍唔住寫食評，叫外賣買3個餐，送得兩個餐，打左成粒鐘電話都唔聽，想退錢/拎返份飯都唔得！ 出餐時間又慢！叫外賣時大家諗清楚！味道方便，普普通通，唔會有下次！👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻