酥妃皇后 (蘇杭街)

营业中

休息中

'葡撻 - 酥皮夠酥脆，牛油味都好重！*另外仲買左盒蝴蝶酥，大大盒送禮都唔失禮。開左成個星期都仲好脆!📍酥妃皇后 (蘇杭街) 蘇杭街2-24號啟豐大廈地庫5號舖

8-11-2023 (Wed) 食完晚飯,老公攞出喺呢喥買嘅杏仁條嚟食,見到佢係唔長,拎出嚟食喇,甜味集中喺面嗰層,亦有牛油味,成件都脆嘅,每層亦分明,不過乾咗啲,亦因為咁,佢唔會好漏.而一盒就有8件.味道: 2分翌日(9-11-2023 Thur)老公拎包食剩嘅迷你蝴蝶酥,睇吓食用日期,係可以擺到出年4月30日,我攞件嚟試先,一咬,口感唔鬆化而係實同乾,實到似木頭,牛油味道又有啲怪,唔甜.味道: 0.5分上次食評係2023年10月25日刊登嘅呢篇: https://www.openrice.com/zh/hongkong/review/%E8%9B%8B%E5%8D%B7%E9%81%9C%E8%89%B2-e5091332價錢:又係買三送一任溝,老公同事同佢share,老公又唔知幾錢.

20-10-2023 (Fri)老公同請佢食晏慶生後,就行嚟呢間買蛋撻同蛋卷,佢哋即時食咗蛋撻,然後送咗一筒蛋卷俾佢,佢哋就聽店員推介,喺兩,三種味道中,要咗呢隻鮮奶味.拎到返嚟,我就喺21-10-2023(Sat)晚食吓,蛋卷顏色係淺黃色,長12.5cm,直徑有1cm,食落,佢嘅脆度似嘉頓嘅牛油蛋卷,鮮奶味係有,我就覺得甜咗啲啲,但老公話唔太甜.而佢嘅牛油味唔算好出,我覺得呢隻一般.題外話: 其實好多年前,住喺九龍城嘅前女同事PL有一朝帶過一件呢喥嘅蛋撻請我食,嗰時我覺得一般.

每次經過蘇杭街，除咗去麵尊食車仔麵，都會行過幾個舖位，睇吓有咩甜野食，食完咸梗係食甜。之前買過呢間原味蛋撻後，發現佢個酥皮造得唔錯，口感有層次，大大隻，不過次次5點幾去到，見到已經蛋、皮少少分離，明白嘅，始終唔係剛剛出爐，有呢個水準都已經不俗。另外，仲有不同撻可選擇，雜果撻、藍莓撻、朱古力撻都比原味蛋撻及葡撻細，但好多人買，有機會個胃有位可以一試。今日又試下個葡撻，好滿意，買4個，個盒好靚好精美！

下午茶時間，做野做到好攰，想搵啲野食下。同事們推介我試下呢間以酥皮做主打既 Queen Sophie，話佢既蛋撻唔錯，咁就買黎試下啦～～4點幾去到，都仲有好多撻揀，同事推介蛋撻，咁就要蛋撻，個人比較鍾意葡撻，就要埋黎試下。先講嗰酥皮，本來以為兩個一樣。但食落葡撻既酥皮明顯比較酥脆，而且牛油味比較特出。唔知係刻意定意外😅😅蛋撻既蛋部分都算滑，但係蛋味就唔特出，整體既味道都偏淡。而葡撻蛋部分係比蛋撻甜，但焦糖化唔夠，所以除左甜啲之外，同蛋撻沒分別。以$12蛋撻同$17葡撻黎講算係大件同唔錯既。

今日有同事買咗好多個唔同芝士撻.做下午茶請我地食😉之前聽過話好食但就未食過.終於有機會可以試吓.有10幾款唔同嘅口味.諗咗好耐最後決定試朱古力味.我仲試咗兩啖榴槤味🙌🏻估唔到可以做得咁出色.個撻皮非常鬆脆.攞起已經感覺到好脆.好香牛油味.但又唔會好油攞起唔會成手油.芝士味勁濃郁.個朱古力味都唔會好甜啱啱好.個榴槤味不得了超濃超香.而且非常滑.因為好足料.所以食一個其實都有飽肚感.性價比好高😊鍾意食芝士撻一定要試吓!

公司喺上環.都開始適應左上環嘅生活！而且仲發現呢邊都幾多嘢食.而通常到咗兩點幾.都會有同事問吓大家食唔食下午茶.今次就試咗好出名嘅酥妃皇后!我哋一共買咗十幾件唔同口味.我就試左黑糖麻薯芝士撻.個撻好香牛油味超級鬆脆.芝士味都好濃.入邊仲有麻薯好煙韌.好食😋唔怪得知都聽到有朋友介紹.另外其他同事都話檸檬.蘋果.果d都好食😋鍾意食榴槤嘅唔可以錯過榴槤撻.超級香濃食一個撻就好似食緊一個榴槤咁😝不過唔食榴槤嘅應該會行開.因為一食榴槤撻陣味濃到成間公司都會聞到.經過去開一定要試吓🙌🏻

芝士撻同蛋撻都係小編最喜愛食物之一！❤️❤️肥唔肥呢樣野唔好諗啦，食左先算啦😂😂😂呢間係中上環既酥妃皇后非常出名，同事們成日都會買黎食！本人就比較喜歡原味芝士撻，放返入焗爐焗返熱佢食仲正！芝士味非常之香同濃！友人鍾意食榴連揀左榴連味，comment 同樣都係非常唔錯！佢店鋪係係中環入上環既小街，唔係係大路上，但為左食既你搵路咋嘛，難你唔到既！分數：（10分滿分💛）味道：8價錢：7環境服務：N/A（以上評分只是本人個人口味而已）

因為今日family gathering每人帶一樣餸，但係已經夠餸啦，所以我就去咗負責買甜品嗰part😎😎😎因為我食晏嗰陣時經過左酥妃皇后，所以就諗住試吓啦 ，由我食完晏晝，放工，再送到去屋企人度，個酥皮都係冇淋到嘅，冇出油出到成個盒都一達達好似其他出邊餅店咁👍🏻👍🏻👍🏻買咗兩個原味芝士(😋10/10) 原味芝士冇得輸一個Apple crumble (😋10/10) 呢個係surprise地好食，本身諗住試吓但係個人覺得非常之好食兩個栗子(😋7/10) 栗子係特登買俾媽咪食嘅，但係佢就覺得唔夠多栗子蓉🥰🥰同埋一個檸檬 (😋8/10) 檸檬呢個好清新完全沒有好膩嘅感覺， 但係就偏酸嘅但係個人就幾鍾意❤️另外仲買咗杏仁條，佢個酥皮唔會好油亦都唔會好甜同埋杏仁都幾足夠

飯後甜品是必須的😝Lunch完經過見到酥撻🤤香噴噴都幾吸引💕Tart嘅款式都有好多真係花多眼亂，乜都想試下🙊最後揀左①軟心芝士撻 $15最原始嘅味道一定要試軟心不夠軟熟，尚可👌🏻②黑糖麻糬芝士撻 $18黑糖麻糬餡好特別☺️咬落好煙靭，口感好得意③ 香檸奶油酥撻 $18好creamy 配清香檸檬味食落中和左，無咁膩④ 蘋果金寶酥撻 $18好似食緊蘋果批咁撻皮好酥脆⑤焦糖果仁酥撻$18果仁香口，脆卜卜焦糖味唔太夠⑥朱古力脆米酥撻 $18唔脆嘅脆米🙈朱古力味甜左少少

I paid $20 for two egg tarts, after trying it it was very very ordinary. So I definitely feel ripped off, it is worth maybe $5 each I think.The egg inside is very little compared to the crust outside. Definitely won’t try again

同事請食下午茶，有得食撻😗但唔推薦呢款口味首先個撻皮唔酥食唔到佢有層次感其次，口味唔夾朱古力&百香果唔係好夾到理論上甜+清爽係可以平衡到甜度但個人覺得百香果個味好怪可能本身個味就係咁（？）而朱古力濃度不足好好好普通朱古力味兩邊嘅味道都做得唔好最後，賣相完全唔可以拎嚟打卡個皮焗到燶左百香果個邊嘅色又好奇怪又有幾點唔知咩嘅黑色點

「員工態度如何店舖銷售也必如何！」今日專登去上環店買蛋撻，去到店舖時只有我一個客人，見到蛋撻個樣好似已經放左好耐，蛋及酥皮已經分裂哂只有一至二個個樣還可以，但專成黎到又無理由唔買一個試一試，入到店舖同店員講我想買一個蛋撻，之後問可唔可以要我指個個蛋撻，店員即刻黑面、碌大對眼及大聲呼喝即係邊個？之後叫我行出門口廚櫃指，係入袋袋過種店員個樣仲黑過舊炭，其實你唔比選擇可以講一聲唔好意思，唔比選擇咁我自行考慮仲買唔買，但唔係咁惡劣既態度對客人，難怪店舖無人幫襯。

酥妃皇后香港有三間分店，歌手藝人黄寶欣開設，賣點係全人手製作酥皮蛋撻，另有果撻及包點。上環分店地點隱蔽店面細小但不狹窄，簡潔乾淨，沒有座位。一入內近門口有一大塊玻璃，能清楚看見食品，看看價錢15-18元，相比起其他地方蛋撻貴很多，不過看著的確滿吸引。剛巧下午經過就買12個回公司餵班同事，某幾位同事極愛食酥皮蛋撻聲稱有368層酥皮。蛋撻對於我來說一向不愛食感覺又甜又膩，一口啖下去的確夠酥，皮一觸即碎會吃到滿身都是酥皮碎。我另買了多一款朱古力脆米蛋撻，好濃郁的朱古力帶點苦又有一點甜，再加上脆卜卜的米通，真的好好食。整體來說酥皮做得非常之出色又香又酥，價格係貴了些，但是值得食。

餅有餅味！👍😋撻皮酥香鬆脆沒有過多牛油味，今日途經上環酥妃皇后被櫥窗的酥皮撻吸引我停下腳步，看了一會終於忍不住買了二件回家。🥧朱古力脆米酥撻 $18兩款都是我喜歡的今日姑且就肥小小吧！朱古力撻中間層滿滿香濃朱古力加上面層朱古力脆米，雙重朱古力出奇地不覺膩口，全因甜度恰好軟滑中帶脆卜卜非常可口。👍🥧蘋果金寶酥撻 $18樣子吸引蘋果肉欠了小許玉桂粉，以蘋果金寶來說，個人感覺比較甜