醉辣鮮 (天空之城)

营业中

休息中

成日都知道天空之城好多嘢食，唔知道原來有間咁chill嘅海鮮餐廳「醉辣鮮」，呢次過咗嚟試二人即撈海鮮火鍋套餐，非常滿足！鍋底可選擇清甜椰子雞，湯底清爽，讓人感受到椰子的自然甘甜，特別適合喜歡輕口味的食客。套餐中的海鮮選擇豐富，包括生蠔、鮑魚、扇貝等，每一款都極其新鮮，口感彈牙，能夠展現出海鮮的鮮美。肉類方面，美國安格斯牛肩胛和西班牙栗飼豬各有特色，我們要了牛肉。牛肉滑嫩，油花分佈均勻，讓人回味無窮。我們選了三款丸類，胡椒豬肚丸、爆芝牛丸和麻吉燒，不僅口感多樣，還能給火鍋增添層次感。小食部分，我們選了藤椒魚皮，既能開胃，又能增添趣味。最後，套餐中包餐廳的蔬菜任食，搭配火鍋更顯均衡。醉辣鮮 (元朗)地址：元朗錦田高埔村110號天空之城地舖

朋友生日飯局，在Open Rice 搜尋到這店舖，去到店舖感覺環境好一般，坐下來後冷氣也不足，食物方面，海鮮不太新鮮，我們點了幾款海鮮，只有蝦和龍蝦可以，其他就不說⋯⋯！蒸雞味道好咸，還有點了一個雞煲，沒有辣只有越吃越甜，可以說是不合格的雞煲，價錢方面偏貴，CP值低，用餐後只可以說一試無妨🙂‍↔️😞🙂‍↕️

同幾個朋友元朗打邊爐，試咗 Spicy Drunken 嘅蒸氣火鍋。上枱嘅海鮮拼盤好新鮮，有蝦、蜆、花甲、蟶子、魚片，即蒸即食睇住個鍋蒸幾開心。 蝦肉甜、冇腥味，花甲冇沙，食完啲精華流晒落粥底，熬成一鍋超鮮嘅海鮮粥，熱辣辣就咁食粥底鮮甜而不假，真係一流既享受。 仲加咗牛肉片、娃娃菜、冬粉等配料，唔貴又好味。環境乾淨，冷氣夠，服務員主動加水拎碟。適合夜晚聚餐，熱鬧又唔侷促🦐🍲🥢重點大熱天時打邊爐都唔怕熱 ^^ 

自己撈海鮮幾好玩，感覺好新鮮，全部海鮮都係郁嘅，都蟹都有啲都蟹膏，半邊波士頓龍蝦，郁緊嘅鮑魚，蒸蕃薯好鮮甜，蒸茄子加蒜蓉好正，凍檸茶38蚊好大啲，同朋友玩咗三個鐘都唔錯！

位於元朗爾巒入面嘅天空之城 有一間叫醉辣仙 已經喺天空之城呢個地方好多年㗎喇 佢係一間有得食海鮮 又有得聽歌嘅地方 佢嘅海鮮係非常之新鮮 當你買咗套餐之後 你就可以去選擇你自己覺得喜歡嘅 龍蝦 蟹 蝦 等等嘅食材 然後交畀服務員幫你洗乾淨處理 佢哋會整好一個蒸籠 首先會將 蟲草雞 作為頭盤 蒸好之後 就有好香又好味嘅蟲草雞 然後再逐樣逐樣嘅海鮮放上蒸籠 佢有一個時間表 計算海鮮要蒸嘅時間 只要等夠時間 就可以食到新鮮美味嘅海鮮 另外 佢有Live Band 間中會有歌手喺度駐場唱歌 一路食海鮮 再一路聽好歌 真係一流嘅享受呀 而且佢有套餐價 都係二百幾蚊 二百幾蚊可以食到新鮮嘅海鮮 仲要係咁好味嘅 我覺得真係超值㗎

I see this restaurant all the time, but I haven't tried it! Tonight again I went to the door to see, the person in charge was very kind to introduce each different package, and on Saturday there is a live band performanceThe two of us as a result tried one of the lightest seafood packages $158 a person really cheap! There were shrimp, scallops, steamed chicken with insect fungus flowers, steamed chicken with little steamed buns, crab sticks, and we added a Boston lobster for an additional $158!A

We ordered a lobster meal. The staff first prepared the udon steamed chicken for us, demonstrating how we steam the machine, then, we do our own steaming of all kinds of fresh ingredients, including lobster, scallops, shrimp and shellfish, in addition, vegetables in unlimited additions 🤣.The steam cooking method perfectly preserves the fresh and fresh taste of the seafood, and every bite is filled with the freshness of the ocean. The lobster meat is tender, the scallops are fresh and juicy, the

好耐冇寫食評.因為都冇咩特別好食！今次再寫因為值得再去既一間餐廳.工作人員有禮有問必應.反應快.海鮮新鮮.自己撈即撈即幫你處理.飲品大杯抵飲.泊車唔洗錢.環境座位舒服.香港都少見🥰

超級滿足既蒸肉蟹放題老闆娘好好人 過咗截單時間都會主動問需唔需要加海鮮重點係海鮮同蟹由得你哋自己夾夠新鮮啲蟹識得走佬仲會好細心俾張牌你 提醒咩海鮮蒸既時嘅幾耐未停過手 個個朋友都食到肚脹脹重點推介肉蟹之外 係佢哋唔係任叫既蟲草蒸雞我哋叫多左份食 最尾所有既精華係個粥底係食唔曬要打包 聞到好香既蟹味勁瘋狂既一次開頭又有靚湯 最後又有靚糖水逢星期五六日現場仲會有歌聽

第一次來這間餐廳，餐廳外邊有停車位，還有很多海鮮，可以自己挑選，儼如一個細小嘅海洋館！我們選擇了每位$328套餐，包含了老火湯、龍蝦半隻、日本元貝、肉蟹、鮑魚、生蠔、紅棗杞子蟲草花蒸雞、海中蝦、沙八、蜆、海皇粥底、還有任食時蔬及甜品。超級豐富，食材新鮮。除了食物出色，服務也一絕，今時今日香港咁嘅服務，實在難得👍👍 服務員面帶笑容，還幫客人蒸海鮮，殷勤地介紹每份海鮮應該蒸幾多分鐘才好味😋 真心覺得這里的服務態度真係冇得頂！而且還有live band，氣氛好。星期五晚，越夜越多人，生意不錯。總括來說，日後必會再來！

基本海鮮餐 $298（經openrice訂）（walk in $328）食物一樣。.海鮮好新鮮，蔬菜，蒜蓉粉絲任加任食。 鮑魚，龍蝦，生蠔，蟹，水箱自己揀，就算冇得揀的生蠔，扇貝，蝦，樣樣都好新鮮，份量好足。😋👍🏻👍🏻👍🏻同自己辛辛苦苦去街市買。拎餐死，洗餐死，差唔多價錢。.星期五，六，日，有live Band，都幾好聽。幾百蚊有嘢食，有嘢飲，有歌聽，坐得舒服，服務又好，真心好地方👍🏻😘。.樓面服務超級好，細心幫我地整理，又提我地蒸海鮮時間，無得頂。（服務好呢樣真係，係香港久違咗好耐。） .最後埋單：（人均消費） $298+凍檸茶$38+ 加一 （用原價$438加一） 。 .（我地要求 波士頓龍蝦 轉澳龍 再加$40/人） = $480左右/ 人 （醬料，蔬菜，聽歌，泊車，不另收費）👍🏻好均真，物有所值。❤️❤️❤️

今年中秋，我哋一家人決定去蒸氣海鮮餐廳慶祝，真係第一次試呢種餐廳，感覺好新鮮。餐廳環境好親民地道，好適合家庭聚餐。每逢周末都有現場音樂表演，尋晚假期前夕，亦都有安排，正好遇到一位文青歌手，令晚餐氣氛更加好，大家都覺得好開心。我哋喺 OpenRice 預付，訂咗一個六九折的海鮮套餐，性價比高得嚇人。套餐入面大部分海鮮都好新鮮，特別係蒸龍蝦同鮑魚，肉質鮮美，吃完真係令人流連忘返。而且，餐廳服務都幾好，服務員好熱情，幫我哋解答問題，令用餐體驗更佳。最重要係，我哋食到飽得滯，最後仲有鍋底嘅海鮮粥，真係好好味，忍唔住打包帶走！總括而言，今次晚餐唔單止令我哋享受到美味海鮮，仲感受到咗家庭溫馨嘅氣氛，真係好啱中秋咁嘅團圓日子。希望下次可以再嚟試下其他美食！

住了錦田一段時間，成日見到呢間餐廳，但係都冇試過！今晚再去門口睇吓，負責人就好有心咁介紹每一個唔同嘅套餐，而且星期六仲有live Band演唱我哋兩個人結果試咗一個最輕盈嘅海鮮套餐$158一位真係好抵！有蝦、有扇貝、有蟲草花蒸雞、有小籠包、蟹柳，我哋自己加咗一隻波士頓龍蝦，都係加$158！另外蔬菜係任食！所有海鮮都非常之新鮮龍蝦都有膏，好滿足！兩個人完全食唔晒，飽到最後！好好味嘅海鮮精華粥都只係可以食到一碗！服務非常之周到，服務員全部都好友善，提我哋每一樣海鮮應該蒸幾耐。最後建議我哋打包啲粥返去個餐之後仲有糖水送！而家真係好少有現場演唱，當晚歌手都唱得幾好，而且成個氣氛好開心好輕鬆，值得去！非常好嘅體驗，適合一家大細或者慶祝活動！

醉辣鮮位於錦田天空之城，提供獨特的蒸汽火鍋體驗。由於我哋唔食蟹所以我哋點咗個龍蝦餐。店員首先為我哋預備好烏冬蒸雞，示範一下我哋點樣部蒸機，隨後，我哋做自行蒸煮各式新鮮食材，包括龍蝦、扇貝、蝦和貝類，另外，蔬菜喺無限添加嘅🤣。蒸汽烹調法完美保留了海鮮的鮮甜原味，每一口都充滿海洋的鮮美。龍蝦肉質鮮嫩，扇貝鮮甜多汁，蝦肉彈牙爽口，貝類鮮美可口。蔬菜經蒸汽烹調後清脆爽口，保留了原有的營養價值，最後仲有集齊所有鮮味嘅粥底丶加埋冰涼嘅龍眼肉+桃膠糖水😍店內仲有現場真人歌手表演，為用餐體驗增添了愉悅的氛圍。整體而言，醉辣鮮不僅提供了美味的蒸汽火鍋，還創造了一個輕鬆愉快的用餐環境，值得一試。

第一次到這家位於錦田的蒸氣火鍋餐廳,在現場live band的悠揚旋律中享受美味佳餚。這家餐廳的特色是提供各種新鮮優質的食材,包括肥美多汁的雞肉、Q彈鮮嫩的鮑魚與扇貝,以及應季的各類蔬菜,可任意選擇搭配。烹調方式採用蒸氣方式,保留了食材的原汁原味,吃起來十分鮮甜可口。我特別喜歡最後煮出來的粥,濃郁綿密,略帶一絲甜味,相當惹味。在漂浮的蒸氣中,感受食材慢慢融入湯頭的過程,實在是一大享受。餐廳的裝潢富有民族風情,營造出溫馨舒適的氛圍。