醉辣鮮 (天空之城)

营业中

休息中

屈左香港好耐冇得去旅行，所以一放假就去遠啲既地方。餐廳位於元朗天空之城，遠離市區，有種寧靜渡假既感覺。難得黎，食豪少少，叫左肉蟹放題，包埋多款海鮮，如生蠔、海中蝦...而沙白大蜆仲係任食，性價比高，好易回本。食放題叫左杯檸檬茶，可以消濟，上台大杯到嚇親，幾抵飲! 套餐包左鮑魚、蠔同蟹都可以去到門口位自已捉，有五個大水缸，每缸既海鮮都好生猛，數量多，可以慢慢簡。我就睇下邊隻蟹跑得快就捉，保證新鮮。係簡海鮮同時，店員已經上左碗老火湯同蒸定雞，埋位就可以開始食! 老火雞湯濃郁，冇味精，頓時感覺被滋潤。雞件有陣陣酒味，仲落左頗多蟲草花去蒸。蒸爐分左兩層，下層放左生米、豬骨、南瓜同芋頭，上層就可以蒸海鮮，一路蒸一路滴啲精華落底，好期待最後既海鮮粥! 蒸爐可以set timer，夠鐘就響，海鮮最長只需蒸6分鐘，快到食唔切。點評下海鮮:肉蟹屬雄性青蟹，所以蟹膏呈橄欖黃色，肉質爽滑，蟹鉗位係最好食，鮮咸多肉!除肉蟹外，最推薦蜆，蜆係要叫店員拎。總共兩款蜆，黃蜆細隻啲，但肉厚滑身，灰蜆大隻啲，咸鮮味較重，唔使點調味料都好夠味。海中蝦彈牙，蠔大隻肥美，鮑魚Q彈，總括都好新鮮，海鮮就係清蒸先最好食!套餐仲包

💖 醉辣鮮 (天空之城) (元朗)✨元朗錦田高埔村110號天空之城地舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️天空之城呢個地方我哋成日都會嚟嘅，因為就係喺我男朋友屋企附近💁🏻‍♀️我哋通常都會嚟呢度食Cafe或者茶餐廳，不過今次就嚟食呢間海鮮粥底火鍋店😍之前已經見過朋友嚟食，見到自己可以夾海鮮好吸引😆-人氣海鮮龍蝦餐 $298首先龍蝦、肉蟹、鮑魚、同埋生蠔我哋都係可以自己去到魚缸入邊夾，可以自己揀啱心水嘅海鮮‼️我同我男朋友嘅目標就係又大隻又生猛嘅😆，新鮮嘢果然係唔同啲放入去鍋入邊蒸完之後真係好鮮甜好美味😌日本元貝、海中蝦、沙白、蜆👈🏻呢幾款海鮮係廚房幫我哋安排嘅🫶🏻拎到出嚟嘅時候啲海鮮仲識郁㗎😻包你食到新鮮嘢👏🏻啲錢同埋沙白處理得好乾淨，唔會有沙。元貝我自己就喺配料區嗰度拎咗啲蒜蓉同埋粉絲放喺上面一齊蒸😽更加美味。資訊區除咗可以揀要咩調味料之外，仲有一啲蔬菜比大家選擇！我就夾咗好多粟米、番薯、生菜同埋娃娃菜🥬另外仲配有是日精選老火湯、紅棗杞子蟲草花蒸雞、海皇粥底同精美甜品🍮。老火湯飲埋湯渣，熱辣辣咁送上我哋張枱嗰度😍紅棗杞子蟲草花蒸雞件呢個真係好得‼️ 蒸大約10分鐘左右，唔會話蒸到老晒👍

星期五晚嚟到天空之城再次回訪呢一間最醉辣鮮，舊年嚟過一次覺得好玩又好食！生猛海鮮可以自己去揀，新鮮即刻蒸嚟食，其中包括有龍蝦、生蠔、鮑魚、蜆、鮮蝦、肉蟹等等，好豐富呀～有多個套餐可供選擇，我就揀咗人氣龍蝦海鮮餐$298/位，包括有老火湯、紅棗杞子蟲草花蒸雞、龍蝦（半隻）、日本元貝 （1隻）、肉蟹（半隻)、鮑魚(1隻)、本地生蠔(1隻）、海中蝦 、沙白、蜆、蔬菜、海皇粥底同埋桃膠糖水，非常之豐盛！紅棗杞子蟲草花蒸雞，呢個真係必食❤️雞肉嫩滑又入味，而且蟲草花杞子紅棗夠晒養生！每款海鮮都非常新鮮，龍蝦大大隻，肉質爽口彈牙而且入邊有好多膏，超正呀～日本元貝同埋本地生蠔我就建議擺啲粉絲同埋蒜蓉油上去一齊蒸，之後加啲蔥加啲芫荽同埋豉油，超級惹味！星期五六日仲有live Band表演，勁有氣氛！外面仲可以免費泊車～真係超適合聚會啊～

今日朋友生日🎂。。其中一個朋友話生日嗰位壽星好想試吓呢間。。就咁樣我就訂咗3位去食。。去到就點咗二人牛肉嗰個餐再加龍蝦🦞餐。。咁店員就叫我哋出去自己選咗海鮮之後就返位等食。。返到位已經有碗湯同溫泉♨️蛋。。啲食物海鮮新鮮好食🤤～原本諗住唔夠食。。點知未到食牛肉已經好飽食唔落。。最後就打包牛肉同啲粥拎返屋企（啲粥試過好鮮甜又好味）另外生日又送咗3個壽包比壽星嗰位～店員係真心要讚下～好好服務又貼心抵讚。。下次會再去🥰🥰🙏🏻🙏🏻

呢間真係超抵食新鮮海鮮蒸氣火鍋！佢出邊嘅海鮮可以俾我哋自己喺水裏面揀！所以全部都好新鮮！龍蝦都係自己揀咁我哋梗係揀最生猛同最大隻啦！所有海鮮都好鮮甜！我哋最鍾意最鍾意係龍蝦，我哋叫嘅係半分龍蝦餐，埋單每人大約$300，真係覺得好抵食！如果我下次再去我會揀一隻龍蝦，或者加錢食多隻🫢龍蝦好鮮甜，肉質鮮嫩，值得推介！另外佢嘅蔬菜粉絲都係自助任食嘅，所以我喺扇貝同埋聖子加咗好多蒜蓉粉絲，之後先攞去蒸好好好好食😋佢嘅蟲草花蒸雞都值得一讚，酒味濃郁！好滑好入味😋另外佢嘅加大版檸檬茶都只係$28！佢嘅味道海鮮其他港式茶餐廳咁，茶底都好濃郁，抵到一定要叫！除咗檸檬茶之外可以揀鹹檸七其他飲品星期六日佢仲有live Band，成個氣氛好好，食住火鍋chill一晚🥰

元朗有個叫🌃天空之城嘅地方有經多餐廳🍴，而呢間🍶醉辣鮮就係呢度唯一嘅🦀海鮮蒸鍋♨️專門店，佢哋提供多款🤩套餐各有特色，而且仲可以自己係魚缸夾海鮮🦞添！呢度地方十分之大🤩，外面有位泊車🚙，都幾方便，而且星期六或日仲會有駐場🎸LIVE BAND🎙️添！呢度有好幾個大🐟魚缸，食客可以按照套餐項目自己夾海鮮🦞，保證新鮮😍。我哋今次揀咗佢哋嘅🔥人氣龍蝦🦞海鮮餐，依家特價💰$298 一位，十分之豐富🤤抵食！首先佢哋會準備好個🍚粥底，入面有南瓜🎃芋頭同埋🐖豬骨，上面就放咗紅棗杞子🐛蟲草花♨️蒸雞🐓。啲蒸雞🐓好入味😋，而且蒸得啱啱好👍十分嫩滑。個餐包咗是日精選老火湯🥣，今日係海底椰🐓雞腳湯🤤，味道濃郁幾高質👍，溫泉蛋🥚已經調好味可以就咁食😋。時蔬🥬同埋菇🍄類自助形式，任夾任食🥰。餐包嘅海鮮😍有龍蝦🦞、日本🇯🇵元貝、肉蟹🦀、蟶子、鮑魚、本地生蠔🦪、海中蝦🦐、沙白同埋蜆，全部都好新鮮🥰又洗得乾淨！♨️蒸氣鍋有自帶計時⌛️功能，餐廳亦俾咗個表📄我哋寫清楚咩海鮮🦞要蒸幾耐，十分之方便👍，減少 overcook 😂嘅情況出現。龍蝦🦞、肉蟹🦀️唔知係咪我哋自己🤤揀嘅關係，覺得特別😍肥美鮮味又多膏😋，其他海鮮🦐亦都好鮮甜美味，

這間位於元朗的醉辣鮮，晚市主打蒸氣海鮮，有多些海鮮餐可供選擇，我們就揀了龍蝦餐，套餐已包十款海鮮，十分豐富，而且還有免費泊車，所以過去都很方便。星期六日晚都有live band駐場。海鮮可以自己捉，如龍蝦、肉蟹等全部都自己夾上去，再等廚師處理乾淨就可以去蒸啦！店員先送上五指毛桃湯及溫泉蛋，湯水清甜無味精，溫泉蛋既香且滑。$28杯凍檸茶，超級大杯。龍蝦自己捉，裏面肉質雪白結實，而且又有蝦膏，十分鮮甜彈牙。日本元貝可自行添加蒜蓉及粉絲，鮑魚劏完依然都新鮮，肉質彈牙。肉蟹都是自己揀，肉汁流入粥底，啖啖蟹肉鮮甜。蟶子都加了些蒜蓉粉絲蒸，爽脆鮮甜。本地生蠔不算大隻，但每隻都脹卜卜，海水味重；海蝦新鮮彈牙。沙白、花甲及蜆一大盤，二人份量有多無少，而且完全無沙，每隻都開口，鮮味十足。紅棗杞子蟲草花蒸雞醃至咸味適中，耐且十分嫩滑。外面放了些蔬菜、粟米瓜等，任取任食。最後食埋個鮮味十足的南瓜豬骨粥底，非常滿足的一餐。糖水是紅棗龍眼肉桃膠，清甜滋潤。

元朗錦田有個地方叫天空之城，今次第一次黎簡左一間食蒸氣海鮮既餐廳- 醉辣鮮！依到環境真係好大！地方超級闊落，仲會有Live Band演出（而家疫情暫停左），一家大細、一大班朋友黎到都坐得曬！假日都好旺下，記得Book位！店家安排海鮮自選，大量蔬菜配料、調味料自選，服務幾周到！❤️前菜：溫泉蛋、五指毛桃湯溫泉蛋滑溜溜、挺開胃！店家很用心配搭，讓食客先飲一碗五指毛桃湯暖胃熱身，正式開始嘆海鮮！❤️頭盤：紅棗杞子蟲草花蒸雞蒸氣海鮮沿用粥底，先將雞件及蟲草花既精華蒸滲至粥底。雞件細嫩幼滑，味道配上香香既蟲草花味道，一流呀！❤️生猛海鮮：龍蝦&肉蟹店家設計不同的菜單，任君選擇！今次我簡既係半隻龍蝦及肉蟹餐，店家依舊都是有分鐘提示、烹調教學。食客可以自由係水缸簡選心儀既海鮮，跟住新鮮即劏！龍蝦及肉蟹大隻又肥美、肉量很多，味道必定充滿濃濃海鮮味，調味都不用，超美味！❤️蜆物&鮑魚&本地蠔&海中蝦蜆物份量超多，蒸起上嚟大隻又鮮甜！鮑魚及蠔係自己選擇既，配上娃娃菜及鮮菇好正！海中蝦大大隻，啖啖入口都係肉，重海水味，CP值超高。❤️日本元貝&蟶子元朗及蟶子都係大隻型，店家細心備有蒜泥、粉絲，份量由食客自行調配，完全

放假想嘆下海鮮🦀可以試下位於錦田高埔村嘅醉辣鮮門外有唔少泊車位🅿️揸車黎非常方便🚙之前試過醉辣鮮嘅龍蝦餐🦞今次決定trytry個肉蟹放題😆😆🐽 肉蟹放題🦀 ($418)極豐富嘅肉蟹放題肉蟹任捉任食!超生猛!自己係水缸度捉肉蟹 鮑魚 同蠔🦪捉好之後交比店員處理就可以等食啦(๑･̑◡･̑๑)套餐好豐富而且有個建議時間表⏰跟住黎蒸就perfect!๑精選老火湯老火湯好足料 夠哂濃味๑溫泉蛋๑紅棗杞子蟲草花蒸雞 雞件好嫩滑๑小籠包 + jumbo蟹柳๑生蠔 扇貝 海中蝦🦐๑任食沙白 花甲 大蜆全部海鮮都好新鮮!😛😛扇貝 同 海中蝦 好彈牙😎๑海皇粥底🥣吸收哂fatfat海鮮嘅精華🌟๑精選時蔬🥬自取形式 有各款蔬菜同菇🍄粥底好鮮 加埋南瓜粒粒🎃๑糖水

我今日冇嘢做，就試吓約老豆去呢間嘢度食嘢，因為呢間舖頭有得免費泊車，咁我就叫老竇車埋我過去，真係好方便呀。去到嗰度，見到嗰度燈光好光猛同埋空間好大，門口就見到一大堆新鮮海鮮。去到我哋就嗌咗個蒸海鮮套餐，食完個蒸海鮮原來下邊仲有個粥底。我覺得呢間餐廳最好嘅地方就係，佢啲海鮮係可以自己出去夾，咁就可以自己揀自己鍾意嘅海鮮啦。我就揀咗啲特別生猛嘅海鮮，夾完之後佢就會幫我哋處理嫁啦。同埋呢度可以任飲啤酒，啱晒一大班朋友過嚟聚餐。

經朋友介紹嚟到呢間專食粥底蒸海鮮嘅餐廳，交通都算方便，喺錦上路轉巴士幾分鐘就到。佢有幾款唔同嘅海鮮餐，今次我哋叫咗肉蟹放題海鮮餐，套餐本身定量嘅有蟲草花蒸雞、珍寶蟹柳、小籠包、生蠔、扇貝、鮑魚同海蝦。然之後肉蟹、各式蜆類同蔬菜就可以任食。嗌完餐就即刻可以出去自己”捉”海鮮！門口有幾個大大嘅水缸，入面裝滿各種生猛嘅海鮮！根據嗌嘅套餐，夾番相對份量嘅海鮮然後就交俾店員進行清洗同準備，係一個唔錯嘅新體驗，保證海鮮新鮮生猛。返到座位就已經見到店員安排好蒸雞件同老火湯，雞件都算滑，而家用咗紅棗杞子同蟲草花，非常入味。食到咁上下店員就將我哋嘅海鮮送到，仲好貼心咁俾咗一張有每種食材所需蒸煮嘅時間嘅表我哋，咁就唔會蒸唔熟或者蒸過龍。海鮮全部都好新鮮，尤其係鮑魚口感爽彈，肉蟹蟹肉鮮嫩食落鮮甜，扇貝夠大粒，仲可以根據個人喜好，加上粉絲同蒜油！食到最後可以食埋個南瓜排骨粥底，蒸海鮮時嘅汁會完全流晒落去，吸收晒所有海鮮嘅精華，特別鮮美，食唔晒仲可以打包返屋企添。飲品方面叫咗大大杯檸檬茶，清涼又解渴。最後有桃膠作為甜品夠晒滋潤。星期六日仲有駐場嘅Live Band，絕對適合親朋戚友渡過愉快嘅週末。

久違的殺入元朗 一入就黎天空之城覓食海鮮天氣開始涼涼地 食番個粥底蒸氣火鍋岩哂餐廳環境 佈置好有FEEL 有少少風坐出面好舒服🌬-幾個海鮮套餐 睇自己鐘意食咩去選擇 我今次就揀咗肉蟹放題店員會比張計時指南 每款海鮮都有唔同蒸熟時間⏲個蒸爐亦有時間制 跟住黎調整就唔怕唔熟或太熟-🎏肉蟹放題 💰$418((呢個肉蟹套餐包既野實在太多🥹))首先會放咗紅棗杞子蟲草花蒸雞落蒸爐先然後上埋碗老火湯同溫泉蛋 比你等緊時飲老火湯飲得出好濃郁好補身((仲有隻雞腳比你食😂😂))蒸雞吸哂啲紅棗杞子蟲草花味 食落有淡淡既藥材味-💁🏿‍♀️小籠包+Jumbo蟹柳小籠包皮薄都JUICY 一定要放啲菜墊底先放小籠包 唔喺實痴底穿哂-💁🏿‍♀️海鮮拼盤有扇貝 蝦同蜆 蜆大隻 都算洗得乾淨 大部份都食唔到有沙下次再黎食會試下放粉絲加蒜上扇貝 應該都好正🤤-💁🏿‍♀️肉蟹+鮑魚+蠔呢三款要可以自己出去夾 可以自揀生猛新鮮既 揀完比師傅會幫你洗埋((全部都好大隻))肉蟹啲蟹膏好夠香! 肉都多 我地食得好乾淨‼️-出面仲有蔬菜區 都喺自己任夾金菇冬菇雞髀菇 生菜娃娃菜翠玉瓜 基本既有齊蕃薯都好好食‼️好甜 力推-食哂海鮮後終於到最底既

今次黎到元朗錦田天空之城享受晚餐，驚喜發現一間性價比勁高既海鮮餐廳，由心底覺得抵食！每位$298 人氣龍蝦餐餐廳門口有好多唔同種類既新鮮海鮮，龍蝦、肉蟹、鮑魚等等都可以自己係水箱入面挑選，有得自己挑選既海鮮份外有信心！然後自己夾完，餐廳會有專人即埸幫你洗乾淨啲海鮮，真係一粒沙都食唔到！每款海鮮都非常鮮甜有彈性！每份海鮮都有個指引教你蒸幾耐，就算有咩問題啲店員都會好熱情同細心幫你處理啲海鮮！龍蝦蝦肉非常彈性，蝦膏膏汁非常多，完全新鮮。肉蟹蟹肉飽滿鮮甜，蜆肉份量都特別多，成個餐既海鮮都會發現餐廳豪爽一面！驚唔飽仲有生菜時蔬任夾任食，拎啲海鮮精華蒸個粟米都覺得份外香甜！個重點精華就係在於蒸完海鮮鍋底下既粥，真係吸收所有海鮮既精華，仲有豬骨一直煲住好好食！同埋特製蒸鍋真係完全唔怕個粥底會燶同黐底。整體黎講298蚊一位食到咁靚咁多既海鮮真係好抵，好適合一家大細三五之己搭車入黎享受！

是日去了錦田食粥底火鍋$300左右就可以食到龍蝦肉蟹套餐可以自己挑選完龍蝦鮑魚個啲一大個海鮮拼盤就會送過黎了🤤•紅棗杞子蟲草花蒸雞雞件又滑又入味 時間蒸得岩岩好仲附上老火湯 自己煲架😆無味精仲有滑嘟嘟既溫泉蛋•肉蟹 龍蝦 生蠔 蟶子 鮑魚 海蝦 扇貝 沙白 花甲 蜆龍蝦鮮甜仲好多膏 到蒸扇貝個陣 職員仲教我地整左個蒜蓉粉絲一齊蒸 粉絲吸收晒海鮮既鮮味 好出色另外每隻蜆入面既蜆肉都係超級Juicy 同肥美 無沙 亦都非常新鮮每樣海鮮都有時間參考 所以一定唔會蒸到老晒☺️• 粥底火鍋其實食晒海鮮已經非常滿足同飽肚但當然要食埋個海鮮粥！有豬骨 芋頭 南瓜 由一開頭就吸收蒸海鮮既精華 好鮮味😍• 桂圓桃膠糖水到最後仲有甜品 真係撐爆肚皮咁走！

今日去荃灣西探朋友，朋友話去錦田食飯，我話「吓！咁遠？」不過原來坐巴士都只需半小時。專登入錦田是要食海鮮蒸鍋。我們叫了每位$418的「肉蟹放題任捉任食套餐」。餐牌上還有些不到三百元的選擇，不過就只有半隻肉蟹，覺得還是任食抵些。食完就知道我們的選擇無錯，因為我們每人各食咗3隻大肉蟹，每一隻都多膏厚肉，新鮮甜美。除了肉蟹和貝類任食外，套餐還包括其它海鮮，基本上一坐下就無停過嘴。流程是這樣的：首先選好食哪一款套餐，然後按套餐上的海鮮種類去出面的水池自己捉，捉完交給店員處理。之後返回座位享用老火湯（我那天是椰子煲雞）和溫泉蛋。蒸鍋已蒸緊紅棗杞子蟲草花蒸雞、小龍包和蟹柳棒，食完就可以蒸海鮮了。餐廳有一張「蒸熟最佳時間表」，照跟就可以，店員也不時會過嚟幫手。店員還對我們說「加油！食多啲！」好搞笑。任食的海鮮食完可再出去夾或叫店員代勞，此外還可自取各式蔬菜、菇菇、蒜蓉粉絲和調味料。我用蒜蓉粉絲來蒸元貝及蟹蓋，非常惹味。最後，還有海皇粥底和糖水。粥底吃不完可以打包回家。蒸鍋又快又夠熱，所以是蒸鍋等人，加上不限時，可以慢慢食，食得暢快和舒服。聽朋友說，到假日還有現場樂隊表演，可以一家大細帶埋狗仔來食海鮮