醉雞火鍋店

营业中

休息中

火鍋 雞煲 就成日食醉雞火鍋就真係未試過成日聽朋友介紹 今次終於去左食.最重要嘅係！💛老闆有參與5.27三罷💛.今次我地五個人去食叫左個醉雞煲湯底嘅酒味唔會太重放左好多其他中藥入面勁養身🥰 本身湯底已經好濃味 好正😍😍.🌟小貼士🌟放少少湯底落去整豉油個個調味料會正好多！.老闆嘅服務都好周到成日都會主動過來睇下個雞煲又會主動過來話我地知啲雞食得未所以啲雞唔會over cook 勁滑😍食左啲雞之後 就可以開始放我哋叫咗既野.因為我地比較好海鮮 所以叫咗勁多海鮮老闆會同我地講啲海鮮要煮幾耐指引超清晰啲海鮮都好新鮮因為放咗超多海鮮落去煮嘅關係 所以最後個湯底勁好飲 好入味.真係好啱成班朋友一齊食下野 吹下水不過因為店鋪唔大所以如果想去 就最好訂咗位先因為如果要等位嘅話 出面係冇冷氣😖😖.

多款生料、海鮮加雞煲，全家四位埋單 $2000 蚊，價錢合理食得過。醉雞鍋、新鮮本地雞子、真打烏冬、象拔蚌刺身、本地手霜降肥牛、鮮牛舌、游水海蝦、野生鮑魚、珊瑚蚌、桂花蚌、紫菜響鈴，全部清得乾乾淨淨。有雞煲或豬骨煲提供選擇，基本套餐一個保加一份象拔蚌，不愛套餐的我當然要一條象拔蚌啦，話晒全家人食麻。鋪面細細坐得不舒服迫迫夾夾就是意料中事，裝潢光猛感覺乾淨，室內不覺侷促，空氣夠流通。四眼老闆叔叔主動有熱誠，招呼溫暖滿意。麻辣豬耳，頂層真的沒什麼味道，撈混再試試，越食越辣喎！整體食味平凡。象拔蚌刺身一條，因大條所以分兩碟上？眼測似兩三條細併埋一齊，而且要分兩次出貨，相隔時間都有點耐。只需 $500 蚊有交易。師傅刀法頗另類，請問師成何處呢？綣曲的蚌管薄薄鮮爽未見脆，輕甜有質素。條狀的蚌身濕潤軟塾，甜味突出要追住食多兩條。泰式生蝦，一試便知龍定蟲，等了好一段時間終於登場，急不及待立即享用。近乎室溫，黏彈爽的蝦肉，鮮氣強烈！明顯的即叫即做剛剛完成。夾著指天椒盛著蒜蓉，滴著汁釀入嘴仔，極高質使我欣慰讚嘆。調味四寶，剛好齊料調裝雷式混醬。雷式混醬，由青年時跟我到今時今日，簡單的調配，蔥花、指天椒、

成日經過呢間舖都會聞到好香既味😍早排仲可以打邊爐既時候試佐呢間😂可能係天氣凍既原因，大家都想打邊爐，個晚等佐好耐！眼望店舖唔係好大，啲臺擺到去舖頭出面，因為唔想係出面吹著風食就等入面有位先😂啲職員嗌我地20分鐘後返黎，20分鐘後返黎門口又多佐好多人😂好在個職員都認得我地，但話又要等多20分鐘到😩可見間舖人氣都幾高😂想食建議book臺先or早d黎排😂啲職員都好nice盡量幫我地安排👍個雞煲嗌佐藥膳湯底，個湯甜甜地有啲酒味同啲藥膳味係入面😂忍唔住飲佐幾碗😂😂兩個人食雞嗌佐半隻only，其他嗌佐d丸同兩碟手切肥牛，可能舖頭人比較多廚房師傅比較忙😂牛既刀工可以再好啲，但係好味既！原本驚嗌得少，去到後尾飽到啲菜食唔嗮😂個人建議可以嗌其他菜唔好嗌生菜，因為好多送都係由生菜作底，兩個人整係嗌半份菜都ok。整體唔錯，疫情過後maybe下個冬天可以試試😂

以前這店是一般火鍋店，現在變成了大排檔，在街上開多幾枱做生意。樓面只有兩人，怎麼足夠應付十幾枱客人？廚房也明顯不夠人。我們點的火鍋料，下單一個小時也上不齊。漏單或沒貨卻遲遲不通知的情況，當晚其他客人也有遇到。我坐的位置超級大風，向店員反映後也沒有改善。吃火鍋不暖身，反而是全程冷著，實在是第一次。我們的卡式石油氣罐又不滿，火很小，水難滾，再加上上菜慢、漏單，嚴重拖長了我們整個用餐時間。直接點說，就是浪費我們的時間。食物方面，醉蝦很迷你，酒味很淡，似醬油蝦而不似醉蝦。炸魚皮又厚又硬，浸在湯裏一會兒才好吃。象拔蚌刺身挺新鮮，是我較為滿意的食物。總之，這頓晚飯實在是很不愉快。看著食物質素不錯的份上，才不給差評。

鋪仔細細但係人就逼到爆晒👨‍👩‍👧‍👦仲要搞到係條街到放成十張枱,😯多人到爆棚! 一隻雞🐤兩個人食好fit, 凍冰冰❄️見到D雞滾滾下🔥真係好想啜番啖💋個煲好重藥材味,有紅棗，非常潤。建議先飲湯🥘後食雞, 🍗雞煲滾起staff 會同你講, 個火候啱啱好超嫩滑🏌🏿‍♀️, 好似隻雞啱啱沖完涼咁開心! 🤪配返啤酒飲真係一流！食完仲可以打邊爐😍又有刺身叫！缺點係多油左 d d, 記得幫女士們"筆"左D油丫!🤩

凍冰冰食個醉雞鍋就最正喇一向鍾意食雞煲嘅我本身就對醉雞麻麻哋不過見佢咁多人排隊就即管試吓啦鋪仔細細超多人排隊好彩閨蜜一早已經book定枱叫咗一隻雞同埋一啲普通嘅打邊爐野服務態度好好雖然人手唔夠但係都有求必應隻雞好大隻但係我就鍾意食瘦既略嫌肥咗少少其實兩個女仔來講半隻可能好久不過我哋大食就叫咗一隻啦～後來我哋先發現原來叫一隻有一隻既好*雖然真係食到有啲飽但係個湯真係超好味❤️後來有試過淨係叫半隻落湯個湯真係爭咁啲個湯真係要飲完再飲飲完再飲飲到缸底先停😋如果怕甜嘅就叫佢唔好落咁多紅棗啦因為煲得來真係會好甜不過個鵝腸真係太肥啦我哋兩個都食唔到、果皮魚蛋竹笙超夾💪必叫

第一次有依間餐廳係因為喺隔離間日本餐廳拎外賣，覺得呢間餐廳嘅火鍋點解咁香？原來佢係主打醉雞火鍋，顧名思義即係啲酒味好香，一直念念不忘，所以約埋屋企人一齊去試食。本身店舖內座位唔多，大概8至10台到7所以要一早book定位。去到揀完火鍋套餐醉雞鍋都好快已經到咗，我哋揀一隻醉雞加象拔蚌刺身，大概港幣hk$399，覺得好抵食，因為出邊食象拔蚌刺身都唔係平的，好新鮮好爽口，加埋Wasabi食，無得彈😍😍食完刺身就可以開始食個雞煲，d雞好快熟！首先，未加其他配料落去嘅時候，飲咗半碗醉雞湯先，藥材配料十足，味道飲落啖湯非常之舒服，感覺到好暖身加補身。另外會加其他火鍋配料，我推介雪花肥牛，入口即溶，同埋紫菜響鈴，比普通響鈴香口d，其他都普通，配一杯柚子梳打中和反d調味，正！推介推介👍🏼👍🏼👍🏼🤤🤤🤤 🔸🔸🔸🔸🔸🔸🔸🔸🔸🔸🔸🔸🔸🔸🔸

今晚繼續生日飯，繼續食食食😂🎉 等埋朋友放工，佢地帶我黎呢間新開既火鍋店，店面細細，好彩有幾張枱可以坐街邊。 我地一行5人，叫左個古法醉膳醉雞鍋，好濃陏的湯底，好足料既藥膳呀，唔沾豉油都得👍 醉雞好滑，大大件 用瓦煲打邊爐係正喎，打左兩粒半中邊爐，全程唔洗加水，最尾飲埋啖湯底，仲好正好鮮甜10隻生蝦刺身 $88 好大隻又爽口肥牛 (半份) $99 👍 其他火鍋料都好新鮮，有半份及全份叫，2條友黎食都可以試多幾款P.S. 好多人好爆場，服務好有禮貌

辣雞煲就成日食，醉雞煲就真係好少食，當初經過呢間鋪頭嘅時候，成間鋪頭用上刺眼嘅全白燈，食客每晚不足十枱，真係驚佢會做唔長⋯⋯好彩香港人自強不息，不斷求變，我先至有機會一嘗佢哋嘅醉雞煲咋⋯⋯呢間醉雞煲有別於坊間嘅醉雞煲，酒味香醇，再加上佢哋用咗大量嘅紅棗同埋其他配料，令湯底先味濃郁，我哋想直接飲晒成個湯底🙈🙈🙈點菜方面，叫咗一個醉雞海鮮餐，包一條象拔蚌、一份雞同埋湯底⋯⋯另外叫咗大扇貝四隻同埋其他配料 (炸芋頭、淮山、自家制餃子👍🏻👍🏻👍🏻)，用料新鮮，令我一個月內都嚟咗兩次⋯⋯另外，佢哋有做外賣㗎⋯⋯想喺屋企都可以一試咁正嘅醉雞煲嘅話，今次機會嚟啦飛雲🤣🤣🤣

星期日晚，我們4人七時半後來到這家小店，當時店內已滿，幸好等了大概15-20分鐘便有位了。雖然這只是家狹小的火鍋店，一個疑是老闆的男人服務很好，殷勤又誠懇，香港地難得一見。我們還沒全部坐下，他便很貼心地從店後取出一個大布籃讓我們放置背包、手袋。點菜後他端來一個醬料架，有豉油、生蒜、蔥碎及辣椒。待我們都用完了，他便將之收走，不礙著我們。後來他每次端上食物，都會用心幫我們在桌上找位子放好。好了，入正題——食物。我們點了門口的這個醉雞鍋套餐，選了秘製醉蝦。藥饍醉雞鍋 雞肉帶酒的苦味；視乎部位，大部份都嫩滑，也有肉質粗糙的。湯底也帶苦味，材料有黨參、川芎（希望沒認錯）、當歸、淮山、紅棗、圓肉。初時酒味重，後來酒味散了，藥材味更強。到最後，湯變酸變甜，估計紅棗下太多了，早知一開始便撈起部分紅棗。醉蝦 生吃的話味道稍微偏淡，可點店家自製的蘸料——目測當中只有辣椒和蒜，卻會搶了醉蝦的味道。把醉蝦放進火鍋中吸收湯底，味道是最好的。另外點了5款配料：炸魚皮 鬆脆，厚的地方硬。味道較淡，因此浸到湯裏比單吃更好味。豬潤 一般，五塊中有三塊太厚切。稻庭烏冬 雖然上桌時是一塊冰，不過不用煮太久便夠軟了。烏冬煙韌

本身我個人都鍾意食醉雞㗎啦，咁雞煲又係成日食嘢，今日加埋一齊食個醉雞煲，咁就啱晒，店員攞咗個雞煲過嚟，聞到已經聞到香，個湯底好好味，不過啲雞我稍嫌佢老左少少，不過都好好食兩個人食一個雞煲其實已經飽咗，冇乜空間再食其他嘢，呢度嘅份量真係好足夠，而且好好味

呢個位前身係一間港式西餐都唔知轉咗幾多手啦今次開咗間雞煲，味道幾好醬料話到明叫醉雞，無理由唔試一試套餐包咗醉雞一份同象拔蚌刺身隻雞都好肥美嫁仲聞到好香紹興酒味煲咗一陣已經聞到湯底好香湯底有紅棗、龍眼等等材料仲飲咗碗湯雞件厚切👍🏻👍🏻勁正象拔蚌刺身船味道鮮甜味美，點小小醬油及芥末更顯鮮味口感爽口，一點都唔韌食完成份雞都有小小飽飽地🤣加咗幾款配料！點少得牛呀，係安格期肥牛脂肪同肉紋理好分明，肉味濃唔洗點豉油都得啦餃子 🥟正正常常最後用個稻庭烏冬完成今次晚餐我好鐘意既扁身烏冬😍煙煙韌韌

今日就係去大埔探朋友嘅日子 同朋友去完大埔其中一個地標 大埔海濱公園之後 就覺得又熱又累 所以就周圍搵嘢食 朋友話想食邊爐 咁我哋就一齊去周圍搵 見到呢間醉雞火鍋店 個名都好吸引 因為我哋都好少食醉雞首先我哋叫咗個湯底 揀咗古法藥膳醉雞鍋 材料非常之多 有紅棗 杞子 圓肉 花旗參等等 非常滋補 而且雞亦都非常之有雞味 唔係普通食雞咁樣之後就叫咗一個牛柏葉 魚皮餃同埋韭菜餃 牛柏葉非常之容易熟 所以唔適宜煮太耐 牛柏葉嘅牛味相對上清淡 但係口感一流 魚皮餃唔鹹 幾好食相對上 韭菜餃個人唔係特別鍾意食因為我唔食韭菜嘅

平時都鍾意食雞，知道大埔有一間專門食醉雞火鍋的專門店，今晚終於有機會試吓。店舖非常開陽，位於太和最熱鬧的地帶，附近有酒吧、糖水店及餐廳食肆。店舖裝修以簡約為主，我們先撈豉油醬汁，當中有我最喜歡的辣椒粒。火鍋湯底有幾款選擇，我哋就揀選呢度嘅招牌古法藥膳醉雞鍋-半隻份量，驟眼睇藥材雞件份量都非常多，還有女士們最補血的紅棗。雞件非常新鮮，雞肉肉質滑嫩，而且好入味。肥牛嘅條紋平均，而且牛肉味道濃郁，半肥瘦好好食。火鍋配料還有豬紅、韭菜餃、炸魚皮、芋絲、烏冬同埋粉絲，非常豐富。當中的韭菜餃入面有好多韭菜粒同豬肉，皮一啲都唔厚，好足料。飲品亦都多選擇，並非一般的汽水可樂，而是特飲系列！推介的柚子梳打柚子份量多，而且味道好濃郁，飲一啖爽一爽喉嚨。總括來說，位於大埔有質素的雞煲火鍋買少見少了，這一間醉雞火鍋店食物質素高，配料非常新鮮，值得再encore。

探朋友，佢話請我食埋飯喎，咁我唔客氣啦🤗喺佢屋企附近美菱居新開咗藥膳醉雞火鍋，滋補一番，正！🤩小店座位不多，同時都多咗一份人情味，店員友善，周到👍二人餐好似我哋，醉雞鍋半隻雞再加象拔蚌刺身$348🤩🤩象拔蚌勁新鮮，爽口、鮮甜！聽店員講好似老闆嘅屋企人自己做海鮮批發架，唔怪得知又平又新鮮啦！😬😬😬藥膳醉雞鍋！真材實料香噴噴，半隻雞，同樣新鮮，又嫩滑🤩🤩湯勁鮮甜呀，全球飲曬😌😌本地手切牛，肉質稔滑，有牛味！牛脂分布均勻，正呀！😋😋其他配料亦都好新鮮，紫菜腐皮卷即叫即炸👍👍二人餐＄348來講真係性價比超高，支持小店！絕對有下次😊