影片
周末经常同屋企人去荃湾揾食，二坡坊，三坡坊都去过好多间😃，今次拣呢间，见佢都有唔少好评，5个人食咗肥鹅肠，豉椒花甲 ，滑鸡煲，咸猪手，整体味道不错，够镬气👍👍唯独是熟客多，几张枱都有人🚬影响咗食欲🙈。希望老板同食客 可以控制同自律，咁大家都食得开心啲。
继续阅读
冰火牛柏叶真系必食首选，虽然佢系冷盘，但佢嘅酱汁系食完会上瘾，食到你停唔到口，一嚿接一嚿。佢嘅酱汁味道有些少似细个喺啲街边档拮鱼蛋啲酱，少少甜同咸得嚟又辣辣地，非常惹味，送酒系绝配。牛柏叶够爽，食落冇腥味，如果有叫白饭真系会拎埋啲酱去捞饭食！炒米粉本身系无咩期待，因为平时周街都有得食。但系第一啖食落去，发觉米粉个质地系烟韧有咬口，唔系𠮶啲一咬就烂嘅米粉。而且非常之够镬气，味道拿捏好好，食到米粉味得嚟又唔会太咸/淡。平时食炒米粉都会落下甜酱，辣酱嚟吊下味。但呢碟炒米粉基本上啖啖米粉都已经好好味，重有啲炸猪油，虾仁，鱿鱼等配料，一定俾满分，必定Encore!!! 老干妈猪颈肉炒椰菜花，最紧要一定系试咗椰菜花先。一咬落去，质感爽口，非常挂汁同入味。真系有种魔力令你会夹完一棵再一棵，差啲都唔记得食个猪颈肉。猪颈肉就正常发挥，无咩特别所以都唔多讲。总括而言，呢间系非常值得推荐同尝试嘅大排档/小菜馆。入面好热闹，老细真系好好招呼，同埋成夜妈妈成1点钟都愿意做我哋生意，加上难得大厨重煮得一手好嘢食，真系执到宝。
继续阅读
落去荃湾食大排档，必然去三陂坊啦！话晒够正宗，间间都咁多人，见到呢间牌面够大够光猛就试呢间。冰火双拼辣度十足，猪手煲咸香适中，腐乳通菜爽口，炒鹅肠弹牙，再加上睇卖相己经足够了，仲要足料，味道够！！
继续阅读
今次有哥哥介绍我这一间大排档，地方算是宽躺，就算一大班人都唔会好迫～又有冷气坐得又舒服，最紧要食物款式多，价钱唔算贵，又有镬气味～服务都唔差😁员工有礼貌，一定要叫佢个猪手，炸得唔错椒盐鲜油大大件多肉！辣子鸡味都好香，但系就唔系太大件，水煮牛份量多好味，牛肉好滑炒猪什份量都唔小，香辣浓味～有机会一大班人都会再去食，仲有一碟卖相好普通，但系好好味嘅炒米粉，多人一定要叫！够饱肚又有镬气～抄得干身而好味～唔会太油腻～
继续阅读
都有段长时间无黎食排档风味。约左聚头 谂左好耐唔知食乜，友人提议 “醉鲜”，齐脚点餐🥳今次点左：炸大肠，排档必点😍仲要好少地方整得好食。呢间好味，无异味，仲要好香脆小炒皇，又系排档必点😍仲有 有鱿鱼 送酒一流😗豉油皇炒面，都系我心目中 排档必点物🤪炒得都可以，只系之前食左唔少，所以少少停左手。今次除左以上三款竹（个人必嗌之选）仲嗌左椒盐九肚鱼，炸蚝饼&椒丝腐乳通菜食物即嗌即整。。。打鼓肚记得预番少少时间😂食物品质，份量&味道对我第一次黎食既。。。完全系有惊喜。有机会下次会再黎，再试下其他款式。
继续阅读