重慶雞公煲 (已結業)

突然好想食重慶雞公煲，油麻地分店似乎沒有一個喊面，就與老公在這裡食元宵晚餐。兩人份量的煲類不是太多選擇，沒有吃出名的雞煲，要了中辣的恐龍骨煲(即金沙骨)。真是被嚇了一跳，莫看這煲仔細細，共有6大條骨，又有勁多芽菜、草菇、蓮藕及蒜頭墊底。淨食金沙骨已飽了5成，再吃煲裡的配料已佔滿了胃的8成，所以再點其他火鍋配料不多。其實金沙骨與一般美式餐廳的燒ribs差不多，又是用BBQ醬醃製，肉質鬆化帶少許辣。中辣的湯底不夠勁，我再要另加辣椒粉，又全沒有麻的感覺，反且味道偏酸，香茅味重，可能恐龍骨煲不是配麻辣湯底？而芽菜、草菇、蓮藕及蒜頭全吸盡湯汁，勁為好味，蒜頭更是老公的心頭好，食清了所有。其他額外配料只點了午餐肉、燒賣、菜、薯粉及公仔麵。午餐肉是我食麻辣火鍋必備的；薯粉有粗有幼，要了兩粗一幼，非常之爽滑，粗身的口感較好。吃完之後已十二分飽，每人也不用$100，又是一間十個抵的食肆。而且招呼服務也不錯，可以給予5分的，難怪多間雞公煲中，這間比例上是最多好評。

上星期五同朋友o黎點左個二人餐,先o黎一個特大勁麻辣雞煲,果然名不虛傳,o個o的辣勁真係有返咁上下,攪到我個朋友標晒汗,我就覺得o的汁幾好味,不過雖然話係特大雞煲,但點睇都唔似有一隻雞,食完有o的唔夠飽既感覺,好在二人餐還包括一個小食(煎餃子)...不過個皮un左少少同油左少少,但出街食o野都預左會多油既,一客肥牛(有五塊都幾新鮮)同四款指定火窩料,我揀左燒賣,芝士腸,魚蛋同薯粉,芝士腸值得推介,因為好耐冇食過真係有芝士流出o黎既芝士腸o勒,咬開條腸o個刻真係幾有驚喜,不過魚蛋同燒賣就麻麻地,冇乜特別而且覺得有好大陣雪味,薯粉份量就太少o勒,夾左兩o下就冇晒,不過好在仲有兩碗飯同汽水送添,掃晒o的食物就真係覺得好飽o勒...唯一需要改善既係個火既問題,唔知點解個煲加左湯之後都似滾極都滾唔起,攪到我食完煲雞明明好肚餓但只可以望住o個煲湯得佢滾等左20分鐘,心急既我差點忍受不住=(

個ｗａｉｔｒｅｓｓ唔老實，　劃多咗．　錯咗又唔認，　反轉質疑個食客唔啱．　入黑名單，　唔會再去．　食到１肚氣．

突然又收到食友邀請去吃辣, 實在感謝. 今次是雞公煲的油麻地店, 一行五人, 挑戰一個六人餐, 結果亦能清碟, 大家的"食力"果然強勁.六人餐包括3個大煲, 有雞煲, 牛皇煲和恐龍骨煲(即豬骨), 但我們要求把恐龍骨煲轉作蝦煲也無遇上阻力, 這裡的員工對客人的要求處理得有彈性, 值得一讚. 另外還包十碟鍋料(八元或以下任擇), 羊肉或牛肉一碟, 啤酒或小食, 及白飯六碗.雞煲要了大辣, 依然香濃刺激, 但辣度明顯比我以前兩次吃過的都要溫和了一點, 希望只是一時失手而非為遷就香港人口味而"降級"吧. 有人奇怪為何雞煲的雞件斬得細小又多骨, 事實我在國內吃到的無論雞煲又好, 辣子雞又好, 全部都是這樣子的, 而並非香港人吃慣了的"啖啖肉". 蝦煲選了小辣, 結果當然是差不多完全不辣, 味道還可以, 算是三種煲中最溫和的口味. 一如以往, 少許乾癟的蝦只算是配角, 主角其實是墊底的薯條和青瓜, 盡吸湯汁和蝦的味道, 大家搶著吃過不亦樂乎.牛魔王煲味道濃郁, 湯汁味道以辣椒黑胡椒為主, 但就似沒有花椒所以只有少許辣而不麻, 味道亦較為簡單, 煲的配料有牛丸牛腩牛筋牛柏葉等等, 除了牛丸我覺得

下車後也不知吃什麼，看見有間新餐廳就去看看，原來是吃辣雞煲．　 地方好少，每枱只可以坐1 - 2人, 太多人的話就坐得不舒服. 它們有小辣, 大辣和勁辣, 我們點了大辣雞煲$78，如果要打邊爐，加湯是免費，配料每款也是在10 元以下，湯底好入味，打邊爐就最好，不過, 雞肉好少, 好多也是雞骨, 雞皮, 最接受不到是有雞頸, 而且, 不只一件, 如果當這個是湯底也還可以, 但是, 如果是用來配飯吃, 就不太好. 配料不是太多款式, 主要也是丸類和蔬菜. 試下也無妨.

琴晚同女友去, 叫o左個中辣大雞煲同埋幾款火鍋配料, 個雞煲真係好入味, d湯好濃好香.食完d雞之後就開始打邊爐, 配料略嫌款式太少同埋普通, 不過用返雞煲d湯來打邊爐真係好正, 最後埋單每人$80, 算係幾實惠.

個雞煲同Ｄ粉好好食。飲支啤酒一流。不過地方細左少少。旺角女人街那間好坐Ｄ。

以為係普通港式食店，原來係來自上海的國產連鎖店，有點莫名好感。見食評講得咁吸引，都唔執輸去試下，一入舖頭已經感到一陣辣氣，好想快D試下。店員好有禮貌，招待殷切的介紹食法。朋友彷佛唔係太食得辣，叫了個蝦煲小小辣，等得心急，十分鐘後終於到了，蝦炸得脆脆的，當然蝦不及布袋澳的鮮味，但都不過不失吧，重點係蝦下面粗粗的薯條，面頭仲有些淮鹽，外脆內軟我食到停唔到。由於用藍色晶狀那種燃點，火不是太猛，食到差不多才拌均底的的材料，有青瓜及類似勤菜的菜，青瓜煲到林林的又甜又脆，好美味，再加上其他自取的配料，配料約8至12元，每包少少的，份量剛好。下次要試雞公煲!意見：火不夠猛，要等很久配料才熟；建議供應酸梅湯食好飽飽，每位$84，抵

上星期六同男友黎食,叫雞煲($78)同蝦煲($88),雞煲個汁真係超正,好食,但略嫌d雞細件d,無乜肉咁,之後加水打邊爐,d菇同粉,d粉吸d湯真係好好味,忍唔住多一碟,正!!蝦煲又係好好食,開頭淨食d薯條好脆,之後浸d薯條落湯吸d湯汁又係好正,d蝦唔錯,個蝦煲份量好大,食極都仲有咁,但煲底d菜就唔好食,d味怪怪地咩仲有楂..但overall真係好食,會再去!

19.06.07本是訂了位...但也等了半小時....不是因為人多..(得我們3人及另外一對情人).....其實是位太少...才5-6張枱...老闆不好意思...走出來叫耐心一點...因為有一枱已吃了2 個小時...該快吃完....好在朋友反見議加一張小枱...老闆ok...我們終於可以入坐... (那枱客當了這裡是staxxxx....吃完一小時也不走)....老闆好人我們叫了特大雞..大辣...好味道....加湯...好味.....做湯飯...好吃...2 支beer...及其他大小碟...好飽.....父親, 朋友都好歡喜...下次要父母也來...多叫一個大牛煲(臨走時...見人叫...好香....同枱的男人們已決定下次一定要吃)共210元

6個人去,試左3個煲. 雞煲d雞肉細細粒好入味,牛煲d肉好'林', 兩個煲既汁都勁香.我都有試蝦煲,薯條點汁食又真係幾過引, 好似d鬼佬點gravy 咁. D 蝦好爽,應該好新鮮.我地另外叫左D菇瓜菜打邊爐, D菜吸收左D雞牛汁好正. 不過位置有D難搵,同埋坐樓下係有d迫, 樓上就闊好多,都坐得幾舒服.Waiter 既服務都好好,我地坐左成晚高談闊論,d waiter 唔洗叫,自動自覺加茶加湯換碟換火.

今日同班朋友去重慶雞公煲(油麻分店)食雞煲，覺得好好味。特別係"一字骨"煲，面頭有好多一字骨，食食吓仲發現有驚喜，芽菜同蓮藕，有肉又有菜，個湯底仲要係我最愛嫁冬陰公，真係好好味~~<br /><br />而我班朋友佢地就鍾意食雞煲同蝦煲，最特別一提就係蝦煲內d 薯條好鬼正，攪到我又係咁食係咁食，真係個人覺得正過M 記。<br /><br />最後，真係多謝果位老板娘介紹我地食果碟"薯粉"，打邊爐正到暴! 攪到我出左門口都要翻轉頭問佢\攞咭片。(^o^)

其實如果當佢個煲係小菜, 叫碗飯黎食係ok的. 不過打邊爐D配料就麻麻啦! 同埋用那個煲黎打邊爐真係油到爆. 而佢個環境太擠迫啦! 你知道佢個煲唔係用電爐, 係用大家樂打邊爐那種火同爐, 變左出出入入攞野食都好驚撞到人地D火, 好危險咁. 同埋整間野真係好國內FEEL, 所有野餐牌同物資都用番國內簡體字那套. 好似D濕紙巾咁, 乾的, 真係令我好擔心大陸的製作唔知合唔合乎衞生規格...