重慶館

营业中

休息中

買咗個紅燒牛肉麵外賣返到家，湯完全唔熱牛又碎濕濕一路食巳經覺得早知食新興好過.....結果我肚屙3⃣️日痛到死死吓做冬都要去睇醫生🩺呢間嘢不知所謂千祈唔好幫襯

6人限聚收緊前同屋企出街食左個晚飯，早排見到紅橋新開左間重慶菜，勁多人，今日就黎試試佢；都怕6人假日等枱耐，所以一早打電話book左枱先，店員有問駛唔駛留餸，第一次識唔知頭唔知路，店員都有介紹同建議雞/魚類最好都係留定先叫左3款前菜，麻辣豬耳、蓮藕、同蒜泥白肉以為前菜係細細碟，點知都幾大碟，成個餸咁大碟，份量多，亦都好食👍🏻叫左個炒菜，佢地有落到d中藥材炒，又幾好味，幾滋補半隻口水雞，當日想轉叫做一隻已經無哂，留左半隻就只有半隻；同我平時外面食嘅口水雞有d唔同，唔知邊款先叫正宗，但係佢地嘅雞整得幾嫩滑，抵讚👍🏻酸菜魚，好食，魚肉嫩滑，又好足料，好鍾意食寬粉，夾極都仲有，開心！水煮牛肉我地全家都食得辣，不過老闆都驚我地頂唔順，叫我地第一次試左小辣先，其實都好夠味，不過我地都覺得下次可以試下中辣😆去到尾聲開始飽，都唔記得自己叫左咁多個餸，最後黎埋豬頸肉同番茄炒蛋，好食，又唔想晒，所以都慢慢咁食哂佢👍🏻.後記：小店人情味濃，見到老闆時不時都會出黎同食客傾幾句，食物好味，又有心，難得！

門口見到餐牌約$50 包野飲就諗住試下佢d 辣有無料到我叫左個香辣滷水排骨飯一上我其實有d 估唔到係比依種肋條。。仲要得三條，都係骨多。。。肉份量好少但滷得係入味既，但本身係唔辣，隔離d 肉碎都幾香，但只有好輕微既辣我最後要點跟口水雞飯隻辣醬先覺得夠味d口水雞脾飯，雞係幾嫩滑，但份量都係唔係好多跟個碟辣醬偏鹹左d, 辣度都幾勁下但點完係可以提升下d 味道可能我地今次試lunch set...真係食唔到d 重慶味道。。。

係井財街附近搵野食 見到呢間專食重慶野既新食店就一於試下 天氣凍最岩食辣野我地兩人叫左水煮牛肉！麻辣雞煲！尖椒炒回鍋肉！本身想食辣子雞 但無曬水煮牛肉份量都多 但牛肉略嫌鞋口左d 就算小辣都幾辣 麻辣味重 另加$20薯粉 薯粉吸曬汁 正！有牙菜 豆卜做配料當麻辣雞煲上檯時呆左 乜原來係水煮雞黎 落單時店員都無講聲 餐牌英文都係寫hotpot..乜原來唔係平時邊爐雞煲🥲有d失望 味道同水煮牛無分別 轉左雞姐😓 應該要寫明 令人誤會左 等於叫左兩個水煮系列 唉 回鍋肉不過不失 食完都幾口渴 可以重味精左

有幸住响充滿小店嘅地區，週末指定動作午餐一定係去支持一下開業大概半年, 每次經過都聞到香噴噴嘅花椒辣椒香，的確吸引. 今次午餐，我倆各自點了口水雞髀飯同尖椒豬肚飯. 口水雞脾肉質非常嫩滑，但味道略為偏淡. 口水麻辣香味, 辣度十足. 驚喜度不是好高，個人覺得個薑茸比較出色😆尖椒豬肚飯，唔鍾意尖椒可以改為椰菜. 飯一上枱，我已經比佢強烈嘅鑊氣吸引隻，急不及待要開動，果然花椒同辣椒籽充斥响菜與豬肚之中，辣度惹味到非常高，送飯一流，豬肚也夾口略帶咸味. 其鑊氣嘅充足，終於明白點解每次行過都有令人肚餓嘅香味. 店舖裝修簡單，但令人有一種舒服唔壓迫嘅感覺PS 豆漿除咗解渴其實我哋都係準備嚟解辣的😅

我唔敢講呢度係唔係正宗，因為自己未去過四川食川菜，但係呢度嘅水煮牛肉味道係夠花椒香，另外我幾欣賞呢度個牛肉唔知出邊用鬆肉粉”乸”過晒，咁樣比我有一份住家嘅感覺。尖椒回鍋肉飯，爆炒得好有鑊氣，個人覺得比水煮牛肉飯仲更加好食，雖然佢係辣但係唔會覺得佢係得個辣字佢仲好香，好好送飯。不過呢度飲品就好少選擇，都係冰紅茶、可樂好普通嘅飲品，都係一啲現成可以買到嘅貨。食物質素唔差，最蝕底嘅地方就係唔算好就腳，整體來講，一個人想食個快飯呢度係一個好選擇。

一年幾後，終於再開返，真係好開心。單憑電話號碼跟它重逢入正題啦！如果選擇堂食，最好訂枱、留餸菜單跟以前9成相似，不過，我最愛既涼拌豆卜無咗😭雞腎又無😫整體味道跟以前一樣，家庭式四川風味，有別於外間水煮魚既味道。餐廳裝修年輕化咗，亦加入左年輕人，有種煥然一新感覺水煮爐魚 （中辣）- 跟以前一樣味道，好掛住啊！另再加枝竹、酸辣粉同大豆芽涼拌雲耳 - 脆口、但略鹹尖椒豬肚 - 份量比以前多，餸飯一流水煮爐魚、尖椒豬肚

朋友介紹嘅十年老店 事隔一年終於重開 呢到嘅重慶風味小食一流 辣度十足 仲有啲唔辣嘅小食同飯餸簡 除左食物質素 環境都好乾淨好舒服 睇住啲員工每次係客人離開都會係咁消毒張抬 不過因為疫情嘅關係 人流唔係好多 但老闆超好人 額外送左碟手撕雞俾我地食 人情味濃😭 良心小店💯