重慶館

营业中

休息中

我唔敢讲呢度系唔系正宗，因为自己未去过四川食川菜，但系呢度嘅水煮牛肉味道系够花椒香，另外我几欣赏呢度个牛肉唔知出边用松肉粉”乸”过晒，咁样比我有一份住家嘅感觉。尖椒回锅肉饭，爆炒得好有镬气，个人觉得比水煮牛肉饭仲更加好食，虽然佢系辣但系唔会觉得佢系得个辣字佢仲好香，好好送饭。不过呢度饮品就好少选择，都系冰红茶、可乐好普通嘅饮品，都系一啲现成可以买到嘅货。食物质素唔差，最蚀底嘅地方就系唔算好就脚，整体来讲，一个人想食个快饭呢度系一个好选择。