金之園 (已結業)

中午諗住輕食所以求其搵間買小食的鋪頭。我明明話一份腸粉加一份燒賣，個女員工聽為2份腸粉，所以我馬上更正佢。佢態度惡劣咁話聽錯遮。然後我再話要走麻醬。由於我當時沒有看清楚佢落左d咩醬，所以多口問一句，有冇落甜醬。點知，另一個男店員就大聲話，有，咪落左囉，你話走麻冇話唔要辣呀嘛。其𢓭嗰位女員工找錢時大力把個2蚊放在枱上。食物非常一般。其實新浦崗咁多小食店，都唔一定要幫襯你啦，心情唔好咪放假關門囉。食到成肚氣

朝早返工成日經過，但次次都太趕冇買到今日終於有時間買啦。佢有一個早晨特價餐：可以揀雙拼或單拼，可以揀腸粉、牛肉、粉果或燒賣，連一杯凍或熱飲。今次我揀咗腸粉同燒賣加凍檸茶少甜少冰。價錢我覺得都好okay嘅。整體購買嘅時候感覺良好，因為嗰個姨姨好有禮貌返到公司開嚟食，第一個感覺係啲醬料唔駛錢咁落咁鬼多嘅！個人覺得有啲太多，會令到成疊嘢有啲鹹。食物質素okay，但略嫌腸粉剪得比較細粒冇咩咬口。不過除咗傳統嘅甜醬、辣油、芝麻、花生醬之外，見唔見到佢面頭有一啲黃黃地色嘅醬汁？有冇人知道係咩嚟呀？我唔知係咩但我覺得幾好食整體來講味道唔錯~

其實我之前曾經想光顧，位於新蒲崗「大有街」， 以外賣粉麵飯食品跟小食為主的食店「金之園」，和購買「牛腩飯」。但是當時「金之園」的看店店員跟我說店舖快要休息，「牛腩飯」都已經售罄了。或許真的因為「金之園」是新蒲崗裡面的街頭食店，年中有不少工廠裡面的工人或者文員，因為「金之園」外賣自取飯盒的售價便宜，所以在中午午飯時間，「金之園」的外賣飯盒已經被工人文員「一掃而空」。於是翌日我嘗試再提早一點時間光顧「金之園」，終於成功趕及在「金之園」外賣飯盒售罄之前，購買到一盒「咖喱牛腩飯」，另外套餐飲品選擇飲「凍奶茶」。由於「金之園」的食品屬於已經預先製作好備用，然後直接售賣給工人文員食客，所以我在「金之園」成功付款購票後不久，「金之園」廚房店員很快已經把「咖喱牛腩」，放到飯盒的餸菜格裡面。「金之園」套餐裡面的飲品「凍奶茶」，「凍奶」飲品實際上的體積算是中等，份量不算非常多，但是絕對夠一個人慢慢享用。而且「金之園」飲品裡面的冰塊，看似能保存至一段時間。我在「金之園」跟旁邊的食店，購買完食品飲品之後再步行返回「采頤花園」專綫小巴站，坐專綫小巴返回西貢墟。我回家之後馬上享用「凍奶茶」，發現「凍奶茶」裡面的冰

由7月開始金之園就轉咗老闆！服務態度好咗好多 食物質素亦都提升咗😋睇佢既舖面比以前亦都乾淨咗!以一間小食店同外買快餐店嚟講 都算係幾多選擇🤤最受歡迎既小食應該係腸粉同牛肉球 成日都賣哂😭老闆秘製嘅辣椒油勁好食！！！配燒賣魚蛋一流🤤

見舊老店埋試吓囉，見有人排就排埋一份。樹立多年都未試過。。。點知就中伏。叫咗雙拼三文治餐，上面價錢寫$26,下面寫$22又第一次幫襯埋問幾錢，跟住阿姐就態度非常惡劣咁話卜$22,放低啦。跟住又好兇我，飲咩呀。。。幾想即時擺番錢唔幫襯，之後就咁放袋野係度又唔講。入袋時已見份三文治係超薄，買份早餐都要受氣，唔想就就關門拉閘執笠啦。跟住返到公司，開袋，果然係超薄形。。。三分鐘K.O.咗。。。餡薄唔在講食唔到味，份三文治啲飽嘅味道係苦苦地，食完個口到依家都仲係苦嫁。

早餐🍴燒賣 $6／4粒粉果 $4.5／個平價早餐之選呢道係我每日返工都會經過嘅地方，平時經常見到好多附近OL幫襯 既然咁多人幫襯，我估應該都會唔錯既！成日都想買黎試下..但係早排係咁落雨..我勁懶費事要停低收遮..所以一直都無機會買今日終於無落雨啦終於有機會比我可以試到啦一行埋去 姐姐就好熱情咁問我食咩啦..全程都唔洗5分鐘好彩呢度既粉果入面無咩韮菜..難得少見..太好啦..啱晒好怕韮菜味既我..但其實我又超鐘意食粉果皮真係好鬼茅盾

星期六早上，工作前先來個早餐。三文治加飲品才$2O，即叫即做，熱辣辣，扺!我最愛旦治，厚厚的雞旦七成熟，嫩滑多汁有豐富雞旦味，麵包飛邊新鮮軟熟，熱辣辣放入口，在這天寒地冬的日子，感覺是住家媽媽整的三文治，真材實料味道好。奶茶香滑，奶味與茶味完美平行結合，溫度夠熱，奶茶香味撲鼻，色香味俱備。

今天放工去了買小食吃, 經過很多次, 但還是頭一次幫襯, 買了魚旦及燒買, 魚旦爽口彈牙又不腥, 不是食到一口粉那種, $ 5 有 4粒大魚旦都算不錯及抵食吧 另外燒賣就一般比較多粉些 $ 5 有 5粒, 但還好吃不到肥豬肉, 我加了辣油, 因平時行經見到店舖亞姐切了大量紅椒粒, 所以辣油有陣新鮮紅椒的椒香, 越吃越辣超惹味