影片
I can't seem to find this restaurant listed on openrice, therefore I am posting comments at the old address.However you can find the new address at ipick.ipick.com hongkong restaurant 306822嘉荣街1-11号油塘中心嘉富商场1楼139-140号舖Tel: 23466918.Surprisingly there are branches of Kim Gary in Singapore and Malaysia.At this branch, there is a security camera at the entrance, so people can see you on the screen before you come in.The steak is sodarized but pretty good because it is quite thick and tender.The noodle and tofu pots were also good.
继续阅读
下午茶时段，先至医肚，去到无乜人，装修似西餐厅！偏暗略残旧，地方干净！食物以西式多！我们但求快，叫碟头饭最快！叫咗：瑞士汁洋葱鸡髀饭--食物好快到，简单一只鸡髀，椰菜洋葱拌碟，少许豉油汁，鸡髀够大只，外脆内软，外皮炸得薄脆，我都忍唔住食晒，肉质颇嫩，少许肉汁！拌碟洋葱及椰菜爽脆，酱汁唔似平时瑞士汁咁甜，似普通豉油汁，都好味！另外叫了「蕃茄牛肉饭」：蕃茄新鲜厚肉，肉质爽口，牛肉有两款，有啲系普通牛肉片，有啲系切碎牛扒（明显厚好多）难得唔会嗱到无晒味！有咬口，有肉汁，不过亦有少许筋，但可接受！而且个汁微酸，好开胃！唔唔错！门口可以泊车，侍应勤快，上菜落单好爽手！唯一系厕所在店外商场地牢，又转左几次先到，唔方便！
继续阅读
呢排突然好想锯扒，但又唔想去太远既地方，于是就同肥柑太一齐去屋企附近既金加利锯下野。呢间野好耐历史，偶然都有帮衬，不过多数都系午餐为主，今次都系第一次去呢度锯扒，去到果阵好多人，侍应叫地方坐角位，打开餐牌，发觉佢地既扒餐就分两种，一种就系73蚊选两款食物，另一种就88蚊既西冷扒。肥柑太就选左牛扒加猪骨，我自己就选左厚切西冷。落单果阵侍应问我果个扒要几多成熟，最后我选左五成。之后肥柑太先发觉原来佢地有轻量锯扒餐，只系五十几蚊就一样有得锯。餐汤大家都叫左罗宋汤，配蒜蓉包，个汤好有肉味，出面坊间所谓红汤只系杂菜汤，呢度个汤就有肉，同埋煮得几浓。蒜蓉包好脆同香，而且仲好热下，分量刚刚够，沾少少汤再食就更一流。两味扒餐送到，柑太要左蒜蓉汁，佢地好细心另外畀多一张隔油弹既纸巾，等倒汁时d油烟同汁唔会弹到顾客，而隔油果张既质料明显系比较厚，所以唔会咁易畀油弹穿。个餐方面，牛扒分量唔太多，似一块平时系出面食饭叫牛扒餐既分量，而猪仔骨就几大条，有差唔多七条骨系度，而味道方面，牛扒就一般，而猪仔骨就几嫩，而肉食落就唔觉韧配菜方面系椰菜、蕃茄同埋薯条，烧熟左既蕃茄同浸够汁既菜味道方面都唔错。我果个厚西冷扒，几大块，估计有十安士，食落都几嫩滑，虽然有少少松肉粉既味道，但系一样食到有牛肉既鲜味同肉汁，而黑椒汁就零舍夹个扒同配菜，整体上都比预计好。另外呢度最大特色就系薯条系另上，而唔系放系落系个铁板再用个扒压住，如果钟意d薯条多d黑椒蒜蓉汁就未必钟意呢个食法，但如果钟意食d脆既薯条就几好既安排。呢张近镜睇到个扒就稍为over左，不过整体上都唔错。跟餐甜品系提子味jelly，我无加花奶，柑太就有，不过发觉佢地上碟果阵将个杯放系个热既碟上面。好在无热溶个jelly，不过其实都唔会，因为个jelly加左几多鱼胶粉，成个jelly都好实下，所以咬落都弹牙。最后我地叫左柠茶一热一冻，两百都唔驶就食到扒，其实比起出面黎讲真系抵食，而且成个区得呢间餐厅先有正式既铁板扒餐，我觉得值得支持下佢，希望佢地可以愈做愈好而成个锯扒晚餐就系一个热热天气下结束。
继续阅读
周末的我俩，佛堂未开班，我们一是躲在家里陪BB玩，二就是于星期日送BB回父母家后我们去游车河。星期日，完成送BB出美孚既任务之后，我就建议去茶果岭寻幽探秘一番。可是我们去到的时候已晚，村内的茶餐厅，村外唐楼的茶餐厅已关，原本on plan的下午茶要取消。体验完茶果岭后，我们再向油塘进发。此时，也差不多6点了，二人决定在油塘，找个可以泊车的地方，太太以前在这头工作，她本想为我找来隐世的工厂饭堂，可是是日是星期天，饭堂一律不开。从山下望上去，有几栋旧式住宅，我们一于揸架车上去，来到这个叫油塘中心的旧社区。区域好自成一角，旁边满是工厂同一些拆卸后再重建的新型公屋区，顿时令到这一个建在山坡上的古老国度非常之突出。茶餐厅有几间，后来才发现隐藏在商场内有不少的"没特色"食肆。但因为要把车子泊在当眼的位置而不想行开太远。而就在马路边，有三个选择。可能是晏吧，三间都冇乜人，而我看见金加利的名字有点儿熟识，记得在牛头角同塘尾道见过。金加利系有少少质素既，咁就呢一间吧。时间是6点，幸好仲有平价的下午茶食，不过系呢一个钟数，我们是吃晚饭好还是吃下午茶好。考虑了一小段时间，看见下午茶也有能饱肚的食品选择。金加利，既是茶餐厅，既是冰室，食物方面的确是中西合壁。而这个就是典型港式西餐厅既特别之处。炸鸡肶就是非常传统的港式食品，皮硬肉汁流就可以称为一只味道同质素都十足十的炸鸡肶，中间的肉味，若是以豉油去腌制过，会是更佳。是日的一只鸡肶，符合了大部份上列的要点。皮是够硬，带少少脆，可是，有点儿觉得干了一点。 太太亦找到心仪的素食饭面，葡式焗杂菜饭，显然就是葡式焗四蔬加饭。饭是炒底的，非常之香口，带有少少芝士的葡汁，但味道不强，说是素菜比起肉食清淡，呢一个道理，呢一个味道，在我边吃我的鸡肶饭时，同时亦食葡式焗杂菜饭时，比显地分辨得出。素食人口味淡，其实是合他们口胃的。 差不多7点了，我们慢慢的食，也慢慢的食了差不多1小时。简单的周末生活，就是在陪BB玩，陪父母长辈们，及驹车游山玩水下度过，回家，休息好后，又要迎接星期一的忙碌了。然而，7点后，入来的客人越来越多，而且大部份都是家庭，一家3至4口的来陪小朋友食西餐，这也证明，经济便宜的金加利，其水准同质素是有一定的保证的。
继续阅读
2010-3-22(星期一)我与朋友两人午膳时间光顾，$34(炸菜或雪菜牛肉锅饭)包热饮，$38(罗宋汤包窝蛋肉酱意粉+热饮)。我觉得炸菜牛肉锅饭–炸菜好味，牛肉吾够嫩口，饭好味道。窝蛋肉酱意粉–份量少，窝蛋太生(指鸡蛋)。
继续阅读