金華冰廳

营业中

休息中

兩位坐低，堂食叫左個菠蘿油，點知原來唔算係堂食！😂要另外叫一杯嘢飲先係每位最低消費。呀姐仲話自己都係打份工叫我唔好難為佢！Ok啦咁叫多杯凍檸茶拎走！😂😂🙃

上星期一早上開工前經過太子，在金華附近落車，貪方便就入咗去食早餐。叫個沙爹牛麵+煎雙蛋+熱奶茶，當日人唔多，但係都落錯單，之後再嚟仲衰，煎雙蛋變熟蛋，心諗計數，點之係凍嘅，真係食唔落。個麵係預早淥定嘅，唔夠熱又硬。輪到杯奶茶，多奶冇茶味。非常氣頂，唔再有下次！

好耐冇食過了，今日見不太多人，快閃吃個菠蘿油 $13酥皮蛋撻 $7凍奶茶 $22內面全是旅行又逼，好彩哥哥按排左卡位坐。老實講句真係失咗水， 幾年前係好好食。 菠蘿包覺得佢好多發粉， 蛋撻就保持一般水準。 凍奶茶真係好凍，可能係不銹鋼杯關係。

今日兩大一細入去，小朋友都已經差唔多5歲，見到有卡位，自然行咗過去打算坐。呀姐行埋嚟問係咪兩大一細，叫我去另一個卡位，叫我哋坐埋一邊，對面坐住一個女人。我想講下佢個卡位，唔係特別長，特別大，只係普通茶記嘅size, 我去茶記咁多次，從未有侍應叫過我哋三個人坐一邊卡位。之後我話點坐，佢話一係坐圓枱同其他兩人搭抬，搭枱唔係問題，叫小朋友坐圓凳。我眼見有一對男女就坐卡位，唔洗坐埋一邊。在場亦都好多吉枱。以為自己出名就大曬？咁嘅服務態度嘅餐廳真係要抵制。出去食嘢仲要受氣，真係黑人問號。

該餐廳食物質素極之一般，炒飯極多油，沒有特別推介的菜式。服務態度極差，想菜品走蔥，服務員工卻微詞極多，菜品上桌後，服務員極近觀察菜品，一位望完又一位，此行為十分之無禮，以及讓人不適！P.S.:最後係冇走蔥🙄用膳期間，餐廳員工不斷在身後的櫃拿嘢放嘢，嚴重影響顧客用餐！最後到結帳，只能夠話此餐廳服務員一位比一位服務態度差，收銀員態度令人十分不滿，本可以禮相待，但收銀員的態度就好像得罪了她一樣。總結：服務態度差，對客人不尊重或者我同我朋友唔係佢哋目標客戶啦～

蛋撻的確係好味嘅一直以來，店外買外賣蛋撻，一個都可以買，冇問題嘅，都買咗好多年今日去買，似乎係老闆/店長(一個有鬍鬚嘅中年男子)嘅人，話冇得買一個，全部都係兩個，因為盒裝蛋撻係兩個包裝咁其實我一直以來買嘅一個蛋撻又點買到㗎呢？佢哋咪搵個紙袋包一包，冇問題㗎我都冇咁好氣，平靜地微笑講，我得一個人，想買一個咋喎最後總算成功買到，佢哋以施捨嘅語氣賣咗一個蛋撻俾我，疑似老闆娘(一個戴眼鏡嘅中年女子)仲要俾說話我聽，話其他嗰啲蛋撻收起唔賣㗎啦，呢個俾埋佢啦俾！？我手上拎住張十蚊紙，真金白銀俾錢買㗎喎一係你白紙黑字寫出嚟，話一個蛋撻唔俾買囉，唔使拗啦趕時間搭車，唔想同佢哋爭論，亦都唔想影衰我嘅修養，買完快脆走，但咁嘅服務態度真係令人好唔舒服好食係好食，頗多遊客買係事實，店大欺客都係事實我由頭到尾都好有禮貌，絕對唔係西客。佢哋咁嘅服務態度，好自為之啦

📌太子🍞菠蘿油作為香港最有代表性食物之一，當然要同大家介紹下據說菠蘿油起源於60年代，然而，實際早已不可考究，但縱歷經多年，其地位仍然屹立不倒，足以證明佢絕對有資格作為香港飲食文化代表之一，當之無愧。今次黎到依間，開業於1973年，至今52年歷史，走過半個世紀既港式冰廳，今時今日，老店食一間少一間，且食且珍惜 一一 金華冰廳 @kamwahcafe🍞菠蘿油 $13據聞 金華冰廳 菠蘿油 系公認全港ɴ.ᴏ.1，今次就黎試下佢 麵包微暖，包底系舊式牛油餐包底，菠蘿皮酥而不散， 夾埋塊咸香既牛油慢慢溶入菠蘿包 🤤👍🏻鬆軟既麵包 x 牛油香 x 酥脆菠蘿皮，的而且確系好食既 不過系咪全港ɴ.ᴏ.1 真系要食多幾間先知📍金華冰廳地址：太子弼街47號地舖#太子 #冰廳 #冰室 #麵包 #老店 #小店 #撐小店 #菠蘿油 #菠蘿包 #港麵包 #港味道 #太子揾食 #港式麵包 #太子美食 #平民美食 #平民食堂 #懷舊冰室 #金華冰廳 #星星帶你食#foodie #hkfood #hkfoodie #foodiehk

話說早上一家四口到金華食早餐，我老婆同兩個女入去先，跟住我5分鐘後先至到，一入到去見到個侍應對住佢哋三個企喺度等，我以為等乜嘢原來佢話等佢哋叫四個餐先落，我拗晒頭成間舖得六七成入座率，前後卡位都冇人坐，其實叫四個餐冇乜所謂，但係我有一個女唔食早餐，叫咗嘥晒啲嘢，其實想走，最後都係叫多一個餐算，因趕住搭車又黃雨，一個好差嘅體驗。平時我一個人周不時都會去幫襯，都見到同樣情況發生，不禮貌對待，自己親身體驗真係唔好受，我諗今次係最後一次幫襯。

我們幫襯旺角嘅金華冰廳，不單止遇到極差的服務態度，茶餐廳的餐牌更涉嫌有誤導成分。我哋一入去堂食，就見到枱上面有張告示指出每人要最低消費一杯飲品。（如圖）下單時，我哋睇餐牌先知一杯飲品原來索價最少$20！我哋一行5人，下單$200（平均每人$40)，但是伙記睇到我哋其中四人冇叫飲品仍要求我哋單叫多4杯飲品，即是多付$80！我哋同伙記講：「我哋5個人幫襯你哋咁多點解仲要我哋一人買一杯$20飲品？」不單止伙記堅持我哋叫飲品，老闆娘仲話我哋：「喺咪鬥氣呀！」不單止，餐牌（如圖）的列價非常曖昧。我哋叫雙蛋通心粉，餐牌的字非常小，無列明叫雙蛋加豬扒要幾錢，只講轉豬扒要加$5（但無寫豬扒麪的真實價錢），我們本來想叫豬扒蛋麪，但伙記就話要我哋加$20幾先可以。這樣狡猾的列價方式簡直不可理喻！食物方面，菠蘿油（如圖）不算貴，但是已經沒有以前咁好食，以前常光顧這間餐廳的的菠蘿油，當時的包都是新鮮出爐，熱哄哄，牛油和包和諧地融合，很有層次感。可是今次的菠蘿油不但乾柴，牛油仍是冰冷，包更加比以前多了空氣，盡失水準，令我哋覺得甚至到偷工減料的程度。雙蛋通心粉（如圖）更是平平無奇，沒有再嘗試的價值。食完嘢，我哋已

五一兴致勃勃来打卡这家店，结果要排好久，里面很局促，坐下来动都动不了一点，更别说转身，也没地方放包，服务员态度也不好，这些我都忍了，点了滑蛋牛➕菠萝油➕西士多➕热鸳鸯，花了108，吃是真的难吃…如嚼烂泥…不懂为什么这么多人推荐踩雷踩雷

金華冰廳一向畀旅客大推，基本上係佢地必食茶餐廳，weekend 食個早餐都一定要搭枱。如果唔駛等位，又想食個新鮮出爐既包，我都會入呢間食個靚早餐。呢個個早餐同同區既茶餐廳唔同，早餐set 係唔包多士/方包既，但好均真地，佢畀晒腸仔、火腿同蛋三款野。基本上咁食都夠飽。沙嗲牛肉麵 $38：牛肉唔會乸到爛晒，公仔麵唔係淋晒炸菜肉絲米 $38：炸菜唔會好鹹，麵餐最重要加辣油，味道即刻提升返菠蘿包$8：一定一定要吼住出爐先叫，d姐姐好好，你講明畀個熱既，佢會同你講再等下/畀個夠熱既你。菠蘿包外層酥脆，唔會一咬就碎到一地都係；內部唔係食空氣，真材實料。如果你同人share，可以request 分兩分，佢會幫你切得靚靚仔仔。

21/4/24 原本介紹左來自台灣既屋企人去吃獲獎無數的「金華冰廳」，但他們吃完之後向我反映收多了他們錢，而且店員態度非常惡劣。他們總共叫了4杯飲料，3個蛋撻，西多士和菠蘿油。他們結帳前自己計數了大概一百多，但結帳的時候店員跟他們說總共吃了256元。而且他們因為是台灣人聽不懂廣東話，店員卻在說廣東話竊竊私語，家人並不知道店員在講什麼，而且他們也搞不清楚發生什麼，以為自己算錯了金額。最後也給港幣256塊港幣出去，而且沒有單子看。後來他們跟我說這件事。我於是打去「金華冰廳」詢問事件，店員說他們態度沒有不好，而且他們懂得國語，又強調他們店員一直強調自己不會收多錢，一直強調收多錢他們自己也拿不到，也強調單子上寫了正確的價錢，一直強調是我家人的錯，又質問我是不是家人記錯，他們不會收多別人的錢。難道我的家人會為了一百塊向我這樣說謊這樣訴苦嗎？而且我相信這件事件不是第一次發生。也有看到其他評論也說收多了錢。這次事件就當讓他們因為$100而失去一班食客的支持，反正他們也不會承認自己的過錯。所以如果想去這間餐廳受氣，並讓他們收多錢的話就去吧：）

好失望呀！環境一般！出品一般！最緊要係，服務都好差😦菠蘿油個皮超硬，又唔脆牛腩麵係OK溉食材仲算新鮮咯！問個阿叔要個手套，塊面超臭咁講：我哋哩度無手套噶，用刀叉啦！塊面真係無必要咁臭咯！希望改善下喇

好耐冇食金華，今日剛好喺附近所以諗住去食個菠蘿油，始終香港好食嘅菠蘿油唔多，金華喺我心中都算係較高分嘅一間。菠蘿油價錢唔算貴，$13一個，出來都暖暖地，應該剛出爐冇耐。皮照舊，係好食嘅，可惜嘅係舊牛油就比以前細咗好多好多，只占舊包嘅中間嘅一小部分。食到牛油嘅部分，味道喺好味嘅，但係兩三啖就冇曬。而家生意難做，明白餐廳都要諗辦法節省成本，但係質量保唔到，令客人有不良嘅感覺嘅話，長久唔會好，更何況金華都算人流多，生意應該唔算太差？希望餐廳未來會改善啦。

金華冰廳有多年歷史，出售香港懷舊食物，例如菠蘿油、蛋撻、西多士等等美食。假日人流唔多，無需排隊等位。菠蘿油$13一個，菠蘿包裏夾住一塊鮮牛油，包身體積算大，下午茶嘅話食一個已經夠飽。菠蘿包上面嘅皮唔算太鬆脆，有少少硬身。嘅預先牛油方面，唔會過厚或者過薄，擺入包入邊都食到牛油嘅香味。喺今時今日嘅香港，價錢算係合理。蛋撻當日唔係新鮮出爐，所以上枱已經凍咗，蛋撻嘅皮唔算鬆脆，但未亦都唔算香濃。奶茶嘅茶底厚身，濃郁得來，帶有苦澀味。