金華冰廳

营业中

休息中

好少寫食評，但認真呼籲唔洗慕名而去，食物真係冇吹噓既咁好食，餐廳環境擠迫，仲要受氣！最唔滿意真係某一兩位侍應超差既態度，平心靜氣問一句，惡劣態度回應，想反映俾大家知都有好多人係唔推薦大家去食呢間冰廳！記得！餐廳有最低消費，要至少嗌飲品架，嗌包嗌到過左杯野飲消費價錢都係唔得架！

聽朋友推薦去咗食呢間冰室，可能係小紅書定邊到有人推薦，好多外國人食，要排隊，大約排30分鐘咗右，所以就好奇有幾好食。入到去座環境好迫，好亂，我哋2個有食，坐單邊卡位搭台，對面有2個外國人，都幾近，無隔板會有少少壓迫感，但都理解，多人要搭台。菠蘿油不過不失，有牛油嘅地方唔差，無牛油嘅地方包面層皮一咬就碎。餐蛋麵就真係好普通嘅餐肉＋腸仔＋公仔麵，麵唔差小彈牙，但屋企煮都好食過佢。公司公仔麵又係勁普通，無特別，屋企煮都好食啲，重點條腸咬開仲要係凍。

話說3點半又未去到食晚餐就諗住搵個地方坐坐食返件話晒好出名嘅菠蘿油港式餐廳侍應態度出晒名都意料中事同場有兩張枱，我地兩個人一個身形比較肥嘅，就問可唔可以同兩個坐緊嘅人搭枱坐出面嘅圓櫈紋眉瘦削女侍應就同我地講出面係坐3，4人叫我地坐逼過罐頭嘅卡座同兩個口水多過浪花，食剩一啖菠蘿包都繼續死霸噴口水嘅叔叔搭枱但兩分鐘都冇，女侍應又比左話要3，4人先可以坐嘅張枱過我地後面入黎嘅一對情侶即係點先？彈出彈入嘅？又話3，4人先可以坐嘅？我地本地客就好蝦啲？人地要menu先落單似旅客就好服侍啲？最後我地係叫左兩個菠蘿油兩杯奶茶10分鐘內食完，因為唔想個包比口水污染，堂食下午茶慘過街邊企響度食快餐講返食物： 菠蘿油塊油OK，但個包真係唔得鬆軟嘅但唔熱，係完全唔熱呀！得個暖字，做唔到冰火效果，塊皮仲要係硬到𠝹嘴嘅，我係成塊皮起左佢唔食算奶茶唔滑，同行人士直程話係鞋口嘅真心講，呢個招牌combo浪費咗我嘅進食quota，唔識欣賞，係第一次亦係最後一次

在太子金記吃早餐,就選了即焗出爐的菠蘿包,此包是店內名物,在店內觀察短短15分鐘期間,已前後出爐了兩盤菠蘿包,並迅速被店外及店內的顧客帶走或堂食。我吃完店內早餐也忍不住點了一個試試,包的體積與外間麵包店同價位的差不多,但金記賣點就是新鮮剛出爐,菠蘿包皮香脆不易剝落。

周末早上約了朋友在太子吃早餐,他建議試下金華。半年前第一次在下午光顧,當時的印象是與普通茶餐廳的食物水準區別不大。今次又特意試下早餐,好不容易在擠迫的空間找到座位,早餐選:沙嗲牛肉麵、腸仔火腿煎蛋配熱奶茶,沙嘜牛肉入味汁濃,奶茶就是茶記水準。

正所謂一日之計在於晨，是日特意早起同男友食早餐去，去左人氣茶記-金華冰廳，食番個靚早餐先😌（其實冇食咁多野，因為我地連續去食左兩個朝早😆）話說平時晏晝打後經過親金華條隊都長到乜咁…早上的金華冇左人龍，小左遊客；多左人情味、街坊（仲可以唔使搭枱添）分別叫左沙嗲牛麵同雪菜肉絲米、菠蘿油同西多沙嗲牛麵同雪菜肉絲米 係早餐，早餐必配 腸仔、蛋仲有片火腿，以38蚊連熱飲既價錢，我覺得係超值。西多 早餐就已經有得叫，係有小小喜出望外（仲以為係下午茶先有）西多外邊炸得金黃鬆脆，食落有滿滿嘅蛋味；配埋內裏鬆軟嘅口感；仲有淡淡的檸檬🍋香味（《—-男友話）加上滿滿的糖漿（完全就是細個對西多美好的印象😌）至於菠蘿油，真係覺得好驚喜！食落，又係有淡淡的檸檬香味🍋軟熟嘅麵包內涵有淡淡的甜味；外皮脆脆而且暖暖地；中間夾著厚厚凍凍的牛油片😍我中意個口感同味道👅整體就是傳統好味的茶記味道🥰%話說第一日幫襯，落單姐姐都是廣東話；第二日幫襯嘅時候，落單姐姐都操流利的普通話加歪歪哋嘅廣東話😅可能而家香港真係冇乜人肯做啲咁辛苦嘅工，就業機會俾晒啲冇咁純正既香港人🧐—————————-以上食評 完全自費 沒有任何資助

食物垃圾，服務態度極差！快些執笠！1. 正常凍檸茶不夠凍，冰都沒一粒，要求加冰，侍應態度極差同我講加冰要錢！2. 餐蛋麵，餐肉夠凍，麵夠硬！極品！3. 生炒牛飯，濕到以為食緊湯飯！差！差！差！

環境又細又迫都算，個菠蘿油真係失望到爆炸，好多人都話好得嘅菠蘿油點解個包底係濕嘅，點解唔攤凍的先拎出嚟賣，啲牛油溶哂食落口真係好難頂，真係遊客先會覺得呢啲菠蘿油係合格

如果你在香港只有一次機會吃菠蘿包的話，一定是要去金華冰廳的，絕對不會後悔！朋友強烈推薦吃這家茶餐廳，正好在旺角等做facial還要等1小時，就去這家店吃個下午茶金華冰廳的菠蘿包號稱全港第一，金華的菠蘿包不用5分鐘便出爐一大盤，還未有放涼的機會，已被搶完。要吃最好吃的菠蘿包，第一個條件是要趁新鮮出爐即叫即食！環境相對普通，空間很小，但是你可以看到香港傳統茶餐廳冰室的裝修格局，和港劇中一樣，牆上還貼了不少明星來這裹吃東西的照片，完全彰顯了老字號的風采。不過在香港基本上這種茶餐廳都是拼桌的，習慣就好。他們家必點的一道，菠蘿油。熱烘烘的菠蘿包外皮酥微甜口味，和冰黄油一起咬一口，甜咸融合，那塊在融化中的牛油真的跟又脆又軟的菠蘿包畫龍點精！咬下去你會感受到整個香港的味道！真的太好吃了！

麵包如果按口感和組織的密度來說，粗略可分為最低密度：鬆疏而具空氣感（「空氣包」），中間密度：鬆軟而綿密（如日式麵包）和最高密度：札實有咬口（如德國勞根包、山東饅頭）。菠蘿包我偏好組織密度較高的類型，貪其煙韌有嚼頭，不像一些連鎖麵包店過份鬆軟的出品，吃完反而感到更加空虛。金華冰廳的菠蘿包就屬於札實型的，吃一個已可抵一餐了，所以若想留些胃納給其他食物，與人分享會較好。除了包體，「菠蘿皮」就是菠蘿包的靈魂。金華的菠蘿皮有一定厚度，外表帶龜裂紋，湊近一嗅，麵包散發出油香而非臭粉的化學味道（臭粉是菠蘿皮的鬆化劑，若加太多會殘留化學味，新派的菠蘿包很多已改用泡打粉來得出類似的鬆化效果）。一口咬下，酥、香、脆，菠蘿皮不會與麵包「皮肉分離」，是為合格。曾試過一些品質欠佳的菠蘿包，只咬了一口，碎片就掉到一身都是，手中只剩下一個半禿頭的麵包，真不知好氣還是好笑。不過到金華吃菠蘿包得看你的食緣，若遇上麵包出爐不久，等麵包稍微回溫後，那個溫熱噴香的菠蘿包用不著牛油的潤澤已可輕易吃光，滿足度絕不下於在名牌餐廳吃一個套餐。可惜麵包通常都是室溫上枱，因此會顯得更加札實，吃它得配上一杯熱奶茶。另外，光吃菠蘿包始終有點

今早大約06:50，去到該餐廳，唸注食個早餐，見入面不太多人，就座在一空枱，點知個服務員？（定老細）就叫我同人搭枱，咁多位做咩要搭枱呢🤔，我都吾理佢，咁佢就叫其他同事，叫佢哋吾好落我單😡，就係咁嘅態度妳叫我食我都吾食喇，而你哋啲野食都係一般，但係咁嘅服務我以後唔會再去，再同朋友講開有亦有同感🙄，而家香港仲有咁嘅服務，吾怪得個個都北上，上面大陸服務又多人，態度亦好，品質有保證，唔該學吓人喇總結：我 永遠，永遠，永遠吾會再去這個金華🤬希望你哋睇到都可以吾洗再去

看中它拿了很多獎項，聽人推薦前來試試。結果進去之後地方逼仄，服務人員臉色又臭，剛進去幾秒鐘就喊讓我們不要擋路去裡面排隊。點菜之後，一桌人的飯餸不是夾生的就是太膩太鹹。食物退步成這樣還好意思掛滿墻的獎狀？還有一道炒粉，過了半小時都沒上，催一下還讓我們不要急。其他人都已經吃完了也只能慢慢等。總體體驗非常差，這樣的經營，我不知道你們是只做一次性生意不想讓人回來了是嗎？

加單都比亞姐罵！加完單個亞姐企左喺度唔出聲，突然大聲疾呼我話「單吖」連手好像叫小狗 hand hand,原來想拿單寫價錢。其實出聲問一句便可以，點解要瞪大眼不岀聲？

平日黎金華通常食菠蘿油，但今日有啲餓，所以叫盡啲，揀啲極盡邪惡嘅野食。*咖哩豬扒芝士撈丁*聽到個名就知道重口味，一黎就見到海量芝士醬，芝士中和左咖哩嘅辣味，呢個組合好難唔好食，但戰鬥力真係有限，食幾淡就膩，一定要同人share，尤其係凍左之後更難KO。豬扒略嫌乾柴左啲。*豬扒炒公仔麵*好有鑊氣，炒得乾身，公仔麵唔會軟淋淋，相比起芝士嗰個，呢碟無咁膩，但同樣道理，真係唔好攤凍食，凍左嘅公仔麵就有啲難搞。

今朝要出旺角做啲嘢，早到咗，就去食個早餐先。行到花園街金華，裡面好多人，8成以上都係遊客，不過我自己一個都好易搵位，搭枱都無乜所謂。揀咗個早餐，有煎蛋，腸，火腿，沙嗲牛肉通，再加杯凍檸茶走甜。早餐無乜特別，正常茶餐廳早餐一份，沙嗲牛，基本上食唔出有沙嗲味，你話係蠔油牛肉都真係差不多，牛肉有一片大嘅，仲有2小碎舊。凍檸茶，ok嘅，個茶胆唔錯，有茶香唔會苦。本來想食個菠蘿油，但食唔落，留下次有機會再試。見差不多每枱都會order西多士，菠蘿油，豬仔包，或油多，我唸佢出品嘅包點係出名，最少旅遊書，或小熊書有介紹卦。