金囍冰室

营业中

休息中

最近Omicorn於社區爆發，我一個大肚婆要搵食，就只好叫外賣了，免得堂食時除低口罩又要驚身邊嘅陌生人唔知去過咩地方……本來係Foodpanda揀呢間 金囍冰室 係貪就腳，唸住係樓下Sasa拎完快遞順便拎埋個外賣，見個app顯示11:23可取，就慢慢上去等。上到餐廳，由於係B類食肆，只能2人一枱，目測都唔係好多客，仲有一半以上吉枱，咁我就係門口張枱放低我箱快遞，企喺度等我個外賣。一直等到大概11:35am左右，有個姐姐竟然叫個客同我搭枱(但係仲有一半以上吉枱，我走嘅時候仲可以入多9位)，佢咁安排好明顯覺得我阻埞想趕我快走，但我就係唔想堂食先叫外賣，宜家竟然仲要我搭枱，我唔顧自己都要顧個b㗎！於是，我問下個姐姐我個外賣肉絲炒麵得未(好聲好氣mode)，拿拿臨有就攞完走…姐姐：你啲肉絲要炸係要等㗎啦！我：我等唔緊要，但你做乜叫客同我搭枱姐姐(西面+嬲豬mode)：你又唔係喺度食，我叫個客係度坐關你咩事呀我：你呢度仲有咁多位，我等外賣咋，我都唔想霸住你個位，你快啲催下我個外賣得未啦然後姐姐嬲嬲豬一個華麗轉身，行咗去出餐位，雖然我聽唔清佢講乜，但我都幾肯定佢鬧緊我。作為一個客人，已經只係外賣自

今日去咗大圍, 去咗間人煙稀少嘅餐廳去食下午茶, 叫咗個下午茶套餐, 係豬扒上湯檬粉, 嗰塊豬扒係幾大塊嘅, 但可能係雪藏嘅緣故完全冇味,d 檬粉碎碎濕濕完全冇味,好似飲緊白開水, 而且價錢都唔算好平, 加埋熱飲一共三十八元, 可為貴夾難食,下次我一定唔會再幫襯呢間舖㗎啦!

週日大圍真係好難搵位食嘢，難得見到呢間冰室冇人等位，而且又有卡位，下午茶選擇又多，於是決定一試！一共order兩個下午茶餐：1）鮮茄焗豬扒飯$42一上枱，個外觀好吸引，芝士焗得焦香，滿是期望，點知係虛有其表！😑首先豬扒(切條)好鞋，份量好少，只得幾條，而且多骨多肥膏！個汁好鹹，一d蕃茄味都冇，連一舊蕃茄都冇，只得幾片洋蔥和紅蘿蔔，最後要叫侍應攞茄汁拌飯食先食得落😅！唯一可取係個炒飯底，炒得粒粒分明，有口感。 2）法蘭西多士$30麵包好薄，炸得好淋，花生醬餡太少，糖漿只得一小兜……真係冇諗過咁簡單嘅西多都咁差😔 跟餐餐飲要咗凍華田和凍檸茶，兩者都超甜，要額外加水先飲得落😅 整體來說，非常失望，應該不會再幫襯！

午餐叫咗碟炒金邊粉（因為冇西炒飯食sad）。入咗單後好快嚟到。嚟到聞到好香，仲要未除口罩。真係好。L。大。碟。差少少食唔曬。朋友一樣叫咗金邊粉，食咗半碟都未夠就決定放棄，打包做晚飯。味道算ok 幾有鑊氣，應該都係即叫即炒。個火腿炒到燶燶哋好香口好煙韌真係幾香口。唔似好多茶記嘅西炒飯火腿好似水烚噉，燶到唔燶。嘢飲叫咗齋走甜還好，冇好撳似其他茶餐廳一陣草味，都有啡味，雖未到好香口。但呢間嘢嘅炒嘢真係幾抵_。

踩完單車攰到不得了，於是乎求其搵間餐廳食飯就算。餐廳座位有卡位，位置都算舒服，茶記嚟講算係咁。.「海南雞飯」（師父靚湯、油飯）$68🍽：叫完個餐先知唔包嘢飲，有啲後悔⋯😂雞嘅份量都多，而且部位係雞髀位，肉質ok算滑，但完全食唔到有味，就算我係咁落啲醬都係無咩味。😅「安格斯肉眼扒餐」98🍽：上菜時鐵板「炸炸聲」，塊扒好大，但切落有根，同埋偏熟，配菜都好多，味道還好。呢間啲職員態度認真麻麻，一入去餐廳，有個職員可能只負責收錢，眼尾都唔望下你，我唯有自己問係咪隨便坐就得。🤷🏻‍♀️另外，當我哋食飽後，有職員嚟執走啲嘢，整跌成條意粉落我男朋友度，個袋污糟咗，但個職員一句唔好意思都無。🙄

去開大圍，搵下有咩外賣買返屋企食。😬見到有間金囍冰室，睇過下個餐牌，好多野都想食，平靚正，仲要係💛色。一於試試佢😋，買咗4份下午茶，員工好好人，又肯比我將飲品轉哂湯👍🏻黑椒汁牛扒飯，大大份又好食海南雞飯，唔知係咪部位問題，啲雞鞋咗少少乾炒牛河，好食，份量又係唔少咸魚雞粒炒飯，其實係幾好食，但就唔係好食到咸魚粒不過茶記嚟講，食物都算唔錯，而且都係正常價錢，唔貴#茶餐廳 #茶記 #冰室#金囍冰室

風和日麗，陽光普照，相約幾位年輕同事於大圍踏單車郊遊，享戶外之樂，當日提前到達大圍，須先充飢，故此尋食果腹。見此餐室有多人候餐，心想食物質素理應不錯。小弟點了常餐A瑞士汁雞翼撈丁配凍奶茶，理應屬穩陣之選。片刻，上餐，小驚。麵條黯然無色，瑞士汁雞翼頹然癱躺於麵上，以為兩者纏綿，難捨難分，令滋味昇華，豈知兩者互不相干，如陌路人，淡然而無味，哀哉。煎蛋，尚可。丹麥多士略凍，口感欠奉，有待改善。凍奶茶普通，未算出色。百思不解為何仍有多人排隊候餐。此早餐成為風和日麗之日之一抹陰影。

大圍人踩單補給站，去行山/踩單車前填肚（紅茶長期排長龍），作為substitute不二之選。不過比起晚餐，早餐少少遜色。早餐除左有平時茶餐廳西餐，仲可以揀粥＋炒米。平時係煎雙蛋，呢間就一隻蛋。同埋包唔係厚多士。叫左雜菜湯通粉，唔會太味精，清清地唔錯，雞扒煎得幾靚，檸水唔苦，乾淨整齊，抵食過大家樂。

今日點解會嚟呢度？疫情關係，好耐都無約朋友，今天難得經過，當然就要聚一聚。朋友話這間冰室都多人排隊，既然這樣我們就試一試吧！進入餐廳，尚算乾淨。職員態度一般。這次選擇了焗番茄豬扒意粉⬇️看賣相還不錯，外面的碟好熱，但裡面的食物竟然唔熱的。意粉煮得過淋，豬扒又有點嚼口，很失望。另一款是冬陰公湯雞翼米粉⬇️職員遞上時，看到有四隻雞翼那麼多，可惜食落雞翼沒有味道。冬陰公湯味道不夠濃，尚算可接受。最後餐茶我們點了熱西洋菜蜜，不過是完全沒有任何味道！

最近搬左去大圍，當然要周圍去覓食，大圍唔算多茶餐廳，冰室。今日見openrice評價呢間冰室質素唔錯就去試下佢個早餐。點知⋯⋯中大伏😒😒佢個早餐都幾抵36蚊有一個麵仲包豬扒同蛋多士自問係一個好鍾意食多士嘅人，但佢個多士食第一啖已經知道唔新鮮，好硬，食唔到落去😞😞😞豬扒落咗好多粉去整，冇咩味😟蛋就正正常常啦，個沙嗲牛肉米粉先至係重點一食落去成浸奇怪味，我估應該係沙茶醬嘅味，搞唔掂，要落辣椒油去撼返尋味⋯⋯叫咗小米啲米粉都係食唔晒😔😔不過😂😂佢啲姐姐服務態度就幾好嘅😂😂

通常到冰室諗唔到食咩就好自然選擇常餐🤗 食物簡單但都容易睇得出師父煮麵的功夫得唔得🤔-今次點咗常餐A有瑞士汁雞翼撈丁印象中的瑞士汁係偏甜 但呢款係偏鹹 味道可以接受 不過同我認知嘅有出入雞翼都炆得好腍好入味 好易就夾到肉嚟食😋😋 公仔麵煮得岩岩好 係爽口的麵～配埋個汁岩岩好 唔會話多汁到成碗撈丁好鹹-另外丹麥吐司香脆就一定 餐肉都煎得脆口有誠意🙂🙂 整體來講印象都唔錯 見到好多枱都有點海南雞飯應該都值得試～有機會可以試其他款式作為午餐

本身諗住食金囍既早餐 但最後11:30am先坐低而金囍既早餐供應到11:15am 所以同早餐無緣👋🏽睇menu先發現金囍同其他冰室/ 茶記唔同有幾多款泰式粉麵供應見泰式粉麵同常餐價錢一樣 所以就試下啦~~ 冬蔭功豬扒檬粉 ($50)豬扒大大塊 佔隻碗橫切面既三分之二🤭豬扒有香茅味 味道不錯!呢度既冬蔭公 無平日喺泰國餐廳食到酸同辣 但我覺得味道唔差 可能因為蕃茄成份都高~~雖然無草菇做配料 但都有幾粒秀珍菇!相比下 我會更推介呢度既喇沙💁🏽‍♀️星州喇沙肥牛檬粉 ($50)喇沙湯好香香料味 又重椰香 加上小辣 好惹味👍🏽而且喇沙跟既配料多好多 有兩塊魚片、半隻蛋、芽菜、豆卜😀魚片口感麻麻 唔彈牙 無魚味但好彩有湯頭搭救 檬粉又掛湯 所以整體不錯 可以再幫襯🙂+$3轉凍飲都合理~~檸茶檸檬夠多👍🏽總括💁🏽‍♀️當我有quota/ 想食喇沙個陣 會再黎支持下金囍😀

大圍都有間黃嘅冰室，老公返工成日都食，而我就一次都未試過，有晚就自己毒毒去咗食😂呢間冰室都幾多選擇，除咗地道嘅茶記款式之外，仲有海南雞、冬蔭功同撈檬粉個啲😆不過我都係揀咗最穩陣最中意嘅常餐☺️~🍁 羅宋湯通粉、豬扒煎雙蛋配丹麥多士($50)通粉份量好多，食極都仲有，羅宋湯味道幾出，而且冇平時食開嘅咁油，豬扒幾大塊，係有啲啲唔夠味🤔本身轉咗炒蛋，但上檯都係煎蛋😢呢度嘅常餐同大渣哥一樣都係配丹麥多士，多士面仲加左一舊牛油，肥得嚟又真係好香嘅😂雖然丹麥多士大舊過大渣哥，但味道就係大渣哥好味啲，夠晒鬆軟🥰

咁岩去開大圍 肚餓搵間餐廳食下離地鐵出口無幾遠 一上金囍商埸就見到間裝修幾新淨嘅茶記望落環境幾舒服 就入左去下午茶餐牌都好多選擇 泰式 港式小食 碟頭飯應有盡有叫左份豬頸肉撈檬 以為佢Tea size會少D 但黎都又好多 只係緊緊食得晒D豬頸肉燒得岩岩好 條邊脆 肉仲Keep到嫩滑 一D都唔乾檬粉無斷 好易夾得起夏天食 配杯凍飲 涼晒朋友唔係好肚餓 剩係叫左份西多即叫即炸 黎到熱辣辣望舊牛油就知(出面食果D凍冰冰 搽牛油都唔識溶)炸得岩岩好 金黃色 而又跟反傳統 中間有夾到花西醬加埋D糖醬 食落唔會乾身比較其他 算叫好有水準個位置都幾就腳  食物質素唔錯 有機會可以試下

今日同大家見到一間位於大圍嘅一間冰室。唔知佢做乜依幾年香港越來越多冰室，冰室越多，佢哋之間嘅質素就越參差。但我可以講呢一間冰室絕對唔錯！ ！ ！ ！我哋去到嘅時候呢就係下午茶時間，所以就叫咗一個鹹魚雞粒炒飯同埋一個西多士😋😋😋雖然鹹魚雞粒炒飯唔算正常下午茶嘅菜式，但都可以體驗到一間餐廳嘅水準，佢哋呢度嘅鹹魚雞粒炒飯粒粒分明，啲料亦都唔會少，每一啖都好滿足。至於西多士，佢中間係有一層花生醬，所以有花生敏感嘅人要小心，不過佢嘅味道亦都係非常之好，脆度啱啱好！推薦比大家試吓！