金園茶餐廳

营业中

休息中

放工的時間突然很想吃沙嗲牛肉麵，就二話不說就決定到金園。金園的沙嗲牛肉麵與別的茶餐廳有什麼分別嗎？說實話，我也不清楚！但是可能習慣了金園的味道，所以在別的茶餐廳就會吃別的，可能這就是街坊的味道吧！在別的地方我多數會點檸檬茶，唯獨這裡我會喝奶茶，因為我這裡的茶底很濃，與花奶配合起來剛剛好！現在金園的餐單作了少許調整，令我最開心是可以加錢將餐包轉成牛油多士！多士烘得剛剛好，第一口酥脆再咀嚼到麵包應有的軟熟，以後都轉吃多士！

男朋友好鐘意食常餐，佢話呢間係其中一間佢食過覺得好食，水準又維持到既常餐，所以就帶咗我去食😸我地叫咗一個特餐一個快餐，轉咗方包同奶醬多。😋奶醬多好味 我已經急不及待趁熱食咗無影相😂 但因為同奄列放埋一齊所以有d醬流咗去隻蛋度。。整體黎講唔錯，奶茶都幾好飲👍🏻麵又唔會淋諗唔到食咩嘅時候可以食下

口味属老派, 外出吃都愛找老店^^那天周末和老婆到那区買東西, 也找这間熟悉的味道吃午飯。茶餐的奶茶維持水準, 但奄列太油, 重有D燶平日食开猪扒燴意, 今日試轉下口味, 点公司燴意, 意粉偏咸, D叉燒、杂肉質素麻麻, 下次還是選稳陣的。老婆原來想多点一隻酥皮蛋撻当甜品, 白白等咗10分鈡, 要問伙計才說还在等出爐, 唯有等下次再吃。整体質素及服務雖然下降, 但还算維持高於一般的水平, 去試新店中伏的机会更大!  知道要經營食店不變, 想要維持一貫的高水平更难! 有机会还是會帮襯, 支持老味道。

奄列多數都燶. 估計係千年油所致。廚師太懶唔換油。沙嗲牛係好味但每次食完都口喝幾個鐘。奶茶見仁見智。但不適合我。到該店最大原因係乾凈，區內好難搵。但其中一個老板娘太有潔癖，住住令食客不自在。知她情格，每次去到都打醒12分精神。點知有次唔為意掉了一張紙巾，她掃地時隨即執問一句係咪你跌才發覺. 已向她說唔好意思，卻報以一句有骨的唔緊要。吃了多年，真的有點可惜。今日冇乜idea 去邊食早餐，閃過一下去金園，最終都係算了吧。

成日係門口都見到條人龍，等位時間唔算長，普遍10分鐘內就有位。同朋友食過兩次，整體中中等等，第二次再去食係因為想食佢個蛋撻～餐牌選擇對於我黎講唔算多，從「午餐」、「特餐」、「快餐」中揀左「午餐」。午餐 $37 有叉燒湯意粉、火腿奄列、牛油餐飽、咖啡/茶。 味道唔係特別出色，其賣點應該係佢地既人情味。餐包鬆軟而且仲幾暖，奄列就偏油，意粉我就轉左通粉，口感淨係覺得好腍，驚喜不大。鮮奶蛋撻 $6 蛋撻每隔10分鐘就出一轉，脹卜卜香噴噴，幾乎每一枱都有點蛋撻呀。 雖然我偏愛曲奇皮，但佢呢個酥皮幾香口而且夠鬆化，中間既蛋蛋好嫩滑，仲有少少微微既蛋香！ 茄汁豬排燴意粉 $43 個人不太討好呢隻既茄汁，但友人仍食得好滋味～～人人口味不同呀麻～豬排肉質很腍，似乎用左好多鬆肉粉，haha～ 雖然坐得唔係太舒服，但依然座無虛席呀~~ 可以係門口買蛋撻食～～餐牌

下午茶時間想找個地方飲杯茶過下冷河，途經金園荼餐廳，被那盤剛出爐的蛋撻吸引著。走過了兩個舖位，不禁要回頭走進餐廳，叫了一隻蛋撻，一杯凍奶茶。蛋撻皮鬆脆可口，帶少許火爐味，蛋黃少甜，略帶蛋香，溫度剛剛好。奶茶的冰輕過冰插插碎，令奶茶倍覺冰凍，茶味茶色雖不足，奶味仍可補償。差不多要離開之前，再有一陣暖流在身後湧出，牛油香味隨即送入鼻腔，第二盤蛋撻又出爐了。席上客人都紛紛落單要蛋撻。最有趣的是令人懷念的熱漂白水地拖，在腳邊游來游去。

今日睇完醫生，去金園食黑椒豬扒意再配一個凍檸水，慶祝檢身報告正常。臨走時，正用剩餘的半杯暖水送藥，突然，身邊傳來一把聲音「需唔需要俾多杯水你呀？」抬頭一看，見一女職員微微笑的向我說着這番話。雖然只是簡單一句，但已令我很感動。幾個月前，第一次幫襯金園，在網上見到一些評語説金園老闆侍客態度不好，開頭都覺得他的態度麻麻，但那次我坐到他們差不多打烊才離開。臨近關門，見他很隨和的叫伙記走先，又同一些熟客寒暄，（當然我這些生客佢唔會睬我）覺得老闆又並非傳聞中難哽。總的來說，金園是一間可愛的茶餐廳。

行過見到門口有人龍，上網一睇，完來出名蛋撻，所以又排下等出爐！$6一個酥皮蛋撻，超級新鮮熱辣，果然名不虛傳，酥皮唔會一咬就成個撻散晒，有幾層酥皮，香脆有牛油香，而蛋就香滑同蛋有蛋味，下次都要encore👍🏼👍🏼

今日去了長沙灣買野 , 記起之前好幾次經過青山道一間茶餐廳 , 門口都排長龍 , 據聞它們的酥皮蛋撻好好味 , 等我去幫襯下先 , 一去到看到門口的餅櫃空空的 , 店員話已經賣晒 , 真的有點失望 , 可能因為我地去到已經七點 , 下次我一定會早ｄ, 唔梗要咁等我試下你其他食物出唔出色先 , 一走進去 , 它們是傳統的冰室設計 , 正前方是一個大大開放式的水吧 , 兩邊全是卡位 , 中間是四人圓桌 , 感覺都幾乾淨生炸雞翼會意粉正 , 可能雞翼係生炸 , 所以肉質很敕 , 外皮很脆 , 調味又恰到好處再要讚係個意粉 , 煮得剛好 , 不淋不硬 , 同埋它的意粉是用茄汁炒過(出面其它餐廳通常烚好意粉淋汁就算)黑椒干炒豬扒意粉黑椒出色 , 唔怪得之話係秘製 , 意粉炒得乾身 , 豬扒係厚切 , 炸得乾身不油 , 同埋份量都好多

His boss was shown a BLACK face when his staff placed the wrong order and he was trying to find an excuse NOT to responsible their mistake. Their food and drink are pretty good but it showing their bad attitude to customer and even it always BLACK face when visiting their restaurant today again.So negative 😔

有好多次星期六早上經過這裡都見到一條長長人龍在排隊等位, 我同友人都十分好奇, 點解成條街附近又有茶餐廳, 唯獨此店要有條人龍呢? 上星期同友人就來試下, 幸好我地都係排左唔洗5分鐘就可以入座. 講真枱又細又迫坐得唔舒服, 不過這裡服務員多數都非常有禮貌, 而且就算咁多人排隊等食, 他們都唔會迫食客食完要即刻離座. 當日我地點左個早餐同特餐($36)包一杯飲品, 我要既沙爹牛肉麵, 火腿奄列加餐包,一杯熱檸茶. 見到個餐包已經流口水, 鬆軟好香牛油味,再配上充滿蛋汁的奄列非常美味, 唯一係個奄列偏油. 另外牛肉麵用上新鮮牛肉, 有肉味. 當然茶記的茶都十分美味, 無苦澀有茶香, 試過真係知點解會有人龍排隊等食. 地址: 長沙灣青山道314號地下

Egg tart ($6 each) is the best one I have ever tried in Hong Kong ! It can be bought just at the small 'counter' outside the restaurant. Sometimes it is a long line though.

試幻想，今天係星期六，十點，晨光不是初現，你的房間到處是陽光的溫暖，你無意醒來，你會做什麼。 我會提議你看看這篇文章。 可能你會喜歡星期六和日都在你的牀上纏綿一下，和那個親愛的棉被和枕頭來個親密接觸，或者你有另一半在你隔離的話，你們會來抱一下感受那周末的體溫。 不過，我發覺，周末的早上太寶貴，我會選擇，早點起身，找點節目，特別是秋季來到，行山是最好的活動，今年，行了第一次的金山，由於搭車上去，是故和朋友選擇在金園見。 無辦法，這裡就是旺到咁，十時多的早上，就是要排隊，一起來吃那些剛出爐的蛋撻和麵包。 只不過，今日我們目的不是歎茶吃飽，我們快點吃完要快點行動，要行山，當然要叫點飽肚的東西。 朋友k叫了一個常餐，當然火腿奄烈是常識吧，很多人都知這裡餐包很有名，這樣的是神級組合吧，朋友卻特別一點，冇要餐包要多士。 可能k的前度在這裡住過，他知道這裡的沙爹牛肉麵雖然冇新華出名，但也是典型的香港美味。 我雖然好喜歡這裡的沙爹牛，不過每次來，我也會受不住這裡的炒意粉誘惑。 我叫了杯熱奶茶，那個滑溜的奶和漂漂然的茶香，細滑的在你牙蓬間走過和在你的舌頭裡慢延，如果你愛茶，這一定是最必然的選擇。 朋

是日經過青山道，發覺有間舊式冰室門外放置一個餅櫃，有蝴蝶餅、椰撻、曲奇及酥皮蛋撻等，賣相吸引酥皮好香，好脆，皮底唔油，蛋好香牛油餐包喺舊式扭紋嗰個，好鬆軟，令人回味鮮牛肉通粉，牛肉新鮮，唔勒

金園, 幾乎係我見過定位最特別既舊式茶餐廳舖位細, 坐位唔多, 格局係傳統兩排卡位, 中間則係四人細枱之所以話佢特別, 係因為佢地係無飯既你無聽錯, 佢地真係無飯既, 我曾經親口問過咁佢地又食D乜野呢?如果有睇麥兜應該聽過, 早餐=常餐, 晚餐=散叫, 呢度就係咁勒中午一點半入去, 好多人要撘枱, 中間四人枱同人撘, 顯得比較迫佢地係無午餐同晩餐呢兩樣野, 只有早餐同下午茶, 我自己叫左個干炒公司意粉加奶茶所有炒粉麵類加十蚊配野飲, 冷熱同價撘枱果兩位仁兄就叫左兩個早餐, 響中午一點半叫兩個早餐不過我四圍左右好多都係食緊早餐夠特別未?干炒公司意粉: 有叉燒, 牛肉, 雞肉, 火腿, 葱粒, 煎蛋一隻, 可能因為專心做炒粉, 無可否認佢地D炒意粉好出色 意粉一條都無燶, 軟硬度剛剛好, 而且唔太濕又唔太油, 廚師手藝已經係達人級 單以炒意粉呢一環講, 已經接近高級既餐廳, 只係配菜方面就一般咁啦奶茶: 傳統絲襪奶茶, 香滑有茶味干炒公司意粉$42 配飲品$1