金園茶餐廳

营业中

休息中

細個成日會到長沙灣爺爺家玩同食飯，到爺爺家前家人就會一齊去食新華，細細到宜家都覺得佢嘅酥皮蛋撻最好食。不過直到今日，我先知道原來一街之隔仲有間更好食嘅酥皮蛋撻。今日同屋企再到長沙灣，又唔想食新華就試下金園。入到去位夠大燈夠猛，又坐得舒服。入到店前已經見到剛新解出爐嘅蛋撻，我同家人二話不說坐低就先叫兩個。一罷落口差d 辣親個咀，佢嘅餡好夠蛋味，唔太甜，仲好軟熟！好似雙皮奶咁呀！酥皮底同蛋餡層次分明，咬落口鬆脆，仲整到張台全部皮碎。最後食完佢嘅西多同豬扒包，我同屋企人再encore, 今次真係睇住佢出爐，送到上台個蛋餡仲係脹卜卜架！相比新華，原來金園做得更出色，新華嘅蛋撻唔夠金園香，酥皮較油膩及淋，比較難遇到佢新鮮出爐。下次都會幫襯金園啦！

今日同朋友一齊試下呢間舊式茶餐廳去到見到一條人龍排諗住實無死，又見咁多人買蛋撻都想食下而家因為限二人一枱所以我地三個都分開坐。我同其中一個朋友安排最細既car位，朋友純粹講下覺得張枱細放唔到兩份餐，後面收銀叔搭訕「放到兩個餐架！有最低消費架！bla-bla-bla 」當然態度都好差想撩交嘈咁！跟住另一個朋友坐隔開幾張枱同人搭枱，頭上就不斷冷氣機滴水，朋友同侍應講聲，姐姐都好快手攞住拖把就咁向上掃但大前題係野食黎哂放係枱你就咁掃d野食仲點食好？同枱另一位食客都望住面露難色最後一件不能接受係有個姐姐係咁大聲嗌「出面好長龍，出面多人等」嗯？！你催緊食緊野既食客要食快d?最後最想試既蛋撻都因為呢d經歷都變到唔想試啦P.S干炒意粉勁咸！奶茶好「鞋」口帶點苦澀一支維記朱古力廿蚊不了不了～～性價比係零0

今日真係食唔停， 去完大澳返屋企之前都食個茶餐。5點幾， 2個人叫左2個餐，我地都幾餓。炸魚薯條跟熱奶茶：個薯條係波浪型既粗薯條， 係茶記必食， 夠晒薯仔味。個魚柳唔係好大但夠晒厚身， 冇雪味而且有魚味， 唔錯。個熱奶茶， 老公話冇預到都唔錯， 1啖都冇分俾我， 自己飲晒， comment 唔到。豬扒包配熱檸水： 個豬扒包又有d驚喜。個包係烘過黎， 豬扒應該係炸， 食落去係脆脆地。個包里面有酸瓜減膩， 正。但唯一美中不足係個豬扒好大陣白胡椒味， 太濃，輕手d會仲正。35蚊1個餐跟飲品， 其實都ok,下次要試蛋撻。

Generally speaking, the food was not impressive nor horrible. But it was rather mundane and doesnt capture the customers' imagination.舉個例佢啲庵列炒得好老， 火腿亦都感覺唔係好新鮮， 個雪菜肉絲米粉啲湯底好似清水咁， 食落去冇乜味。 個餐包亦都好凍又硬。 不過杯奶茶都ok。 It was too oridinary that it left no picture or feeling into my mind. Just normal.

如題，今日放假專登坐車出黎吃呢間野，同以往一樣照叫反黑椒豬扒炒意同蛋撻，點知出事....意粉係軟到未咬已經斷開曬放係個碟度，諗住係幻覺啦⋯⋯點知一咬落去真係軟到好似糊仔甘，個豬扒係一咬就.....好似吃緊橡筋甘，以前係一咬係好外碎內軟架個豬扒肉質，伏到吾知食吾食好對住個廚房仲要.....好啦....最後到個蛋撻....厚度無以前甘厚都算，仲要皮同個皮底厚到癲左....我都分吾到吃緊蛋撻皮定蛋撻入邊既肉，原本吾想寫呢個評價，但真係吾忍心又執下一間執下一間，我估係廚房未發現/未有意識食材同做法馬虎左，唯一保持水準既就係茶水，凍檸茶同凍奶茶都ok保持到、老闆都幾好我話冷氣太凍都會幫我拎野安排轉位，但都好凍，只係好少少🤏我諗短期內吾會再去吃架啦，希望你地改善下啦

今日下午茶時間到茶餐廳買外賣，收銀位置叫：要一個豬扒湯意粉，一個豬扒包，飲凍檸茶同熱檸水，跟住唔知係收銀定老闆收左$96!!!係$96!!!我回頭一想，何解兩個餐收$96, 去收銀問清楚，佢話豬扒意粉$39, 豬扒包$34, 凍飲加$3, 熱檸水$19....我問點解$19 一杯野飲，收銀話野飲正價，我問下次可唔可以講聲如果野飲正價，收銀大大聲話：小姐，出面寫明架wor...我夠知你有寫，但我買既時候，要講聲唔係好難者下嘛，一d 禮貌都係，做生意咁樣做，離譜

本想去金華食個靚蛋撻，但行勻成條街都見唔到新華，只見到間類似金園！無論裝修、門面同以前去過的金華有9成似，所以直接入左去。坐低先來個蛋撻奶茶，雖然不是新華，但蛋撻真係好有水準！酥皮好多層，而且好鬆化！蛋漿更加飽滿金黃，甜度剛好，質感亦幼滑！成個蛋撻絕對係有90分以上。不得不推介杯奶茶，一入口就飲到到香濃的茶底，口感細膩，茶奶比例恰到好處。朋友也大讚！要不是有下場，真想打包打蛋撻返屋企慢慢食呀～唯有下次再食！

在舊社區找茶記，當然想找些有歷史的，看到這間店門前有新鮮出爐的包餅，而內裡的桌椅也似乎有點陳舊，於是推門內進享用早點。🍑到來時大約十時一刻左右，幾乎坐滿食客，不過獨自前來還是較易取得位置。🤤先來的是熱奶茶，茶色較淡，茶味也不算太濃，茶的餘韻充斥口腔，但有點過重了，不太習慣呢。🤤餐包非常大個很鬆軟，火腿奄列的蛋太熟了。🤤主菜是沙嗲牛配麵條，拌勻沙嗲醬才吃，先吃到的是鹹味，而且是極鹹，咬一口麵條，軟硬適中，只是她再把鹹度也推向高峰，可說是越吃越鹹😂，唯一可取的，應該是沒下太多化學劑，仍然保持了嚼勁的牛肉咯😅。

今日朋友帶我到長沙灣的金園茶餐廳。餐廳格局非常老式，但還算整齊乾淨。今天點了黑椒豬扒炒意粉配奶茶。炸豬扒夠厚也炸得香脆，意粉亦很夠味。奶茶香濃而不澀，整體不錯。

間唔中食下呢d舊式既餐廳都真係唔錯，比佢既常餐吸引住。.一份常餐有足料既火腿蛋庵列，又有一件牛油三文治，加一碗沙嗲牛公仔麵（都有其他麵揀），好大份好夠飽。重點係一杯茶走，個味教得岩岩好，茶底夠濃，唔會得個甜味，佢既麵包同蛋撻都好出名，d包係自家制，絕對唔係空氣麵包，咬落去好有口感，仲要大大個。蛋撻一出爐就好快買曬，keep住熱辣辣出爐，仲要係酥皮撻，正！可惜唔記得影相。.佢仲有其他豬扒意粉都係推介，但每次都係會想食常餐。

利申：最鍾意周圍食茶餐廳真係超級垃圾：1. $40一個餐，叉燒意係完全無味，自己喺屋企求其都煮到，舊包都係垃圾，性價比勁低2. 極度逼，四人檯坐五人，卡位好窄都搭台，差啲腳掂腳。只可以話香港人食嘢真係求其都食得落，咁都咁多人。3. 我相信無人鍾意食一個幾十年都係清水煮，無特色，無進步，勁求其嘅嘢食。唔值得繼續屹立。

長沙灣青山道呢頭有兩間類似嘅老字號茶記，一間係新華另一間就係呢間金園。裝修格局似舊式茶餐廳/冰室、門口有出爐麵包同蛋撻賣。一睇就feel到浸情懷。但唔知情懷係值錢而刻意去造出黎，或者係本來就係特別貴，相同嘅食物喺唔少新式茶餐廳老實都有，而且呢D都唔會話好難整。見佢比同區貴唔少（其他約32~35）就梗係要試下個質素。簡單嘅餐牌，好似諗唔到寫乜copy and paste寫滿佢咁，其實價錢咪一樣？同埋聽到有食客可以轉餐入面嘅配搭。唔通麥兜黃秋生講“早餐咪即係快餐、快餐咪即係特餐”係喺呢度取材？好啦叫個特餐沙爹牛肉麵試下啦。舊式冰室果張牛油紙都變左紙巾了。庵列同餐包。餐包好大舊，雖然有D甩皮甩骨牛油又唔多，但個包都鬆軟香甜。庵列蛋煎得香口，火腿絲都唔少，夾埋食唔太鹹。正常。之後係沙爹牛肉麵。好失望，諗住老字號會有咩特色，點知根本冇沙爹味。睇圖D沙爹醬又少又頹。個麵就幾爽口彈牙，質地比一般公仔麵好，湯底偏鹹，少少鮮味。呢個麵同筆者尖咀成日食嘅佳X就完全冇得比，甚至連同區X墟都比不上。餐飲係鴛鴦走（煉奶）。色水好似好暗唔夠奶咁，飲落去有澀澀地嘅怪味，又係唔夠X記果杯香。情懷呢D對新一代講真好難感

長沙灣青山道一帶都好多食肆，但好食而又keep到水準既茶記就唔算多。今日中午放飯早左出門口，所以唔多人等位。沙嗲牛米，太陽蛋+多士(烘得好脆),凍檸茶(一啲都唔澀口)食食下，有店員大叫出爐，一陣香焗味道，原來係蛋撻出爐，可惜好飽，唔係整返件~

之前食左隔離新華好幾次今次想試吓金園呢set係午餐义燒湯麵配餐包同火腿奄列（本人改左要煎熟蛋）奶茶very good 义燒都ok，但我最欣賞都係個餐包整體泥講係ok嘅樓面服務態度好過新華

<舊式茶記>☕長沙灣附近好多舊式食店 茶記就最多 平時通常係食新華 雖然味道已冇以前更正 而且通脹又貴左， 但其實以而家香港普遍質素黎講算係中上， 今次就黎到唔夠新華 100 米既金園 呢間都係好多年歷史 整體好覺得一般 都係新華好食 少少. 大家經過既都可以自己對比試下 👍🏻(叉燒意粉純綷影相 我朋友食所以我唔評論 ) 🍴特餐 38 蚊 凍飲加2 蚊凍飲點左凍奶茶 唔記得影相 但其實個奶香都夠 茶味都濃 十分唔錯👍🏻個蛋奄列蛋係多 蛋味夠 但整得燶左 d 如果冇甘熟有 d蛋汁我會更鍾意🥚牛油多士一般冇乜特別🍞 沙嗲牛肉麵 個牛肉足料同比較煙靭 🐮 個沙嗲汁 調味唔夠濃 差 d . 因為撈落公仔麵 要濃 d先襯 🍜而公仔麵正常 冇乜特別 只要唔好太熟 爽爽地撈牛肉就唔會差得去邊😂 🍴蛋撻 🥚 7 蚊個而家蛋撻已經貴到7 蚊係正常🧐 物價好貴。 個蛋撻皮個香味夠 但唔夠鬆脆。入面蛋都落足料 甜度適中 雖然未到超好食 但都中上 飲啖茶食個撻都唔錯既👍🏻#蛋撻 #牛肉 #沙嗲牛肉 #酥皮 #意粉 #公仔麵 #特餐 #蛋奄列 Score 平均分 <6.5/10>