金坊泰國美食

营业中

休息中

將軍澳呢間泰國餐廳非常高質，佢嘅性價比非常高，食物都好高質。除咗好多選擇嘅單點菜式之外，呢度仲有勁抵食嘅二人套餐，分別有$238同$278兩個價位，今次點左$278嘅套餐，超級豐富。首先有炒鮮蝦金邊粉，金邊粉唔會太油，配上新鮮嘅大蝦同埋其他香料，勁惹味。另外仲有冬陰功海鮮湯，酸酸辣辣，勁開胃。燒烏頭勁大條，魚肉配上秘製醬汁，好味道。馬拉盞炒椰菜苗都唔錯。我哋仲加咗$48有4隻生蝦，生蝦非常新鮮，肉質口感都好好。食泰國菜當然要有椰青啦，椰汁好清甜，配上濃味嘅泰國菜真係好夾呀。

金坊泰國美食😘😘😘家常便飯逛完將軍澳新都城中心二期、好想食泰國菜、選左呢間、「金坊」、有背靠梳化、坐得舒適、食得招積😃✨咖喱炒軟殼蟹+蒜蓉包條$138軟殼蟹炸脆不油膩、咬口內脆軟、蘸點金黃咖喱醬汁、超惹味、仲有焗至金黃外脆內軟的黃金麵飽條、塗滿牛油蒜蓉、口感層次分明、吃不停口、舔舔脷👅✨香芒驢魚$148深藏刀法、開邊、切花、酥炸金黃、擺設活生生、新鮮驢魚浮游在海面上、外酥里脆、肉嫩鮮甜、淋上「泰」芒果🥭、甜甜酸酸醬、開胃菜、鮮蘆筍、味道好夾！✨海南雞飯$73冬節吃番過「泰式」海南雞飯、去骨嫩滑雞肉、配黃油飯、蘸泰式特色醬、醬汁好出色、泰式風味、甜酸辣、滋味又惹味、飽肚🈵足！金坊泰國美食將軍澳新都城中心二期2樓2016號舖港鐵寶琳站A2出口、步行8分鐘

晚上到左附近的#金坊泰國美食，食番個精選晚餐，只需要$278 便有二人套餐，食物包了金坊柚子沙律、馬拉盞海鮮炒粉絲、海南雞半隻同埋燒烏頭，正價飲品做到緊買一送一添，全日免收加一服務費，真係好優惠啊。金坊柚子沙律，新鮮沙律菜加清甜的柚子，配搭酸酸帶微辣的味道，惹味又開胃呀。馬拉盞海鮮炒粉絲，海鮮有爽口的帶子，彈牙的魷魚，鮮虾，加上配菜嘅洋蔥🧅，紅蘿蔔🥕、紅椒同粟米🌽，跟粉絲炒在一齊，炒得非常之惹味。海南雞（半隻），雞皮爽口，雞胸位肉質有彈性，髀位肉質更嫩滑，點埋附上的醬汁，更加美味😋。雞肉串燒，雞肉有彈性且有肉汁，點埋附上的沙嗲醬汁，令味道更加提升。飲品叫了椰青夠晒清涼，大大支象啤只係$30，爽丫😊

將軍澳🚇嘅金坊泰國美食係區內嘅老牌🇹🇭泰菜館，佢哋有多款特價優惠菜式，💰十分之抵食！入面裝修得都幾有泰國風情😊，牆上掛滿咗好多特色嘅泰國裝飾品😆，而且地方又大又闊落👏，非常適合家庭聚餐或者朋友聚會。燒蟶子做緊🤩震撼價$18壹隻真係超正！🤤蟶子新鮮多汁又厚肉，🔥燒得啱啱好，加上泰式🇹🇭香料調味，味道一流。特價💰海南雞$88半隻份量十足🐓嫩滑多汁，蘸上特製嘅泰式🇹🇭醬料味道好出色，呢個🥰價錢真係超抵食呀！咖喱炒軟殼蟹🦀炸得好香脆，配上濃郁嘅泰式🍛咖喱汁，味道十分之豐富，佢仲配埋呢度出名鬆脆嘅🧄蒜蓉包條，簡直係完美嘅配搭👍。菠蘿🍍蟹肉炒飯大大碟上面有唔少蟹肉🦀，菠蘿嘅甜味加上蟹肉嘅鮮味😋，非常之令人開胃。食到尾餐廳仲🎁贈送左碟芒果椰汁糕，雖然係😝免費嘢但係都好出色，🥥椰汁同芒果🥭味道融合得非常好，口感滑溜又香甜，真係一個👏完美嘅甜品結尾。

呢晚嚟到新都城呢間金坊食泰國嘢，店員安排咗我哋坐卡位，坐得好舒服呢度真係好泰國feel，連有啲店員都係泰國人嚟嘅，我哋叫咗軟殼蟹咖喱配蒜蓉包，燒馬友，芒果糯米飯，椰青同埋一杯象啤！軟殼蟹咖喱配蒜蓉包，價值$138 ，真係超抵食，軟殼蟹炸到好脆，配埋咖喱嚟食一啲都唔漏，蒜蓉包又整到啱啱好，熱辣辣點埋啲咖喱汁嚟食真係食到人哋舔舔脷！我哋食晒啲包都未食完啲咖喱汁，好想再叫多一碟包嚟食！跟住就係芒果糯米飯，我哋揀咗黑白糯米配，真係好好食，個芒果好甜好好味，配埋啲椰汁真係好夾！食泰國嘢點可以唔飲象啤同椰青，呢兩個配搭真係一流！

今次已經係第二次食哩間餐廳。上一次食完覺得好食又抵食，一直都好掛住佢。今次經過哩個商場，再去食多次😛知道每逢晚飯時間一定大排長龍，今次特登一早去食咗飯先，避開繁忙時段，食飽先再慢慢行街😋生蝦(8隻) ($118)Live Shrimp in Thai Style一份生蝦有8隻。蝦好新鮮，蝦肉厚身，而且好彈牙。配埋生蒜片、辣汁👍🏻糯米雞翼 ($98)Glutinous Rice Stuffed Chicken Wings見到餐牌上面寫 “NEW” ，即刻叫嚟試吓🍗先將糯米飯釀喺雞全翼入面，再將外皮煎香，重點係全隻無骨🤣糯米飯夠味得黎又唔會好油，配埋脆皮雞翼，好香口。餐廳配泰式辣醬一齊上，點醬食 或者 就咁食，都好味。馬拉盞海鮮炒粉絲 ($88)Fried Bean Vermicelli with Belachan & Seafood上次食過炒河粉已經覺得好好食，今次試埋炒粉絲。配料有蝦、魷魚、帶子、粟米仔、洋蔥、三色椒。粉絲炒得乾身，夠哂鑊氣，好惹味。今次係食馬拉盞，完全唔辣，唔食辣嘅朋友都食到。椰皇沙冰 ($33)Coconut Shake食濃味嘢通常都會叫一杯凍飲。沙冰食到啲細細粒嘅

金坊泰國美食 (將軍澳).心血來潮想食好耐無食嘅泰國野近近地寶琳食.▪️酸辣明爐烏頭▪️.好澎湃，有海量嘅配菜粟米芯，菇等， 魚可以揀就咁蒸定煎過，我地叫左後者香口啲.▪️串燒雞牛豬各二▪️.今日好想食串燒，叫左豬牛雞各二，再沾埋個花生醬汁.▪️蒜茸椰菜苗▪️.個菜擺盤用碗無咁有美感，但都幾好食.📌 金坊泰國美食 (將軍澳)將軍澳寶琳欣景路8號新都城中心二期2樓2016號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

馬拉盞海鮮炒粉絲熱辣辣好香又鑊氣又足料有好多魷魚帶子粟米芯睇門面見到以為空間有閒，原來入到去別有洞天地方，還有兩間房班蘭冰沙熱檸蜜冬陰功脆豬肉配蛋麵冬陰功湯底酸酸辣辣麵餅有蛋香彈牙喜歡再淋啲的話就等佢再浸多陣先食大蝦炒金邊粉和炒粉絲一樣 這家泰國菜 炒粉麵真是冇得輸的 香口有鑊氣熱辣辣是必然的 再加上泰式金邊粉的特色是甜甜的，用埋佢個青檸汁酸酸的和旁邊的花生碎混在一起香香的，味道剛剛好跟餐的冬陰功湯跟餐的冬瓜湯加13元跟餐的小食生菜包肉鬆小食都大大碟很抵食午餐大約每份餐50至70元週末都是這個價錢三分餐夠四個人食性價比高

三點嗰陣時經過呢間餐廳有十幾個人排隊，等咗大約20分鐘終於入到間餐廳，以星期六日黎講，呢個等候時間都算合理。佢仲有午餐同下午茶揀 最後我哋嗌咗一個午餐同下午茶。下午茶餐嗌咗個海南雞船河，啲雞好滑，豬紅有味但係蘿蔔冇味多渣，湯底偏鹹午餐嗌咗個自選兩餸麵，最後揀咗豬手豬頸肉冬陰功湯可。豬手好淋豬頸肉爽口 冬陰功湯地都算濃味，但都係偏鹹。個午餐加配咗八蚊要咗個春卷，而下午茶餐本身就包左小食，嗌左蒜蓉包配咖哩!相對之下個春卷係好食啲，仲熱辣辣！！嘢飲嗌咗個牛油果沙冰同埋凍奶茶。牛油果沙冰感覺冇乜冰粒，加分，入口嘅甜度適中而且又好有牛油果味，比較有驚喜 ！奶茶就係普通港式奶茶味道！

由唔再收信用卡開始，已經唔係以前嘅金坊。外賣兩碗船河，變咗普通湯河，湯底完全唔係果回事！無咗炸豬皮同豬紅！仲要船河本身貴d!!蝦醬炒飯，有少少蝦醬味，但味道非常“健康”，飯身異常地濕，色水欠奉！炒金邊粉，蝦係霉嘅，豆干變豆卜粒，金邊粉得個顏色似樣，但係似變壞嘅酸味！門口寫外賣正價有九折，仲送熱飲，但最後只有九折，完全無送熱飲，應該話係完全打算送俾你，無提過！！幫襯不下十次，但今次完全有被詐騙嘅感覺！！！外賣你無可能每碗嘢開出黎睇有無俾錯，仲要專登搭車過去買外賣，恰我唔會拎返去投訴？！呢間嘢，真係無下次!!!

其實難食既泰國野真係好少，竟然俾我搵到🤦🏻‍♀️金坊泰國美食 (邊有美食？）係寶琳新都城二期，都係抱住試下既心態入座，嗌左碗泰式鴨肉湯河。碗野黎到我就心知不妙，湯河上面有一大堆蔥，仲有紅蘿蔔，似台式多過泰式囉。泰式湯河靈魂係個個湯底，一試啖湯，真係「妖」左出聲，完全唔係泰式。啲河粉係粗河粉，痴埋一舊舊，食落唔熱既，啲鴨就大部份係骨，碎濕濕咁。真係超難食！！ 碗河最後食剩半碗，為左止蝕無繼續食落去，尼間野真係要係我meal list 入面black list,無下次！仲有，每杯水原來要收3蚊茶水錢，尼間野真係勁差，勸喻大家試都唔使試。📍金坊泰國美食 (將軍澳)將軍澳寶琳欣景路8號新都城中心二期2樓2016號舖

里間店野食還好.放假閒逛時經過去試下，點左海南雞飯 優惠加串沙爹串燒。。。。海南雞一般般 全係雞胸，主要係個汁 幾好食。沙嗲串燒 一入口 得個暖 沒夠熱。食得出串好左雪櫃拎出黎加熱啫係翻熱菜！吾係即時串即時燒。美中不足凍茶有d甜，下午過去 大概4點環境算吾錯，有時4點後過去人性化會暫停營業讓員工休息 有時真係會白跑一趟！食過幾次，佢地炒通菜 真心吾錯，帶點辣椒，野食算抵食既，價錢算一般般親民，總體而言算正常一般般 沒掉坑

$18隻燒大頭蝦，叫佐4隻，嚟佐5隻，全部都係由頭至尾只有中指size長,蝦頭完全無膏，而且蝦肉入口即溶，又梅又臭，入口即吐。$18隻燒生蠔，叫佐4隻，size好大隻，有手掌大，等佐差不多半個鐘至嚟，一開發現元貝位半透明，緊黏住殻，用匙撬都唔甩，叫waiter拎返廚房燒多陣，點知一等又差不多半個鐘至嚟，中途約15分鐘已通知樓面仲未到，可能樓面以為我投訴燒蠔臭，嚟到竟然係全新4隻燒蠔，但係同樣地元貝位都係半透明，撬極都唔甩，我地已放棄再等，唯有放落已食完明爐魚個dou焯熟佢，口感雖然ok，但係食完成口有陣陣臭蠔味。明爐馬友又係梅，而且仲有唔少魚鱗，要邊食邊吐。馬拉盞通菜同炒什菜，用細碗裝，先唔講份量少，d菜大部份碎濕濕。第一次係泰菜館食菠蘿炒飯唔係用菠蘿殻裝。泰式豬手普通過普通。係生蝦同咖哩軟殻蟹跟蒜蓉包比較好食。食完半個鐘有輕微肚痛5個人$900埋單不會有下次

（午餐）海南雞飯餐最美味的海南雞飯午餐，性價比高，雞肉又滑又嫩，加上油飯，大滿足，我最愛的是獨特海南雞汁，配雞配飯一流，每次都要兩小碟。$60一個午餐，有飯，有湯有飲品，抵。

今日中午去咗新都城金坊泰國美食，點咗海南雞拼豬頸肉飯，加上一個清甜嘅椰青，整體體驗非常滿意。首先講下海南雞，雞肉嫩滑多汁，皮薄肉厚，唔會過鹹，配搭嘅醬汁味道適中，唔會搶走雞肉嘅原汁原味。豬頸肉烤得非常香口，外皮微焦，內裡依然保持柔嫩，肉味濃郁，每一口都充滿層次感。兩者拼埋一齊食，口感豐富，互相補充，真係一個唔錯嘅選擇。飯方面，黃姜飯煮得粒粒分明，帶有淡淡嘅香味，配搭海南雞同豬頸肉非常合適，唔會過於油膩。每一口飯都帶有香甜嘅風味，令人食指大動。至於個椰青，清甜解渴，係炎熱天氣下嘅最佳選擇。椰青水自然嘅甜味令人回味無窮，飲完之後感覺非常清爽。總結來講，金坊泰國美食嘅海南雞拼豬頸肉飯真係非常出色，無論係雞肉、豬頸肉定係黃🫚飯，都有高質水平。椰青亦為整餐午餐增添咗一份清新，絕對值得一試。下次再嚟，我一定會再試埋其他菜式，期待同樣嘅高質素。價錢： $88 味道：⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️