金坊泰國美食

营业中

休息中

將軍澳對我嚟講係一個謎之地方，永遠都分唔到將軍澳綫嘅站🙈只係知道將軍澳係天橋之城，由地鐵站行去大部份嘅屋苑都有蓋，就算落雨都唔洗帶遮。第二就係商場多，好似荃灣咁，商場接商場。所以每次去，都要問清楚要去邊個站落車🙈今日朋友帶路，去咗寶琳嘅新都城中心食飯，係一間好抵嘅泰國餐廳。雖然商場入面有好多餐廳揀，但差唔多大部份都排隊等位。朋友好有經驗，知道一定要排隊，所以提早去拎籌，等到我嚟到就岩岩好可以入座😎特價燒蟶子 ($18/1隻)餐廳宜家做緊咖哩軟殼蟹 + 蒜蓉包set，只係需要 $138，好抵，好多人都叫!!但係我哋人數唔多，叫咗哩個set就食唔到其他嘢，唯有放棄🥲下次等多啲人再試!!我哋揀咗另一個優惠，特價燒蟶子，一隻只係$18，每人限叫2隻。食完2隻想encore，第3隻起就會收正價。蟶子上面鋪滿蒜蓉醬、炸蒜、蔥。賣相唔錯，但係食物溫度唔係好熱，同埋味道係甜🤔蟶子上面嘅蒜蓉醬係蒜蓉包甜甜嘅蒜蓉醬，好奇怪。一啲都唔夾，曬咗啲蟶子😰沙嗲串燒（6串）(豬、牛、雞) $88串燒係每次食泰國菜必叫。一份有6串，可以揀豬肉、牛肉 或者 雞肉。單點其中一款，或者混合都可以。串燒燒得好香，肉質好淋，再

荃灣老字號泰國菜館由細食到大嘅味道🤩🦐紅咖喱（牛）配蒜蓉包🦐酸辣泰式鳳爪🦐椒鹽大頭蝦🦐煲仔翅(星期一至四晚市滿$488送）今次是將軍澳分店平均所有菜式偏辣同濃味，老實講廚師嘅調味都幾重手，特別係椒鹽大頭蝦，雖然重胡椒好惹味，不過偏鹹；酸辣泰式鳳爪就好辣🥵不過各方面味道都確實係唔錯嘅，不過啱重口味之人。

今日出開黎寶琳拍拖睇早場，睇完早場岩岩好lunch time，見價錢幾抵食，就黎左呢度食泰國野。冬陰功餐湯夠酸夠濃，裏面有啲菇既配料，好有泰國風味，夠晒惹味好有鑊氣，馬拉盞好夠香，炒河粉好香口，配料都好豐富，有好多款蔬菜，豬肉份量都ok，整體抵食好味😋揀咗自選麵餐，可以自己揀唔同嘅湯底，有船河湯、鴨湯、冬陰功湯等等，船河湯上菜時間比較耐，大概15分鐘上菜。揀咗扎肉同埋豬肉丸，配料份量都算多，扎肉好大片，肉質稍為有少少淋，整體湯底略嫌有啲淡，整體河粉通菜等等未算好入味，但價錢算係抵。飲品方面都幾大杯，不過少甜都比較偏甜，整體不過不失。

今日同朋友中午食飯 佢話想食泰國野 我地就搵左呢間食 應該岩岩過左飯市🤔唔洗等位睇完餐牌之後 朋友食左個金邊粉同生菜包我本身想食個黃咖哩羊腩飯 不過話無🤷🏻‍♂️咁就轉左個黃咖哩牛腩飯啦 等左一陣 朋友個餐上左先 我果個跟住都黎左 然後就開始食食左頭兩啖個牛腩飯 口感好似唔對路咁🤨粒牛腩又硬又實令我十分震撼 諗住食舊牛筋試下佢同咬舊膠咁無分別😂😂超級有咬口 篤左其他幾舊（牛腩)之後我都係撈汁食飯算唔夠仲問店員拎多兜汁添最後埋單 我諗自己去買盒咖哩都平過佢

真心唔算好食，$18燒聖子/ 大頭蝦還可以不過唔夠熱，仲叫左個酸辣明爐魚，味道是還算可以喇 ，最失敗就係食左個$100 豬頸肉通菜，碗上份量少D菜得莖冇葉仲要好少 ，冇下次lu，

由佢開張到現時搬咗去坑口，都幫襯唔少次午餐，$5x 起有湯有嘢飲，每次都食到好飽，餐牌仲每日不同，真係夠晒豐富嘅選擇👍乾炒海鮮河試過食濕炒係成碟芡，感覺唔多好，所以爸爸試食乾炒，果然鑊氣十足，而且食開一貫質素，有菜有肉，夠足料冬陰脆腩肉湯湯底酸辣香濃，差啲飲晒啲湯配料十足，通菜同秀珍菇不過脆腩落咗水就唔脆，而且偏老，扣分！船河湯金邊粉船河湯底好似係用豬血製作，所以偏深灰色，但係味道帶點香辛料味，好似八角之類滷水料味道。材料都超豐富，豬紅、豬手、豬肉丸、豬油渣等等，比冬陰公湯更正大商場入面以5x-6x價位食個午餐，真係唔多做到，重點係好味又飽肚，多多支持💪

🌃 食肆為連鎖泰國菜餐館， 設有四間分店， 今次進食嘅地方係位於寶琳新都城中心二期，鄰近於寶琳港鐵站A1出口，餐廳設計充滿泰國色彩，有不同的泰國宗教擺設，而食物價錢都十分平民化， 以經濟實惠見稱。..🦐 燒大頭蝦 兩隻💲 28👉 28蚊有兩隻簡直超級抵食， 廚師好貼心將大頭蝦開邊燒，令到蝦身更加香口， 而蝦頭仲要爆膏添， 點埋泰式酸辣醬更加惹味，值得encore。.🍢 燒蟶子💲 18x2👉 18蚊呢個價錢以為係蟶子仔， 點知上菜嘅時候原來係原隻大蟶子😍， 口感幾彈牙 再加上炸蒜同香蔥等配料， 鮮味更加提升😋.🐟 明爐烏頭💲 98👉 98蚊呢個價錢坊間很難找得到😍， 熱辣辣原條烏頭上枱，底部有爐不斷加熱， 加上酸辣香料湯底，辣椒香蔥等配料，怎令人不愛呢？ 再煮多一陣會更加入味， 魚肉吸收了湯汁嘅精華， 食落十分鮮嫩， 酸酸辣辣幾開胃， 如果叫多碗白飯更加正。.🥘 二人套餐💲 268👉 套餐十分豐富，🐓海南雞半隻帶有雞黃油香， 雞件都幾嫩滑， 仲可以點埋酸辣醬 ； 小食選了🍢沙嗲串燒拼盤，雞牛豬各兩串，燒得恰到好處， 咬落仍然帶有肉汁， 加上泰式沙爹醬嘅靈魂醬料， 食完仲有啲唔夠喉；飯類選

今晚屋企人講起想食泰國嘢，約咗去附近一間泰國餐廳，性價比都幾好，款式選擇又多😙屋企人表示好滿意燒蠔 2隻$36蠔汁濃郁，蠔肥美，口感嫩滑，系一道幾好既開胃菜。燒蟶子2隻$36大大隻蟶子，鮮甜嫩滑，性價比高。碎肉生菜包 （豬）$88正宗泰國生菜包肉，少少辣吾會太辣，份量多，生菜新鮮，口感豐富。炸蝦餅$88外脆內軟，口感彈牙配合泰式酸甜醬，非常開胃。青檸汁燒豬頸肉$98份量多，酸酸甜甜，豬頸肉爽口。海南雞飯連湯 $68海南雞嫩滑配合油飯，米飯香味撲鼻，口感細緻而濕潤。芒果黑白糯米飯$68黑：紫糯米飯 ；白：斑蘭味飯芒果加椰汁超好食 芒果少少酸配合椰汁 酸酸甜甜 容易入口 色香味俱全珍多冰 $28椰奶味香濃，口感絲滑，可以選擇甜度。泰式珍珠奶茶 $33正宗泰式奶茶口味，絲滑順口。牛油果沙冰$33牛油果咪濃郁，有益健康，容易入口，不會太膩。沙嗲串燒（牛）$88 半打牛質軟硬適中，配合沙嗲汁非常惹味。🦥將軍澳分店地址：將軍澳新都城中心2期2樓2016號舖

是次享用金坊午餐，位於將軍澳新都城2樓， 十分方便的位置。海南雞飯：滑嫩的雞肉與香米完美結合，入口即化，帶來濃郁的雞肉香氣和米飯的香甜，伴隨著醬汁的微辣和酸爽，令人食指大動。當中最喜歡酸辣的醬汁用來拌飯十分美味。沙嗲雞肉串燒：烤至金黃的雞肉串燒，散發著獨特的香料香氣，肉質嫩滑多汁，口感彈牙，充滿著炭烤的風味，配上微辣的沙嗲醬，令人回味無窮。其次午膳還有湯水附送好味加分，職員態度有禮貌以及會提供清水於桌上方便我們自由使用。

今日同媽子行街，行到累見到有間泰國野就無諗咁多入去食下午茶啦咁就叫咗個豬手飯同船河。 隻豬手完全唔係豬手樣, 連一塊豬手皮都無見到, 仲要食落口係鞋到好似煲湯料咁鞋又無味。另外個船河個金邊粉唔係金邊粉, 個湯底又死咸無層次。 真係難食到全餐飯一路食一路係咁罵。總括嚟講唔會有下次，完！

近年經濟唔好，外出消費想慳就上深圳、儲到錢就飛轉日本，本地食飯真係冇乜幾何。不過有時候唔想舟車勞頓，自己又唔願煮，咁無可避免都要落街食下飯。新都城行左好多年，唔同鋪頭都轉過好多手，而呢間金坊泰國美食經過好多次 ，今日一於入去試吓。吸引到我入去ge原因，就係佢地做緊優惠，分別係「$18燒蠔」、「$18燒蟶子」同 「$138咖喱軟殼蟹」，呢個價錢有海鮮算係相當吸引！蟶子燒蠔每人限叫2隻，咁我地分別都叫左兩隻，蟶子新鮮，燒起上黎非常香口！生蠔爽甜，火燒又係係另一番味道，另外一提係個醬汁非常之match，食完勁開胃！食完前菜，咖喱軟殼蟹上枱，未黎到已經香噴噴。軟殼蟹大大隻，咖喱汁亦非常惹味，拎黎伴飯一流，不過餐廳用左蒜蓉包，一樣有驚喜！蒜蓉包鬆軟，配咖喱汁食完又想食。食完海鮮，點都要叫番個菜，我地簡左泰式名物：馬拉盞炒通菜。果然呢款真係泰菜必食，大大碟香噴噴，食完勁滿足。食得泰國野，順便試埋經典甜品同飲品，我地order左芒果糯米飯、大菜糕、龍眼冰同珍多冰，全部都有水準！龍眼冰好fresh，不過就比較甜，珍多冰比較岩一家大細；芒果糯米飯、大菜糕甜度岩岩好，飯後甜品一流！2個人食，$466，有齊

我地兩個人食，由於份量太大（超抵），飽到食晒唔曬，打包左兩個盒走！😂首先一黎就係蒜蓉包條+咖哩軟殼蟹👇🏻1.蒜蓉包超超超好食💓 點埋咖哩汁perfect. 唔點都得，本身已經好香蒜蓉味+脆邊！2. 軟殼蟹$138 有兩隻蟹 ！抵！ 個咖啡汁唔辣既，+甜甜地。個汁太多，食晒啲蟹都仲有成碗，撈埋飯都仲有🤣 3. 燒蠔，$18/1隻；夠大隻，略嫌個辣汁太辣，就咁落lime汁就算。 一人可叫兩隻！5. 燒聖子 都係$18@， 幾大條下，唔錯💓 6. 青咖哩雞+叫左一碗白飯個白飯好鬼大碗，裝到多左一碗咁。青咖哩—辣！ 中意食辣既就岩！ 椰仔味濃，撈多兩碗飯都得 👍🏻👍🏻7. 因為太辣叫左杯芒果冰，好好飲！ 解倒辣！ 夠凍！ 正！8.之後黎多個馬拉箋炒雜菜。超級辣！ 全場最辣係呢樣！ 略嫌賣相一般！ 影相唔靚！9. 菠蘿蟹肉炒飯好大份呀救命🤣 碟碟都咁大份，最後呢個食左一半打左包！ 聽日返工做lunch! 幾好食！ 有住家feel! 10. 最最最後…. 燒豬頸肉！全場最好食，無誇張！有咩可能$88 咁大份？個汁好傳統泰式汁！ 汁都打包埋！😂必叫豬頸肉。100分！椰汁糕係送既！ 好有味好甜，l

平時食開午餐多，今次黎試下晚餐，竟然有驚喜。。。係價錢。$88明爐燒烏頭，＄18一隻燒生蠔，每人限叫2隻。，毫不猶豫我們都點了。炒金邊粉有鑊氣，幾惹味，可能因為有小蝦米，係食完想再食個種。烤牛肉出乎意料地嫰，配上的汁酸酸辣辣，幾開胃。椰青翅湯一直係我地至愛，鮮甜又香滑，每次Encore之選。生蝦一碟8隻，每隻都好大隻幾新鮮，整體滿意。環境多卡位，食完傾下計都坐得舒服。最後仲有甜品送，椰汁芒果糕，好食，整體好滿意，價錢又實惠。

街坊必食，街坊啲friends都必食。如果你奄尖腥悶，又淨會食高級嘢，即去到rosewood嗰啲luxury place，咁你就唔好去，但完全唔介意市井地道，真係可以入去嘆下正宗泰菜。

喺將軍澳泳池游完水，勁肚餓，諗唔到食乜，於是上OpenRice搵好嘢食一入到去呢度，門口裝修都OK ，但係門口冇人招呼，我坐低咗喺一個位又要我起身，要我坐第二度咁你一開始唔帶枱？都算啦，食物最重要，我叫咗個OpenRice最多人介紹嘅海南雞飯。個海南雞飯未到之前，佢就送咗一碗冬陰功湯俾我，入邊勁多芫荽，對於一個唔食芫荽嘅人，真係難以接受，我飲咗一啖，酸得滯，而且有芫荽，即刻投降⋯唔緊要啦，個冬陰功湯都唔係主角，海南雞飯先係呀嘛！一上到嚟，仲要係有好多軟骨，雞翼都冇去骨，而且啲皮上面仲有好多毛，超嘔心，雞肉一啲都唔滑，韌到呢！好似走地雞嘅質地咁，而且冇雞味！似係雪咗好耐，所以有少少雪味，都咁多人推薦？個黃薑飯就普通水平，醬汁只有酸辣醬，冇豉油同埋薑蓉。比較單一口味，啲雞肉已經難食，醬汁仲要冇得選擇⋯救命⋯奶茶係普通泰國奶茶，比港式奶茶甜啲，正正常常啦個海南雞飯真係難食，唯有叫多個小食，講個春卷先，係OK嘅，入邊啲餡都夠味，係成餐飯最好食嘅嘢我期待嘅蝦餅係最令我失望，勁粉，feel到麵粉比例超多，不如叫炸麵粉？唔好叫炸蝦餅