金太郎 (已結業)

細細個好中意食拉麵~尤其注重湯底個陣得味千個D好味小小~日本拉麵仲未傳入黎~但味千對於細個既我黎講太貴~唔想食咁多家人既錢~所以搵左金太郎黎食~下午茶25蚊到 大大碗麵有豬骨湯好好味價錢平!我到宜加都會耐5耐去食下湯味夠濃, 麵都好食,仲有綠茶包! 入面D栗米配埋豬骨湯飲都好正會超甜~~推介得閒可以試下午茶!! Sushi方面 就10蚊碟會比麵夠~ 正常水平 夠凍`~ 送夠大件! 但價錢就未必話平!只可以話係正常水平

If you want a quick dinner and you don't care about the taste, you can try this restaurant. The beef udon was tasteless! The soup was just boiled water and udon was over-cooked. It felt like I was having hotpot because there was just no taste at all. The eel sushi was over-sauced and the crab sushi was burnt! The price was cheap but don't expect much from the taste.

又係想食壽司嘅日子，剛好見到金太郎嘅招牌，聽說很平，一於試一試佢。樓上鋪，上到去，環境好黑，有個擬似經理嘅人係度鬧緊人，但見到有客到，立即變面，服務態度勁好。六點幾，未係晚飯時間，唔使等位。乾淨就麻麻，但可接受，雖然枱上有乾左嘅蝦籽。迴轉帶上嘅壽司，唔太新鮮，味道正常。平價刺身，雖然薄切，但幾新鮮喎，有驚喜。但其中一塊有一條毛，看似係衣服上嘅毛冷。海膽軍艦一件正常，但一件滆左，有異味。水晶茶果？一顆綠茶，兩顆紅豆餡，凍上又甜甜地，幾好味。除左呢啲，仲有拉麵，串燒等，好多野揀。一“餸”拉麵居然係十九蚊起，呢個價位唔敢試了……兩個人食飽飽都唔使一舊水，超平呀，但味道只能說勉強合格。

聽朋友講　金太郎　既黃金時段超抵，而我返工前要食飽飽，所以就去左試。首先，一定要叫三文魚試下！哈，睇個賣相就知不行了。不過６蚊３件就唔好計啦！但食個時要睇清楚d，我食既其中一件三文魚附有血絲ＱＡＱ我整走佢再食，無所謂啦，咁既價係咁既質素！算ｏｋ啦～之後係大大碗拉面！１９蚊一大碗真係好抵＞０＜同埋Ｄ面唔會好淋，真係幾好味！再叫左２樣小食～每款小食盛惠十蚊，唔算貴其中朋友推介豆腐，抵食夾大件，又真係幾好食。只係食的時候，”感覺上”　食完會肚痛。　只係感覺上！牛串，睇圖都見到　１串大１串小　－０－好似好唔抵咁，不過只得３粒個串的確好味Ｄ，會比較淋。多Ｄ個串會較”ＵＭ”！整體來說，真係將貨就價！黃金時段係平平平！所以大家都唔會要求咁高啦～　食飽飽又開工啦喂～

同男朋友放假諗住夜晚食平野,咁就諗起 金太郎 去到都要等位,不過好快就有位.其實都幾迫,放袋既位都冇好似去左明X咁,迴轉緊既壽司....有沙律既好似溶溶地..魚生唔見新鮮所以冇叫到壽司牛肉拉麵$36湯底只係一個咸既湯底牛肉冇特別拉麵真係唔係好得..食落好粉既感覺比起其他 板X 味X 真係差得遠了唔通平價就冇好野??anyway只係$36 可能唔可以有太多要求如果只係為左填飽個肚...咁都可以既-_-男朋友叫左豬軟骨拉麵豬軟骨唔好期望真係軟骨,軟淋淋既一舊豬肉完全令人失望!!只係一舊燒排骨,舊骨係硬,唔會好似豬軟骨係咬得落三文魚(跟餐)已經係最好食!!睇落唔見新鮮,但比起拉麵好味好多

每次食金太郎...都係因為口癢...又唔想食太多野個陣比佢地啲海報吸引左....$3x蚊8片厚厚三文魚....$1.5一隻甜蝦真係食小小刺身都抵喇...一向都係以平價取勝...但又唔差得去邊抱住"將價就貨"心態去食....就會覺得合理同ok呢到既至愛係8片裝三文魚刺身同埋燒三文魚頭刺身切得厚厚身....最緊要無雪味三文魚頭大過隻手掌...半邊頭上.....每次都係即燒...$2x去邊到搵壽司都係大路野....一般我都係食"珍寶帶子"...呢個15蚊超抵食想有時抵食啲可以買埋會員咭...好多優惠比你揀會員優惠我首選"手卷船"....一船4款...有三文...吞拿...鰻魚同沙律岩晒我呢啲唔食吞拿既人...仲會有小小蟹子沙律伴碟一大板海膽都係會員價...唔洗$50...過下口癮都好呀海膽同三文魚一齊...真係最極拍擋....好味!!所以叫一份船 + 三文刺身 + 魚頭...只係一百蚊多啲就足以令到我同老公食得飽飽!!

友人說想吃壽司, 但她是極為price sensitive, 連元氣等都覺得貴, 於是她提議到金太郎。她說她已吃過幾次, 覺得不錯, 加上價格相宜, 我只曾在金太郎吃過tea 拉面, 覺得還可以, 但說到吃壽司, 原來還是有點猶豫的, 因為第一, 從未嘗過這裡的壽司, 第二就是平常我都是連鎖/ 較出名那些的..但既然友人如此介意價錢, 那就陪她吃一次好吧...怎料....結論是, 一定唔會再吃, 即使是別人付款也不會再吃!!!!因為真的.....很難食軟殼蟹手卷: 一咬下去, 沙津醬沾滿口腔, 究竟我是在吃沙津醬還是軟殼蟹? 軟殼蟹炸到黑晒, 紫菜軟, 咬極都咬唔到..芥末魷魚粒軍艦: 一點芥末未都沒有, 魷魚太硬, 很難咬開, 紫菜還算脆小八爪魚軍艦: 八爪魚太硬 (這間店樣樣都勁硬= =), 紫菜還算脆三文魚壽司: 色澤當然不好吧, size也不評了, 畢竟4/件, 但吃下去竟然有潺!!!!墨魚壽司: 同樣是吃下去有潺 真的完全吃不下北寄貝壽司: 北寄貝好像剛從冰箱拿下來一樣, 有雪水的...火炙三交魚壽司: 算是最正常的一道, 亦是唯一一碟我有興趣翻點的..這樣的質素, 還有沒

當周圍既食肆勁多人,等位等好耐先證明係好味!雖然唔使等位,但等上菜都同其他餐廳等位差不多時間啦!壽司飯散晒, 魚生同飯分開叫左刺身,唔知去左邊...又難食, 又冇service, 但竟然學人收加一服務費.食物, 飲品, 座位都係負分, 但都keep住有人去食, 仲唔係爆趣!

如題我終於知點解果間賣紅豆軍艦既壽司店都有大把人去食因為香港既壽司店真係千奇百怪無奇不有都大把人食跟幾個朋友黎食,個人唔多想黎,但無謂破大家雅興是次經歷可謂非常驚喜首先見到迴轉帶有炸魚皮,真係嘴都O埋然後見到三文魚係十蚊碟,一碟有三件未食過咁抵食夾大件!味道不宜作出任何評價,因為平到咁,我仲要彈人地唔新鮮唔肥美真係好不公拉面真係好抵,27蚊有一大碗,淨計食飽都抵,但唔好抱任何味道要求佢d壽司飯好甜,叫左碟飛魚子軍艦,唔係填滿曬個面,個顏色係淡橙好似發毛色,食落口是腥的珍寶帆立貝和普通帆立貝無分別,而且唔新鮮軟殼蟹手卷一咬落去成pat沙律醬,流到成個下巴都係個軟殼蟹應該炸完放左好耐,完全唔脆其他野只係見朋友食,自已完全唔敢食其實計計埋埋,六人總共食左五百九十幾蚊位位一百再無下次

今日行完街買完野同女朋友去左食金太郎六點去到唔洗等有位不過個位有點迫...但不緊要個WAITER 比左隻壽司碟....上面好似人地岩岩用完咁..有油的= =好彩睇到, 之後叫佢換過隻....佢竟然拎用黎"沒"TABLE既布 "沒下隻碟就比返我-_-睇到眼凸埋!! 之後隻碟冇用到-.-之後叫野食因為有開心卡叫了5號(三文魚魚生飯)22蚊同埋叫左一個牛柳餐38蚊三文魚魚生飯個飯係熱的...加左芥辣好豉油會攪到好好"搶"NOSE...正常的魚生飯不是熱的雖然22蚊 但一點都不值.....牛柳粒飯就OK既~..都叫多牛柳粒...38蚊 去第2間食會有更好選擇之後食左一碟三文魚壽司 有3件...但完全係冇三文魚味...因為本人好鍾意食三文魚...所以有點研究XD, 三文魚比百佳/吉之島買的更難食....食完就埋單了....雖然我都明價錢平可能會差少少...但是都冇諗過會咁差= ="~食M記都會比金太郎好........

6個人係學校溫完書〝就去食飯啦有人話去金太郎食〝見就見過好多次〝但都未食過〝去試下啦...我都知我地6個人會太多人...好彩都係等左10分鐘左右一坐低班友仔話要快d order三文魚壽司〝因為好耐好啦...唔知係咪我地一次過order 15碟既問題...好求其下-.-後尾再+ order〝有海膽壽司〝花之戀〝三文魚籽〝櫻花魷魚〝同埋唔記得左d咩了先講海膽〝我都唔期望係一般壽司店食到好海膽...但...都唔係咁下話-.-!!!個size係小卷咁...仲要激多大蔥...海膽起黑點...orz...有人食到話臭!!花之戀〝fd食既〝但個賣相係超級極度唔得...包得散都算了...上面舊沙律(?!)真係...唉!三文魚籽...同其他壽司一隻大碟一齊黎既...佢出水丫-.-!!!點解會咁架櫻花魷魚〝唔難食d位好迫〝service合格既...但...d野食唔得囉...呢個價錢...有更好選擇

每次來到旺角,十次九次都會去幫襯這裡,因為實在係平,食物質素都ok~必點的是: 北寄貝壽司,赤貝壽司,帶子壽司,三文魚刺身,街頭烏冬餐(送三文魚壽司)這裡的壽司+刺身都算不錯,都係$10-$14一碟,還算便宜吧(70分)因為我喜愛食烏冬多於拉麵,湯底都幾好,不會太過咸~每碗只不過是$27(70分)如果比較為食的,食多一點也不怕昂貴呢~

上星期同左女友去左呢間店食晚飯,好迫,坐得唔舒服,老實講d壽司唔太好,魚生唔太新鮮,d小食,尤其係d炸物,d粉仲厚過d野食,但我地叫左好多野,埋單都係一人$100,而且仲叫左拉麵,如果你冇乜要求又大食o既話,呢度係不錯o既選擇.

講真...夠平囉好味就當然吾講得上但如果要食平野依到岩心水餃子 :男朋友話太多油我不好餃子亦因為太油吾敢食八爪魚?丸 :好似系叫八爪魚丸食左2次我都覺得依個系幾好味而且d小食真系好平.多數都系$10-15三文魚 :我好中意食三文魚但依個就麻麻地吾新鮮系大前提但依個價...仲想佢點?男朋友仲食左個咖哩豬扒飯佢話吾太好食早知吾嗌不過3點半前去好似每2件壽司都系$6咋果個時段系最抵食左好多好多野都系約$120出乎意料之外

本來諗住食山石火,不過九點去到,佢話要等廿幾卅十張枱,等唔切去左食男友想試好耐的金太郎。不過平價壽司,有左心理準備不會很好味。三文魚壽司($10): 有三件,無咩味,不過都算抵,所以最後都點多一碟。腐皮壽司($10): 腐皮甜甜地。鮮赤貝壽司($10): 沒有特別。不太新鮮。帶子壽司($14): 飯好散,筷子一夾就爛左,差d俾碟豉油浸死左。軟殼蟹手卷($15): 紫菜好硬,味道普通,軟殼蟹好少。海鮮拉麵+煎餃子($27): 份量都幾多,拉麵配料有三隻帶子,蟹柳,魚蛋,魷魚,蛋。煎餃子要趁熱食,頗多油,餡料不多。炸魚皮($10): 我覺得硬左d,不過鹹鹹地,幾好味。我男友就喜歡浸一浸湯,無咁硬,不過就無味。原來要計茶錢,每位一元。晚上十點打後有特價野食。雖然唔係話好好味,不過勝在價錢平,同埋唔係話難食,起碼好過d岩岩係雪櫃拎出嚟就俾客人既日本野。都幾多人食,所以d野唔會話極唔新鮮。