影片
开饭介绍
有「日本第一天丼」美誉的日本过江龙天妇罗丼饭专门店，连续7届荣获日本全国天丼金赏。食材、酱汁等均是日本进口的。店舖主打江户前天丼，提供凤尾虾、帆立贝、鱿鱼天妇罗饼等各种配菜。
继续阅读
营业时间
今日营业
11:30 - 22:00
星期一至日
11:30 - 22:00
*最后落单时间：21:30
以上资料只供参考，请与餐厅确认详情
相关文章
今次喺湾仔撞正日本「天丼金赏」连续八年霸主，点可以唔试？餐厅主打江户前天丼，传承自江户时代嘅秘方同手艺，听落已经令人垂涎三尺！一踏入餐厅，简约日式嘅装潢即刻畀人舒心嘅感觉，木系色调配上柔和灯光，环境干净企理，坐得舒舒服服，啱晒同朋友轻松聚餐。店员服务亲切，落单快手。我哋点咗几款招牌菜，试下佢哋嘅天妇罗同乌冬有几咁真章。迷你海老天丼&稻庭乌冬真是一个「一箭双雕」嘅选择！迷你天丼虽然细份，但材料丰富：炸虾弹牙、菇菌同南瓜香甜、温泉蛋入口丝滑，配上秘制酱汁同日本米，湿润嘅口感令人一试难忘。不过，酱汁略为偏甜，钟意清淡口味嘅朋友可能要调整期望。稻庭乌冬就系另一亮点，面条幼滑烟韧，配上葱花、海藻同天妇罗碎，简单却层次分明，冷食尤其清爽，喺炎夏食落真是一个「透心凉」！穴子&日本产牡蛎天妇罗御膳卖相精致，穴子同牡蛎天妇罗外酥内嫩，特别系牡蛎，鲜味浓郁，咬落仲有啲海水嘅咸香，绝对系「鲜」情万丈！不过，穴子略为偏瘦，唔及预期中肥美，可能系当日食材嘅差异。御膳配菜同饭量适中，食完唔会太胀，啱晒想试多款菜式嘅人。刺身4点盛合性价比高到飞起！赤虾同日本帆立贝新鲜甜美，鲑鱼同鲣鱼入口即化，虽然份量唔算多，但作为前菜已经够令人满足。整体嚟讲，食物质素稳定，上菜速度快。天丼走嘅系江户前「湿润」风格，酱汁同炸物融为一体，唔系追求极致脆口嘅路线。如果你系钟意传统日式天妇罗嘅食客，呢度可能会略为颠覆你嘅想像，但正正系呢份独特嘅湿润美学，畀人感受到江户时代嘅饮食文化。餐厅用嘅有田烧丼碗同高级胡麻油，都系用心嘅细节，令人食得开心又回味。
继续阅读
平日返工都同过同事去利东街金子半之助食过lunch, 今次又再带朋友去食dinner我叫左最澎湃嘅江户前天丼，朋友就贪心啲叫咗迷你天丼，因为可以一次过满足两个愿望~~ 江户前天丼一上枱我地都哗出声，主角穴子长 30cm!! 横跨成个丼碗~~ 穴子同我哋平时食开嘅鳗鱼唔同，佢系海水鱼，肉质纤细，脂肪较少，口感更为清爽。除咗主角穴子仲有两只弹牙嘅海老、鱿鱼天妇罗饼、炸海苔同荚豌豆，每一款都炸得恰到好处，食既时候整爆半熟温泉蛋捞埋一齐食就最正食到最尾，觉得佢只碗有D唔同，问下职员先知原来佢大有来头。佢哋用嘅系源自江户时代嘅「佐贺有田烧」陶瓷，碗底特登做成双层中空设计，目的系为咗更好地保持食物温度，由外观到实用性都一丝不苟，完整呈现江户前嘅味道迷你天丼&稻庭乌冬天丼除咗炸物，原来仲有唔炸既野，佢叫咗半生熟烤牛肉迷你丼同埋牛肉稻庭乌冬对于有选择困难症嘅朋友嚟讲，呢个set绝对系恩物。牛肉粉色肉质嫩滑，配上特制酱汁同沙律菜，非常开胃。 牛肉稻庭乌冬牛肉份量足，配上滑溜嘅稻庭乌冬，面条幼滑口感烟韧~食既时候将温泉蛋、天妇罗碎、鲣鱼花、海藻同葱花等配料捞埋一齐食就啱啱好
继续阅读
这间来自日本的人气天妇罗丼饭专门店，其中一间分店位于湾仔的利东街。所有时令食材及酱汁等均新鲜由日本北海道、九州及冲绳进口，就连丼碗也是江户时代的陶瓷工艺，百分百还原当地口味，价钱定位亲民贴地。除了天妇罗丼饭，自选寿司及稻庭乌冬等亦是不错的选择，一个人都能享受得到～店内环境宽敞舒适，装潢以简约的日系木为主，如置身日本传统小店。古早秘传酱汁丼饼可另上酱汁。江户时代传统会淋上天丼酱汁，每件天妇罗都能沾上酱汁。江户前天丼 - $138所有天妇罗均用日本特制高级胡麻油，金黄色较明显，又散发阵阵芳香的味道。招牌穴子天妇罗长达30cm，肉质较鳗鱼纤细且脂肪少，但胜在鱼肉甘口鲜嫩较健康；两尾去壳的海老爽滑弹牙、小柱鱿鱼天妇罗饼烟烟韧韧、温泉蛋流出浓浓蛋黄液，还有海苔及荚豌豆。上天丼 - $118整碗的材料差不多，唯独穴子换上白身鱼，雪白的鱼肉清甜弹牙，嫩滑多汁不带刺。渍物&味噌汤日式腌萝卜酸酸甜甜，又有生姜片好清爽；味噌汤有浓厚的豆香，又有多片昆布。伯爵茶布丁 - $28香滑柔嫩的布丁充满弹性，淡淡香甜的奶香，伴随著浓厚的伯爵茶茶香，有独特的佛手柑香气，再淋上浓稠的焦糖酱。黑豆茶带有草本清香与淡淡烘焙焦香，入口甘甜。
继续阅读
金子半之助系来自日本嘅过江龙！餐厅主打高质天妇罗丼，现场气氛都几舒服，开放式厨房见到师傅炸天妇罗好吸引🍤。今次叫咗穴子&日本产牡蛎天丼，店员建议先食热辣辣嘅天妇罗再捞埋溏心蛋落饭，真系层次感好丰富！穴子大大条，炸得酥脆但又保留到鱼味；牡蛎新鲜多汁，入口即溶，好出色🦪。想多啲选择，推荐迷你天丼+荞麦冷面set！我拣咗半生熟烤牛肉迷你丼，牛肉嫩滑，配搭北海道产荞麦面，冰凉爽口，夏天嚟一set最啱🍜。加多$13就有鲜果饮品Free Flow，巨峰提子汁同芒果绿茶都几有诚意，任添饮嚟讲超值！😉
继续阅读
🔥 湾仔隐藏版天丼王者！一入去劲有日本feel，入去魂穿日本▫️ 爆量江户前天丼30cm星鳗霸气铺满碗！独家胡麻油香炸衣 ，大虾海鲜炸炸温泉蛋，炸海苔同荚豌豆，全部用日本特制胡麻油炸到金黄酥脆，✨酱汁微甜带香▫️ 软壳蟹双重享受+$28升级北海道荞麦面软壳蟹天妇罗炸得香脆，仲配 迷你天妇罗、前菜、白饭同味噌汤，北海道产荞麦面，口感烟韧，蘸鲣鱼汤汁食好清爽，夏天食超啱！▫️ 神救援沙律粉嫩烤牛肉+柚子醋 即时化解炸物腻感 ，酸酸甜甜好开胃
继续阅读