金山粥店

营业中

休息中

地址係寫西貢市中心正街但跟咗google map兜咗幾個圈先花一番工夫先搵到鋪頭係邊鋪仔細細 有啲舊 大約四五張圓枱一個唔太就腳嘅位 又幾多人食筷子食拎起手痴立立咁唔係洗唔乾淨嗰啲 係個質地變咗門口有個姐姐腸粉檔炸兩好味皮蛋瘦肉粥普通無甜醬麻醬供應

今日參加遊西貢舊區嘅本地團，導遊介紹呢間粥店遠近馳名，唔少人專程入嚟西貢食佢嘅即蒸拉布腸粉。聽完導遊講之後，我哋趁今日行程完結，就衝過來食腸粉。大約下午三點來到，發現舖頭正在清潔，才赫然發現原來平日舖頭是下午二時關門。可能因為仲有米漿和粥水剩，陸續有食客到來表示想食腸粉和粥，店主都能即叫即整。既然導遊都指明佢嘅腸粉米漿配方係做得好，我當然要試吓啦！叉燒腸粉 ($18)即叫即整拉布腸粉，叉燒係喺雪櫃拎出嚟，保存得好。果然新鮮整嘅腸粉係好食，而佢令我最驚喜係腸粉皮有一定厚度得來唔會好硬實，依然保持到好滑，又帶少許煙韌，的確係比一般粥店嘅腸粉做得好。 可是豉油比較鹹，亦唔係太特別香，比較可惜。齋腸粉/蝦米腸粉 (大 $14)本身我order咗份大嘅齋腸粉，但佢竟然來咗半份係蝦米腸，而呢半份蝦米腸我早喺入舖頭嘅時候已經見到擺咗喺門口😑 齋腸同蝦米腸價錢一樣。Anyway，阻到佢收工都肯幫我整我就算啦😓。好彩雖然蝦米腸比較凍，但係味道依然保存得OK。而齋腸當然係好食啦，熱辣辣新鮮整好，只係點豉油已經夠味。本身我唔食蝦米，不過蝦米腸裏邊加咗蔥，比較香口，如果有得蝦米腸走蝦米就好喇哈哈😄

年初與儍爸來了個西貢遊本來諗住搵間 cafe 嘆杯靚咖啡食個晏經過西頁舊村一間好傳統的粥店見到師傅在門口的腸粉車仔整緊布拉腸粉 ...就入去食碗生滾粥和布拉腸粉啦 !!!本來要點客布拉腸粉但見到餐牌有個『炸一』咁特別就叫來試吓 ...『炸一腸』是用單邊一條油條製成的炸兩份量較細，適合細食的食客炸一腸〈HK$14〉份量很足，裡面包著的油條很大件油條脆中帶韌度，嫩滑的布拉腸粉加了蝦米和蔥花味道很豐富，配上甜醬和芝麻醬更美味 ~~仲點了碗愛吃的 ... 豬潤滑牛粥〈HK$25〉即叫即做的生滾粥，上枱時熱騰騰，小心燙嘴豬潤爽滑腥，粥底火喉足，綿滑清甜又有米香** 以上分享是以我的口味、體質和情況作出分享及感受，一試 / 合用與否請自行決定

放一天的假，送了子女上學之後，我同太太就留在西貢，等女兒放幼稚園。小朋友返晒學之後，我們的首要任務就是吃早餐。在幼稚園門口，我們想了飲茶，也想了咖啡店。但當我們準備行入去西貢舊墟內時，我突然想起，不如食碗粥，食腸粉。於是，我同太太就來到這鼎鼎大名，我們亦久違了的《金山粥店》，不是食夜粥，而是食個早餐粥。裝得滿滿的皮蛋瘦肉粥，是我每一次來都必點的良物。白滑的粥底，味道是清甜的。有軟綿綿的口感而且每一啖都充滿了米香。碗底的咸肉同皮蛋的份量不少，輕輕的咸肉同皮蛋就有粥水中慢慢地散發出來，令這一碗粥，越食越有味，感覺一流。有粥的地方通常都會有腸粉，而我就選擇了豬潤腸。此店的腸粉，永遠都會加上蔥花，所以吃起來特別的香口，此外，豬潤是剛熟的，剛熟到血色剛去而保持嫩滑，再開心的就是豉油又濃又香又甜，非常美味。蔥花蝦米炸兩腸，本以為叫炸兩就只會是油炸鬼加腸粉。出到來才知是加了蔥花及蝦米的版本。加了蔥花同蝦米，令到本已經不平凡的炸兩腸更香。因為前出來的炸兩腸加了蝦米，太太不能吃。所以我們另叮囑叫店方整一份素炸兩腸。炸兩夠新鮮夠脆已經是令人開心。食用時，再加上非常甜的甜醬同非常香的芝麻醬，味道變得更可口。

估唔到西貢有間咁正咁多料嘅腸粉，好耐冇食過咁低腸粉啦，佢只係需要$14就有一份蝦米腸！店內只有四張枱，因為限聚令嘅關係每張枱只可以坐兩個人，有好多人喺前邊排緊隊所以我哋就買外賣嚟食啦！🙃🙃老闆整腸粉整得好快，用料完全冇收手，我哋食落啖啖都係蝦米同䓤花very good!👍🏾👍🏾而且$14來講份量都真係唔多，我數過有成14條，啫係$1/條@@!! 不過係啲皮可薄少少😅聽講好多人都會食佢哋嘅粥，不過現場睇我見的粥比較稀，好似冇咁吸引而且我又冇得坐入去食所以就冇叫啦😅

我食得粥少，但我唔會呃你叫左碗白粥，一碟炸兩。白粥軟，綿，滑，口感一流。。依個質地係連鎖店唔會食得到。略加適當鹽調味，好味炸兩同連鎖店既口味相約，但佢做得好香脆，值得一試舊式粥店仍能繼續生存，必有其辦法，依間可能係全港最早收鋪既一間，勁

星期日行山前要食早餐，行山友推介呢一間粥店，去到發現原來係老店，增添一份情懷。叫咗柴魚花生粥同皮蛋瘦肉粥兩款，另外就叫咗個煎堆同埋蝦米腸。柴魚花生粥如果d柴魚多啲應該仲正，d花生好林。皮蛋瘦肉粥最正係d瘦肉係咸瘦肉，真真正正的下火，衣家好少食到用咸瘦肉嘅皮蛋瘦肉粥，超開心。煎堆唔熱嘅，係一早炸起，不過味道都ok。最正係個蝦米腸，即叫即做，新鮮熱辣，我仲發現差唔多枱枱都叫，應該係鎮店之寶。

一場嚟到西貢，當然要試吓啲充滿童年回憶嘅嘢食，就係蝦米腸，真係特登入嚟食過蝦米腸，腸粉超滑，仲有多蝦米同蔥，雖然冇平時嗰啲腸粉嘅醬料，不過淨係豉油都已經好足夠😊,好似以前小時候食腸粉嘅味道😌

11點多來到，人不多，員工都好悠閒坐喺到。來之前十分期待布拉腸粉，但真心有失望。**炸両**問題出在油炸鬼的部分，不知是翻炸還是炸過頭，整舊油炸鬼硬到界口，完全冇外脆內軟的感覺，硬到咬唔到。**叉燒腸**呢個係咁多碟當中最值得叫，真係即叫即整，熱辣辣，布拉腸粉冇我想像中咁滑，而且好黏口，呢到的腸粉會撒上勁多芝麻，叉燒的部分正常。另外冇影到的齋腸粉，非常普通，唔熱已經大打折扣，而且又是很黏。粥品沒有特別。

作為街坊至愛的小店，呢間都算係超早收工，所以成日都食唔到，今次一早到達西貢就梗係早餐時段去啦，點知原來佢假期係收5點嘅，唔打緊，最緊要有得食。叫咗柴魚花生粥、炸兩、蝦米腸同埋煎堆仔。最有驚喜就係個煎埋仔，開頭我仲以為好細個，點知……(你地自己睇相)咁都叫做煎堆仔係唔係有D那過呢？不過個煎堆雖然已經唔熱，不過個皮仲有微脆，好食。印象中，柴魚花生粥唔係周圍都食得到，所以就貪得意叫啦，佢個粥底做得唔錯，所以個粥唔會差得去邊，入面D柴魚同花生都好味。最後係炸兩同蝦米腸(因為我地分兩枱所以自己Mix埋)。腸粉都係即叫即做，所以真係好食，兩樣之中我覺得佢個蝦米腸精彩D，後來有朋友話我知佢個腸粉米漿做得好好，所以D腸粉好食，仲建議我下次去食炸一而唔好叫炸兩(即係半條油炸鬼<單條>)，效果更佳。

中午喺西貢食完海鮮，朋友介紹附近有一間好吃的粥店食腸粉好出名去到見到老闆喺門口，即叫即做布拉腸粉，當時大約2:00，問佢幾時關門，諗住出完海返嚟再食，點知佢話2:30關門，係唔使諗，即刻入去坐低食咗先，難得入嚟，冇理由就咁就走叫咗一碟炸一兩，同埋叉燒腸，即叫即做真係好唔同 ，兩碟加埋都只係$30，好抵食叉燒腸粉 ($17)叉燒加埋蝦米同埋蔥花，配埋店舖特製嘅豉油，十分之惹味炸一兩 ($13)一碟幾大份，腸粉夠滑，油炸鬼夠鬆脆，仲有幾多蝦米，呢一款係必吃

早幾日約左朋友去西貢行山，行之前朋友帶左我黎呢間粥店食粥， 佢話係由細食到大，叫我一定要試下。✨炸兩腸睇住店員即叫即做，腸粉有米香， 包住脆脆地既油炸鬼，就變成大大份炸兩，要share 先食得哂，淋上甜甜地既豉油一齊食，好飽肚。.✨皮蛋瘦肉粥皮蛋份量都唔少，生滾粥底唔算好杰，但軟綿幼滑，而且有米香， 唔錯。.✨碎牛豬潤粥豬潤煮得剛剛好唔會太老太韌，而且無腥味，好掂。.🏠 金山粥店🛤️ 西貢舊村西貢正街-----

今早入去了西貢的小卷裏，已把昔日熟識的橫街小朋友卷變得有些生疏。轉了多個小彎，終於找到了金山粥店。我們叫了一碗魚片牛肉粥$24、明火白粥$11、蝦米腸粉$13、（大），油炸鬼一條$10。小店係食情懷，不是食品質！😉

西貢區內印象中有兩間粥品舖，一間在綠色小巴總站旁食街小巷尾，普通水準勝地点方便容易揾到，另一間在西貢舊墟中，要花少少時間去揾，記得口在路邊，到店生意不錯，店內四張枱都坐滿，有幾個客在門口等緊外賣，食客流轉算快，在門口對面排隊等位並欣賞布拉腸制作過情，蝦米腸會放葱花同大量蝦米碎，不到十分鐘就有枱入座。店門口煮粥位，老板娘主理，生滾粥即叫即煮，我叫咗豬紅粥，太太要碎牛粥，蝦米腸(大)，蝦米腸炸兩，生滾粥燙咀，粥底夠綿杰不糊口，粥料足，主角蝦米腸，米漿調得很好，有米香不黏口，配上大量蝦米碎，軟滑好味中有咬口，跟上的調味豉油似有點多，幸好不咸調味也很討好，炸兩雖一可挑的就係油炸鬼較粗壯，每件都要分兩口完成。舊舖地方淺窄，清潔衛生尚可接受，可能生意太忙，為咗美味蝦米腸，可以買外賣走出海旁睇住風境享受，外賣用傳統紙袋包裝，腸粉會粘紙難捨難離，建議花多一蚊選用外賣盒。

早上入西貢船P，上船前專誠去拜訪金山粥店吃早餐。店舖不大，只有三張6人圓桌和一張三人靠牆方桌。八点進門，只有三位客人在進食。腸粉蒸爐放在門囗一邊，另一邊便是粥檔。生滾粥是均一價錢$24一碗。特別的是油炸鬼腸粉，有炸一（半邊油修$13）和炸兩（全條油條$16）；腸粉有大小的選擇。在市區機乎全是一碟炸一作炸兩來買了。豬膶滑牛粥- 粥希希的，米不多，但也有米香，吃不出有味精。料豐足，不過度醃製，有懷舊味道。牛肉很滑，豬肝不是厚切粉粉的，不像坊間那些醃制得爽脆那個口感。這里的楜椒粉很濃香，配上生滾肉粥。炸兩- 現做，大大碟，粉皮有質感帶些韌性，油炸鬼很充實帶点脆，有麵粉香。豉油也配得恰當。奇怪的是我這炸兩腸粉上還有小蝦米和葱花，可能是另一客人点了蝦米腸，同一盤現蒸出來我韜了光用剩下的半份來做我吃的炸兩。在用餐那短短20分鐘，很多街坊熟客來買外賣，全都會跟煮粥的老闆娘和做腸粉的姨姨閒話家常，很有人情味的小村風情。