金御海鮮酒家 (胡社生行)

营业中

休息中

小小伏的晚餐🙃🙃Happy Friday旺角人山人海，要揾個位都唔容易，見到呢間唔駛排長龍的酒樓就入去試下，貪佢近地鐵站，走又方便。😅😅我地唔算好肚餓，叫左一個海皇豆腐煲，特價乳鴿同兩個白飯。🍽️🍽️海皇豆腐煲有不同款式的海鮮，有蝦，帶子，魷魚，珊瑚蚌，配料加入香菇同小棠菜，仲有炸豆腐，味道尚算可以，但每款份量偏少🥲🥲炸乳鴿有四舊，色調比較柴，無乜光澤，肉比較少，皮好乾同硬，小小伏，唔會再食。

農家醬地三鮮，圖片是炒茄子和其他瓜，上菜是一碟炸茄子，退了。涼瓜斑腩，魚是極度腥，不能入口，斑腩幾乎都是邊角料，都是骨居多。避風塘蝦是炸粉很多。整個店面人手嚴重不足，快點倒閉吧，極度難食。

6月9日小學同學敘會，當中有位，任職烹飪導師嘅，老同學，推薦此酒楼作為飯敘地點，難得有高人指引，揾食肥華，都無謂夫子面前賣文章，提出意見，欣然接受呢位高手安排，而確實今晚呢間，所提供嘅，地方環境，食物味道，侍應待客態度，以至到所收費用，到令到今晚出席，此晚宴之各同學都非常滿意，整體拉匀對此店，都有A級評分，可惜一間咁有水準嘅酒楼，在一個星期日加端午節前夕，呢個黄金日字，竟然在首輪晚飯時段，都衹得七成入座率，更未見有二輪翻枱嘅情況出現，呢個飲食界苦況到底要維持，幾耐⁉️😪😪😪😪😪

平日晚市唔洗排隊片皮鴨 皮脆肉嫩 合格以上荀殼油浸 火候剛好 骨香肉滑 骨都食埋炒聖子 有鑊氣 夠新鮮鮮甜味美雞煲翅雞湯鮮濃黃芽白甜雞肉鞋口調味剛好唔會咸口 中身鳳尾翅 三八八用真翅分倒8碗認真抵食用心老店用料新鮮有功有鑊氣

星期五夜晚又嚟咗金御海鮮酒家,本來呢係上一試吓佢嘅雞煲任食火鍋點知而家冇做任食打邊爐咁冇辦法啦9:00較慢唯有喺度食小菜我哋兩個人掉咗五個小菜豉椒炒蜆 魚香茄子煲 椒鹽鮮油 薑蔥魚腩煲 乳鴿味道真係認真唔錯，超級大碟，一般來講我諗兩個人嗌兩三個餸都夠晒，食到就嚟行唔郁呢度嘅小菜真係幾好食平時大概都要成$200左右一個 宵夜價錢可能都係介乎$80.1個小菜 幾抵食豉椒炒蜆坐得幾入味 茄子夠lem 椒鹽鮮油真係特別香脆 薑蔥魚腩煲都OK幾有鑊氣兩個人好似千$519買單足足五個送

今個星期五夜晚，喺旺角食飯，太耐冇嚟呢度食宵夜啦，係我金隅海鮮酒家嗰度食，呢度宵夜有唔少特價嘅小菜，我隻可以選擇雞煲火鍋任食，我點咗幾個小菜食，味道依舊唔錯，三個小菜加乳鴿先係四百零蚊薑蔥魚腩煲 椒鹽魷魚酥 麻辣雞煲 乳鴿得閒宵夜應該都會過嚟食下

叫咗粥，但係過咗成個鐘仲要催單，部長先同我哋講「幫你哋筆」，但係最後係要再催多次單先有人幫我哋；仲要漏單，本來點咗兩碟春卷，最後得一碟，服務態度極差，即使催單都會扮睇唔到。

12月份實在太多人食飯呀，搵位食飯都幾頭痕，我們諗住方便，喺旺角隨便搵一間酒樓食便唔算啦，便搵咗一間金御酒家，比較易搵位。唔理啦我照book位。因我們只有四人，而套餐六個人太多，食唔到所以散叫。我們柯打咗，孖寶：一條石斑和四個鮑魚。散叫了上湯浸豆苗和海皇豆腐煲。豆苗都幾多幾大朵，我鍾意食豆苗都覺得好好味。 海皇豆腐煲，都多海鮮、豆腐好滑，味道好係ok嘅。都係一般出面酒樓嘅石斑魚和鮑魚，冇乜特別。環境都乾系淨嘅，侍應服務尚可。整體嚟講，一搬酒樓嘅水準，可以一試。

我同朋友每月一次的聚會，通常會揀旺角，貪佢夠方便，今個月揀左金御海鲜酒家。這間酒家人不多，易揾位，所以決定上去食，可以同朋友倾偈。我地叫左4碟餸，有上湯浸豆苗、红燒海皇豆腐煲、蒸魚及蒸鮑魚。最好食是豆腐煲，豆腐淋，味濃不咸，又有配料。上湯浸豆苗不錯，菜多，但比較油。蒸魚剛剛好，我地連魚頭都食埋，只餘下魚骨。蒸鮑魚比較差，無味，细舊。過左無幾耐，酒樓的人越來越多，竟然坐無虚席，生意不錯，下次可能要先訂位，否則可能會無位。

呢間嘢嘅套餐真係幾抵爸爸想食好耐呢間嘢啲service超差叫極都冇人double confirm咗去到佢都話俾我聽冇枱阿姐啲反應又慢叫佢畢少啲最後都係多咗一碗態度又差蒸魚好滑蒸得啱啱好阿拉斯加蟹幾好食呢個價錢我唔會expect新鮮嘅乳豬好咸麻麻地炒個菜好老花膠個底嘅菜反而幾好食花膠又幾彈牙咁嘅價錢不過不失啦老老實實應該唔會返去食阿爸係食個底字大把呢啲酒樓反而啲點心幾好食燒賣唔錯但係個蝦腸粉竟然係連一啲味都冇個蝦都冇味

已經第四次食啦！食物質素依然非常好，海鮮仍然係更新鮮！例牌都會嗌蒜蓉粉絲蒸扇貝依然好鮮甜今次叫咗個豉椒炒蟶子，聖子好新鮮！炒得好入味！另外再叫咗個海鮮豆腐煲，出奇地好食，本身以為係得小小海鮮，點知佢海鮮種類都好多！

旺角超抵食酒樓最近一個月去咗兩次，不得不提，真係性價比超高！！🤩🤩海鮮孖寶真係好抵食一次食咗蒜蓉粉絲蒸帶子配蒸石斑仔一次食上湯龍蝦伊麵配陳皮蒸鮑魚再叫咗個豉椒炒蜆，冬瓜盅真係好滿足！！🤩🤩咁嘅價錢食到咁新鮮嘅海鮮真係一定會再去😍😍😍

疫情下大多數食店都是堂食至晚上十點,今晚終於可到旺角胡社生行3樓「金御酒家」,晚九点後時宵夜段食晚飯,數十款宵夜特價,環境座位寬敞,侍應服務態度非常好.小炒夠鑊氣1）今次点了$178 任選三選小菜（數十款選擇）：椒鹽魷魚鬚香脆椒鹽適中分量多啫啫蝦乾通菜煲熱辣辣香噴噴,菠蘿咕嚕肉脆口包汁甜適中2）加点脆皮燒雞半隻$58,脆皮但可惜雞肉有夠嫩滑.有点失望.3）在家了豉汁炒蜆$68,豉汁夠香但蜆肉很少,配菜青椒紅椒洋蔥好多.***留意9点後蒜蓉蒸开邊蝦、果皮蒸泥鯭及汁蒸大鱔太受歡迎售罄未能品嚐.後加了薑蔥魚腩煲$68,全煲魚腩收汁總结：5款菜式+茶介+2白反十+服務費12%=合共$484.性價比高.今時今日,9点後可坐舒適不趕時間,吃到12点,加上此店中式小菜夠鑊氣的小炒,「金御酒家」是一好選擇

跟同事行完山到旺角食午飯，大家都無咩意見結果就去了這一家。我們叫了例牌燒鵝，因為指定要燒鵝肶侍應話要加收廿蚊，我們覆無問題跟住就係惡夢的開始，D鵝又黑又乾身，一點也不juice，9成9係隔夜再返叮! 而且係埋單時發現午市燒鵝的單價比晚市貴好很多! 晚市78蚊而午市居然敢收120蚊再加20蚊指定部位! 好心你午市單價唔一樣的話就收埋枱面D宣傳單張啦! 難食又貴價，所以一定唔會再嚟幫趁!

最近試左金御酒家既孖寶，第一道係清蒸老虎斑，第二道係龍蝦伊麵。唔好睇兩樣都唔係D平價菜式，埋單其實一D都唔貴，連加一都係三百三十左右。當然，就算抵食都要味道好先至得，咁呢個可以放心，兩道菜式既味道唔失禮。龍蝦伊麵味道上乘而份量都頗為大，一定夠食 ; 老虎斑就新鮮肉質鮮美。三百幾就可以食到兩味性價比唔錯既海鮮，可以再食。