金悅軒

营业中

休息中

-搞搞下呢個疫情都有三年🫣好似好耐都冇同過一大班親戚朋友gathering臨近又要邁向禁堂食之前 去左火炭食飯印象中嘅火炭除咗工業區林立 就系果啲好味兩餸頹飯😋原來仲有一間臥虎藏龍嘅粵菜小廚幾好味中午既時候佢亦都系一間茶餐廳 好多附近既打工仔都會去幫襯.我地一行8個人叫左5樣餸加每人一份 ❇️金箔香煎芙蓉帶子初頭會以為唔夠食⋯ 點知佢既份量都幾大 而且幾足料喎🤩😋整體味道質素都不錯.❇️八寶冬瓜盅❇️酸菜魚❇️薑蔥年糕炒膏蟹❇️胡椒大蝦❇️豉椒三寶 (豆腐、鮮魷、茄子).

呢間喺火炭嘅中菜館，有好多拿手名菜，呢次我哋專誠一試。松子蝦仁：呢款係用蝦做主角嘅家常菜式，呢度用咗多款嘅蔬菜同蝦肉切粒，所以食得夠健康之餘，有蝦嘅鮮味，仲有蔬菜嘅清爽，最後當然仲有松子仁嘅獨特香味。法式香草焗龍蝦：龍蝦肉鮮甜味美，加上用咗香草嚟焗，更能突出龍蝦所帶嘅鮮甜，而焗嘅時間控制得宜，令肉質保持爽口彈牙。咸魚煎肉餅：平時食肉餅大多數都係蒸，但呢度嘅係煎，食落更香口，油香更豐富，口感香脆，鹹魚嘅咸鮮味更突出。酒香蝦腰蒸豆腐：賣相精緻，喺滑嫩嘅豆腐中放入用酒醃過嘅蝦，令豆腐多添一份酒香之外，仲增加一份蝦肉彈牙嘅口感。椰皇天山雪蓮螺頭燉雞：原個椰皇加上天山雪蓮、螺頭等配料嚟燉雞。燉嘅火候十足，湯嘅味道極為鮮味清甜，一啲味精都無，健康又好味。

金悅軒，位於火炭拗背灣街工業區，可以算是區內性價比較高的餐廳，水準穩定而且餐牌食物種類選擇算多，三五知己親朋好友共聚的一個好地方。推介鹽燒鮑魚味道一流，大大隻鮑魚處理時間得宜，不會過硬，鹽燒味道剛剛好。薑蔥年糕炒膏蟹，可以算是中韓合壁的一道菜式，韓式年糕充滿蟹膏味道，蟹肉新鮮結實。咸魚煎肉餅，傳統中式肉餅處理方式，肉餅咸香彈牙但亦不會太濃味。草莓沙拉骨，酸酸甜甜送飯一流。酸菜魚，喜歡辣的朋友必定要試。

朋友住喺火炭附近， 知道有間隱世小炒食店好正， 於是就幫襯下。 餐廳位於坳背灣街威力工業中心地下。小菜晚餐松子蝦仁椒鹽三寶濃湯野菌浸時蔬鮑魚雞煲韓式部隊鍋松子蝦仁， 松子炒得好香， 蝦仁爽口彈牙， 呢款菜式而家比較少食得到， 果然重未失傳。椒鹽三寶， 椒鹽三寶夠野味， 用黎送啤酒一流。濃湯野菌浸時蔬， 湯味好濃， 蔬菜新鮮，配上大量野菌， 飲多幾碗都重得。鮑魚雞煲， 超正鮑魚雞煲， 大大隻鮑魚， 夠哂入哂味彈牙， 雞件份量多， 雞嫩滑， 有雞味。韓式部隊鍋， 好在有4個人，唔係真係食唔到咁多野， 呢個部隊鍋有午餐肉，金菇， 泡菜， 年糕等， 辣道剛剛好， 熱辣辣非常好食。

.平時極少會愛中菜 不過屋企人叫到 當然會一齊食😋上星期就同屋企人去火炭食金悅軒 都算幾近地鐵站 行大約5分鐘就到了！夏天咁熱最岩就係食冬瓜 叫左八寶冬瓜盅解一解暑 好多料 又擺盤靚靚仲有蓮子 蟹柳同燒肉擺係冬瓜盅旁邊 飲落好清甜 原汁原味 仲有好多冬瓜肉食添❤️.前菜黎個川味皮蛋 非常惹味開胃 可以夾埋青瓜一齊食👍🏻.愛海鮮的我當然要揀返個柚子大蝦 酸酸甜甜極正 又唔會太膩 配返個白飯都一流伴水芹菜炒藕片 口感爽脆 仲加左雲耳 成個菜式都好有咬口 不會太咸 健康之選🫶🏻.北菇雲腿荷葉蒸滑雞絕對係飽肚之選男士必備 成個飯都好香 每粒飯都有荷葉香同雞汁一打開 上面舖滿火腿 冬菇 雞件 相信無人可以抗拒呢個飯🤤雞件超嫩滑 一啲都唔嚡依家睇見啲相都想再食啊～

抗疫疲勞之後的第一次八人一圍的大快朵頤。金悅軒的私房菜不愧為經典的色香味。價錢實惠，服務周全，用餐環境好好，值得回味的金盞風沙黃金蝦，香煎鮑魚，美國桶蠔，冰鎮菠蘿咕嚕肉，蒸盤龍鱔..........下次相約還是金悅軒！

態度差、嘢食好難食1.冰鎮咕嚕肉一團粉加豬肉2.叉鵝飯燒鵝銀都吃唔到叉燒硬過石頭3.椒鹽豆腐冇椒鹽一去到發覺餐牌唔同咗、伙記又唔同；問那位櫃台先生點解無咗芥末一口牛及馳名金沙蝦球嘅，他就說餐牌有就有餐牌冇就冇明明之前的夥計態度非常之好，打咗電話咩都有，去到舖頭咩都無；今次中伏了大家記住行前一條街-金豪（金玥軒）才是幫襯開的

搖擺天使梁安琪Ａngel 最近獲得 VIP 音樂榜飛躍進步歌手 銅奬，今晚Angel 就係 火炭 Bandhouse 附近位於坳背灣街金悅軒請食慶祝晚飯。訂枱時餐廳老闆知道Angel 攪慶祝就特別安排左幾個金悅特色菜添喜慶。先吃前菜水果薯仔大蝦沙律，大蝦好新鮮，賣相完全是酒店級水準。另一道前菜，金果蛋黃釀燒五層肉，在叉燒中釀杏脯，令叉燒不會肥膩，配上海蜇青瓜，十分開胃。燒鵝出面食得多，今次係我第一次食金悅燒鵝，可以算是頂級，超級推介，燒鵝皮脆肉嫩，肥而不腻，好厚肉暖暖的，我就特別加多個米粉，配上燒鵝同燒鵝汁既米粉，超好食。香煎芙蓉帶子，餐廳用了日本刺身帶子，大大粒，厚肉，加上好滑既蛋白做底，一種好清新的感覺。酥炸生蠔，超級大只，炸得岩岩好，好多汁，勁好味，食完仲想食多只。最後一道菜，野菌濃湯浸鴛鴦絲。鴛鴦絲由萵筍絲及蘿蔔絲組成，加上野菌及濃湯，這道菜都好花功夫，切絲後更好吸收濃湯精華。最後甜品有驚喜，有自家製椰子雪糕，好正出面真係食唔到。另外老闆有提到，現在老闆親自管理，重新陪訓及請過新員工，希望令食客開心滿意。

6人晚市，早左一日卜位，帶左屋企人去食，大家都好滿意。首先係酸菜魚 (4/5)-$158，夠酸夠辣，好香口，又唔會辣到好辛苦，岩岩好，有埋小量寛粉同捚萵筍，好入味。下次黎會再叫。然後叫左個三寶 (3/5) -$288，有雞，魚同埋菜。不過不失，唔算特別好食，又唔會難食。不過魚就無乜肉，比較多骨，魚下面既粉絲就正既，吸哂d蒜同魚油又有豉油，加反小小分。然後蜜桃欖角脆香骨 (4/5) -$98，我覺得好食過咕咾肉，好香，雖然係脆香”骨”不過食落都有唔小肉。好推薦大家試下。然後到漁香脆茄子 (4.5/5) -$48 ，係係脆皮豆腐版既茄子，記得襯熱食，好香口，一d都唔厚粉，外脆內淋，第一次咁食茄子，都係好推薦大家試👍🏻到最後係今日既重頭戲，荔枝蝦球 (4/5)-$168 （8粒)，需早一天預約。先唔講味道，淨係外表同心機仲要只係168，乜都值，佢係將蝦球炸到外表好似荔枝咁，然後”掛”係樹上。雖然味道都係平平，好食既不過未去到令人下次想再叫。不過屋企人見到咁精緻既食物表示很高興，打卡一流。總結: 雖然佢嘅裝修好似茶餐廳，不過服務態度好好，有例湯同埋甜品送，一行6人叫埋白飯加埋埋單都係800 (

今日收完工老細話請食飯， 就去公司附近近近地食平時我地都會係金悅軒食晏，上次餐廳話佢地夜晚有做埋小菜，所以我地今次就黎試下首先就叫左個 原隻烏雞響螺燉湯，個湯好足料，味道都好香好濃飲落去又唔會好油，好滋補呀跟住就叫左隻即燒燒鵝，個皮脆卜卜，肉質好嫩， 瞬間就俾大家清晒做嘢辛苦咗成日，再叫埋個新鮮鮑魚，加左蔥粒同蒜粒一齊煮好香好惹味又唔會韌，大家都估唔到原來晚餐係咁有水準最後叫埋個西蘭花炒石斑，石斑唔會腥，個魚好滑整體黎講炒得幾好一班同事都食到好滿足，下次有機會要再黎食晚餐

本身唔太熟火炭工業區，咁啱有一次同朋友係附近就求其openrice有咩食，結果呢間估唔到都幾ok。 呢碟蒸魚啖啖魚肉😛 估唔到d肉都幾實淨同夾起唔散。同埋都幾大條，食落都算新鮮。 呢碟惹菇炒豆腐，啱哂我地呢d懶健康嘅女仔。d掛汁幾正，份量都唔小，扺食。 蛋白蒸蟹，呢碟正呀。d蟹肉超多，d膏都好滋味。略嫌蛋白唔夠多唔夠送飯。 好大一碟豉油王炒麵，正常發揮。勝在夠大碟一定食得飽。總體幾好，餐廳位置闊落，又可以靜靜地傾計，唔錯。

朋友介紹過好味，今晚同屋企兩老過嚟試吓。老竇例必叫返個小炒王，嚟到都幾大碟同夠晒鑊氣，蝦肉夠晒爽彈，腰果夠香脆，送啤酒一流。酥炸生蠔又係超好食，個粉漿薄得來好酥脆，咬開勁juicy, 蠔味夠晒濃，好食到停唔到口。京蔥雞件賣相都幾靚，雞肉啖啖肉，配埋面頭嘅芝麻同埋京蔥，食落真係好鬼香，個汁仲要好惹味。廚皇炒飯好大碟顏色colorful，炒飯夠乾身有蛋香，加埋蝦米，蔥等等更加香，食完都好夠飽。呢度d 野都幾好食，下次會再encore.

難得去沙田，順便約在火炭的老表食飯，我哋入咗火炭搵食.. 最後選咗金悅軒食中菜天氣熱熱哋，我哋忍不住叫咗個小菜凍食先見到有個冰鎮咕嚕肉！好特別喎，試吓先而我哋比較喜歡食蝦，當然就一定會叫再叫了個菜同魚，夠食了皮蛋青瓜片 - 賣相好靚，擺得好有心思，青瓜好甜好爽口，皮蛋好食冰鎮咕嚕肉 - 有好多冰粒鋪在咕嚕肉上面冰住，下面係平時嗰啲咕嚕肉，酸酸甜甜加d冰凍嘅感覺，好啱夏天食，解熱又好開胃，仲有菠蘿伴碟，真係好特別蒜蓉粉絲蒸蝦 - 開邊蝦配上好多蒜蓉，蝦好靚好鮮甜，下面的粉絲吸晒蝦的鮮甜味同蒜蓉香蔥嘅香味，好正西蘭花石斑 - 石斑魚肉嫩滑，西蘭花炒到剛好，不會很油膩，上菜有心思

先來一個前菜😀開下胃先😋😋小菜蓮藕片，蓮藕片好爽脆，上面有小小木耳絲，紅椒黃椒。蔥油蒸東星斑。魚肉厚實，熟度剛剛好，不會蒸得太熟，魚肉保持嫩滑。蒜蓉粉絲蒸蝦份量比我想像中多😂大蝦都新鮮，啖啖肉，正，下面粉絲梗係精華，吸收晒所有蝦汁，好正，夠哂味道薑蔥炒蟹，有鑊氣啲蟹鉗都整到半碎，方便食用！肉絲炸米粉，出面比較少見，簡直係邪惡之選！米粉食而不樓，我個人覺得唔會太乾，可以點下d汁同肉絲，變成另一種感受！

幾個fd去左住火炭個fd屋企以為個fd為我地準備左晚餐下？！點知原來只係大家一相情願諗多左😂唔好講咁多 落街近近地食下小菜再返上黎雀枱作戰過！好彩果日早 人唔算多 好快有位！座位都算闊落 D餸都黎好快～黃金四季豆四季豆用薄薄嘅咸蛋黃炸粉炸過上面鋪上金沙 好香咸蛋味吖話時話我自私食差唔多食左半碟超鍾意食吖！魷魚蒸肉餅點解呢個肉餅咁有趣 D魷魚粒要鋪係面嘅？唔通要話俾人知佢足料？！😂Btw 呢個肉餅唔算多肥肉 但唔會覺得鞋口感都唔錯～腐乳通菜用左好多蒜蓉 蝦乾 加埋腐乳用呢隻瓦煲上 特別香口～魚香茄子呢個係咁多個餸 最好送飯嘅茄子仲保持到我最愛嘅紫色💜淡淡嘅鹹魚香味 不知不覺食多左飯吖椒鹽鮮魷係炸到金黃色架！外脆內軟 鮮魷唔韌椒鹽同蒜乾 超惹味！Yeah! 食飽飽 又係時候上返去雀枱見！