影片
营业时间
今日营业
06:00 - 22:00
星期一至日
06:00 - 22:00
以上资料只供参考，请与餐厅确认详情
我一向都有食依間餐廳(堂食)！大大份！茶餐廳水準！但自從有左外賣apps嘅影響！不夠人手！我想落早餐嘅時候，阿姐話好忙！ 我打左個突……咁我等一陣啦……都無人理我…只係做外賣……我只好離開好了！(外賣都會比錯食物) 我諗短時間內都唔會食住……好希望會有改善！
继续阅读
今日lunch時段，我叫咗個芙蓉蛋飯加杯凍檸茶！芙蓉蛋飯份量真係足夠，大大碟嘅蛋飯令我食得撐撐地。蛋炒得剛剛好，唔會過熟，再加埋啲蔥同埋豉油，好快就清哂！我覺得最抵讚嘅就係個價錢，加埋一杯飲品，都只係$48，柴灣就講算係中上。
继续阅读
我媽咪買早餐，紅腸熟蛋、沙爹牛意，冇比紅腸，返到屋企撩下個底發現冇，又要走返落去，原來佢哋打錯咗煎雙蛋，我媽聽到佢哋喺度講：「哎，佢詐型就比佢啦！」，但返到嚟一望，隻蛋都唔係雙蛋啦！咁都係你哋錯啦！
继续阅读
金成新裝修後第一次去，晚市小菜有20餘款，全部$58。包飯、冷熱飲品及例湯🥣。價錢好實惠。一家四口👨👩👧👧冇煮飯落嚟叫小菜食，order了4款小菜，但估唔到好大碟，分量多到食唔晒，要打包走。時菜火腩：火腩都好多舊幾靚，入味而且不會太醎。菜心好淋無渣。魚香茄子🍆：滿滿一大碟，賣相不佳，但是很好味，撈飯一流😋咖喱豬扒：咖喱汁唔夠香，只有微辣，水準一般，但係豬扒真係好多塊。時菜鮮魷🦑：菜心好食過鮮魷，魷魚有啲韌，菜心鮮甜又淋。實惠的街坊小菜，水準不俗，幾抵食。
继续阅读
上次在柴灣去過金成茶餐廳後，今日下午再來到這小店光顧。一進門口，店員即時提醒客人量度體温及使用安心出行，這點真係值得一讚！雖然店內狹窄，但店員招呼十分友善。坐了一會，從精選套餐裏選擇了黑椒牛扒煙肉蛋飯，再跟餐凍鴛鴦。稍等了一會，跟餐凍鴛鴦很快便送到面前了。凍鴛鴦夠凍，很有咖啡及茶味，味道也算不錯。再要在此一提，這店的餐飲是冷熱飲品，是相同價錢！當正在品嘗飲品的時候，我叫了的黑椒牛扒煙肉蛋飯，便送到枱面了。今次午餐的分量相當豐富，首先黑椒汁不會很辣，十分大衆化。牛扒有四小塊，炸到十分香口。煙肉也有六片，味道也算唔錯；而煎蛋方面也是半生熟，味道突出。最後飯底方面分量十足，而飯香也很吸引，口感軟硬適中。綜合各方面，這款午餐是十分超值，同時絕不欺場，店員服務良好，價錢廉美，值得在此推介。
继续阅读