金森林

营业中

休息中

幫襯過幾次，愈食愈差今次最差得雞殼想點呢。比少少良心整舊肉黎都好呀成五十幾蚊，又唔係平唔會有下次，生意唔係咁做。大家要諗下先好叫外賣，堂食我一定即刻投訴。哩家外賣投訴無門

最近做完運動，想增肌，所以想食返啲蛋白質補充下，不過多數餐廳都係海南雞飯，有少少食到厭，諗起呢一間，佢雞飯嘅款式特別多！一於就係度食lunch!!!!以前成日食蒜香手撕雞，今次就試吓新野啦！點左個花雕醉雞，佢整得幾入味，同幾香，見到有用杞子醃，幾養生！哈哈！移除嘅份量適中，唔會特別多或者特別少，雞骨都少，多肉。如果你係大食嘅話，手撕雞餐會啱啲！$40一個餐好抵，包野飲同碗湯，中湯好飲！整體來講，份量味道同價錢，十分親民，CP值抵到爛！

新裝修，多咗好多人光襯！！隔離嗰間係賣早餐，終於開咗間分店有午市，好開心！餐牌嘅款式好多除咗有飯、仲有意粉，小菜、扒餐，滿足客人多種口味，不過佢始終最出名都係雞，之前食過無骨海南雞、砂礓雞、口水雞、花雕醉雞，呢幾款都好入味，特別係花雕醉雞整得唔錯，如果大家鍾意食雞飯，推薦大家食呢幾款！一個餐有包熱飲、中湯，都係$40，好貼地，好平民價！佢每日嘅中湯都唔同，有時雞爪、有時冬瓜，薏米湯！不過我至愛都係食蒜香手撕雞飯，佢嘅份量啱啱好，佢會配油飯，不過個人鍾意食白飯，次次都食晒佢成碟手撕雞！整體呢間CP值好高，平之餘又抵食！好貼地親民價！推介！