金泰沙冰

营业中

休息中

平日食開九龍城廣場對面間蘭英，今日去到發現舖頭休息，5號先開番，串燒癮起，唯有食其他頂住檔先輾轉黎到呢間金泰沙冰，年幾前食過，當時印象一般，久別重逢，印象依然。今日同男朋友叫咗三串，兩串雞腎同一串豬頸肉，辣同唔辣嘅汁都有試。辣汁嘅辣度唔太高，類似泰式酸辣鳳爪嘅汁，所以不過不失。至於男朋友食嗰個唔辣嘅沙嗲汁，佢就覺得太甜，搞到串燒好似浸糖水一樣，都冇沙嗲應該有嘅花生香。豬頸肉同雞腎都過熟，豬頸肉有啲偏Un, 而雞腎都無咗爽脆嘅口感。（圖中個串係食到一半既雞腎，太肚餓了所以食到最後先記得影相）

九龍城出名多好嘢食，呢間次次嚟到呢度都忍唔住買返兩串先走🤤～溫馨提示，呢度one man operate，客又多，所以要等好耐😭😭⋯------------------------泰式燒豬肉🐷唔係豬肉片，亦唔係豬肉丸，而係豬肉碎整成嘅肉卷😬上次就有Facebook 朋友仔話比隊長B知呢啲叫稔肉😀味道係好特別的酸酸味，泰國獨有，唔會燒到好硬，未食過可能會覺得怪怪，但食完第一啖會想繼續😋～炭燒雞肝🐔出面食燒雞肝已經唔多有，仲要加埋果度嘅特式酸辣汁（因為都幾辣🌶，大家慎選～不過多辣係超正的）唔會燒乾，非常惹味，而且舊舊大大件😋😋～好抵食泰式魚餅🐟即係平時的泰式魚餅，不過炭燒完原來的辣味會更加辣😂😂辣到標眼水唔好怪禾🙈泰式豬頸肉🐖豬頸肉好爽滑，肥肥的比例剛剛好😝燒過好香口～

個汁好正𠺢🤤又開到凌晨啱唒宵夜😋叫咗個豬頸肉同牛肉好正 肉質吾錯 叫嘅時候會燒番熱俾你☺️配埋啲汁野味好多 可以揀辣汁但係真係會辣到麻𠺢😳下次黎食下其他款先🤤

金泰沙冰，一聽過去以為係沙冰出名，其實佢最出色同主打，係泰式串燒！以前行過成日見到佢門口好多人等野食，但望落又覺得好似好細好舊咁樣就冇去嘗試，直到某次朋友買外賣同我地分享，就此走上上癮之路！次次一拎上手掛住食，終於有次記得影相！因為你叫完姐姐會即燒，所以大家都企係門口等。其實隔兩個舖位仲有間老字號涼茶舖，怕食串燒熱氣可以趁等野食時去買番杯涼茶！個人大愛酸豬肉，叫左兩串，另外仲有串豬頸肉。酸豬肉係絞碎既生豬肉、豬皮、辣椒同大蒜包埋一齊，勁惹味！未試過既不容錯失啊！不過，因為有大量大蒜，唔建議大家太夜食喇～如果唔係⋯⋯臨訓有胃氣谷上黎⋯⋯⋯⋯你懂的🙈豬頸肉，肉質好嫩，唔會燒到乾身！好好食！串燒好食之餘，佢地既醬料都好正！我唔食辣醬，就咁用普通醬料都一流，甜甜地又有花生味！

係屋企食完晚餐，睇咗一陣電視，準備上床瞓之際，突然聽到肚仔打鼓嘅聲😬咁眼瞓就瞓唔著，當然要拍醒另一半要出門搵食啦😂醒起之前佐敦間串燒，但又想近近地🤔咁就九龍城啦！一講起九龍城梗係食呢間串燒啦👏🏻佢不論串燒、鳳爪都好出色。單睇佢成日排長龍就知佢係有幾好味啦！可能因為我哋差不多一點先到，所以唔太需要排隊，我地叫左雞肉、豬頸肉、司華力腸、泰式香腸、辣鳳爪，識叫一定叫辣🌶佢叫泰式鳳爪真係我食過咁多檔最好食既一檔！佢既配料，醬汁，鳳爪真係令人辣得好過癮😝 宵夜真係一流呀❤️

每次經過呢間燒烤店總係有客人在排隊等食物，但係平時去開九龍城都係趕住食晚餐所以冇機會一試。今晚咁岩要聽報導會得返少少時間，即刻諗起呢度去試一試 呢度選擇唔多，一眼見哂，我叫左墨魚丸同雞翼，跟住就同其他人一樣企響門口等。期間不斷有熟客黎買蝦片、豬頸肉等等，對比起隔離燒烤店呢間明顯比較多捧場客。等左10分鐘終於有得食，因為個辣汁望落去有辣椒有蒽有椰汁好似好辣，我見大部分人都揀唔辣我都跟住，個燒烤汁好惹味，搽落熱辣辣既雞翼同墨魚丸上面，好夾好好味 下次出開去要試埋豬頸肉、雞腎、香腸同埋佢自己炸蝦片先 

剛剛路過九龍城見到有幾個人排隊買串燒，羊羣心理咪又試吓買幾串來食，交貨時個女人（不知道是否老闆）問是否拿走入袋？我話是的，她拿個紙袋出來後，我打算拿起串燒幫忙入袋，怎知她放回袋不給我，我說我要袋的，之後她便黑面說麻煩大佬吖我來幫親你，不是來看你面色和，之後咬落d肉又有雪味辣汁也蓋不到，完全唔覺有什麼好吃，在九龍城也有很多其他串燒比這間好，最少態度不是這樣對待顧客

話說王c9有6年中學生涯系系九龍城過既但好慚愧地當年我呢個中學生系冇食過九龍城美食既😖事隔多年，我又行過呢間「金泰沙冰」⋯⋯（一直以來我都以為佢系賣沙冰🤔）今次系買宵夜俾王大爺食😅第一眼系俾條隊吸引住😍好似好好味甘！最後決定買蝦餅，豬頸肉，牛肉，雞翼😋因為要行一段路，老闆娘幫我分開左個醬汁黎裝←❣️❣️不能不說：個沙嗲醬同秘制泰式辣汁都好正好正！回味無窮！

今晚朋友帶我呢個新界人暢遊九龍城見識下呢度各色各樣既美食，第一站就係串燒。朋友話平時夜晚呢度會大排長龍，高峰期更有二，三十人，今晚好彩冇咩人買，所以好快就燒好☺豬頸肉爽滑，而且燒得金黃，配上惹味花生沙嗲醬，立即垂涎三尺，入口鮮嫩豬頸肉微微油花滲出，美味無比。泰國串燒小食點可以冇蝦餅 一定要食番串先叫食泰國野。蝦餅厚身有彈性，加埋秘制泰式辣汁，更令味蕾大大刺激。沾滿蒜粒混合酸辣青檸汁既蝦餅瞬間更有泰式風味。

食完糖水，其實已經有七成飽。不過住九龍城的朋友向我推介這間泰式串燒小店！即使平日晚上，人龍仍然無間斷。店舖只有一位店員負責燒食物，所以要用相應的時間去等待。店舖細細，但都有十多款串燒選擇。亦有糯米飯同泰式蝦片及泰式酸辣醬售賣！珍寶腸 - 皮層燒得外脆內軟，不會太乾身。塗上酸辣汁食落酸酸味味十分醒胃！蝦餅 - 質感柔軟彈牙！很爽口～配上酸辣汁更加刺激惹味！

去完九龍城shopping, 準備去搭車.經過金泰沙冰, 平時日與夜都勁多人, 居然冇人排隊, 即刻買串先.因為已經食左嘢, 所以淨係要左串蝦餅.等蝦餅嘅5分鐘內, 後面嚟左成6個人...阿姐問我要沙嗲汁定係泰式辣汁, 我居然一反常態(應該係熱到short左), 要左辣汁...一路食, 一路辣到標汗, 個咀仲要辣到紅左, 四爺喺度偷笑....呢種辣法, 好辣但又好想食, 出完身汗, 感覺好爽!!

當你經過「金泰沙冰」以為係賣沙冰嘅話，少年，你實在太年輕了！事實證明好多野都唔可以睇表面咁敷淺，「金泰沙冰」事實上係賣泰國串燒嘅！ 酸豬肉串燒: 平時喺一般串燒鋪比較少有酸豬肉，查實酸酸地非常開胃，肉厚彈牙，同沙嗲汁簡直係絕配！

第一站食完甜品後，來到甜品店老闆娘介紹的串燒唔知叫做金泰沙冰的鋪頭為何沒有沙冰呢？雖然在櫥窗裡的串燒看似已經熟了，但仍要燒制大約十分鐘的時間等候中看到兩位泰國人都來買串燒，看來真的很地道！今天試不帶辣的沙爹~肉塊的四邊有少許燒焦更加有焦香味雞肉裡面仍保持嫩滑

店名：金泰沙冰地址 : 九龍城衙前圍道21號A2舖好味指數：8／10價錢：$12-15串店舖取其名為「沙冰」實在有點騙人感覺，為什麼？這根本就是一家泰式串燒店。假日晚上，人龍長長的，在我前面大約有5-6個在等候。等了大約15分鐘，便可order了，串燒已一早燒過，order後店員再放在爐上翻熱，大約等了十分鐘便可以了。我們一共order了八串，有牛，豬，雞，魚餅，雞翼，雞腎等。肉類串燒醃料味道不錯。除了醃料外，兩個醬汁亦是其精華所在，分別是沙嗲和泰式汁，加上來一起吃，酸酸地，味道既特別，又惹味。

那天吃完小店，正想搭車回家。突然聞到很香的串燒味！於是馬上去尋找。見到前面有人排隊！便行過去，間店鋪叫做「金泰沙冰」。於是行去買雞、牛、豬頸肉同墨魚丸。雞肉一般喇鞋鞋地。牛肉很香有肉味。豬頸肉冇乜肉味，雪甚重。墨大丸吾夠熱囉。整體都一般，不過他們的泰式辣汁，好惹味，越食越辣，實在是一絕。於是我馬上諗起叫杯沙冰飲。點知係冇的買！只有串燒！既然冇得買，點解叫「金泰沙冰」呢！真奇怪！