金泰燒烤

营业中

休息中

📍 金泰燒烤 🇹🇭🔥📍 地點： 九龍城🍽️ 類型： 泰國燒烤 / 泰式小食九龍城係香港嘅 小泰國，今次專登嚟 金泰燒烤 試下佢哋嘅 泰式串燒，環境走 地道燒烤攤風格，帶住陣陣燒烤香，夜晚坐喺度食真係有種去咗泰國街邊檔口嘅感覺！🔥📌 泰式串燒 🍢🔥試咗唔少款串燒，最鍾意 牛肉串 (Beef Pro)，燒得外微焦 內裡保持嫩滑多汁，帶少少泰式香料味，味道層次豐富！🐮✨ 雞肉串 🐔 亦都唔錯，雞皮位 脆卜卜，肉質嫩滑，醬汁帶少少甜辣，味道唔錯！仲試咗 雞頸 (Chicken Neck)，口感 彈牙有咬口，燒到外脆內嫩，仲有陣燒烤焦香，好惹味！🔥📌 必食 – 泰式香腸 (Sai Krok Isan) 🌭呢個真係意外驚喜！一口咬落去 皮脆內餡超Juicy，帶住微酸同香料味，口感豐富之餘 超開胃！配埋少少酸辣醬食，層次感再提升，真心推薦！💯😋📌 泰式生菜豬肉包 🥬🐷呢個清爽又開胃！生菜包住 燒得香噴噴嘅豬肉，加埋少少香草同酸辣醬，入口 清新帶微辣，完美平衡咗燒烤嘅油膩感，食完即刻refresh！✨整體嚟講，金泰燒烤 燒烤種類豐富，味道地道，特別鍾意 泰式香腸，串燒類都唔錯，夜晚嚟食真係有泰國風味，適

食過好多次金泰串燒，真係由細食到大，水準都保持到，味道都好唔錯，嚟到一定要食串燒啊！🍴串燒 牛肉/豬頸肉$15 泰式冧肉$17 (9/10)就叫咗牛肉豬頸肉，泰式冧肉！牛肉肉多汁嫩滑甜甜地，豬頸肉爽口油脂豐富，泰式腩肉係泰式酸豬肉食落去酸酸地都好開胃味道好特別！好欣賞呢度嘅串燒燒得香口又唔會太乾身，調味都係啱啱好啊！配兩隻汁，分別係泰式甜沙嗲醬，同埋酸辣汁，兩種都各有特色，非常之好食！🍴泰式炒粉絲 $68 (7/10)見到Menu上面冇，不過之前食過就照叫咗一次！炒得比較濕潤，入邊有好多蔬菜，得好少肉粒，食落去係比較清新嘅，大家都係叫返正常炒粉炒河就算啦！泰式生菜豬肉包 $58 (8/10)豬肉炒得非常香口，生菜嘅份量都好足真係有一棵嘅生菜，真係值得推介！推薦指數: 9/10食咗咁多年都係保持到一樣咁好食，兩個人食三樣嘢都已經好飽，埋單$300唔使！見到多人都可以照排隊，一定一定要食串燒！

每次去都會叫佢個串燒同牛肉湯河，佢個湯真係好好飲同埋粉都好彈牙，串燒係唔洗講～公認既好食，由我中學時代開始到現在都仲食緊每次去都排隊。我哋有時收工都會去食～泰式美食小確幸

泰式菠蘿炒飯（$52）炒飯入面有海鮮，菠蘿，粟米，紅蘿蔔，同肉鬆👍🏻炒飯炒得非常好食，好香嘅黃咖喱味，米飯粒粒分明，配上好fresh嘅菠蘿，一啖接一啖根本停不了口😍泰式酸辣海鮮湯河粉（$58）呢碗湯河粉係有啲冬陰功湯味嘅，入面有蕃茄，海鮮（份量都幾多下），河粉，芽菜～份量超級大份，直程係用成個湯盤嚟裝🤣兩個女仔食一份完全冇問題！同埋佢唔會太酸太辣個人覺得幾好食🤤泰式炒金邊粉（$52）所謂金邊粉即係冇咁闊嘅河粉🤫入面有啲海鮮芽菜，主要調味係甜嘅茄汁，呢款就唔係好啱我口味🤣不過普通金邊粉都係呢隻味，如果食開啱食都可以嗌～串燒（堂食六串起）雞腎（$14）呢度嘅雞腎係我食過最好食嘅泰式串燒雞腎🫶🏻佢嘅雞腎好脆，甜甜地，配上佢嘅辣汁真係超超超超超好食，如果經過開一定要買串食吓！🤩雞心（$14）雞心就冇功無過，都係甜甜地，配上佢嘅辣汁係無敵，不過雞心比較細粒～😗雞肝（$14）食落好Creamy，有少少似鵝肝嘅質感🤣雞肉（$14）一啲都唔會老唔柴，有雞肉味👍🏻牛肉（$14）比較滑～同埋食得出牛肉味🤤整體評價，我覺得呢間舖頭係平得來份量好多，同埋真係主攻串燒！佢嘅辣醬真係好好好好食～其他主食份量都好大

鐘意食串燒既朋友，一定要來九龍城一轉。以下有幾款推介：豬頸肉：燒得非常香口，油脂豐富。司華力腸：美中不足燒得唔夠熱，可接受！雞翼：算幾大隻，咬落有少少蜜糖味。美味指數：😋😋😋😋環境指數：⭐️回頭指數：👍🏻👍🏻👍🏻👍🏻👍🏻地址：金泰燒烤 (九龍城)九龍城太子道西386A-B號太子樓地下C號舖

好小出來九龍城，朋友介紹佢啲到既串燒係必食而且好抵食所以大老遠都要來朝一朝聖串燒必食🔆雞全翼、牛、雞心、雞膶、酸豬肉串燒真係好好食，即叫即燒，雞翼同牛肉都醃得好好味，而且最估唔到係燒咗嘅酸豬肉都好好食，原本都唔知會係點，但朋友推過必試，果然無介紹錯！泰菜都要一試 🔆 泰式台䓤炒聖子聖子新鮮彈牙，配上一大堆薑、洋蔥、台䓤、蒜、青椒仲有芹菜，炒出來個味好清新，令聖子更鮮味，一齊食入口配搭一流！🔆泰式粉絲焗蝦泰式粉絲夠彈牙，唔會一上枱就散開曬，個醬汁調得好好，有蝦既鮮味，粉絲吸左啲汁，好好味，蝦都大大隻，爽口彈牙，不錯不錯！最後都要叫反杯野飲🔆泰式芒果沙冰芒果味濃，好飲！

九龍城最人氣嘅泰國🇹🇭菜小店，主要係串燒最出色，街尾有外賣店長期排到過幾間鋪，坐低食都一樣可以😌.除咗串燒之外，仲有鑊氣炒嘢同樣有得食，座位唔多真係睇彩數，平靚正又夠風味，滿足之歸🤓———————————————————————————.🇹🇭咖喱炒蜆💬叫多份蒜蓉包蘸嚟食，咖喱汁好好味，蜆數量都多，仲有配菜都幾豐富🤓.🇹🇭串燒半打💬豬頸肉、雞腎、泰式腸、雞翼、牛肉，款款都係現烤即燒，超級香口又好食，兩款醬汁係靈魂所在🤓

👨🏻‍🍳金泰燒烤 (九龍城)📍九龍城太子道西386A-B號太子樓地下C號舖 「九龍城超抵食‼️正宗泰菜小店」 九龍城出名多泰國小食，今次路經見到，又有泰國員工，就入左去食🤤雖然門面好細，坐位不多，望落有D罨耷🙈但系員工好親切，串燒香噴噴🤤 👍🏻🍽️泰式上湯牛河 $3838蚊大大份！！湯底好清甜🥹雖然重胡椒粉味，但系佢個種清甜好似落左魔法咁，飲吾停，會上癮🥹河粉比較粗身，煙韌綿綿，好有口感🥹牛肉份量都算多，小小韌🙈 🍽️串燒 $13/15推豬頸肉、雞翼！！泰國腸入面有粉絲都幾特別🤤其他都正常，沙嗲汁正常發揮🙈不過真系好平😝沙嗲汁食過最回味都系 #泰國BBQ #串燒之王 呢2間既沙嗲汁配金菇肥牛卷又系世一🥹🫶🏻 呢間泰式小店好地道，又抵食，會再encore試其他野食😝 Encore指數 : 🌕🌕🌕🌕🌕 #金泰燒烤 #九龍城泰國菜

🍽 金泰燒烤 (九龍城)📍 九龍城太子道西386A-B✨Happy Sunday~去揾食，今次同朋友一齊去九龍城搵食😋 金泰燒烤係九龍城呢個小泰國，咁多年都屹立不倒，一定有佢嘅忠實擁躉🤣 小編嘅朋友就係其中之一🍽泰式濕炒牛河河粉掛汁，入味。牛肉味唔算重，又唔會煮過龍，都仲係好嫩滑👍 配料有雞髀菇、菜心，大件夾抵食🍽泰式香草豬肉碎炒飯份量唔算多，可能一個女仔食只係啱啱好辣到適中，好惹味👍👍🍽豬頸肉串燒串燒嘅醬汁唔算重口味，比較稀，花生粒太大粒，亦都食唔到花生味。豬頸肉份量好少。🍽燒全翼燒得啱啱好，雞翼有腌得好入味，加分！🧉椰青水好啱夏天飲🥰🥰 爽呀！✨話說中學時期，小編好鍾意食九龍城一間印尼串燒，無論係醬汁、肉質都係完美😋 有冇同好嘅朋友🙋🏻‍♀️🙋🏻‍♀️ 仲有好出名嘅薑黃雞髀飯😋😋 不過可惜睇新聞，老闆退休冇做啦🥹 ———————————————評分: (5⭐️最高)味道:⭐️⭐️⭐️ ⭐️環境:⭐️打卡:⭐️再訪:⭐️⭐️ ⭐️#chillyummi_九龍城 #foodiehk #Eeeeeats #FoodPhotography #Delish #foodiegram #foodielife #igfo

呢度好有泰國街邊嘅風味，如果想要食環境同埋服務，就建議你唔好嚟，但係食味道嘅話呢度絕對係好味抵食嘅我覺得最好食嘅唔係串燒，串燒算係不過不失，我唔會特別推介。蝦餅係新鮮炸起，熱辣辣亦都好彈牙。青木瓜沙律同埋鳳爪沙律都好入味，好夠辣，味道好正中，唔係改良過適合香港人口味嗰種味道。另外冇諗過咁好食嘅係雞肉炒河，一般人通常都會叫泰式炒貴刁，但係呢個炒河好味好多，好有鑊氣而且一啲都唔覺得油，河粉亦都好軟滑煙韌。豬肉碎炒飯亦都非常唔錯，不過如果佢係乾炒會更好，今次呢個有少少汁

🎐金泰燒烤 (九龍城)食過串燒一般 反而其他好食啲🤣🎖️推薦嘅嘢食細細間鋪 可以坐到十幾人 我哋1:30pm食 唔使等3個食左4個餸 啱啱好 埋單～$250@每人～$83仲可以去九龍城其他地方食野🤣泰式鳳爪 $38⛔️唔係必嗌正常好食酸辣 不過份量好少！一半都係洋蔥🎖️大海鮮冬陰功$88 推推⭕️個湯夠濃郁 好香椰奶味 尾韻小小辣唔會太重香料味 喝落順喉 一啖接一啖！仲有好多蕃茄 海鮮唔會得好少食呢間一定會encore 🥘🎖️蒜蓉包 $25/5 推⭕️個包烘到小脆 外皮係有d似餐包裏面查滿牛油同蒜蓉😋仲有蔥香！不過牛油香大過蒜蓉香會encore🧈🎖️泰式炒醉貓海鮮河 $58 推推⭕️炒得夠鑊氣 調味啱啱好配埋炒蛋蘿蔔絲 增加d爽脆😋海鮮有🐙🦐 蜆 會encore

九龍城老字號燒烤店，鋪仔細細，睇落去非常簡陋。但他們的串燒很受歡迎，每一次去食都要排隊。串燒豬頸肉，牛肉$14/串，非常入味，燒得很乾很香，配上沙嗲汁，泰式酸辣汁，非常有泰式風味。泰式燒泰國腸$15/條，裏面是粉絲加豬肉，好特別，好食。泰式炒醉貓牛河$65河粉非常碎，雜菜很多。泰式酸辣鮮魷沙律 $88白灼鮮魷魚，魷魚爽口鮮甜，配上西芹，青瓜、蕃茄、甘筍絲，生菜，加上泰式酸辣汁，酸酸辣辣，很開胃。泰式生菜包 $65肉非常多，包完生菜🥬，還剩下很多肉。飛天通菜 $55 ，通菜新鮮爽口。泰式椰汁沙冰$30 ，椰汁味很濃。這一餐埋單500多元，雖然唔算好平，但很大滿足。九龍城最愛食的泰式串燒，雖然店舖簡陋，但食物質素長期keep到。

雖然早排天氣真係好熱🥴但係我真係好中意食串燒❣️成日都經過九龍城😂😙我都見到呢間舖頭好多人排隊但係可能因為今日太熱所以條街冇咩人😂我見到竟然唔使排隊🥹所以 買啦🤣🥵🥵不過等嘅時候真係熱到人都溶…我係外賣買番屋企食🤣舖頭門口太陽好猛烈🫢🫢熱到我就快死啦😰😰.泰式豬頸肉 👅 8/10 $14幾入味😙 唔係靠啲孜然粉黎有味🤣🤣肉質不錯😙😙嗰醬仲有啲花生粒😙個人認為佢有4粒都算夠🥵有啲一串得3粒炸😰.味道👅：8.5/10扺食💰：7.5/10.泰式燒牛肉 👅 4/10 $14個人認為呢一個燒牛肉唔係太好食🥹牛嘅味道唔算出🫢而且啲肉質有啲鞋颯颯🥲建議大家唔好揀呢個🙏🏻🙏🏻🥹.味道👅：4/10扺食💰：4/10.泰式燒蝦餅 👅 7/10 $14呢隻蝦餅我覺得口感OK🫢不過蝦嘅味道唔算好突出⁉️⁉️唔係好識形容🤣搞到我覺得有少少似食緊魚蛋咁🥲但個醬溝埋落去有幾好食🤣🤣.味道👅：7.5/10扺食💰：6.5/10

呢間野真係食一次就夠，唔講食物味道同價錢，但呢間野真係完全無服務可言，食物都未到就唔俾加單，話外面好多人等位喎，衛生環境極度惡劣，，以前剩係買外賣都唔知呢間野咁衰，咁既價錢九龍城大把其他選擇囉

次次去九龍城幾乎都會幫襯嘅串燒，但之前多數都係就咁買幾串袋，好少坐低。平日晚飯時段都要等位，大約十五分鐘左右就入得。不過入面就唔算餐廳，只係放左唔夠十張枱，所以坐落都有啲迫。.串燒 - 食開都冇得輸，由其係雞內臟，唔知點鮮特別好食。魚餅就一般，司華力膠ok，豬牛雞都燒得好香，有肉汁。不過今次冇俾醬我，太忙叫左幾次都唔記得就由去。.牛肉湯河 - 呢個只售$38大大碗，粉又唔算話好多嘅，但牛肉同個湯底都唔錯，有驚喜！.脆肉炒椰菜苗 - 本身唔太餓諗住叫多一樣野，睇個餐牌點知啲野都幾貴下，如果真係坐入一間泰國餐廳食我覺得價錢合理，但呢個環境食個明爐烏頭$188，我覺得一啲都唔值（當然我唔排除佢好好味），但其他野嘅價錢都非常高級泰菜，定價就進取左少少。最後叫咗$78嘅炒菜。味係唔錯，但細碟同非常少下次都係食番串燒算～