金泰苑泰國餐廳 (已結業)

第1次嬲到要寫食評, 呢間舖呢期搞團購, 同事買左咁咪大家一齊去食囉!第1次我地夜晚去食, 覺得佢地上菜好慢, 野食黎到唔算好食, 一班人難得坐埋搵個地方有傾有講食野都算啦。 今日見D劵仲有幾日到期, 諗住同同事去食LUNCH用埋佢, 成間餐廳坐埋都係得廿個客, 我地落完單等左成50分鍾都未有野食, 遲過我入黎果D人都食完咁濟, 期間我係咁摧佢地話趕時間要返工, 佢仲好無禮貌咁同我講話好多單做唔切, 最後我地話走仲話煮緊D野食點算?! 打去訂位果陣已經問係咪有團購劵, 係咪買團購就唔係生意?! 唔想做就唔好搞團購!

之前係九龍城番工，因為近，所以成日都黎食。不過今次就，一入到餐廳，一股古怪既臭味，入面明明大把位，唔知點解要我地坐門口。快快手叫野食先，我叫左個泰式雙拼飯，入面有海南雞同豬頸肉，想轉做海南雞飯，但要加$5,咁咪唔轉囉，但係豬頸肉同海南雞都少左好多，海南雞唔係好油，味道幾好，但豬頸肉就又乾又硬！另外，個餐仲有杯餐飲，凍熱都係同價，選擇又多，我飲左杯青檸樂，不過太多冰，攪到好淡！

諗住價錢唔平,水準一定有番咁上下！先黎泰式鳳爪好一般，跟住冬陰公先勁，May埋眼飲一定飲唔到係冬陰公！蝦餅仲勁！睇住食都食唔到有點點蝦肉，全部粉黎.....菠蘿炒飯似炒定備用，要就番蒸，腰果都是不脆的，唔使講到豬脛肉爽唔爽呢d咁高要求，當然係唔得啦！（唔爽）反然最正係菜苗，咖哩牛腩，椰青，生啤，呢4樣同出面普通泰國野一樣👌冇乜特別,幾好,唔難食！總結係每位冇食海鮮都要300元係唔會有下次囉!

第一次寫食評, 實在不吐不快! 亦係因為對此餐廳嘅服務態度極之不滿而第一次寫的.見團購都好抵, 就算位置唔就腳都試下啦, 一星期前訂咗4位, 但在星期五再打電話去改6位, 出發當日本人忘記帶電話出街, 準時到達餐廳, 入到去見到只淨一個4位嘅位置同一個10人檯嘅位置, 當本人講出訂位電話號碼時, 個侍應就話4位嘅位置就係嘞, 已經同我講咗要坐迫d, 我話打黎改人數時冇講過會迫d喎, 侍應就話係我剛剛打電話去, 佢同我講嘅, 我都冇帶電話出街, 點打電話黎呀, 個侍應跟住仲話我個電話號碼仲show係個電話到, 侍應仲話我都有係電話度講我冇帶電話出街喎, 哼… 我係黎食野, 唔係黎嘈交架, 冇打過電話黎點認呀姐…. 當時嘅我真係幾火, 臨尾個侍應仲講咗句”我唔同你拗” 喔… 咁即係話我冇理取鬧啦!當時一家大細山長水遠黎到, 團購都已經買咗, 亦唔想就咁就走, 於是就6個人坐4個人位囉, 坐底後要再叫先比多2個位嘅餐具, 食到一半, 隔離檯走咗, 都係我地自己推檯加位, 冇侍應理會囉.食物質數偏咸, 而本人女兒就話甜品千層糕超級好味.今時今日咁嘅服務態度真係唔得囉, 侍應你唔會係自己聽錯電話

前後一共兩次買了團購優惠劵同三五知己來到餐廳大吃大喝，吃得好滿足啊！！XD第一次惠顧團購，心裡七上八下的，因為看見網上的食評大多是沒有一個好下場，><心裡有點“熬底”的，但是看見並不是放題形式的團購，心裡想著應該會有水準的吧？所以膽粗粗就買了，結果。。。。。。。。超乎意外的滿足啊！^^第一頓是在14號的那天晚上，跟兩個姐妹來到這裡慶祝我們的貴族單身之日，那天實在是很忙碌啊@@，座無虛席，我們原本是訂了八點半的桌子，但是朋友因為要加班，所以要遲來，看見他們的客人源源不斷的樣子，想著現在做飲食業也是不容易的說，做得一單得一單，總不能佔著位子阻礙別人做生意吧？所以即使外面寒風直吹，我們還是選擇在外面等候，在九點的時候，前來的人漸少，有位子坐咯！我們坐下剛不久，朋友也來到了。點了一個冬陰功湯（小），一客咖哩牛肉，一客蒜蓉包，一客辣炒金邊粉，一客海鮮煲仔飯，三個椰青，一客芒果糯米飯。冬陰功湯，這個必推！湯底夠辣夠酸！非常開胃刺激！蝦肉鮮甜！不像我在同區小曼谷的冬陰功湯那樣，整個蝦都是黑的，霉的！平常不吃辣的朋友也喝了兩碗，還說味道跟她在泰國喝到的一個樣！正！後來我念念不忘這個冬陰

為爸爸慶祝生日，一家人第一次團購，食泰國菜。這里地方是不易找，不過一入門侍應已好好招呼，感覺不錯。室內佈置還算休閒整齊。即刻有位坐下，點菜也好快到。餸菜味道都幾好，賣相也不錯。整體算是滿意。

男朋友BRO買左團購COUPON,$200當$400用.因為就黎到期所以11月底BOOK到位就去食. 位置偏遠遠離九龍城食街中心男朋友先到達看看MENU,發覺價錢偏貴, 由原先4人行改為3人,怕食唔飽3個人叫左 細冬蔭公蒜容包, 炒海鮮濕河, 咖哩牛腩, 肉碎生菜包細冬蔭公味道唔錯,唔會太辣, 接受到蒜容包配咖哩牛腩唔錯.但只有4件太少唔夠送飯. 咖哩牛腩味道正常,但份量偏少.炒海鮮濕河份量也少得可憐,而且很普通, 我看隔離枱叫的PHA THAI比我們還要大碟,我相信不是團購客.肉碎生菜包偏辣, 但我覺得係最好的一味.最後因為唔夠錢所以再叫左一個芒果糯米飯(小)外賣.只有一小舊飯,已經價值$50,還要收我外賣盒$3而且外賣仲要收加一,真係搶錢總結, 價錢貴,份量少,不會再考慮幫襯那店現在還繼續做團購, 希望大家食得開心 

今日兩支公打完波之后去食叫咗椰青，泰式豬頸肉同埋菠蘿炒飯，個菠蘿炒飯真係好惦，味道同我平時係屋樓下果間茶餐廳食開真係唔同，肉鬆同腰果多到瀉咁制！反而個豬頸肉就好普通！但個汁都ok

今晚同爹，媽，家姐食晚飯，都唔知食乜好，經過泰國餐廳見到個招牌好熟悉，咁樣我地走咗入去，嘩！我見到隔離枱嘅嘢食好香所以我地都叫咗隔離枱兩款一樣嘅餸菜！先嚟個海鮮冬陰功湯，um...好好味，湯面唔多辣椒油，酸酸辣辣，海鮮都好彈牙，好多料^^之後就係豬頸肉，好脆嘅面，仲有少少燶，好香，食落好juice，唔似食d

家人團購左$100當$200用既現金劵今次第2次黎食叫左咖哩牛, 但黎錯左個咖喱羊 好聲好氣叫佢換返. 個WAITER竟然話: 下, 都食晒啦其實事實係我地幾個人 一人夾左舊係個碟度 咁個兜野梗係冇晒D羊啦...唔食又點知係羊黎呢? D態度差到不行了食左豬牛雞串燒, 唔錯 個醬幾好味食左波羅炒飯, 應該唔係2手波羅, HAHAHA 但冇乜鑊氣薄餅 OK點咖哩幾香脆雞 個雞唔鞋, OK!坐就坐得舒服D, 都冇同區既小X谷等咁耐位, 但野食就係小X谷好味D價錢方面, 冇團購價我就唔會食囉原價 ~$8xx for 6人用左團購劵大約半價倒冇團購價都應該唔會幫襯

第一次寫食評, 實在不吐不快!中午在九龍城參加完女兒學校的運勳會便到此餐廳食午飯, 到達時約12點只得2枱客。我們只有2個大人和１個小朋友被安排坐在門口的卡位後便點了以下食品。1)冬陰公湯-$88-湯的份量是3-4人份, 整窩湯只有一隻蝦 (1/3隻蝦身是黑色的)和一些菇, 跟太太每人飲了半碗便整窩放棄了2)紅咖喱鴨- $88-咖喱味不過不失但鴨肉是在超市買的現成鴨胸肉切片而成3)小食拼盤(-炸蝦餅,炸魚餅,炸春卷和炸香蘭葉包雞) -$168.00 -炸蝦餅和炸魚餅顏色不對同理啲肉係霉嘅,炸香蘭葉包雞淡而無味, 試個之前3款後個春卷已無興趣食, 整碟也放棄了4)泰色雞絲湯河粉 (午餐)$43- 味道普通, 湯是味精是湯, 河粉是用一片片的,  這種河粉在大部份泰國餐廳應是濕炒的。5)懷疑外賣白飯-$126)椰青2個-$64-正常7)鹹檸雪碧 (跟午餐送)-正常Total:$463.00在紅咖喱鴨上卓後要求侍應攞幾個碟給我們分享食物, 佢只給我們一隻碟, 跟住要再叫個侍應先肯多攞２隻來。之後我order 一個白飯, 我order 完後個侍應直接往門外走 (我當時覺得有啲奇怪), 等了10

晚上預約了金泰苑，約7點50分到，但當時沒有人招呼我們入座，唯有自己找座位坐下，但服務員一直都沒有來招呼我們，我只好自己在收銀處取餐牌，過了一會，本人要求轉較大的臺，一個似經理的男人走過來，我就順便告知他先幫我ORDER蒜茸包，咖厘炒大蝦及菠蘿炒飯，因怕等得耐及小朋友已肚餓，但他似乎沒有打算幫我們入機，過了約10分鍾，我們轉了台後，我就問他有沒有幫我落ORDER，他就說等轉台後再落。當時我已轉台亦告知他可以爲我們入機及繼續落單，他行了也來後在執另外一張台，並沒有意欲爲我們落單，但當時並沒有客人等台。然後我走出座位叫他先幫我落單。落完單，約等了30分鍾，只上了3杯飲品，就連一坐下就叫他落單的食物一樣都沒有上，此時小朋友已很餓，我就站起來到收銀前問經理，食物還要等多久？因小朋友已肚了，可否快點？但他們一共3個人見到我的，但沒有跟我說任何說話就各自走開了，此時我真的不滿意，我覺得點都講一聲呱。後來我回座位告知家人，他們這樣的態度，另一個經理似乎聽到我的說話，就告知我食特跟進中，我就問他，那爲什麽剛纔不告訴我你們跟進中？？他沒有說話就走開了，我又等了5-10分鍾，些時小朋友真的很餓很餓了，都餓

個個都話ok，咪去試一試囉，發覺若非團購者，不值一試，因咖哩蟹無咖哩味，鐵板蠔仔炒米及生菜包（豬肉）無味，其餘嘅冬蔭公湯，飛天通菜，燒豬頸肉，蒜蓉包，薄餅等都屬一般。講到最抵及最好吃就是大拼盤，但拼盤內嘅串燒十分“嚡口”，一點也不好吃。再者，不知是否該店正做團購，各侍應都忙都不可開交，故毫無服務可言，要3催4請才來落單及set位。

去完浸大的event,一定會去吃泰國菜,近九龍城嘛(是藉口一點也不近==")看到網上有團購優惠(☻笑")又可以在event當日去吃,就買下了店內環境都可以,客人不算多,員店服務也ok的先來個酸的當前菜吧,呀,鳳爪夠爽,份量ok,但我吃下只覺得很辣,朋友覺得好吃,那麼交給他幹掉好了…( ﾟÅﾟ)鑊氣夠,炒得很香,椰菜苗很爽,不過咸肉頗肥,整碟餸滿是油呢( ﾟДﾟ)...￣ω￣很開胃的醬汁,雞柳也炸得脆脆的,份量都多,所以吃不完,拿走…材料很多,味道剛好不會咸,但吃不慣生芽菜和內里的香葉….而且比較多油,所以食完很濟…(/ω＼)糯米加上椰汁,甜甜的,不錯,芒果也夠甜,吃完這個更飽是的…(=)3=)這個甜很抵食,份量很多,(。∇^☆)整個椰清內都裝滿了椰青肉和大菜糕,呀,吃不完了,這個要拿走…椰汁甜度剛好,三色冰的配料很足,好像一客甜品來哦~這款的椰汁有點點咸的,是正宗的椰汁冰味道,不錯,跟二色冰的椰汁味不一樣呢~

繼續睇下食左嘜先雞肉碎生菜包~~~好香的香料配上雞肉碎，真係VERY GOOD菠蘿海鮮焗飯~~~其實係菠蘿炒飯，味道剛好的GOOD雜拼盤~~~下次唔會叫這個，因為有D係唔LIKE的拼盤有墨魚滑春卷、炸蝦餅、泰式春卷、炸軟殼蟹、豬頸肉、炸魚餅、串燒蝦蝦、串燒雞雞D春卷基本上係唔脆的，"林"了蝦餅都幾好味，而且都尚算彈牙串燒雞雞NO GOOD，好"鞋"其他的都是普通的蛋網炒貴勺~~~味道可以的，但唔夠熱，所以麻麻地粉絲雜菜煲~~~麻麻地，普通過唔普通呀咖喱炒蟹~~~咖喱味是淡淡的，小朋友也可以吃，因為一D都唔辣，我地選擇肉蟹，蟹肉好結實！讚明爐烏頭~~~魚魚的湯汁如果可以再酸D，香料可以再加多一點會更好，魚肉都好結實海鮮咖喱麵包盅~~~味道同咖喱炒蟹係一樣的，包包太"林"了，如果脆D會更GOOD芒果糯米飯~~~芒果好甜，黑白糯米是熱熱的，好軟糯呢整體上食物都可以的，但可能人手真係唔太夠，有時真係叫極都冇人應囉