金湖粉麵茶餐廳

营业中

休息中

d魚蛋好彈牙要牛坑腩就一定要落單時講明服務態度唔錯 ..... 可以再黎

我叫左個外賣魚蛋河($21-外賣價)，d魚蛋，魚片同個湯低都係得個鹹字.....我比錢時唔記得話加腩汁...之後同番企係出菜位個位呀姐講...加腩汁唔該....點知個呀姐話...佢 : 你要加..下次要比錢個時講埋...你知張單唔係比我睇係比cfu睇我 : 咁而家你可唔可以幫我講吖佢 : 冇話唔得，不過下次你要腩汁要一早比錢個時講loi.我當時好嬲....又難食服務態度又激差....唔係近公司都唔會同佢買....我以後都唔會因為近而幫親lee間野!!!!!!!!!

d雲吞好難食....真係好難食....水餃一樣唔好食...差到.....

忙了大半天只靠糖、朱古力boost up血糖水平，頂唔順，最後同同事找了間茶記補充熱量。平日路過也不會來，卻想不到開業已近五年，無什麼心水，也不想起牛雜，乾脆來個坑腩拼牛筋河。　　　　　　　　五香湯底浸著牛腩的邊位，說不出是牛腩或是爽腩，但就絕非坑腩，找到薄薄一片肉，是韌得吃不下的貨色，牛筋談不上特別勝在很難煮得差，配埋質地薄而滑的「魚蛋河」吃，吃了兩口，也補足了些微熱量。同事的牛雜米，打劫了牛膀試試，是腥而霉腍之物，埋單$31物非所值，找不到理由再來。

由於本人在尖沙咀區工作,所以一有時間就會去此食店進餐.我最喜歡食這裡的牛腩,不太林,亦不太(un),如果閣下想要有特別要求的話,可以選擇坑腩,爽腩,瘦腩或半肥腩,不過就要在落單前講明.而我女友最近就非常喜歡這裡的怪味雞,少少酸,少少辣,非常開胃,因為佢話女仔不喜歡太辣.當然,如果閣下嫌唔夠辣,可以加辣椒油,這裡的辣椒油都有番咁上下,應該可以滿足一些好辣之人.另外,講一講這裡的服務態度,雖然未達到5星級酒店的標準,但亦不是之前o個位朋友所講到咁惡劣.入這間鋪頭首先要經過一條長長的通道,才到進食的地方,如果沒有位置坐的話,就一定要在長長的通道等位子,那我就真係唔明,等緊位的人怎可以幫侍應拿單子,難道個收銀員捨易取難.仲有,等位的長通道是有地毯的,我又不明白,點解個事頭婆可以o係地毯上用地拖拖人地的腳.希望有人可以幫幫我,解答我的疑問,多謝.

我自問對食都有要求,特別對食牛腩.因為本人於尖沙咀工作,差不多整個尖沙咀區的牛腩都試過.而此家的牛腩真是與別不同,我最喜歡食牛坑腩,加一杯凍檸茶,真係最佳拍擋.如果想去試食的朋友,如果唔想同人地迫,最好就選擇非繁忙時間去,就多數有位.

7月28日星期六我同女友到此食店食lunch ...鋪頭面積比較細,不過於尖沙咀區,租金昂貴.我都不會期望收十幾二十蚊一碗麵的一間餐廳會坐得好舒服.等了大概5分鐘就有位.d員工態度都很友善,不斷同我講好快有位.坐定定之後,我點了牛坑腩河,d牛腩都幾有嚼口,不會太林,亦不會太(un),算是中上級的牛腩,河粉好滑,整體我會比呢碗野八十分.我女友就點了怪味雞麵,聽講係呢間餐廳的招牌菜,我無食,不過我女友就話d雞有少少酸少少辣,正合她的口味,非常開胃,因為大多女仔都唔受得太辣,如果嫌唔夠辣,可以加辣椒油.加埋一碟油菜,合共$56 ...價錢都算合理.順帶一提,埋單時,個老闆娘非常友善,多謝前多謝後,之前o個位朋友的經歷可能係一場誤會.我相信出得黎做生意,都唔會倒自己米.另外,如果此餐廳能夠大d就更加好,因為食飯時間真係比較多人.

我昨日諗主同friends去呢間o野食lunch，已經有好多人，入面環境好逼，我地响入面等位，同時亦有好多人繼續入o來，由於出面落好大雨，冇傘袋，所以地下好濕。呢個時候，個事頭婆(坐收銀位)即刻出來話我：「姐仔，我間舖塊地就尼比妳整濕晒喇，我d客全部個個都會跣到tan tan腰喇...」最「慶」係佢一路大聲repeat一路將個地拖拖到我隻腳度囉!!! 我越tun後，佢越拖整我到wo!!! 我係著拖鞋o架，點知你個地拖拖過咩呀!! 之後佢d員工仲掂，之前將檯個女人冇收單，佢喝我d friends拿比佢，"老馮"ge!!! 之後有desk喇，我o地就全數拉隊走人，不斷「搖頭嘆息」。仲响門口大大聲話間o野服務態度勁唔掂。d野好唔好食都冇用，d態度o甘ge死樣，我絕對唔會去囉!!!! 最後我同friend去左前面落citysuper foodcourt食，環境寬敞得多之餘又冇o甘谷鬼氣\_/ 呢間o野簡直不知所謂!!!!!! 自己倒自己米。

星期一，悶熱到跳起，要過尖沙咀搵個朋友食飯。見到佢時，點知佢一個電話就要十五分鐘內返公司，原本行緊海防道去食錦城，但無時間，就入左呢度食麵算數。呢度午飯時間當然迫，搭檯是必然的事。上次吃過的牛坑腩，就推介給她，我要了這裡的另一主打菜，怪味雞撈麵。怪味雞吃過不少，味道各有不同。最好的是在深圳一間四川食店吃到的，是又麻又辣又甜還帶點酸，很出色。這裡的怪味雞看似辣，但其實只是小辣，完全沒有麻味，但幾甜。這個甜甜的雞，絕不符合個人之標準，當然如果未吃過此味，會覺得不錯也說不定。阿姐說雞肉是新鮮雞，吃落也是，亦有骨落地。撈粗麵乾又帶點硬，拿點熟油撈一撈會好一點。雖然朋友的坑腩仍能保持水準，但個怪味雞，就真係麻麻。說成招牌菜的話，是不能不比個喊面佢。連兩杯凍飲，埋單八十蚊有找。以十五分鐘過程又坐得迫澀的環境來看，是有點貴。

位同位之間好逼! 坐得好唔舒服......下次都唔會再去!麵多數以$19 一碗, 我叫左牛腩, 黎到好肥! 又少, 又"UN" ! 旺角太把$10 碗既都正過佢!!!油菜過多油, 好似係度吸緊油緊.............

阿媽話今日要食麵，夜晚食西餐，所以就趁做整餅助教前來食碗麵。星期日下晝兩點幾，無咩人。呢度的特色好似以怪味雞，不過一個人來又好似食唔到。就隨便叫了碗牛腩麵，交帶了要坑腩。碗麵賣相麻麻，得麵同幾舊牛腩同蔥花，好似好單薄咁。主角的牛腩真的給了坑腩，因是邊位，故較腍有些少肥膏又有少少軟骨，爽口唔韌，味道唔錯，都食得過。麵有鹼水味，湯亦麻麻，但單是這個坑腩也不錯。19蚊，唔算平，都食得過。題外話：見好多有水準的牛腩店，很多朋友的評語都說牛腩韌。查實如果怕韌，可以叫坑腩，甚至爽腩，兩樣都賣晒就叫半肥腩，怕肥的可以叫牛筋，如果都不可以的話，應該改行吃雲吞。

20041001 6.30pm有朋自遠方來(星架坡je其實唔係好遠), 一盡地主之而, 香港好客之道丫嘛所謂, 朋友想食牛腩麵, 行街行到支力支力地, 醒起呢間都唔錯就幫襯下.2人食:1) 牛腩河($19@) x 2 - 牛腩good, 肉嫩wor, 河粉亦夠滑.2) 油菜(菜心, 跟餐+$5) x 1 - average.3) 淨牛雜($40) x 1 - 好鬼大兜, 但係幾好味.4) 怪味雞(例, $38) - 即是川味雞果類o野, 酸少辣. 得, 吃得過!!5) 凍奶茶x 2 - 普通茶檔水準.由於本小姐同朋友全程英文國語, 遊客身份被揭露, 埋單時竟然要比$160, (我當佢杯凍茶$15 杯都係$30 je, 何況洗鬼$15杯呀?! 油菜跟餐都係+$5je) 我掛住同個朋友傾計, 仲要蠢到出門口先醒起點解咁鬼貴?! 激鬼死!我之前o黎過都無話會咁樣o架lor, 擺明搵遊客笨je!!!!