金源餐廳

营业中

休息中

呢朝一早嚟到大埔富善，見肚餓就走咗入去富善商場搵地方食早餐，地下呢間《金源餐廳》都幾大，入面坐咗好多客，就揀咗呢度。早餐供應時間由朝早6點至11點半，早餐餐牌簡單清晰。我揀咗早餐C嘅雪菜肉絲米粉餐，包火腿煎蛋及牛油餐包，熱阿華田，一共$32。雖然雪菜裏邊唔係好多肉絲，不過個味道都唔錯，米粉口感OK，唔會嚡口。火腿煎蛋用嘅火腿略嫌鹹左啲，餐包就甜甜地口感都幾軟熟。熱阿華田夠濃好足料。朋友揀早餐A嘅火腿通粉餐，腸仔煎蛋餐包，飲熱咖啡，都係$32。火腿通粉上面嘅火腿鹹咗少少，通粉口感唔錯，湯底味道亦都幾好。腸仔煎蛋味道okay。熱咖啡夠濃，可惜略帶酸味。呢餐早餐味道都算okay，座位都算好坐，價錢亦合理，都係其中一個早餐選擇。

金源的食物味道絕對不差，今次是第二次來。因為今天天氣熱，想飲涷檸檬茶，但又記得上次嚟叫少冰都好多冰，所以索性叫走冰，點知換來的是一位男侍應哥哥的怒啤及狠狠地說一句這裏沒有走冰。。。其實叫走冰係因為天氣酷熱，唔想飲熱嘢，但飲太涷嘅嘢又會氣管敏感，本人絕對不是因為走冰後杯茶會多啲所以先咁叫。其實下次如果有人叫走冰，平和地講句『無』便可，不用太勞氣。

晚餐係幾好食既蒸魚 肉餅 魚香茄子煲魚腩煲 魚雲煲 都試過但佢有豆腐果d就麻麻可能天氣熱 d豆腐有陣味但佢個下午茶既焗豬扒飯抵食又好味夜晚反而無叫過下午茶食燒味就要食燒腩仔好脆 半肥瘦雖然得幾舊 小食多滋味

因為今日放假的關係，所以就近近地揀左金源餐廳食反個早餐唔想食得太飽，就點左一份吉烈豬扒拼炒蛋早餐，個豬扒炸得好香好鬆脆，炒蛋唔會太乾，所有食物都做得好適中最欣賞佢既凍檸茶，茶味好濃唔會太澀係一間不錯既茶餐廳

今日揀左呢到食下午茶，位置多而闊落。叫左個常餐，沙嗲牛肉麵，配火腿奄列，牛油豬仔包。牛肉夠林，唔韌，沙嗲牛肉汁美味，麵條🍝彈牙。炒蛋炒得都幾滑，有蛋汁流出。但牛油豬仔包略嫌個皮有點硬，同埋無味😹😹😹之後想加練奶，但要加錢。西多士，好邪惡呀、入面個醬好足夠，而且成塊西多好厚身，加埋糖漿食，好好味。👍🏻👍🏻👍🏻唔錯，下次會再食。紅豆冰，味道比較淡，但配埋甜甜紅豆，都OK凍奶茶小冰，茶味香濃。

🍛台式肉燥雞扒飯（$40）+紅豆冰（跟餐加$4）（🤤：4.5/10）🔽已經好耐無食過呢間茶餐廳啦 以前係附近讀書 所以都會耐唔耐食下 但都已經好多年啦。咁耐無黎 一睇就知裝修過 靚過以前好多 啲排位就同以前差不多。🔽雖然望落靚左 但食物質素就好似差左啦。呢碟飯成$40 但就菜都無條 得一pet肉燥同塊雞扒，肉燥既質感太軟 令人聯想起食糊仔咁 無咩肉既感覺 味道似肉燥既 但口感真係唔得，塊雞扒好乾好柴。杯紅豆冰 啲紅豆就原粒咁既款 一啲溶都無 奶味都好淡。呢餐真係幾令人失望。📍金源餐廳📍大埔安埔路12號富善商場地下G14號鋪#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#foodseekerlu_bie#吃貨#相機食先#美食#香港美食#大埔美食#食好西#金源餐廳#快餐

早前聽同事講富善邨開了一間面積有7000呎的兒童樂園，趁著今天下午放假，約了朋友帶契女來玩。發洩完一輪精力之後，當然要找個地方歇歇和補充體力，商場內有多間食肆，但我偏愛港式茶餐廳，因為凍檸茶中毒太深。踏入金源茶餐廳，便看到牆上寫著1986年開業，原來已經超過三十年，裏面裝潢沒有陳舊的感覺，天花板有很多射燈，非常光猛，雖然座位很多，但亦差不多座無虛席，因我們想要坐卡位，所以都大概等了七八分鐘才坐下。下午茶款式多，正在煩惱吃什麼的時候，看見隔離附近有幾個人都吃燒鴨瀨粉，看看賣相也不錯，於是就跟大隊啦。有點驚喜的是來了碗燒鴨「髀」瀨粉，燒鴨皮脆肉嫩，啖啖肉，皮下肥膏少，鴨肉味道香，帶少少鹹，完全無膻味，湯底雖然有味精，但喝後亦不會感覺口渴，可能今天體力消耗得多，假如份量能多些會更滿足呢！最後我發現這裏的凍檸茶很合我口味，紅茶香濃得來不會太苦澀，有茶味，加上少甜，簡直ichiban。

呢間餐廳就嚟裝修，佢嘅咖喱牛腩飯係鎮店之寶，所以就係佢裝修之前食一次。佢嘅咖喱牛腩特別在於咖喱汁小小甜，辣味適中，會令到你嘅食慾大增，而牛腩唔會太肥或太瘦，送飯一流。

港式咖喱嘅特點係多辣椒油，好多時食到成口油，但係呢間餐廳嘅咖喱牛腩飯食落去唔膩，同埋辣到適中，咖喱似係炸過， 好入味，送飯一流。而佢嘅牛腩炆得好鬆化又好送飯，唯一一個弊處就係覺得佢偏貴，加埋嘢飲都要51蚊。

今日同朋友去探一位長輩, 晚飯走咗入個商場, 見呢間餐廳幾乾淨而且都多人幫襯, 就入去試下喇. 食物選擇都幾多, 米線, 煲仔, 湯飯, 西式扒, 意粉都有. 我地兩個都鍾意食小菜, 所以叫咗兩個餸. 欖角肉鬆四季豆夠火喉, 四季豆炒得夠香口又唔會老, 欖菜肉鬆份量都好足夠, 餸飯好好味. 咕嚕肉都做得唔錯, 食落肉質鬆化, 味道唔會做得太甜, 又唔會杰撻撻, 一個小菜連飯加埋大大碗例湯$57都好合理 ,家庭小炒唔錯的選擇.

太陽蛋腸仔沙嗲牛肉出前一丁，好耐無黎喇，應該都有年半以上。即做太陽蛋，蛋白暖笠笠，蛋黃冷冰冰，無緊要！留到最尾先品嚐，倒佢落湯底潛潛水。暖蛋成粒啪，甘香蛋黃口裡爆，滑溜蛋液跟舌頭打滾，好正啊！腸仔，咸油腸？都幾驚嚇，掉落炸爐翻熱唔緊要，但都唔好炸到滴晒油先得架，仲要用極咸腸，救命！沙嗲牛肉，合格！難能可貴，沙嗲濃厚甜甜的，牛肉有原始質感，滿意。麵質平平，可以更好。最初想食雞扒，但居然晨同我講早十一點半後雞扒停止供應！Really？那麼全日都無雞扒飯、雞扒意？琴晚飲到好夜，今日新居入伙，食埋個早餐就去新居繼續清潔同執屋喇﹗金源開業都十幾廿載，細細個已幫襯，一路以來既觀感都係又貴又唔好食，到今時今日味道同質量都係依舊一成不變。夠堅持，您係勁既！

夜晚成9點到, 係富善冇乜頭水所以揀左呢間金源茶餐廳一坐低見到有扒鋸好開心, 即刻揀左係帶子鴛鴦扒餐!鴛鴦扒有豬扒同牛扒,仲跟左兩粒帶子!豬扒同牛扒都好淋, 好容易切開!難免知道係用鬆肉粉處理過但食落都幾好口感同味道都唔錯個兩粒帶子食一pack pack個d炸帶子 (掛住食,無影相)質素已standardize左個汁我揀左蒜蓉汁唔係講笑, 好好味真係有蒜味同好濃郁薯條就係最愛既粗身波浪汶薯條吸埋d蒜汁…正!另外配羅宋湯一碗好有料同好濃郁既羅宋湯唔係淡貿貿或者媾水!好好飲仲配上烘牛油多士, 好特別!好欣賞佢係配油多, 而唔係餐包!D牛油仲烘到溶哂!!!正最細心同最欣賞既係有個女伙計驚我地冇散紙佢幫我到一個一個分開寫單呢d咪service咯!!成餐都只係68蚊!!! 抵到喊!!總結係盛意推介!!!!!!!!

琴晚同朋友仔飲到大醉，幸好能安全送佢返歸，咁就相約今日食個 lunch 啦 ~ 我仲放緊大假，仲可以癲多幾晚放縱吓 ~ 嘩，起身都成點囉，剛好食午飯。公司即食麵，超高卡路里又 junk food，瞓醒第一餐又唔知食咩好，黎親金源 99% 都只係叫即食麵餐，夠穩陣，難食極有限。公司即係有鞋烚烚又乾爭爭又濁到死既沙嗲牛肉、半片烚火腿、超薄煎午餐肉同煎蛋囉，加埋煮得腍左啲啲既大陸麵，仲有個好淡口既味精湯底，都係要落幾羹辣椒油救亡，簡單即食麵快餐無咩可以評。油雞，無雞味又腍劈劈，即係霉霉地囉。化皮燒肉，層皮真係燒到卜卜脆，但有啲硬喎，都唔知點解會咁。燒肉層次分明，肉味香，都唔錯喎，不過個人厭佢有啲肥。十幾廿年前金源既燒味真係好好好味架，雖然價錢貴啲，不過最緊要好食麻，但係依家已不及當年了。蠔油菜芯，好似好耐無食過菜，專登叫個烚菜食吓，點知老到呢，一點都唔爽嫰，已到中年，食到成口渣啊。

今日早機去美國 trip 一個月，臨去前食返個港式早餐先，知道去到嗰邊無啖好食 ~ 近乎獨市生意就真係要毫無上進、進取心，同一成不變架咩 ~ 層幾何時佢既燒味飯同牛腩麵好味過富善街市同大排檔，依家真係好差囉 ~太陽蛋腸仔沙嗲牛肉麵，好油又好咸既腸仔，就咁掉落炸爐撈反上黎就算，其實可以炸得乾身又香脆架，貪快，勁懶。沙嗲牛照樣係乾爭爭、鞋烚烚既低級罐頭貨，我諗用鮮牛片打個沙嗲汁唔好貴好多架麻，係出面都有唔少外賣店快餐店會自家做啦，鮮嫰可口又滑溜，差好遠。

今日唔洗咁早返公司，咁食埋個早餐先搭的士啦 ~ 去大快活又唔夠時間，應該金源啲求其即食麵會快啲 ~ 無錯，味道、出品、環境、服務態度一切照舊 ﹗洗咩改啫，咁多年咪一樣咁好生意，唉 ~太陽蛋五香肉丁即食麵，啲肉丁仲係凍既，雖知係罐頭倒出黎啫，可唔可以細心啲，落左罐頭先淋啲湯係面呢？都係多幾秒時間啫。太陽蛋無問題，暖都收貨喇。大陸平價麵底貨色，麵質差、無特別，湯底啖，要勁落辣椒油補味。