金滿堂甜品

营业中

休息中

⋆⁺₊⋆.金滿堂甜品..宇治金時 $45抹茶同紅豆🫘呢個配搭超夾ㅋㅋ芒果櫻花冰$45呢個芒果櫻花冰就好似食緊芒果小丸子本人咁～仲多左棉棉冰嘅層次，再加上小晶球的脆咬感✨.⌫ 金滿堂甜品 (九龍灣)九龍灣牛頭角道77號淘大商場二期地下G201-201A號舖..#九龍灣咔嚓#甜品咔嚓

佢鋪面比較細 所以好多人排隊 可能叫外賣會好啲 但係份量就好似少咗Anyway 椰子榴槤凍好得！芒果都超香係個紫薯冇咩味同埋佢淨係接受現金同八達通#cass_九龍灣#cass_kowloonbay#cass_dessert

九龍灣金滿堂真係由細食到大，咁多年都keep到水準，真材實料，每一款甜品都唔會伏，價格都唔會太貴，夜晚都好多人去食要係九龍灣食港式甜品，一定會揀佢！🥥桃園燕 $58 熱 (9/10)椰子裏面有燉蛋白，清心丸，芋圓，桃膠，雪燕，椰汁，配料好豐富！熱辣辣，雖然餡料每樣得幾粒，唔算話好多，清心丸比較爽口似硬身嘅啫喱，芋圓好煙韌有芋頭味，雪燕同桃膠都好淋好碎，蛋白超香滑，有蛋味加埋椰汁真係冇得輸，好好食🤤食完仲可以食埋入面嘅椰肉，好淋好有椰子味！推薦指數: 9/10雖然價錢唔係特別平但勝在真材實料，味道好好食，間唔中食一個都好幸福！

天氣咁凍，除左打邊爐之外，最岩就係食下啲糖水滋潤下🍯所以今日食完晏都忍唔住想食番碗糖水暖一暖個胃同滿足下心靈☺️。🐒紫霞仙子💰$55入面係燉蛋白底，連埋個椰殼去燉，所以係偏少糖水飲，反而就係多野食啲，除左有蛋白另外都有芋圓，份量正常。🐒薑桃小芋💰$40呢碗就有椰皇咁熱，特別係依家天氣凍所以凍得仲快，所以真係要趁熱食🤣一食落去椰味偏重，慢慢先食到有薑汁味，配料方面有桃膠、芋圓同蛋白，三樣野加埋都係match既。🐒芋頭紫薯芝士糯米糍💰$23(凡惠顧兩客甜品即可以優惠價$18加配一客小食)應該嗌芒果/麥提莎穩陣啲😂因為佢呢個芝士同芋頭紫薯味唔太夾，芋頭同紫薯個味都唔係好出，另外糯米糍個皮都偏硬

金滿堂既甜品店出名就係人都知，好多年前係九龍城已經食緊，但愈開愈多甜品店，就好小再食金滿堂了，今日行過九龍灣，知佢係附近有間分店，一於過黎食下。冇晚巿堂食唯有下午茶時間左右黎食個甜品，一入到鋪頭就已經有好濃濃既椰香味，所以已經決定左要食佢既椰皇系列。揀左個紫霞仙子，有芋圓，雪燕，燉蛋白再加椰汁底。想講講佢個價錢其實都係偏貴，一黎到見到個椰皇得3/4 滿，再加上燉蛋白佔左成一半，我係想飲糖水，個就得好小水😂所以都覺得中伏了，芋圓份量都正常都有6-7粒，椰皇既椰肉都好味，但實在係燉蛋白份量過多，飲兩啖汁都見底咁。另外再叫多個香芋芝芝，其實香芋紫薯芝士糯米糍，香芋同紫薯同芝士完全唔夾，冇下次。總括黎講，唔值咁既價錢。

金滿堂呢間甜品鋪我真係由20幾歲食到而家20對有多,以前只得九龍城總店,食到而家有3間店都keep到水準,算係咁啦我多數堂食,不過呢排疫情又想食就睇下D同事叫唔外賣返公司一齊食啦,佢自己鋪做450蚊就送外賣,一碗都成40蚊啦,要儲夠數都唔難嘅平時我最愛食榴槤飄香,不過係公司就唔食得榴槤,同埋天氣涼涼地老人家都係食返D熱嘢好啦今日叫咗碗雪中送炭,都keep到水準,有清心丸,燉奶同埋湯丸,不過外賣就份量小咗D,但都係好食嘅,不過我會選擇返堂食,唔理佢態度好唔好啦,最緊要食到自己想食嘅甜品

下一站杏福（$58）芋圓、雪燕、伴蛋白燉奶、杏汁底賣相：🐧🐧🐧味道：🐧🐧🐧🐧整個甜品用200 ml 膠碗盛放，份量不算多。燉奶有點散碎，佔三分一碗，雪燕、芋圓比例普通。味道方面，芋圓尚算煙韌，但粉味略嫌過重，甜味淡薄。燉奶口感嫩滑，頗重奶味，不錯。杏汁杏仁味濃郁，不會過甜，伴雪燕一起吃效果頗佳。外賣等候時間：🐧在平日晚上8點下單，需時約50分鐘左右，比預計時間多花20分鐘。🐧❤️結語：不妨一試。

女人真係幾時都食得落甜品，岩岩食完飯，行過隔離街又黎到金滿堂食甜品😆鋪頭比較細，好彩等左唔夠5分鐘就入得😃一入去大大個招牌仲寫住低糖少甜專門店，成件事又變得健康左😍1️⃣北極熊 $48呢個係豆腐櫻花冰，個北極熊樣超可愛呀，一定要溶之前幫佢影返幾張沙龍先得📸 每一啖都有好濃郁嘅豆腐味，兩隻眼係原粒麥提沙😆仲有一球雲呢拿雪糕配煉奶真係好好味👍🏻👍🏻👍🏻 佢仲有一款泰迪小熊係朱古力櫻花冰黎嫁🐻2️⃣櫻花樹下 $38紫薯芋泥加龍眼椰汁沙冰疊到好似櫻花樹咁，味道好清甜，裏面有好多椰果同水晶珠添嫁😋3️⃣三生有幸 (熱) $38食完凍野黎個熱既糖水😂 呢個燉蛋白杏仁露又滑又香呀😍 仲有桃膠同清心丸食完暖笠笠夠哂滋潤😎食完我仲買左佢支椰青水飲，外賣價$8，一路食就一路見到好多人幾支幾支咁買，原來真係新鮮椰青倒出黎，唔係溝糖水出黎好清甜嫁👍🏻

我買外賣張單百幾蚊，想要商場個儲分，用八達通畀錢儲分。佢寫張手寫單畀我，我問佢有冇另一張單可以顯示我用八達通畀錢，佢話好。隔左一陣，另一個職員岀黎畀張電子單我，好寸咁話：我地外賣唔岀電子單。我心諗，而家咩岀左囉，咁即係咩意思？我就問佢，下咁而家可以點？個職員答我：我地外賣唔岀電子單。你下次唔好再要求要電子飛。真係唔好意思，我打擾到貴舖。好對唔住i m so sorry唔岀電子飛，但我手上又得到。即係不為而非不能我想問要電子單係咩好過分？

呢間野好似由我中學到依家出咗嚟做野都仲繼續經營緊，而且仲有分店喺火龍城同黃大仙添～每次去到都要排隊，今次同同齡朋友一齊養生，叫咗碗熱辣辣嘅「三生有杏」滋潤吓先！✍🏻 / 三生有杏（熱）💵價錢：HK$38🔘美味指數：❤️❤️❤️❤️❤️價錢咁平一定係勁清又稀嘅糖水？咁你就錯喇！呢碗野有成4種主要食材，包括桃膠、清心丸、燉蛋白同杏仁露，而且真係食到曬㗎～仲要一啖又一啖，好足料❗️順便上網睇咗呢碗野嘅食材有咩養生功能，同大家分享吓啦🥰✨✅桃膠：由桃樹皮自然分泌出嚟嘅固體天然樹脂，生津止渴又滋陰。✅燉蛋白：含豐富蛋白質，仲可以消水腫。✅杏仁露：同樣含豐富蛋白質，潤肺止咳，仲可以預防心腦血管疾病。

中學時代個陣已經不定時會過黎幫襯既平價甜水鋪，上個月同朋友聚餐時又過黎懷念下。因為系人地既晚飯時間黎食甜品，所以鋪頭完全無人可以直入唔洗等位～Menu同以前比都無咩大分別，最鐘意都系芒果類既糖水。

差唔多一年冇幫襯，甜品質素還OK，最估唔到嘅係職員全部換過晒，啲態度真係好差，特別係門口派飛職員，佢一定要你揀哂野食，先安排坐位俾你，我4位，問佢我只揀咗一個嘢食先，入到去再order得唔得，女職員話：「你要揀，一定可以俾你入去揀，但你冇理由依家只係揀一個」 （點啊，唔係講咗入去先再揀其他）我再同佢講：「你冇minimum charge, 係咪揀一個都會安排坐位俾我？」女職員（黑面加晦氣）話：「得！就攞走咗張order 紙」講真，響出邊燈光又暗，只係得門口嗰塊有圖嘅價錢牌，又冇Menu俾人睇，想入舖頭光啲再揀。等咗一陣，我屋企人都已經響門口揀定嘢食，眼見佢不停叫我後邊嘅Number入坐（同樣係四人位），我問個女職員，點解唔係我哋入先？女職員話：「你都未order 哂4樣野，點俾你入去」🔥都黎，首先，你冇同我講一定要嗌晒四樣嘢先入得去，就收咗我張order紙，唔得你咪同我講囉！說話態度又差，另外一個女職員就話：「而家俾你入囉！」屋企人都話幫襯埋今次以後唔好黎喇！員工咁趕客，啲糖水幾好食都係假啦，價錢又唔係平！坐入去睇Menu，阻你幾多時間，食糖水，食完就走😡

特登想食番呢間糖水 當初見住佢開鋪到宜家 人流愈黎愈多 明白人手未必應付得黎 但我唔覺得我身為客人 落單時有唔該前唔該後 唔明白點解要受呢個員工氣！雖然只係叫外賣 我都係行埋一邊落單 唔阻你入客員工：要啲咩我：我想叫外賣架員工：咁你唸好先我：唔該我想要xx，同埋想加xx員工：加xx要用番正價（用隻手指 指向圖 因為兩個以上先可以優惠價）我：咁唔洗加喇 唔該哂員工：48 （價錢，無尾音 無聲調）係完全聽聲都feel到果股殺氣真心 我真係忍唔到 完全理解唔到基本禮貌都無？ 然後另一位同事幫手寫單 當場忍唔住 問點解啲態度可以咁？ 然後佢答我：多謝哂？完全明白天氣熱 企出面係會熱但自己情緒 或者發生其他事 但唔應該帶到上工作真心 幾好食 食到成肚氣 真係接受唔到 店鋪老闆應該要好好管理員工情緒謝謝

九龍灣唔係好多地方有甜品食，不過淘大就有兩間糖水舖！兩間我哋都會成日幫襯，今日就去金滿堂❤️❤️❤️佢嘅產品都好有特色，好多都係自己配搭~ 我自己個人比較鍾意食中式糖水，不過有時又覺得好悶😂哩間糖水舖就有中台Crossover😎😎😎我喺椰汁，紫芋，同埋紫薯中間掙扎咗好耐😂 最後「下一站幸福」跑出！佢嘅組合係芋圓，雪燕，杏仁露加埋燉蛋白❤️❤️❤️📍下一站幸福我本身好鍾意食杏仁露😋燉蛋白好滑，加埋雪燕好似好滋潤咁👍🏻係芋圓就唔太好食勝在唔算好甜，比較健康😌

九龍灣金滿堂真係由細食到大，咁多年都keep到水準，每一款甜品都唔會伏，價格都唔會太貴，夜晚好多時都要排隊㗎！要係九龍灣食港式甜品，一定會揀佢！🍧芒果櫻花冰 $45有芒果雪糕，小丸子，水晶珠，椰果，煉奶，個冰係棉花冰，芒果味好濃，甜甜酸酸，好開胃，質感細滑，雪糕都係正常芒果香香甜甜雪糕，個個配料真係好多好豐富，小丸子好煙韌，水晶珠一咬就爆，好多粒小爆珠爆開，好有口感，椰果就有口感，份量好足，整體感覺好清新甜甜酸酸，好啱夏天食！🍧宇治金時 $45有綠茶雪糕，紅豆，小丸子，水晶珠，椰果，煉奶，對比起芒果，我更鍾意呢個🤤 個冰好濃绿茶味，一啲都唔甜，仲帶有少少茶香，食完唔會膩，綠茶加上紅豆冇得輸，perfect match，口味同芒果冰一樣咁豐富，鍾意茶香又怕膩嘅朋友啱曬！推薦指數: 9/10暫時係我食過最好食嘅港式甜品！