金潮小廚

营业中

休息中

葵芳呢間小店，每次行過都見到有條長龍等位，今次夜晚8點多去到附近，見到難得有位，所以即刻入去試下😍😍由於防疫關係，鋪頭放左好多透明膠板，而且位置尚算闊落，一班朋友聚會最岩我地總共嗌左四個菜一個飯第一個係冰梅骨，梅子鮮甜而帶酸，好開胃，肉炸得恰到好處，仲好juicy，難怪咁多人推介因為懶得剝殼，所以嗌左個招牌黃金蝦球，蝦球幾大隻又彈牙，配埋濃香既咸蛋，絕配一口牛同上湯浸菜心，有水準，份量亦好足荷葉飯，由2層荷葉包住，一打開d香味就湧上黎❤️飯蒸得粒粒分明，一點都不會太濕，必點之選👍🏼由於太多人排隊既關係，鋪頭限食個半小時，而我地食到9點半出面依然有人等位，所以食得有d急，而且就算訂左枱，其實都要等位，所以要食真係要早d黎。味道上，大部份都係大排檔風味，所以非常香口，但食多幾啖會開始覺得太濃味會口渴。而價錢上亦比同區既進取，但依然大排長龍，可見真係有過人之處，整體黎講係值得一去既👍🏼

今日經過葵芳，諗起好耐冇食金潮，於是同屋企人過去排隊，排咗30分鐘左右竟然有位，好開心有得食！我哋叫咗粉絲蒸扇貝、豉油王墨魚咀、小炒王，全部都好好味😋 尤其係粉絲蒸扇貝，扇貝真係好大隻，充滿鮮味👍🏻👍🏻墨魚咀真係好彈牙，十分之惹味👍🏻小炒王就不過不失，鹹咗少少，配白飯就一流😁真係好多人，排隊都要啲時間，但係呢個價錢食到美味嘅小炒，都係值得的

商場有幾間食肆，見這間人流最多，決定一試，基本上沒有服務可言，地方亦較狹窄，枱與枱之間緊夠一個人通過，不過街坊小店這也是一種特色。本來想食酸菜魚，但鄰店的酸茶魚沒有午市套餐，所以選了這間。周日中午都有提供特價午餐，全都是$48以下包餐飲，叫了一個酸菜魚柳飯，一個豉椒牛肉炒河。個酸菜魚柳賣相一般，飯的份量是一個湯碗，一見就覺得吃不完，但試了一口湯味道很合符我口味，兩人吃著居然清盤了至於豉椒牛肉炒河相當夠鑊氣，好怕河粉炒得好油，這間完全沒有這個問題，相比酸菜魚我覺得河粉更濃味，於是不經不覺又吃光了。很地道的一間小店，現在也愈來愈少了，期望再來吃一次晚飯。

金潮係葵芳街坊眼中都係hidden gem, 今日就同同事再訪兼聚舊豉油王墨魚嘴必點無誤！！墨魚爽滑彈牙，加埋洋蔥炒惹味甘香，食完一粒又一粒金沙南瓜薄身嘅炸粉包住南瓜，再以鹹蛋黃覆蓋，正魚香茄子熱辣辣煲仔小菜，上枱時仲滾緊，送飯一流

十幾年前已幫襯舊店，自從搬去恆景商場就少了光顧，因每次都要排隊等位，很不方便。今次舊地重遊，沒有白灼魚皮亦沒有䓤花豬潤，真有點失望，不過幸好其他菜式味道依然正斗，總算不枉此行。先來一碟賽磅蟹，份量十足，送飯－流👍🏻再來兩碟炸物- 沙拉大明蝦及酥香糖脆骨，炸得鬆脆內嫩，味道入味，出街用膳必點之物。再來羗蔥煀蠔，隻隻桶蠔都堅大隻，好似手掌咁大😋蒸白蟮又是必叫，每次出外吃飯必選，肉嫩又夠晒惹味。竹笙雜菜煱健康得來又美味，大魚大肉必選菜式，色香味俱全，唔錯，唔錯😋👍🏻以上六碟都要成仟元埋單，金潮晚飯價格絕不便宜，幸好其份量及味道搭夠，能在葵芳村屹立咁長時間，總有其過人之處💪🏻

平時去開好爵中心間飯堂內部裝修緊🥲要再搵又平又好食嘅，霎時間都唔知去邊食…我老公係YouTube 睇到話呢間好想試，今日係附近做完嘢就走過黎睇..11點開門，岩岩好有位坐，又放到車仔👍🏻食物乾炒黑椒牛肉烏冬 - $48 包凍熱飲我老公話試新嘢一定要試炒功🤣呢個黑椒炒烏冬真係好正！佢好香黑椒味少少辣，好夠味炒啲烏冬又好食！不過係略嫌啲牛有啲干啲洋蔥爆過勁香！呢個價錢抵食到暈，份量都好飽❤️水煮魚柳飯 - $48唔係度度地方都有午餐食水煮魚柳，呢到簡直犯晒規！$48食水煮魚柳喎…一食就知唔係廉價魚！不過真係好嗱麻…磅飯湯碗咁大🤣不過都係嘅，佢呢到lunch都有好多職安真漢子，要食飽啲先有力做嘢！學生可以減2蚊凍檸茶凍奶茶其他其實呢到成日都經過，睇到佢咁多獎攞都覺得唔係平民食🤣🤣但原來佢lunch set 都係$50樓下，真係超高性價比

出咗一日街見都近葵芳，於是去咗呢個菜館食飯。門口都人山人海，好彩預先book 咗位置。聽女朋友講呢至小菜好好食，可惜兩個人唔可以點太多。就叫咗個墨魚咀、黃金蝦同埋通菜。Jesus, 上菜速度都好快下，啲餸一嚟到我已經9秒9放入口。墨魚咀比我預期仲好食😋份量多，兩個人其實食唔哂。黃金蝦就中上，都好味，但我食過其他仲好食啲。但係呢度嘅黃金蝦一樣咁惹味。通菜都好好食，唔會話好炒得太淋👍🏻👍🏻👍🏻Menu 上仲有好多野食，期待下次光臨

之前同女朋友屋企人食中秋飯，去到雖然多人，但係因為有事先訂枱，所以好快有位。我地叫左好多餸，有蒸鱔，雞煲，沙律蝦，酸菜魚，通菜煲，一口牛，水煮牛等等，每一樣都好唔錯。特別係蒸鱔，一口牛同沙律蝦，足料夠味，啲牛唔會煮到好老，真係有質有量👍🏼除左食物質素好好之外，服務都好好。見到我地唔夠位放餸，會主動遲啲先出菜，仲會同我地講啲餸點食會好味啲。今時今日有返咁上下質素既食店真係越黎越少，所以要繼續支持！！！

公司係附近，平日聚餐就一定會過黎食金潮！價錢實惠不但止！味道好食😋先最重要！份量又夠足！非常推薦😎招牌黃金蝦💰135絕對係金潮既黃牌，黎既人必定，每張台都可以見到一碟😍😍，好大隻蝦！鹹蛋黃包裹住大蝦！一咬落去，味蕾爆炸💥豉油皇墨魚咀💰105佢個墨魚咀係拋過油！脆脆既口感！撈埋佢個精緻，一啖一個都未夠喉😋😋份量好大！送酒一流！金沙南瓜💰115煎炸野真係一定要order啦！金沙南瓜🎃鹹蛋黃漿包裹住南瓜！軟糯既口感，沈迷了！水煮牛肉💰160辣嘢愛好者真係好難唔叫水煮牛肉！不過中肯啲講，始終唔係川菜館😆😆期望唔好咁高，味道就唔係好夠正宗！不過配菜真係好多😏魚湯竹笙靈菇浸時蔬💰115清清淡淡既菜湯😝😝因為叫左好多肉食重口味，要有翻啲青菜平衡下先得！啫啫通菜梗💰125送菜上黎既時候「cha cha」聲🤣🤣真係好正！一定要係咁樣既通菜煲味道先濃味！鮑粒荷香飯💰115不過不失，但係勝在份量夠足，荷葉味道都入到啲飯度

今晚同朋友聚會，一起去食晚餐。話想食中菜酒樓小炒等，就特登去搵中菜，行行下見到呢間大家都覺得唔錯就入去食。環境同衛生都一般般；普通中菜館設計，衛生唔算好好，但起碼無老鼠、昆蟲等污糟野。我地叫左3個菜，肥牛煲、支竹魚腩煲同干炒牛河。肥牛煲味道還好，肥牛就食慣，配埋湯底醬汁煲味道都唔錯，而且份量都算多，牛味十足。個支竹魚腩煲比較鹹，支竹好好食（個人特別鍾意），但係份量唔多；魚腩吸收左醬汁，味道就幾好但比較鹹。干炒牛河中規中矩冇特別出色既地方，而且好油膩。

只係打電話去訂枱，已經勁差態度！客：請問有冇得訂枱？金：咩呀！（女人勁惡）你講咩？訂枱？客：係呀！金：訂咩（仲惡過之前）咩呀（大叫咁）跟住⋯⋯⋯我已經唔想去！電話已經咁差，去到咪俾錢你賺仲要自己受氣😡唔明市道好啲，生意唔憂做態度就咁差⋯⋯以後⋯都唔會想去食！

YouTube睇到廚神Ricky推介，一於去葵芳試下，由於比較早去，所以唔使排隊，叫左幾個菜，廚神果然真係無介紹錯，好夠鑊氣，味道真係一流，份量都好足夠，老闆一家人好熱情，好有親切感，服務態度都幾好沙拉蝦球好好味，南乳豬手又係好香，除左小炒，原來酸菜魚都整的好好味喔，湯底係好多魚熬出來既魚湯，魚肉唔係淡水魚，而係用深海斑腩，好滑好好味一斑兩味，好抵食，水煮牛肉又係好好味，花椒味好香，食到好飽好滿足，聽講金沙南瓜同荷葉飯都好好味😋下次要再約幾個朋友又去試下

26.07.2022 星期二金潮小廚今晚約了朋友慶祝生日，他喜歡吃中菜，而且推介在葵芳很出名的金潮小廚，相當受歡迎，總是大排出龍，尤其在週末週日晚飯時段，據說往往要等候多時。這間餐廳開業已有十多年，一說起很多朋友也幫襯過，餐廳位於恆景商場，由葵芳地鐵站步行過去也不算遠。餐廳坐位有屏風或夾板相隔，一坐下職員遞上熱水清洗餐具，餐牌選擇頗多，據說有很出多款菜式很出名，朋友也介紹了胡椒蜆湯、黃金蝦、豉油皇墨魚咀等，如果人多可以一次試多款佳餚。朋友說要減肥，所以我們選擇了魚湯竹笙靈菇浸西蘭花和酸菜魚片，一上枱兩款都很大碟，賣相相當吸引。魚湯竹笙靈菇浸西蘭花，可選擇其他菜，相當甜美，是健康美食之選。因自己不擅長吃辣，酸菜煮魚片叫了少辣，魚片很滑很甜，辣的情度還可接受，魚湯怕太辣不敢喝。這間中式餐廳效率很高，一落單五分鐘菜餚已陸續上枱，雖然職員一直很忙，但請幫忙拍照，仍然笑意盈盈；最厲害之處朋友不小心跌下筷子，眨眼間老闆自動遞上熱水清洗了的筷子，服務周到之處實在令人驚訝；很快已經吃完，還有時間跟朋友閑聊片刻。之後職員遞上賬單賬，後來才發現剛剛好一小時三十分鐘。如果想慢慢坐足一夜，這裡就不太適合，但跟

同朋友行完葵廣同新都會影完相，之後朋友推介左一間喺附近平時有食開而且唔錯嘅嘅餐廳，我地大約6:45左右到左餐廳攞位，一去到門口已經見到有一大班人等緊位，相信都要等一段時間，大慨等到7:30左右就有位啦！我地3個女仔叫左4餸1飯，每個餸都足料又惹味，食得好滿足😌胡椒蜆煲-蜆嘅份量算多，湯好濃胡椒味👍🏻一口牛-牛夠嫩滑而且惹味👍🏻蒜蓉生菜咕嚕骨-份量多又夠惹味

每個星期都會有一日嚟呢度食飯，因為真係好食。份量大，價錢公道，味道一流。水準保持的好好。我喜歡食咸蛋醬整嘅餸，所以每次都會叫黃金乜乜，今次叫左個黃金南瓜，好香嘅咸蛋味，南瓜本身就甜甜哋，加埋咸蛋醬，配搭埋脆到爆嘅炸漿，無得頂呀！下次要繼續食黃金乜乜系列。個太子炒飯都好好食，兩個人食唔晒，咸味適中。夾埋個黃金南瓜，正。仲有個拔絲黑豚肉，糖漿脆得嚟啲黑豚肉又好淋，食完一舊又一舊，停唔到。啲糖絲一拉就出嚟。有得食又有得玩。兩個人食三個餸真係好飽。但真係好好食咖