金瀧冰室

营业中

休息中

金瀧冰室嘅燒乳鴿同薯條組合，真係一個新奇嘅配搭！喺出面都未見過呢種組合！燒乳鴿嘅外皮酥脆金黃，肉質嫩滑多汁，好好食！而薯條嘅酥脆口感同乳鴿一齊食，真係好開胃！店員仲好好咁樣為我哋準備埋手套，講真食乳鴿梗係徒手食最好味！然後仲可以食埋薯條，加埋杯凍齋啡，完全冇諗過咁樣嘅下午茶係會令我咁開心！呢種組合真係令我驚喜，完全冇試過嘅組合，味道同口感都非常之好。金瀧冰室嘅燒乳鴿同薯條，絕對係一個值得嚟試嘅新食物組合！

今日同男朋友入西貢做義工，搵緊餐廳食早餐時突然落雨，經過呢間小店門口老闆娘親切地話入面有位，所以我地就入左去點完餐諗住借個廁所，我有點潔癖，入去前我都有心理準備需要戰戰兢兢，佢個廁所其實幾寬敞亦唔算污糟，只係馬桶內有紙巾同糞便無沖廁，所以我無去到，淨係洗下手就出返黎我叫左菠蘿油拼西煎雙蛋（$34），男朋友食煎牛扒、西煎雙蛋拼牛油方包（$42）5分鐘左右，齋啡奶茶先到，咖啡應該係雀巢即沖咖啡粉，奶茶嘅茶底好淡薄，比較似有茶味嘅淡奶菠蘿包應該係隔夜麵包攞去蒸 / 叮，個飽係好夠熱，但係成個飽濕而油，睇相都應該睇得出個菠蘿皮完全唔脆，牛油再滲透菠蘿包嘅一半，由於已經夠油潤，所以我最後攞走大部分牛油，有被牛油滲透嘅部分還好，飽底無被牛油滲透嘅地方好乾，好彩分左半個飽俾男朋友，換左半塊方包黎平衡一下心理🙊我以為西煎雙蛋會有燶邊，原來無，呢個應該係我對西煎雙蛋嘅誤會，同埋兩隻蛋非常油，不過蛋黃有流心，都開心返☺️男朋友嗰個餐都好精彩，塊牛扒煎到變左黑色🤭 但佢嘅牛油方包好過我個菠蘿油好多，薄方包搽牛油煎，趁熱食應該脆脆地，成個早餐最優秀係佢👍🏻建議：菠蘿包隔夜唔緊要，起碼買部焗爐翻熱，煎野嘅火候可以

前排為食貓好想食西多士，但食完晏，叫下午茶又太飽但點知原來呢間冰室晏就有得單叫西多士，而且價錢亦都唔貴，實在太好啦西多士 （3/4）$24 外賣自取有discount唔知係咪叫外賣既關係，個西多偏林，出面唔夠脆身，另外，為食貓覺得佢入面d花生醬好少食得到喉唔到肺😂既然叫得咁邪惡既西多，當然應該要邪惡到底不過冰室既野食價錢都幾大眾化，比起西貢其他茶室都算平，而平日同假日冰室都算幾多人幫襯。下次為食貓有機會都會試吓佢其他餐

難得可以同小朋友一齊去街，可以放監放電😂揸車去遠啲先.....去咗西貢👍放電之前要醫下肚仔，放監之外，食嘢方便都可以食啲平時好小比小朋友食嘅煎炸野，滿足下佢哋之餘，我自己都可以放肆一下😂😜叫咗好邪惡嘅雞髀🍗薯條🍟，加咗杯紅豆冰🍹即叫即整，熱辣辣、脆卜卜，兩個小朋友及我呢個大朋友都十分滿足，十分滿意😍😋，再配埋凍冰冰紅豆冰，perfect 👍唔知幾耐先再可以食啲咁邪惡嘅食物呢😂🤣

⭐非一般的下午茶⭐入西貢本身已經好悠閒，tea time時間搵食喺食街條巷最頭果間冰室，細細地咁睇完糖妹個節目介紹嚟呢度試下下午茶餐牌冇既野，但望下牆就搵到正野$45 燒乳鴿 併 薯條/沙律仲真係有半隻乳鴿，炸到勁香口D皮非常脆，而且唔細隻另外加杯紅豆冰雖然加$12，不過勁大杯真係慢慢嘆tea

講真嘅搬咗入嚟住，如果再叫銅鑼灣食神唔係咁好，我改個個名叫做銅鑼灣食神（西貢）先，都係唔好講咁多廢話。講返今日呢單野先，講真㗎呢條內街好多好出名嘅鋪頭出名我唔講啦，但我喜歡食人情味，我覺得呢間個老闆娘，有心做，又親切，講真嘅食品水平未必係最好..當然乜嘢價錢食乜嘢飯咁多年人大家要量下㗎⋯⋯食咩飯都費事講啊好似係洋蔥牛扒飯，總之嗰啲老闆好侍應好我就會寫佢正平，除非嗰啲餐好難食。呢間中規中矩啦，價錢唔係貴，周圍爆曬呢一間係好選擇。

話說睇Blog見到西貢有間餐室下午茶 好Special有乳鴿薯條下午茶餐成件事好懷舊好快我地就到左 目的地入到去 可能Tea time同閒日唔算好多人 就重要係夠涼快咁我地就叫左 一份乳鴿薯條 同一個雪糕菠蘿包(朱古力味) 俾小朋友乳鴿需時 等左15-20mins但一出就好吸引同埋熱辣辣佢地真係炸到紅噹噹 雖然係得半隻再配埋 波浪薯條 真係天造地設食落去 乳鴿 皮薄 但好脆口而且肉質都唔會好乾 以$42 呢個價位真係算係咁 而且依家很少見到有乳鴿做Tea炸薯條 依舊夠味道 同埋口感好綿密 雪糕菠蘿包 D皮 俾小朋友整到碎晒因為太脆 而且有dd溶 小朋友話好似朱古力醬仲食到成隻污糟貓今次整體都唔錯 仲有好多特式香港味道

西貢實在係一個充滿隱世美食嘅地方。難得放假，特登入咗西貢享受一下慢活嘅時光。行逛完海旁邊嘅週末市集後，想坐低歇下嘆個下午茶。之前睇電視美食節目見到有間舊式茶餐廳出名食菠蘿油，好似好吸引咁，一於去試吓。間冰室就係喺車仔麵同泰國嘢嘅同一條巷仔度。係間小店黎，座位唔多。招牌菠蘿包：呢個一定要試!!! 從來無試過菠蘿油入夾住蕃茄同流心蛋一齊，估唔到係咁match 架!!西多士配香蕉餡：好新穎既配搭，可以揀落糖漿或者煉奶，很不錯呢!!😋😋

上次朋友帶我去食過呢間茶餐廳覺得好好味,今次適逢假期就諗起呢度所以就帶我屋企人去試下囉😉其實我樣樣都想試於是就叫左招牌乳鴨、西多士、脆脆豬扒包、炸薯條、沙嗲公仔麵、奶茶、菠蘿豬扒包等....全部清哂😋招牌乳鴨好多汁好香, 西多士食落口啲蛋香又濃又香,脆豬扒包嘅脆包很脆連豬扒肉汁多一齊食超好味👍有啲係上次食過的水準也保持到👌本來想試下嗰個雪糕菠蘿包但真係食唔落喇😆屋企人都好滿意話下次再嚟試埋其他野喎😅

金瀧是位於西貢市中心小巴總站附近的食街內，由一對年輕夫婦經營，作為西貢街坊的我，常常光顧這家店。除了方便之外，這家店的餸菜是有著家常菜的味道，一邊吃飯一邊看著街坊鄰居們聊天，久違的人情味濃厚，是其他地方沒有的。而且他們的早餐是用金寶雞湯做湯底，真是落足本錢，用心經營。馳名的超牌兩餸飯性價比高，我自己最喜愛吃梅菜炆豬肉，是廚房姐姐的巧手料理。有空來西貢的你或是住在西貢的他都值得試試他們的巧手小菜及下午茶餐。

嗰日同幾個由澳洲黎香港玩既 auntie uncle 去西貢食海鮮。食完喺附近行下下佢地就話想飲返杯正中既港式奶茶。雖然已經食到好飽，不過既然叫到，我地就喺小巴站附搵到間茶餐廳。其實只係食完正餐半個鍾左右，諗住飲杯奶茶就走。點知...五個人叫咗四個下午茶餐😅😅兩個雪糕菠蘿包，一個西多士同一個豬扒包。食物方面都幾好。個豬扒包最正 (must try!!)。雪糕菠蘿包配菠蘿芒果雪糕都幾特別。不過一定要提既係杯茶走。好滑，好夠茶味同奶味 (must order as well!!!)。結果所有嘢都清晒。諗住走既時見到牆上有張 leaflet...炸乳鴿... 結果...「唔該3隻炸乳鴿，1隻豉油乳鴿外賣吖」。完。

上星期六我同老公、亞仔要入西貢探朋友，因為起身未食嘢所以入西貢碼頭附近搵間餐廳醫左肚先！我哋坐低叫咗三樣嘢；雞髀薯條、豬扒公仔麵、豬扒脆豬包、熱奶茶等。首先講個雞脾佢一嚟到顏色係深啡色我以為佢炸燶咗，一問之下原來係調味料嘅顏色嚟嘅食落去外皮好脆好香好好味👍🏼🍗明明話叫三樣嘢一齊share食點知我老公將碗豬扒公仔麵食晒咁滯剩返一小撮俾我😒但係食到最後我連湯都飲埋啲湯好味飲咗唔口渴喎😋到個豬扒脆豬包面層個包好脆裏面個包索左啲汁連埋豬扒都好入味超正👍🏼👍🏼平時我都唔飲奶茶嘅但係呢度嘅奶茶好香好滑好好味☕️問返鋪頭夥計佢話呢度嘅奶茶好出名每日都賣好多杯㗎！真係估唔到喺西貢都搵到呢間咁好味嘅茶餐廳，我哋三個食得好開心好滿足啊

一班人行完山諗住食返餐好嘅，見到呢間都多人食諗住冇死啦，點知中伏！我哋5個人叫咗唔同嘅食物諗住一齊分享，點知冇樣掂，餐牌寫住㕌切菠蘿油、上枱塊牛油仲薄過普通茶餐廳，完全誤導！雞比薯條隻雞脾又細隻味道又差，咖喱牛腩飯啲牛腩好似石頭咁硬， 個汁又唔似咖喱汁，又淡又唔辣，連最簡單嘅檸檬茶都苦既，唯一係杯奶茶可以過得去、只可以一次性幫襯！服務員態度一般，我哋五個人只係比一隻碗仔，太苦澀叫佢換過杯凍檸水，又當聽唔到.. 真係勁失望！