金灣漁港火鍋

营业中

休息中

👉好耐冇喺灣仔飲茶，梗係上OpenRice睇吓有乜好介紹啦😁.👆碌碌吓發現呢度好似都ok喎 ～ 只普通飲茶食點心，試吓先～🌈嚟到發現門口都幾難揾，喺酒吧旁邊、商業大廈內行一層樓梯就到！👉呢度地方唔大，樓底偏矮枱貼枱，坐得都幾迫！.🤙叫咗一堆飲茶都會叫嘅點心，全部都幾好味，上枱熱辣辣。。。🤤➡️重點係價錢超超超值，仲平過便利店叮叮點心😳📌鳯爪排骨飯 $16📌咸魚肉餅飯 $16 ～ 味道正常，飽肚之選👍📌乾蒸牛肉 $9.8 ～ 出面已經唔多地方有得食嘅《乾蒸牛肉》新鮮蒸起，一啲都唔乾，肉質軟綿，點埋喼汁好好味😋📌薑汁雞包仔 $9.8 ～ 一籠3⃣️大個雞包仔，餡料新鮮，肉汁豐富，薑汁味濃，必食推介🥳📌什菜炸春卷 📌鮮蝦炸雲吞 📌香煎韮菜餃 📌咸水角 ～ 每款 $9.8👉炸物香脆可口，每款只係$9.8～唔係唔叫呀～📌皮蛋瘦肉粥 $16 ～ 味道、濃稠渡ok嘅，不過唔夠熱，只係暖😐✅茶錢 $6/人，仲平過屋邨酒樓✅星期六早午市，叫到成枱都係點心，人均$54✅味道唔錯，平過食茶記❌坐位迫，坐得唔係咁舒服❌員工嚴重不足，要自助冲茶、收拾⋯❌既然員工不足，快啲實行自助點餐

今天星期日，訓醒都中午12點，刷牙洗面裝身都差不多1點，今天沒有約會，為有到我最喜愛金灣午茶，上車才發覺今天是渣打馬拉松比賽，交通大塞車及改道，去到金灣巳經2點剛剛下午茶開始，我們兩個人點了，薑汁雞包仔/炸春卷/韮菜煎鍋貼/潮洲粉果/韮菜豬紅/千層蛋糕/咸水角合共7個，我最喜愛呢度啲煎炸點，好香脆，好好味!我每次都必點。呢度下午茶超低食，兩個人7個點心連茶錢及加1收費，都不用90元，坐位都舒服，服務態度都好！我差唔多個個星期都來一至兩次。吃完我們再搭車上山行山睇日落嗱，拜拜！

Lunch同事話好想飲茶，所以就book定位。雖然間酒樓環境一般，但食過幾次都ok所以要飲茶一定黎呢間。點心就唔逐樣介紹，揀幾樣黎講😚。🔅粟米花枝餅上次黎食好似唔係咁既樣，呢次煎得好香，個邊又好脆，夠晒香口，都好貼心剪開左一半方便分黎食👍🏻。🔅流沙奶皇包呢個應該係自家製，啲奶皇包到就穿咁😂，不過食落都ok，個皮可以薄啲。雖然流沙餡未到流出黎，不過都收貨啦🖖🏻。🔅鮮蝦腐皮卷好香好脆，都啖啖蝦，好足料，係油左少少。🔅XO醬煎腸粉 ($38)呢個次次黎都會叫，因為大大兜，性價比高😎。XO醬煎得好香，唔會好辣，加左蔥同芝麻好perfect！💬4個人大概每人$75，灣仔區飲茶都算係咁，食物基本上都無伏。

聽同事講，哩間下午茶勁平，試下佢先有幾款$7.8，味道唔錯喎，出品可以。推介牛肉球：大大粒，唔粉茄子：炸完蒸，good係個咸水角好差，凍冰冰，硬既哩間餐廳，可以再戰

早前因為疫情關係金灣暫停做晚市，到6月1日終於做番，真係等到頸都長。今晚我地一行四人去打邊爐，一如以往先黎每人一支大啤濕濕口，有去過金灣既朋友都知佢地既賣點就係特平啤酒，平到好似唔駛錢咁。唔知係咪幾個月無去關係，我地不自覺地叫左好多野，湯底就叫左個清雞湯底加半隻雞(抵食之選，性價比超高), 野食就叫左牛頸脊(牛味超濃)，炸魚皮(超脆，食得出係岩岩炸起)，脆鯇片(又係超脆)，幾款丸、餃同埋菜。最後每人飲左3支大啤，食到勁飽，真心抵食。價錢唔洗講，一個字：超級平。

所有員工的服務態度不敢恭維及不知所謂！！！食物質素只可以用劣質食物來形容，環境不衛生！價錢係非常平........除了夜市啤酒價格平之外沒有可以去的理由⋯⋯....

一大班人食飯，之前金灣已經食過幾次，今次再book黎食。一到步，拎位果陣，話依家冇位啦，下次一係早啲啦，我地成班人唯有轉場！如果可以早啲既話，我地就唔洗book枱啦師兄！😡

其實在我諗我班朋友在金灣都食咗有10年以上，啲經理服務員都認得我地。呢到講真果句，食物水準一般般，偶有佳作。價錢合理，通常一班人去夾二百零三百就一定夠。你地睇埋呢啤酒價錢就知道我個標題冇錯，平都咁，多邊到搵？如果飲得，呢到真係可以放開懷抱飲。其實除了火鍋，還有小菜的，但我地好像未試過，最多叫下啲炸野，送酒。講到炸野，呢到真係唔差，即叫即炸。上到枱仲熱辣辣，連叫份炸魚皮都係熱的，要放一放先好食因為好多瘋狂的酒客，一般正常冰桶已經滿足唔到佢地，金灣買了一批大水桶，一次過2，3打細支裝都濕濕碎。唔使啲服務員跑餐死。今次我地9個人，2個唔飲，都叫了6打半細支青島，平均1人11支左右啦。野食方面，今次叫了個特價雞湯底，同麻辣湯底。清雞湯底28蚊仲連半隻雞添。個麻辣湯就唔夠麻辣，下次要自己加啲花椒落去試下先。火煱食品來來去去都係果啲架啦，唔多講。不過今次個牛頸脊（$128）就真係靚。食到最後，有朋友生日當然準備個蛋糕啦，叫服務員清了場再切蛋糕。理單計理蛋糕才$2000人多去就記得要提訂位

這裡十幾年前來過一次，沒想到相隔十幾年後，今天才第二次光顧。印象中，這間酒樓是很傳統，也很抵食。朋友早到，安排窗口位就坐。傾偈嘆茶自成一各。正。茗茶每位6元。非常超值。♡ 蠔汁叉燒包 ♡ $15.8♡ 蜆蚧鯪魚球 ♡ $25.8♡ 潮式蒸粉果 ♡ $15.8♡ 奶皇千層糕 ♡ $25.8♡ 金灣燒賣王 ♡ $25.8♡ 靚韮菜豬紅 ♡ $28♡ ○ 款款點心都足料美味 ○ ♡特別推介 ♡♡南乳脆雞翼♡♡ $40 新鮮即炸夠哂甘香可口。本應叫了一盅鳳爪排骨飯，但原來漏了落單，我們索性取消。點心算是大件，大家都夠飽了！這間酒樓在內街，位置較為隱蔽，幫襯的多是附近返工客，但聽聞一定要熟客，才會接受四位訂座。總體評價 : 價錢大眾化 食物有水準。

很久無到金灣飲茶，見到未夠十二點，未到午飯時間，宜家去到唔駛等會有位。果然入到去就有枱。豉油王炒麵再加二個點心，蝦餃及腐皮卷。炒麵好好味，不過略為油多左點。點心保持水準。這間酒樓的食物質素比一般集團式酒樓好好多啊！

由於中環的租金越來越租，令商業中心區不斷向外擴展，並已經伸延至灣仔一帶。現在的灣仔已經是一個商住融合的區域，不少位於民生區內或在橫街窄巷的食肆，都成為打工仔中午醫肚的好去處。位於謝斐道的金灣漁港，正是位於二線街道的茶樓，而且要行一層樓梯才到，外在條件算是有點不起眼。上到茶樓，是典型的中式茶樓，而且位與位之間的間距較窄，會坐得擠迫一點。不過，食物選擇卻不少，而且取價相宜，提高了性價比。點心大致對板，而除了點心外，魚乾炒飯令人有點驚喜。炒飯味香，香脆的魚乾提升了炒飯的口感，算得上是色香味俱全的炒飯，值得一試。雖然不算是十全十美的一餐，但在灣仔可以以人均75元而吃得飽飽的，算得上是性價比高的一餐了﹗

喺附近做完嘢秋風起梗係想打邊爐搵到最近係呢間打邊爐嘅時候我滿心歡喜影左張咁靚嘅相見到佢個湯底都唔錯隻雞完完整整我哋叫咗個醉雞湯底個牛肉我已經叫咗最貴嘅手切牛118湯底都118另外叫咗個黃鱔炸魚皮同埋墨魚滑首先個湯底就正正常常冇乜特別個雞唔算好新鮮，不過都接受到但係個牛肉真係離晒譜！平時攞嚟炒菜心都嫌佢唔夠靚！令我個黃鱔好奇怪，賣相奇怪味道更加奇怪炸魚幾好食墨魚滑正正常常兩個人埋單＄528性價比超低好似食咗一對垃圾落肚咁

今日同朋友去左灣仔這間小茶館飲茶，茶館沒有什麼特別裝修，沒有什麼優質服務，但保留著舊式茶樓的風味。另外，茶館需少，但食物選擇很多，亦很味美，點心亦做得唔錯。價錢還相當合理，相比同區其他茶樓，點心船價錢更優勝。

今日星期六要返回office 加班，中午一時左右経同亊介紹，大家齊齊去試試呢！上到酒樓，不算人多，尚有很多空枱！被安排坐一張普通四人枱，看見點心單張，目不暇給，有很多選擇，價格亦實惠！炒面，乾身，味道OK，珍珠鷄夠大份，多料，白灼生菜，＄18， 一般！蒸排骨，可口，夠熱辣辣！2個人＄132！但進食期間，不斷被2位女待應打擾，她們縂叫新進來的人客來搭枱，其實周圍有很多空枱，人客自然又不太願意，結果次次都拒絕她們的安排，另揀其他心水位置！我們也忍不住話周圍尚有很多大大小小的吉枱，為何遍遍要人家搭我們張枱，她們馬上黑面憤而回應: 「等陣下午茶人多呀」當時只係下午1:30 ！她們繼續重複安排人客來搭枱的動作，我們有小小被他破壞胃口，惟有匆匆食畢走人！不過，下次不敢再光顧，服務奇差！抵食都係甘話！

味道 - 響鈴 - very bad!!! clearly 炸嘅油非常閉問題羊肉牛肉very fresh, but 滾耐D都韌!!!鵝腸反而ok豬夏青 - 口感very good乾吊片 - 滾極唔韌芥蘭出奇地嫩墨魚滑 - very 彈牙!!!加湯嘅時候係加水!!!service ok環境 - 要裝修啦!!!服務 - ok衛生 - ok clean, but old...抵食 - ok la