金灣漁港火鍋

营业中

休息中

我去呢間酒樓都去左好幾年，我都係貪去夠晒平，平時中午時段一至五特登搭電車黎飲茶都抵過係中環。是日係星期六，冇平日咁多人，一黎到就有位，價錢仲比一至五平左，哈! 哈!我同朋友兩個人叫左五款點心都夠晒飽，包括韮菜餃，有三件，韮菜餡料清爽，仲有蝦、豬肉等，餃皮厚左少少，但有QQ的感覺，仲特價9.8一籠，簡直超值。粉菓都係有三件，餡料同韮菜餃有點相似，而且仲好豐富，有花生、豬肉、粉葛等，粉菓皮都係厚左少少，有彈牙的感覺，好滿足。炸腐皮卷，有三件，剛剛炸好，非常香脆可口，唔會食到好油膩，而且事先幫我地剪開左一半，容易夾，唔駛一下子成條食，餡料有蘿白絲、雲耳、腐竹，蝦肉等，蘸埋喼汁特別好味，仲更加突出香味添。 山竹牛肉都係有三件，因為我唔食牛肉，朋友自己食晒，佢話都ok! 好味~蒸鮮竹卷，餡料同炸腐皮卷差唔多，朋友點晒兩款炸腐皮卷同蒸鮮竹卷，可以比較到唔同煮，一個炸，一個蒸，且好重蠔油味，真係別有豐味，始終我都係鍾情於炸腐皮卷多d。

友人係大忙人 星期六也要工作 約佢飲茶 就佢要下午茶 重要近佢公司先會到比了個地址我 我都要找找 原因門面超細兼殘 仲要上二樓 唔留意好易MISS左佢係常客 覺得抵食(平得來食物質數都可以)我地三個人 點了10碟點心 ~其中炸雲吞 咸水角 煎腐皮卷 都幾好味 但唔夠熱灼菜 雞扎潮州粉果 小盅排骨飯 水準一般蝦餃 係唔錯 蝦夠爽皮唔厚最差既係"水晶飽 唔熱 皮厚又硬又少餡 一籠三款餡料 綠茶味超怪味 難入口最正既係"叉燒餐飽 夠熱 皮薄 又多叉燒醬汁餡 超正一提~尼處衛生麻麻 有蚤咬腳外 檯上既杯碟都崩崩裂裂二提~侍應冷淡 唔興拾碟斟茶 想添水既要揚下手 先會幫你加

係灣仔食晏食厭左果幾間，於是搵間新野試下。呢間金灣係商業大廈一樓，但個街道門口係偏埋一邊既，正中間果個係落地牢disco咖，小心！上到去個reception好細，經理話「2位呀...至少等半個鐘喎！」，比佢嚇一跳，再問佢「搭檯有冇？」，回應道「冇呀，搭晒啦！」……上到黎，冇理由咁就走啫，於是就等下啦，結果4分鐘就有位！點心紙上面有埋價錢咖，好清楚。就點了6樣野食：1. 蝦餃王(01)大大粒熱辣辣，皮都ok但係餡就一般，蝦唔係多；不過$15.8算係咁啦。 2. 流沙包(06)皮軟包熱，沙係流既，不過味道仲有得改善下。3. 珍珠雞(05)唔夠乾身，一籠得兩隻份量略為少左d，而且偏咸。4. 鳳爪(11)好似得3-4隻，下面仲好多芋頭薄片同花生。5. 北菰雞飯(61)一個人食一盅就半飽咖啦，雖然得2件雞而且味道甚普通，不過$9.8都抵食既。6. 紅豆桂花糕(74)呢個最ok，桂花夠多而且撈埋杞子，一碟3件大大舊，顏色又靚。茶就只係大眾質素，唔好咁大期望啦。不過係灣仔商業區咁既消費可以坐幾個鐘，都算係咁啦！

就在酒吧街, 一家低价夜总会楼上, 挺有趣的.那天晚上很多人在搞公司年饭, 所以通常都是大抬, 全满, 而且比较吵.我们三个人, 因为其他想去的酒家都满了, 就过来试试. 也没有失望. 菜单选择挺多, 大部分$29.8, 好抵. 两碟牛肉都雪到冰一样, 要放在热汤上解冻, 哈哈. 味道还好, 鱼片也很新鲜...不算高质量, 但也过得去. 点了好多东西, 带了两瓶酒, 没有开瓶费. 跟朋友一边聊一边吃, 由8点吃到凌晨1点 吃完后还可以下去饮几杯, 开心!

當晚五個人叫了一打細枝裝的青島純生，我都唔記得飲了多少枝..................回歸假期的前夕，同事相約吃火鍋，既然大部人也有興緻，也就欣然起錨，這間「金灣」的地點也有點隔涉，要穿過謝斐道的酒吧叢，正值世界盃期間，雖然當天沒有賽事，也見到不少酒客觀看重播，同時門口亦站著不少煙視媚行的女子。同事已訂了九點半的宵夜時段，預早時間上了去，不算很大的內堂，發覺竟然完全爆滿，等候期間也就預先剔選食物，到有檯入座後，由於有同事吃不得辣，立時點了一個冬瓜湯底，順帶一提，在任飲任食的潮流之下，這裡仍然堅守逐碟計的方式，見這樣好的生意額，也不需要跟隨大圍。其實吃火鍋不外乎用料生鮮，那怕只是只沾醬油，這裡的來貨總體來說甚佳，先來一份生雞件，二話不說原碟倒入鍋中，好等湯窩添上味道，肥牛來說不過不失，反而滑牛來得鮮味而鬆化，另有貴妃蚌片和牛栢葉(Albert Ip ?) 等；魚餃可不錯，魚滑可吃出鮮味，而手打蝦丸更十分彈牙。由於是宵夜時段，好多生料亦已經售罄，例如海蝦和脆鯇等，那就改叫鱔片和生魚片好了，口感味道也是不遑多讓，一輪時蔬攻勢後，中後段高潮來了，原來大家也是「雞公子」的愛好者，原碟的大粒

今次係第一次試晚飯小菜, 次次嚟都係下午嘆茶, 星期四晚七點半唔多人, 火鍋居多, 因為唔想食得太飽, 所以叫咗幾味小菜1) 椒鹽雞軟骨 $28 ~ 真係超水準, 雞軟骨大大粒, 香脆可口粉唔厚, 仲要超大碟, 食剩要打包2) 脆皮雞半隻 $58 ~ 一d都唔馬虎, 上枱熱辣辣, 伴碟既蝦片都係炸過架, 雞本身就無乜雞味, 但好彩肉夠滑3) xo醬炒鱔 ~ 鱔炒得唔錯, 味道ok幾入味, 但xo醬略嫌淡口4) 黃金炸蝦 ~ 咸蛋黃略嫌少, 但蝦炸得啱啱好, 連殼食都無難度, 去蝦頭方便食, 蝦都有蝦味, 又係大大碟食剩要打包5) 汽水一罐後記 : 服務真係超水準, 侍應醒目又細心, 值得一讚 二人共消費 : $230

一路,我都鍾意飲茶之前係OP游下游下見到E間,都唔錯.之後就走去試地方唔係好顯眼,因為可能早所以人客唔多一行9人.坐低冇耐就叫啦.點心款式夠多之餘又唔貴等咗陣.點心來啦點心全部係熱騰騰的...食咗好多:蝦餃(好大隻蝦,仲幾新鮮),XO醬煎腸粉(熱辣辣,好香口),流沙奶皇包(好對辦的流沙包),燒賣,叉燒包,珍珠雞,馬拉糕,南瓜煎餅,咸水角,鮮蝦腐皮捲,....好多總的來說.樣樣都幾好食定會再去

朋友在灣仔返教會，相約在適這位置較偏的酒樓茶聚，酒樓位處商業大厦樓上，面積不大座位都排得密密蔴蔴，但客人不算多，環境只是一般，但衞生情况尚算合格，招呼是一般酒樓的水平。叫了多款點心，較好的有小欖炸鯪魚球、珍珠雞和蛋撻仔，排骨則多骨欠些肉，整體點心質素只是一般，最大的好處是夠平價又易揾位。

有朋友到我家玩樂, 响大戰之前梗要先醫肚. 呢間酒樓每逄假期都有全日點心特價, 平之餘仲要唔駛等位<食物>XO 醬炒腸粉, 蝦餃, 燒賣, 菜餃, 排骨, 娃娃菜, 炸鮮魷, 牛肉球, 鳳爪, 春卷, 叉燒酥… 等12款點心水準不過不失, 點心上枱快同熱辣辣, 最啱趕時間而又想飲茶既人(大/中小點 $12.80 / 9.80 / 6.80)5人共消費 $220

好多時我地同事話要做節~就一定會去呢間無他~我地鍾意飲茶!佢個度~好細~一到就黎做節個排一張10人檯充15人用~逼爆~不過佢個度d野好好食~金錢肚一流~又入味~連蘿蔔都食埋~佢d炸花枝餅呀!鹹水角等等都好好食~!正!點心樣樣都好食~我地次次去都幾乎叫曬佢d點心~放心點是但一樣都好ok!要彈既係個流沙包~一時流一時唔流~水準不穩而且d菜真係好少~一碟菜只得半碟~你又唔係收得我平~唔好咁肉酸啦!不過為左佢地d點心~支持到底!

一向甚少參與同事間的午飯聚會,今天又是另一個歡送午飯,無計!如果不是同事帶路,真的不會找到這家門牌不大顯眼的樓上酒家,檯與檯距離果然是較為擠迫,幸好八個人被安排了一張十二人大檯,才有點鬆動!蝦餃、燒賣、牛肉、鳳爪、雞紥、排骨等大路點心全部水準不俗!其中煎炸類中的义燒酥做得最出色,义燒餡的汁料非常美味!干炒牛河、星洲炒米----一大驚喜!足料乾身少油,是近年在吃過的酒樓中,最見厨師功架的一間!點心十七、八籠加兩碟炒粉麵才$450,這個價錢只及去咐近的海x1/3!

十二個同事去飲茶, 我是負責訂檯的人. 要讚接電話的阿姐好有禮貌, 我打去兩次改人數佢都語氣好好.見它訂價很便宜, 小中大點$9.80 - $17.80起, 我們於是瘋狂tick點心我記得應該叫了22-24籠, 其中有:蝦餃皇: 好大只好多蝦肉, 不過皮的部分強差人意, 一夾即爛.流沙奶皇包: 完全欺騙我的感情 不如叫奶皇包算了, 根本沒有流沙, 因為沒有蛋黃!綠茶煎堆仔: 這個okay, 不太膩, 有抹茶的幽香山竹牛肉球: 水準okay, 夠滑嫩, 已經預先淋上o急汁XO醬煎腸粉 $28: 好好吃哦, 每一條腸粉都有沾上醬油, 不是白白的, 夠入味!炸魷魚酥 ($28): 也很好吃, 裹的炸衣夠薄, 熱辣辣, 比起上次中環鴻星的水準更高 但價錢至少平一半.鮮蝦腐皮捲: okay鮮蝦韭菜煎餃: 聽同事說很好吃春捲: 沒吃叉燒包: 沒吃野菇素菜包: 沒有吃燒賣: 沒有吃福建炒飯: 好好吃, 金黃色的飯粒粒分明夠乾身, 表面的獻料有好多小蝦仁XX炒米粉: 也好吃, 勾芡不濃不稀, 口味清淡, 不錯~吃到大家飽飽埋單每人也只是$50, 可能分分鐘平過中環吃茶餐廳啦!素質當然不能要求高,

jul 24, 09來lunch, 11人叫咗 : 1) 酥炸花枝餅 (大)-可以啦,友人話今次佢無咁脆口 2) 鮮蝦腐皮卷 (中)-都脆熱 3) 鮮蝦鹹水角 (中)-都幾細個-呢個無嘜特別-個皮喺軟糯 4) 脆香魷魚鬚-好熱,個魚肚索咗d汁,咬落去時,差點被熱汁燙親嘴-最突出喺個芋條,好綿同好有芋頭味 5) 醬汁蒸鳳爪 (小) -我無試到 6) 潮式蒸粉果 x 2 (小)-無食到 7) 流沙奶皇包-佢個流心程度交足功課,下圖喺已經"攤"咗1陣,涼咗少少都有呢個滴流嘅效果-甜中帶點奶"so"味-所以味道上有少少遺憾 8) 蠔汁叉燒包 (小)-個皮都鬆,但個汁就只有甜味-普通 9) 蝦餃-只食到1/2隻,個皮同個餡都好似對辦咁 10) 鮮蝦炸雲吞 x 2 (中)-呢個我無試到 11) 迷你豉油皇吊片絲炒麵-呢個幾有鑊氣,已經+晒分-麵亦無腍晒,有洋蔥絲同芽菜,增+個爽口度-味道不錯 12) 肉絲炒麵-惹味,個麵都脆口 13) 鹽燒雞軟骨-呢個香口又有咬口 14) 沙薑汁浸鳳爪 x 2 (@hk$18)-我都無試到 15) 脆皮多春魚-無試到-望落都幾大條 16) 荷葉珍珠雞 (大)-太多

同學看完戲後，想吃點東西，於是想起我，看我是否有興趣加入，對於食，我多數來者不拒，大家相約於灣仔金灣飲下午茶，喜歡其地點適中和價錢實惠。大家都很饑餓，遂點了一大堆點心，吃個痛快：金灣蝦餃皇，鮮竹牛肉球，滋補荷香雞，金灣燒賣皇，鮮蝦咸水角，鮮蝦炸雲吞，XO醬煎腸粉，酸辣雞翼湯米線和沙嗲牛肉湯河。本人最怕點心不夠熱，尤其是炸的點心，剛巧咸水角最早送來，真是有點擔心是一早炸好，有落單就立即送來，試一口，顧慮全消，咸水角夠熱亦夠料，酸辣雞翼湯米線和沙嗲牛肉湯河也很快送來，米線酸而不太辣，頗開胃，配兩隻炸雞翼，也炸得香脆，沙爹牛肉並不太辣，倒是香口，河粉亦很好吃，鮮蝦炸雲吞與酸甜汁是絕配，XO醬煎腸粉，吃不到任何XO 醬或辣味，有些醬油炒過，有些蔥花花生碎放面，也很好吃，但收$23 則稍貴，金灣蝦餃皇，金灣燒賣皇，不過不失，鮮竹牛肉球彈牙，滋補荷香雞是杞子蒸雞，嫩滑，三個人已經很努力，但仍吃剩些少。食物價錢與質素都令人滿意，唯服務稍欠慇勤，皆因各人忙於準備晚市，多次開了茶壺蓋也沒有人留意。很高興與良朋共敘品茗，同渡快樂時光。

上星期六同10位朋友在這裡飲下午茶，貪其點心選擇多而且價錢平，我們一班灣仔黨又沒有來過。這裡的下午茶下午2時開始，算合理啦。我們一行人分3轉叫了約30多碟點心，老實說，點心款式夠多，但味道不算出色，只是很普通的貨式，但我們心想這樣的價錢也不要要求太多了，當中的馬拉糕及腸粉算不錯的。我們2點半開始飲茶，但到3點45分，已有職員叫我們last order，10多人飲一餐茶，個多小時未免太急了吧。anyway，我們就last order了甜品，但與此同時，他們亦關了冷氣。我們也不太介意在沒有冷氣的情況下飲茶了，只是環境有點局，一關了冷氣，更有一股怪味。但惡夢未完，到4:20分，桌上還有多碟點心未吃時，他們更關了燈，不是關一兩盞，是我們那個位置全黑的，看不到桌上的點心。於是我們大表不滿，叫他們開燈給我們吃點心，一位女職員跟我們說4時半要清場set晚市，但之前沒有人告訴過我們呢！如是者，我建議不要設下午茶時段好了，我們坐了兩小時還未夠呢。於是我們互相不滿了一段時間，她見我們不罷休，才叫人開燈。最後，他們開了我們桌頂那麼的一盞燈，此時更有其他職員大叫「點解要開返的d燈？」，我們坐到4時半便唯有走人