影片
以上资料只供参考，请与餐厅确认详情
前排黎開呢邊搵野食，行到餐廳門口見到入面有隻貓，咁就比佢吸引左入去，入到左個常餐，豬扒火腿太陽蛋面加凍飲都係40蚊。味道ok,非常抵食。隻貓貓好得意原全咁驚人。
继续阅读
市井茶記，兩點開始下午茶，深受街坊歡迎，特別時男街坊。更喜歡的是店內稀有地長期在播有線新聞台，有品味，大加分。另外一眾男伙記鐵漢柔情，每枱去叫客人去睇睇隻爛瞓貓，客人同伙記們又會好溫柔咁摸摸佢，而作身為招牌貓店長，當然要做好公關，任摸唔嬲，就算客人坐正旁邊都悠然自得。下午茶吉列魚柳沙律，新鮮熱辣炸起，很香脆。旁邊那pat沙律醬面層風乾了，有點不太討好。沙律只有紅蘿白和薯仔，兩者都很硬。不過可以任坐又有午後陽光，爽。
继续阅读
經開呢頭食lunch，叫左個午餐。叫左個碟頭飯。個枝竹火腩飯幾正同幾有鍋氣，啲枝竹同火腩又炆得夠淋同入味。杯茶就一般般，我叫既凍檸茶糖水味多過乜。如果杯茶重啲茶味，就岩晒我心水了
继续阅读
金百利, 印象中呢區住咁多年只係食過幾次呢間其實做左好耐下, 地方算寬敞, 裝修就舊d, 但又唔係懷舊風佢地熟客好多, 有司機哥哥, 地盤工友, 賽馬日更加多人十二點半左右入去, 基本上個個卡位都有人坐, 我撘人地枱, 四人枱坐對角點左午餐, 意大利汁龍利蟹鉗飯+例湯+凍啡例湯: 冬瓜煲豬骨, 火喉唔夠, 飲左半碗算意大利汁: 茄汁+香草+洋葱, 少少酸幾開胃, ok既龍利柳: 睇唔出係一塊定兩塊, 因為黎到已經碎碎地, 本身無魚味, 亦無口感炸蟹鉗: 外面炸到橙黃色, 好脆, 但入面一pat野, 唔知自己食緊乜, 感覺上有少少核突凍咖啡: 一入口, 哇, 點解酸既午飯$43+凍飲$2
继续阅读
餐廳就係學校對面，同同學一齊食lunch，嗌左份茄汁吉列豬排飯，豬排份量多，唔會薄而且係即炸既。之後有次去到就嗌左碟乾炒牛河，牛肉份量OK，而啲河粉又唔會話太油膩，下次會再去幫襯。
继续阅读