影片
港铁北角站 B1 出口, 步行约3分钟
继续阅读
开饭介绍
提供中式料理丶粤菜及港式饮茶的餐厅，款式多样，包括地道茶餐厅食物如餐肉蛋出前一丁丶西多士丶乾炒牛河丶叉烧炒蛋饭等。下午茶餐大份，价钱相宜，性价比高。
继续阅读
营业时间
星期一至六
06:30 - 22:00
星期日
全日休息
以上资料只供参考，请与餐厅确认详情
係北角英皇道有好多食肆，只計茶餐廳已經唔少，近港鐵站既都比較貴，所以行遠少少去左一間墮角既茶餐廳，照計就會平啲(其實附近都有間，不過貴啲)。外表一間正正常常嘅茶餐廳，入到去環境一般，尚算乾淨。由於早上時分比較多人，而餐廳多數係四人枱，所以就撘下枱啦早餐由26元至46元，我就叫咗個最常叫嘅32元既港式早餐。麵既湯底味似忌廉雞湯或濃湯寶啲friend，不過呢個已經係大部份茶餐廳會做嘢。至於有别附近茶餐廳嘅早餐，就係個包唔係普通方包，用咗酥皮包，奶茶亦中規中矩。整體來講，係一般茶餐廳應有水準。不過價錢方面，就平過附近5元左右，聽落唔係好多，但換算百分比就平10幾個％。加上而家外賣有折，性價比就一再提高。
继续阅读
每次打風落雨叫外賣 個啲一定炒晒車，叫返茶餐廳記實無死，公司係鰂魚涌，但位於北角嘅金百皇都會送過黎，唔洗用apps,就咁打電話去叫就得（雖然佢一個餐都送，但最好叫多幾個啦🙈）.常餐+凍檸茶$49常餐好豐富，有丹麥多士+雞翼（一時2隻一時3隻）+炒蛋+麵 （最推沙嗲牛肉，今日試嘅雪菜都好好味）多士會淋左少少，但外賣好難避免，雞翼好香，做到外脆內軟，啲肉唔會乾爭爭，炒蛋份量好足，不過一定熟晒唔係滑蛋.難得佢有分埋湯，啲麵黎到都唔會淋晒🥰
继续阅读
星期六同屋企人去開北角 見呢間幾抵食 諗都冇諗就入左去環境一般 有d舊 當日坐卡位 都幾闊落。當日叫左個焗白汁海鮮飯 本身都好期待 因為之前屋企人尼食過話唔錯 點知最後真係好失望😫 未試過食咁淡嘅白汁焗飯，炒飯都比較乾身，海鮮份量唔多主要得啲焗魚枊。好在杯熱茶走都唔錯 幾香滑 總算有一樣野冇令我咁失望😭 另外外賣叫左個乾炒牛河 味道一般 包野飲 不過不失同埋唯一好既係上菜好快 店員服務態度都要改善下應該唔會再encore呢間餐廳了
继续阅读
星期六去做完野又唔想返屋企住(重點是避雨)奶油包就去左屋企附近既金百皇坐低一見到有蛋牛治奶油包立即雙眼放光無他既...因為奶油包實在太鍾意食蛋牛治而且呢個下午茶餐仲可以配紅豆冰唔叫佢實在對自己唔住蛋牛治一上到枱奶油包就想話真係好真材實料大大份既蛋牛治麵包厚，蛋又厚，咸牛肉又夠多味道方面...因為係Fix左既野所以同出面係一樣既純粹份量真係好大份唔似有D出名既大型連鎖茶餐廳咁細細份而紅豆冰既紅豆都大大粒份量又唔會太少紅豆冰係偏甜左少少既不過食得紅豆冰就預左佢會甜
继续阅读
今早遲了起床，又不想煮就落樓下叫賣，之前從未吃過，今次第一次食，就叫了幾道菜。推介菜：鼓蒜生炒涼瓜：豆鼓＋蒜蓉都是第一次吃，味道不錯，涼瓜新鮮爽口，不會過淋。瑤柱欖菜肉碎炒飯：雖然簡單，但炒出來味道不錯，夠干身，之後去了超市買了樽欖菜，有時間會自己試試。價錢：午餐外賣85折，抵食！
继续阅读