金禾田餐廳 (已結業)

昨天到了位置在觀塘旺區的金禾田餐廳， 這是我第五次到了，因為這餐廳地方比較大，舒服而食物是合格以上的， 我個人最喜歡這個芝士蝦烏冬，芝士濃濃， 食物新鮮又好味！ 配上南瓜湯和熱飲，價錢$50 ， 可靜靜坐著欣賞旁邊有二個大魚缸的小魚。到這金禾田餐廳聚餐和聯誼都不錯。 金禾田餐廳地址：觀塘巧明街110 號興運工業大廈一字樓B2室 電話：2345 5838 (觀塘港鐵站A2出口經aPm 商場，步行只需約3分鐘，即觀塘種籽書室同一層)

只係貪佢近近地公司對面就幫襯下，佢既食物雖然好多選擇，但味道就好一般，烏冬黎講比較好少少， 同埋佢個燒春雞沙律好少少外， 其他就無咩特別，最差就係飲品，佢d咖啡比較難飲， 呢間野真係要改進下！

好多時食lunch諗晤倒食嘜，同事同我都會去金禾田，因為勝在就腳近公司，但係除左佢地嘅燒春雞沙律之外，其他食物我都覺得麻麻地。燒春雞沙律🥗今次就晤多掂，燒雞燒得晤夠香口，好似食緊滷水咁🙄而且隻春雞細左成個碼咁🙄沙律都係一般嘅水準，有新鮮蘋果粒、粟米、同埋一啲罐頭嘅生果。金禾田最敗筆就係呢度嘅水吧，近乎除左熱檸水較正常，其他飲品都晤多掂。

今日同朋友行完街，係觀塘搵野食朋友介紹呢間餐廳話好安靜，方便傾計我叫左個鰻魚定食價錢又好吸引唔算好貴出面普遍都要$90～$100不等佢仲包餐湯同飲品我叫左個中湯老火湯，入味又唔會太多味精主角出場啦鰻魚都好大條好長我個人真係好鐘意中間既泰式醬用黎配飯開胃另外朋友仔叫左個豬頸肉女仔就係有兩個胃甜品時間推推推芒果芝士蛋糕

同老公3年前拍拖時 , 有個親戚帶我地上去食過 , 記得好多餐揀既 , 今次去見有雞扒餐 , 老公要西冷扒餐 , 我見餐牌雞扒(黑椒汁) , 我唔受得黑椒味 , 老公叫店員走黑椒汁 , 店員話可以揀蒜蓉汁既 , 但來雞扒先知雞扒係用黑椒汁掩左 , 老公叫我試味唔受得就同佢對換牛扒 , 我食一口雞就係"鞋"加埋黑椒陣味 >.< , 老公就鍾意食鞋既肉 , 所以大家對換啦 ,  另外跟餐加$20有芝士餅 , 淨係我個餐加 , 店員話有幾款餅揀 , 有藍莓 , 榛子, Tiramisu , 我揀榛子芝士餅, 個餅都實心 , 好咬口同夠芝士味 , 成晚最正既係牛扒同芝士餅....環境都寛闊 , 一班朋友聚餐會有氣氛 

［休閒小聚］住咗觀塘多年嘅人可能知道佢嘅位置，但係少去觀塘嘅人或者都唔知有金禾田，提供一個舒適地方可以閒聚休息，又可以品嚐下午茶。其實地點算就腳，只要從apm經巧明街出口行大概5分鐘就搵到！

Team Lunch諗唔到食咩好，有同事介紹依間餐廳話乜都有得食，唔洗煩揀咩中餐、日式定西餐，見未食過就去試下。位置係正APM後面，759隔離就見到有招牌，沿樓梯上一直都未到，可能因為周圍環境比較舊，感覺怪怪地好僻咁...行到最入先見到門牌鋪面裝修似舊式西餐廳，一半係卡位一半係普通長枱，1:15去到係坐咗半個場，唔駛預約都應該有位~餐廳整體燈光比較陰，加埋冇乜裝修，感覺似茶餐廳+舊西餐館。如果係節日慶祝，就唔食依間喇...原本日式定食係寫明配麵豉湯，點知落單個陣員工話「以後都冇麵豉湯」，我地聽到都笑咗冇又唔改餐牌...揀咗蘑菇湯，都幾重菇味，不過略嫌唔夠濃郁，入囗囗感稀同淡味，如果再加多啲蘑菇蓉會好飲好多睇餐牌真係有好多款，由A-Z再排埋數字最後揀咗雞扒定食，諗住叫個最安全嘅野食，點知一上枱真係估佢唔到！賣相好唔得，竟然其中一格放罐頭桃+兩粒車厘茄，超奇怪中間個格放酸辣醬...明明係日式定食，點解會比依個醬架唔理賣相，前菜中華沙律同螺肉正常冇特別。雞扒份量唔少，不過唔嫩滑同埋比較乾身，冇乜調味，淨係完個雞扒已經飽7成啲飯真係好多，應該唔止一碗飯，只係食一半已經太飽...最後冇食到個「飯

《坐得舒服的多元化餐廳》觀塘區食飯真係好多人，如果多人，又撞正繁忙的lunch hour ,有時真係排隊排到想死！不過呢期發掘左一間好大又舒服的餐廳，而且佢有中，西，日式菜，可以滿足到唔同人的口味，所以好推介觀塘返工嘅人。今次，我叫左個日式豬骨湯烏冬配日式雞串餃子🥟$48烏冬大大碗，🍜份量好足，而且烏冬彈牙滑口，仲會菇類粟米配菜，最重要個豬骨湯底沒有味精，不油膩。日式雞串有3條，煎得嫩口，用燒汁煎，所以好好味。餃子煎得香脆不過會較油膩，配返甜酸汁就減少油膩感👍朋友就叫左個西餐西餐會有西湯送，今日係送蘑菇湯朋友話蘑菇味道濃郁，有好多蘑菇碎，好creamy👍意粉好多汁，而且蕃茄味好濃郁好香，不過大蝦就好似overcooked ,所以有少少鞋口。餐牌⬇️

星期五下午同朋友去食個lunch, 呢間多元化餐廳就岩哂，中日西式都有，迎合唔同人的要求🍴餐牌👇👇食物選擇多元化，同友人叫左一個西餐同日式試下先🍴西式會有送埋個西湯，蘑菇湯係絕對推介蘑菇味道濃郁，有好多蘑菇碎，好creamy👍意粉軟硬適中，食落彈牙🍝，而大蝦就麻麻地，火候過左少少，有少少“鞋”口，但份量就幾多蕃茄汁🍅煮得幾濃郁，蕃茄味幾香，不過略嫌唔夠酸日式烏冬大大碗，🍜份量都幾足湯底好香豬骨味且不油膩😋，味精味較少烏冬彈牙滑口，仲會菇類粟米配菜日式雞串煎得嫩口，配埋燒汁十分惹味😋餃子煎得香脆不過會較油膩，配返甜酸汁就減少油膩感👍總括黎講: 餐廳食物多元化同質素中上，一大班朋友各有選擇都唔怕🍴而且又坐得舒服🍳🍴味道: 8/10👩👨服務: 7/10🏠💺環境: 7.5/10💰💸抵食: 8/10總消費: $107 (2人)

大約有半年無食拉麵,突然想食佢既雞扒⋯⋯雞肉嫩滑，好回味！湯底濃郁,一吃愛上下午茶來到叫了一個...十分鐘呢個拉麵已在面前睇買相已經好肚餓,雞扒有幾片，但係就非常嫩口，中間見到緊緊熟。湯底可選擇豬骨、蕃茄、地獄等等。而小弟選了地獄湯底...因為生活好似在地獄裏！拉麵麵身帶軟,但不會太淋. 血池地獄湯底香濃....不會太辣, 應該適合大眾呢度地方好大，卡位又多！一條友下午三點來到坐成個下午！完全沒有人趕！三十五元低食

星期日睇完《蟻俠》早場已1點多，商場周圍都係人，唔想同人迫，選擇行去工廠區揾食，見近近地便來此店嚐一嚐。我們一行三人，每人點了一個餐。蟹子、三文魚手打冷烏冬，烏冬彈牙，醬汁惹味日式咖哩牛腩飯，咖哩汁香濃，牛腩淋滑。大蝦茄汁燴意粉，顏色比較淺，蕃茄味較淡。忌廉薯蓉湯。整體食物質素不錯，午餐只是五、六十元，夠經濟實惠。

又到食午餐嘅時間，真係諗唔到食乜。同事話想食新野，所以揾間未試過的餐廳，金禾田試一試。呢間餐廳尚算隱蔽，幾經辛苦終於搵到了。間餐廳面積大，座位都好好坐。佢個lunch set有三十幾樣嘢，選擇相當多。當中只有烏冬拉麵比較有興趣。秘製豬頸肉湯拉麵，聽到就有驚喜啦。但來到的時候，真的有驚喜，感覺上係中伏。啲豬頸肉加上泰式辣醬，味道奇異，相當一般！至於個拉麵嘅湯底，味道不過不失，不算濃也不太鹹。最後感覺杯凍奶茶係比較好飲㗎 ！

新開不久的西日餐廳, 在樓下派傳單, 於是去一試。賣的是西式和日式餐, 但整間店的感覺很港式, 就是茶餐廳....而且有殘舊的感覺...食物也真的一般, 沒有港式茶餐廳的地道美食/風味, 更沒有西餐/日餐應有的水平....有點三不像....煙三文魚沙律配薯角薯角一般, 沒什麼特別。沙律有些是苦的, 同埋菜食得出不够新鮮。煙三文魚沙律配薯角非常港式....吞拿魚結成一塊塊, 沒有質感, 只是個好普通的港式白汁長通粉....就OK的就是薯蓉湯。試一次够了, 唔會有下次。專注做好一個style的食物先啦.....

觀塘見完客，急急腳醫好過五藏廟。同事介紹樓上舖有好嘢食，中午一點多竞然吾滿座，還有很多位，心知不妙。睇完整個餐牌，什麼都有得吃，心裡再涼一節。穩陣起見，就叫個照燒雞排便當，應該吾會差得去邊。點知即刻給你一個驚喜，侍應說沒有麵豉湯，取而代之是磨菇紀廉湯。OK,OK; 好一餐，吾好都係一餐。說時遲 那時快，便當就系你面前！一睇中間盛着竟然是酸甜汁，到了這地步，都吾駛再寫下去，大家都可以想像到味道是怎樣，譲我省點文筆吧；唯一能賺到一粒星就是件罐頭蜜桃，無言！

好耐好耐以前幫襯過晚餐，放工路過諗唔到食咪試下佢。行到人去就即刻閒到魚缸味，啱啱佢又安排我坐係金魚缸隔離，即刻醒起點我我冇在幫襯，本人唔係好like“養魚“味坐底左先知冇曬西式下午茶，冇選擇之下叫了地獄雞扒烏冬。 都預左唔會好好食，烏冬一上枱，好茶記feel,賣相唔吸引，味道一般，不過佢價錢又唔貴既，不過我請願去真正既茶記食la。為一既優點係待應姨姨比到人襯切既感覺。不過我就唔會再去，陣養魚味我接受唔到