金禾

营业中

休息中

中環嘅餐廳通常都係貴夾唔飽，有時一個人想食飽啲都唔知食咩好，今日呢間金禾絕對係你嘅平靚正之選。叫咗個籠仔荷葉豉汁蒸排骨拼臘腸蒸滑雞 （$73），見個名咁長就知佢足料又抵食啦首先用籠仔荷葉蒸，令個飯充滿住葉香味，排骨又整到好林好入味，雞又夠滑又夠雞味，排骨同雞汁都滲入飯入面，食到停唔到口。另外仲有大大條臘腸，加埋落去簡直畫龍點睛，令個飯再加多重臘腸味，直情想添多碗飯👍🏻👍🏻另外杯奶茶都好好飲！ ！整體來講質素上升，價錢又唔算貴，係你喺中環嘅平靚正之選

第一次食呢間，去到只收現金八達通，於是我就數現金俾佢，前後5秒鐘，個收銀就即刻黑面，之後佢找錢俾我又大大力咁丟係台到，非常冇禮貌，唔尊重。食物質素非常一般，我叫左清湯雞絲金邊粉，又細碗，10分鐘食完，清湯感覺有味精，雞絲少，金邊粉普通，唔會再食。

同朋友去中環行咗陣街行完都8半 好多舖頭都9點關門.呢間茶記原本openrice 寫已經關門諗住放棄之制有店員向我地揮手已經就關門 原本想叫口水雞都賣晒有呢個蜜糖玫瑰雞店員仲俾咗個口水雞醬我地試一雞兩味😂😂😂.呢個雞好滑 有少少酒味係中環夜夜地又搵到平民美食好難得😭

Taking over the cafe September on Wellington Street, 金禾 Cha Chaan Teng is a local cha chaan teng that serves inexpensive quality food in large portion. I had my lunch box with me, so that I was able to keep some rice in it for takeaway.I came for this Poon Choi for one. This little pot of gourmet is perfect for solo diners (and sharing of course). For HKD$70, you have pig skin, radish, squid, chicken, roasted pork, fish ball, roasted goose and veggies in the pot. On top of that, you also get a b

講番小小背景先，本身由金禾係半年前開果時已經支持開。果陣時覺得呢間野新開，試下新野都覺得d野食唔錯，又黃店都經常去支持。本身係附近番工，我同我同事一個月番20日工差唔多10日都過來，本身打工仔食飯時間唔多得1個鐘都唔得閒慢慢食，最鐘意就係佢比我揀食早餐or 午餐，最鐘意就係食果個雞翼米線🍜又有多士又有腸蛋咁，價錢又幾好4x就可以埋到單真係幾好。但係。。。。原來呢度只係表面功夫做到足。事緣前幾日，又好似平時咁同同事去食啦。咁我就叫午餐，我同事就叫早餐。我就叫左4號啦，個問題就係同我一齊來的人食完個早餐我個飯都未到。我等左足足45分鐘都未到係咩問題。我已經每15分鐘問個帶眼鏡阿姐一次嫁啦，佢就咁答我 新鮮炸係咁嫁啦。我問佢仲要幾耐就死都唔答，喂大佬呢到邊區大家時間有限，你同我講要幾耐我轉另一樣，或者你同我講唔做我生意都好呀，係到模棱兩可話追緊嫁啦係咩意思先。本身一入去見到d餐牌價錢貼曬貼紙都知加左價。錢💰你就識加，個是日午餐都要咁樣玩法不如算啦好無。正常普通上菜時間最長都係20分鐘，45分鐘新鮮雞都殺埋啦。我大機會估都係d正常餐廳會用果d伎倆，等多d人叫一次過整果種。未試過食飯等咁耐仲要最

【黃店推介 - 中環平價茶仔 - 金禾茶餐廳】🐷🐷 💭呢期豬仔少左出街玩🥺, 多數都係老豆返工先會係外面食飯, 所以今日又嚟推介一吓中環和你lunch 嘅好選擇!! 今次介紹嘅呢間茶仔set lunch 有老火湯/凍熱飲, 價錢平均都係$5X-$7X, 每日精選有4款, 每日唔同, 但入面一定會有小炒類/煲仔菜類/籠仔飯類, 另外仲有OL最鍾意嘅常餐, 價錢$5X!! 而好多人會突登黎食佢個鹽焗雞飯同籠仔肉餅飯, 套餐價錢都係$6X-7X!! 🐷🐷💬1⃣招牌鹽焗雞飯+ 老火湯 ($65)一場嚟到就梗係要試吓佢個招牌菜啦, 見到有差唔多一半食客都叫呢個雞飯, 先嚟個湯, 今日係蕃茄薯仔煲豬骨湯, 都有唔少湯渣, 仲有D菜係入面, 好健康! 雞飯好快亦都嚟啦, 主要靠沙薑鹽焗雞汁釣味, 沙薑味唔算好重, 但都夠咸好惹味, 薑鹽焗雞汁仲可以用嚟撈飯食🤣而雞件就幾大份, 有翼有脾有雞胸, 特別幾舊雞脾肉非常嫩滑!! 鹽焗雞唔係好多地方有得食到, 而且整得唔錯又唔貴就更少, 而佢仲係黃色良心小店, 冇理由唔試吓佢啦!! 🐷🐷💬2️⃣砂鍋電吞雞配白飯+ 老火湯 ($70)聽個名係出面食

是日放工7時左右，途經中環威靈頓街，被餐牌上的蜜糖玫瑰豉油雞吸引了，即決定吃個簡單經濟晚餐。蜜糖玫瑰豉油雞果然沒令我失望，點的是雞王之皇$70晚餐，份量比我想像中大份，可選餐湯或餐飲，中環來說實在是非常抵食。蜜糖玫瑰豉油雞其實可單點半隻或一隻，半隻價錢是$140。豉油雞肉質尚算鮮嫩，透著淡淡的玫瑰露酒的香氣與味道。另外點了是日金禾晚餐，豆腐炆斑腩煲，冷冷的天氣吃熱騰騰的煲仔菜實在溫暖人心，味道ok。值得一提的是餐廳店員服務態度良好，只是回頭一望電光石火間與店員有眼神接觸，店員就立即問是否有任何需要，反應實在非常快。

weekday中環放工屋企冇飯食 就去左金禾試下佢個dinner 晚上都比較人少 唔洗等位 天氣有d凍就叫左煲黎試下叫左一個沙dad肥牛粉絲煲既set dinner連湯 白飯同飲品個煲好夠料 同埋入味 肥牛既唔算太肥 比例剛好 同埋有好多菜 唔係超級咸 粉絲索晒d味 好味gf叫左個魚香茄子煲 一樣好足料 多茄子 同其他配菜 最好味係個d肉碎 撈飯一流 兩個煲底都好熱 應該係即叫即整 連個中湯都好多料 大碗唔洗200蚊有找 係中環價錢合理 質素高

放工後好肚餓，所以就近近地去中環食晚飯。原本想食附近另一間餐廳，但竟然7點就收左舖lu。所以，我地就喺附近行下，見到呢間金禾望落好似ok，就入左去食喇。一睇餐牌，發現呢度原來係出名食鹽焗雞，就諗住嗌啦。但睇睇下，發現佢個下午茶餐做到8點，$60有炒粉麵飯加例湯/餐飲，幾抵，所以我地就叫左一碟豉椒排骨炒麵、同一碟星洲炒米，加兩碗例湯。今日嘅例湯係西洋菜湯，清清地，幾好味，飲落仲覺得佢係應該冇落味精架。豉椒排骨炒麵都ok，排骨煮得啱啱好，唔會硬。麵亦炸至脆身，撈埋汁一齊食，亦軟亦脆，口感一流。調味亦做得好，唔會太鹹。星洲炒米就最吸引，一食落就知佢夠鑊氣。調味料好豐富，帶得出星洲炒米嘅濃厚咖哩味，而且佢仲係甜甜地架，令到佢味道好特別，值得一讚順帶一提，我見到隔離枱嘅鹽焗雞好似好好味咁，下次真係要試一試！

等小朋友放學食乜好呢行吓行吓被最強常餐鹽焗雞吸引就入咗嚟呢間茶餐廳叫了鹽焗雞翼米粉加腸仔蛋多士凍齋啡唔記得叫走甜佢哋都好好可以幫我換食到一半發現唔記得帶現金好彩可以八達通買單鹽焗雞翼香，但浸左落個湯米度就冇乜味。服務還算殷勤友善。

Lunch 諗唔到食咩就去茶餐廳啦！2個人叫左2個午餐,一個係咖喱雞飯，一個係肥牛炒烏冬。一杯奶茶，一杯利賓納。食完之後好飽，佢d雞都有好幾件，薯仔都好腍下，好食。個炒烏冬係最正嫁！雖然用好多油炒,不過好有鑊氣。

我喺附近返工，其實已經來過食幾次，都係食鹽焗雞同埋口水雞；相比起來鹽焗雞好味啲，口水雞好似唔同出面啲材料，佢話佢係秘製配方，但我就覺得唔係咁正宗，鹽焗雞隻雞就幾滑，同埋算係好大碟，雖然都要六十幾七十蚊，不過中環食嘢係咁上下啦，但係我唔可以再飲佢嘅奶茶啦，飲完夜晚瞓唔着😅講真呢兩條街一向貴，咁我寧願食呢間都唔食翠x or 太x 啦，值得一讚係呢間啲職員好好禮貌，即叫即到；下次唔食雞啦，試吓食佢其他午餐先

俾錢食飯要受侍應氣又要頂著一邊食一邊俾人叫你交枱的壓力中午吃飯，未入去下坐已經要落order，坐下後15分鐘我同事個餐到了但我的仍未到！再崔單，前後我足足等左25分鐘先有飯開。食左10分鐘，有個侍應哥哥走埋黎開始催我地交枱。係不停被催迫之下食完個飯，正係我打算飲埋杯只剩下2/3的凍咖啡之際，果位侍應突然加緊攻勢係3分半鐘內再催左我地3次。最後，呢位侍應仲講：「如果你有需要的話，我可以俾個紙杯你裝著拎走！」。成個過程我感到不停被催趕，同時不被尊重。自問無食得慢阻佢做生意的意思，同時呢位侍應不斷用「命令式」的語氣叫我地交枱，仿佛我地做錯事一樣。作為一個消費者，如果只係俾錢買食物我可以有好多選擇。我地黎得茶記食已經唔預期有非常好的服務但仍然係俾錢買服務。至少俾返一定尊重丫而唔係當我地好似社畜咁，你俾完飼料就趕豬咁叫人埋單。我講一句反映一下，佢講3句頂轉頭。只能講服務真心好差，好差，好差。

朝早肚餓，公司附近啲早餐又食到厭，想試下新野，聽啲附近番工既朋友講，以前灣仔金禾搬左嚟中環，距離公司又唔係好遠，一於踩下場試下先。餐廳整體都好乾淨，坐位又唔會迫，可以舒舒服服咁坐係到嘆下，門口玻璃唔會擋住啲日光，唔似普通茶餐廳有啲暗，餐具紙巾都好齊全咁放係枱上面，唔洗下下問人拎。食物方面，今次我叫左個早餐C，大大個奄列加個牛油多早餐食完人都醒神啲，而且㕑房係開放式既，望到個㕑房既潔淨程度，食咩都放心啦。

中環又有新餐廳啦...又係茶餐廳呀。不過今次呢間除咗有平時啲茶餐之外，仲有佢地招牌嘅鹽焗雞雖然得未食過呢間餐廳，但之前行過已經見到lunch time 時間好多人排隊，應該都唔差嘅中西有三寶 📍$65有2款三寶飯，我就選擇咗鹹蛋，叉燒，紅腸，鹽焗雞飯 👍份量好多，我諗下次黎要叫少飯，啲飯多到呢 🙈。呢個餐一定要提提個鹽焗雞，真係整得好出色... 惹味得黎啲肉又唔會鞋，正呀～ 不過啲叉燒好似肥咗啲，大舊咗啲。同店主反映咗，佢話原來可以落單時要求瘦啲架，下次識做啦!