影片
港铁元朗站 A 出口, 步行约8分钟
继续阅读
营业时间
星期一至日
18:00 - 02:00
以上资料只供参考，请与餐厅确认详情
招牌菜
元朗地膽推介的好味蟹粥，隱沒在眾多的元朗食肆裡，要花一點時間尋找。一旦找到及吃過一口粥後，一定不會後悔。尤其是在這種微涼的天氣下吃一口暖暖的粥，咬著厚實的蟹肉，實在是幸福啊！粥底十分綿，又帶米香，加上蟹的精華，真的是停不了口，一碗接一碗。同場的串燒亦很不錯。燒豬腩肉看似肥，但咬下去卻是爽口到不得了。輕輕用鹽調味已經很足夠。燒茄子佈滿燒得脆脆香香的蒜蓉，但同時保留著充足的水份，完全不乾。燒菠蘿則是甜美多汁，要靚菠蘿才有這種效果。燒紫薯甜甜糯糯的，當甜品吃也不錯。
继续阅读
一直都想同朋友試下海鮮粥底火鍋 但元朗選擇好似唔太多朋友係facebook揾到金稻園有粥底火鍋食就book位諗住試下！老細好細心問我地有無咩海鮮想食 然後佢地會去街市揾時令海鮮 估唔到有咁好服務但最好前一日要book位！個盤仲砌得好靚 海鮮食落都好有鮮甜味 食得岀係新鮮唔係雪藏海鮮☺️食到最後加埋個粥膽落個鍋到煮 啲粥吸哂海鮮既精華 尤其係啲蟹 綿得嚟又甜🤤4個人每人食左200左右 無一般食火鍋咁heavy又好食👍🏻
继续阅读
今晚5個人去食，叫左個四人餐再散叫左啲串燒呢個蟹粥都值得一試，幾鮮甜燒五花肉就一般，雞髀菇就可以唔叫，其他都好味燒豆角同燒蒜芯都有驚喜，好脆好味～牛舌同蒜香燒茄子都大推～蛋糕自己拎去既，唔係菜單入面，哈哈～再送上幾張近照，哈哈～因為有啲重覆叫就無影，五個人食左920左右～都好飽，有下次
继续阅读
「星期日晚 媽媽帶隊去元朗搵好野食🤓」吃貨跟媽媽去又新街 #金稻園😍一次過食海鮮砂鍋粥🐠🦀同串燒🍢一定要去食砂鍋粥，內有三點蟹、基圍蝦、鮑魚仔，超足料，大大煲，綿綿粥😋老少咸宜🙆🏼.仲有好多海鮮，值得一試。1️⃣蒜香炒海蝦，大量香蒜，炒海蝦，香口🤓2️⃣香辣汁炒花甲👍🏻個蒜蔥汁好好味😁3️⃣燒海蝦，用鹽燒海蝦，保持蝦的鮮味。4️⃣干煎黃立倉，煎得香口，而魚肉亦不會太乾，肉質實😋.仲仲仲有一大量串燒😝燒原條茄子，爆多蒜蓉舖面，燒得好脆個茄子面😆👍🏻燒芝士蛋、燒雞軟骨、燒雞皮、牛舌、豬腩肉、長洲大魚蛋、燒翠肉瓜、韭菜、四季豆. .金稻園元朗又新街37-51號富裕閣地下14號舖
继续阅读
老友話帶我地去佢既飯堂，所以我又走左入元朗搵食。呢間小店如果唔係老友帶路我一定唔識捐窿捐罅咁搵，雖然鋪頭細細，但係坐得都幾舒服。我地嗌左個4人餐，包個海鮮砂鍋粥，12串自選串燒同埋4罐汽水或者2支大青島。我地揀左飲汽水再嗌多少少串燒，沙律同小食。先黎個蘿蔔雞翼尖，佢冇B仔咁辣但係又好入味，再黎個沙律，我覺得好好食，佢d蔬菜好fresh好爽，加埋d芝麻醬芝士粉好開胃好yummy😋😋。再上埋d串燒，d串燒都好味，唔會燒得over，而且佢既調味都好arm我✌🏻️仲有d平時少食到既食材tim，好似係長洲大魚旦咁。好值得推介佢既燒菠蘿，真係好好味呀👍🏻👍🏻👍🏻👍🏻反而佢個燒雞泡魚干就麻麻地，燒得過左火，有d硬🙈🙈🙈佢個炒魷魚鬚見到都覺得正，成個蒜香山咁，食落超蒜香味☺️，最後，我覺得佢個海鮮砂鍋粥真係冇得彈，超鮮甜，足晒料，一食再食三食呀👍🏻👍🏻👍🏻👍🏻👍🏻我終於明白點解呢度會成為我老友既飯堂，佢真係冇介紹錯😉
继续阅读